TIMOTE 6:5 - Bafia Nouveau Testament

⁵ rì nyoey yi yɛ̀ kɛɛ̀ ren ɓi nyìinyìm à ɓumɓɛ mɛ̀yitì maa mɛ ti ɓigɛŋ, ɓɛ̀ kɛɛ̀ yi saaɗ, ɓɛ ki fèki lɛ rìfalɛ̀n ɗi ɓi rìgherɛ̀n ɗi ri kìɓan ki mum à rì lɛ à fɔ̀nfɔ̀n miì.

TIMOTE 6:5 Iomraidhean Croise

MATYOO 12:33

I ɓì kpaa lɛ kìte ki rɔɔtɛɛ, di ɓìɗùn ɓi kite kiǹ ɓi rɔɔtɛɛ; ì ɓì kpaa lɛ, ki ɓeɓtɛɛ di kìte kiǹ ki ɓeɓtaagh ɓìɗùn, lɛ ɓɛɛ̀ yilag lɛ kìte ki rɔɔtɛɛ nsoò lɛ ki ɓeɓtɛɛ, ɓi ɓìɗùn ɓi ki wumi.

MATYOO 21:13

À ki kpaa ɓɔ lɛ: Ki ri kì kànɛn lɛ: Naa yɛ̀m ì rì ɓiì ɓaa naa ì bɔ̀ŋzɛ̀n, kìɓan kifog mìnii ghaasii yɔ̀ naa ì ɓɛ̀wiiwìì.

MATYOO 23:13

Nyìighnyìg rì mìni ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ, fyɛɛ̀fyɛɛ̀ ɓì ŋwɔm ìghèy ɓi ɗùm, ɓisuulɛ ɓi ghegheg ɓum lɛ ɓɛ̀ kɛɛ ɗiŋi ɓi kìlɔ̀ŋ ki aɗyòò; mìniìɓɔmiɗ kɛ̀ ɓi ɗiŋi miì, kɛ̀ ɓi ki gherɛn lɛ, ɓumɓɛ ɓɛɛ̀ kɔ̀nkɔn lɛ ɓɛɛ ɗiŋi miì, ɓɛɛ ɗiŋì. [

1 KƆ̀RƐ̀ŊTYƐŊ 11:16

Wɔ̀lɛ i mum à kɔ̀ni ɓi lɛ a nyolɛn ɓi kìɓan kiǹ, à ghɛ̀ɛ̀sɛɛ kì yiì lɛ ɓìsii yin ɗi kìsyɔ̀ɔ̀ kiǹ, nsoò ɓìseŋi ɓi Bɛ̀ll ɓi yin girig rì kɔ.

2 TÈSÀLÒNÌSYƐŊ 3:6

Ɓɔɔsoŋ̀! tì tɔɔgh mìni ɓi ɗii ɗi Kan wìs Yeesus Kiris lɛ: Kɛ̀ ɓi wuɓsɛn ɓɛgeni ɓin ɓɛ ɓɛ ri ɓɛ̀ɓɔɓwɛɗ, ɓɛ ɓɛ ɓeni kì nɔ̀ɔ̀tii ɓiɓan ɓi tì rèsìghà mìni.

TIMOTE 1:6

Ɓum ɓɛdɛŋ ɓɛ nagà bee inɛ̀n, ɓɛ nɔɔ̀tì bee i ǹkpaakpaayɛn ɓiɓan ɓi kɛ̀ɛ̀ ìsu.

TIMOTE 3:3

Ki ghɛɛ̀sɛɛ ɓi lɛ a ɓa kìnɔɔ̀ mɛ̀rɔ̀g nsoò lɛ mum à ɓìgùg, ki ghɛɛ̀sɛɛ lɔŋ lɛ a ɓa kìfyòoog ki mum, kɛ̀ɛ ɓa mum à ɓɛsaaka nsoò lɛ à keesì mɔ̀ɔ̀ni.

TIMOTE 3:8

Ɓɛ̀dyaakìrɛ̀ girig ɓɛɛ ɓa rì rìmum, ɓɛ ɓa ɓumɓɛ ɓɛ yin ɓiì ghèeghelɛ̀n ɓɛ̀ kɛɛ̀ falɛn ɓi mɛ̀rɔ̀g lɛɛ̀gwey, ɓɛ̀ kɛɛ̀ ki ɓa ɓumɓɛ ɓɛ yin ɓiì kaakaa rifɔ̀n ɗi mɛsòo;

TIMOTE 4:7

Kìɓan kifog, ù càɗ dàɗkì yi zɛy rì mɛ̀kànkàn mɛ ɓitùg ɓi ɓɛ̀yiɓ.

TIMOTE 4:8

Mɛ̀ɛ̀zi nyoo yɔ̀ɔ̀ ɓi rìfalɛ̀n ɗi ɓi rìgherɛ̀n; ɓisuulɛ rìmɛ̀ɛ̀zì ɗi nyoo ɓi tìcàɓ ti tyɛɛ̀ fafa itèɗ ɓi mɛ̀mùù ɗi ɓiisɛɛ ɓi kiɓaà rì gɛɓsɛ̀n kɔm̀ lɛ rìfalɛ̀n ɗi ɓi rìgherɛ̀n ɗi ghɛɓsii bee lɛɛ̀gwey; ɗi ri rì ǹkàg wu cɛɓ ki gɛɛ̀nɛ rì ki kɛɛ̀ yùyuiy.

TIMOTE 6:6

Ki ri lