TIMOTE 6:9 - Bafia Nouveau Testament

⁹ Kìɓan kifog ɓɛ̀roɓɛ ɓɛɛ̀ kɔ̀nkɔn lɛ di ɓaa kumi, ɓɛ ti ɓɛ kpilàg ɓi mɛ̀fèèghrɛn rì ɓi fìram fi lɛ ɓɛɛ ɓa rì zày ì ɓìɓan ɓi ɓiyèg rì ɓi ɓeɓtɛn ɓi ɓi ti ɓi pikì mum ɓi rìɗyaŋ rì ɓi rìwu.

TIMOTE 6:9 Iomraidhean Croise

MATYOO 13:22

Ŋwaànɛ à ghaɓkà boo ì ɓyom ɓi nyìinyìm à ɓìkàrag yɛɛ ri roànɛ à woogh jɛ̀ɛ̀ ì Bɛ̀ll, kìɓan kifog, cɛɛ̀-ǹɗem à cɛɓ ki ɓi ziinɛ, ɗì rìyɛ̀y ɗi ikum ɓi laatàg jɛ̀ɛ̀ ìnɛn, ɓi ki lɛ, yɛ̀ kɛɛ̀ wum ɓiɗùn.

MATYOO 19:22

Nni yɛ̀ɛ dɛlì ìnɛn ì wokà fɔlɔɔ, nni ì ghaghìghà rì bim, ɓisuulɛ ì ɓaghà rì ìkum lɛɛ̀gwey.

MATYOO 26:15

à tɔg ɓɔ lɛ: Cɛ kɛɛ̀ki ɓì rì mɛ̀ ɓiì faà di ǹfaa mìni nyi? Nni ɓɛ̀roɓɛ̀n ɓɛ peeghà nyi mɔ̀ɔ̀ni tìraŋ̀ rìtin ɗì ǹtɛ̀ɗ.

MATYOO 6:19

Kɛ̀ ɓi saasaɓtàg ìkum win fɛ ɓi ziinɛ jàŋ inɛ Zyèɗ rì geègee ɓi ti ɓi yogsàg wɔ, nsoò lɛ jàŋ inɛ ɓɛ̀wiiwìì ɓɛ ti ɓɛ ɓɛkì naa, ɓɛ yii wɔ.

MARIKUS 4:19

kìɓan kifog mɛ̀tɔɓ mɛ ɓi ziinɛ, rì kìsee ki ikum, rì gɛ ɓìɓan ambog ànɛ a syòŋsyoŋ mɛrem, ɓi laatàg jɛ̀ɛ̀ ì Bɛ̀ll ìnɛn yɛ̀ kɛɛ̀ ghɛn bee inɛ lɛ yɛ̀ɛ wum ɓìdùn.

LUKAS 12:21

Fɔɔnnɛ ki ti ki ghɛnàg yɛ̀ɛ mum ǹcèm ànɛ à ti à taŋzàg gɛ ìkum ɓisu wii cɛ̀ncii, kɛ̀ɛ ɓa ri ìkum ɓisuu Bɛ̀ll.

LUKAS 21:35

Ɓisuulɛ ŋwos anɛ̀n à ɓiì sììdii ɓum ɓɛ̀cèm ɓɛ ɓi ziinɛ yɛ̀ɛ dam ì ti ì sììdàg ɓìzɛn.

MƐ̀KÌKÌÌ MƐ ƁƐKƐ̀NÌ-FÌTOM 8:20

Nni Pyɛɛri à ɓàkà nyi lɛ: Kɔ̀ɔ̀ ɓa gi la rì mɔ̀ɔ̀ni mɔɔ mɛncèm, yɛ̀ɛ ù fèegh lɛ ù rì lɛ ù làg rìfa ɗi Bɛ̀ll rì mɔ̀ɔ̀ni,

EFÈZYƐŊ 4:22

Ɓì ghɛ̀ɛ̀sɛɛ kì rinii fiɗyàɓ fin fi riɓa fi ɓi cɛɓ ki ɓì ghɛghɛ̀ɓkà abɛ̀y, ɓìɓan ɓi ǹɗem wu mum wu ti wu kɔngì ɓi rìɓa ɗi yɛ̀ɛ ɗiǹ, ɓi ri rì ǹ-yègsɛ̀n, ɓi ki ɓa ɓiɓan ɓi ɓi ri lɛ ɓi yogsì mum.

TIMOTE 1:9

tì ki yii lɛ ɓìdɔ̀gsɛna ɓi yin ɓifalɛn ɓisuu ŋwaà saaɗ, ɓi ri lɔŋ ɓisuu ɓumɓɛ ɓɛ ri rì rìgɛn, rì ɓɛ̀roɓɛ ɓɛ̀ kɛɛ̀ wooghrɛn, ɓɛ̀ɓènì rìgherɛ̀n, rì ɓɛ̀kìì-kìɓe, rì ɓumɓɛ ɓɛ ti ɓɛ̀ kɛɛ̀ risi nsoò Bɛ̀ll, nsoò ɓyom ɓi ɓi ri kìcèlì, rì ɓisuu ɓumɓɛ ɓɛ ti ɓɛ weeyì ɓɛ̀seŋi ɓaa, rì ɓɛ̀jɛɛ ɓaa, rì ɓisuu ɓɛwolì-ɓum,

TIMOTE 3:7

Ki ghɛɛ̀sɛɛ girig lɛ ɓumɓɛ ɓi dan ɓɛɛ sɛg nyi di ɓɛ̀ kɛɛ̀ sɛɛti nyi, fɔlɔɔ a kì nyi lɛ a kpi ɓi fìram fi Satàn.

TIMOTE 6:10

Ɓisuulɛ kìsee ki mɔ̀ɔ̀ni ki ri ǹɗyèm wu ɓiɓan ɓi ɓeɓtɛn ɓìcèm, nni ɓum ɓɛdɛŋ ɓɛ ɓɛ falɛ̀ngà ɓi kìsee ki mɔ̀ɔ̀ni kìn, ɓɛ ghasɛ̀ngà rì rìgherɛ̀n, ɓɛ ki syòŋ yi ɓɔmiɗ mɛtɔɓ ɓi nyoo lɛɛ̀gwey.

TIMOTE 6:17

Tɔgha ɓɛ̀guŋgum ɓɛ ɓi mɛ̀ru mɛ lɛ, ɓɛ̀ kɛɛ̀ ɓa ri kalɛn, ɓɛ̀ kɛɛ̀ ki foŋ dyàɓɛn yaà ɓi ìkum wu wu ri kɛ̀ɛ̀ ǹtyweeyi, ɓɛɛ foŋ lɔŋ dyàɓɛn yaà yɛɛ̀ Bɛ̀ll ànɛ à ti à falàg ɓìsi ɓyom ɓìcèm lɛɛ̀gwey lɛ ti wog kìrɔɔ rì ɓyɔ.

2 TIMOTE 2:26

fɔɔnnɛ ɓɛɛ sugtiì ɓi ɓɔmiɗ, ɓɛ ki sɔtɛn yi ɓi fìram fi Satàn a wɔɔsìghà ɓɔ miì lɛ ɓɛɛ kiki lɔŋ rìkɔ̀n ɗii.

Kaàtà ànɛ Pol à kàngà TIT 2:12

geesɛ̀n yìì inɛ̀n yɛ̀ɛ rèresi ɓisi lɛ ti roòzɛn cɛɓ ki kɛ̀ɛ̀ rìgherɛ̀n rì ɓìɓeɓtàg ɓi ɓiɓan ɓi ɓyɛɛ̀ kɔ̀ngi ɓum ɓi ziinɛ, tì ghɛɓ ɓi ziinɛ rì ɗyomzɛ̀n, tì ɓa lɛ saaɗ tì ki falɛn ɓi rìgherɛ̀n,

2 PYƐƐRI 2:3

Lɛ kìsee ki mɔ̀ɔ̀ni ki ɓɛ ri rì kɔ, ɓɛ ri mìni ɓiì kpaakpaa ɓiɓan ɓi ɓɛpwàà lɛ ɓi fafa ɓɔ ɓyom; kìɓan kifog ŋwaànɛ à ghɛ̀ɛ̀sɛɛ ɓɔ kìyɔ̀mi à tighà m̀pègsɛn lɛ a ki kìsay kii fìɗyàɓ, fɔɔnnɛ rìɗyaŋ ɗyaa ɗyaa finɛn yi tì ɓi.

ZYUUDƐ 1:11

Nyìighnyìg rì ɓɔ, lɛ ɓɛ nɔɔ̀tìghà ɓìɓɔ̀ɓ ɓi kayin, ɓɛ mɛ kɛ̀n ki tɔlɛɛ ɓi rìnàn ɗi Balam à nàngà lɛ mɔ̀ɔ̀ni; rìkuu ɗi ntoògwey ɗi Koree ɗyɛɛ mɛ kì lɛ ɓɛɛ ɗyaŋ̀.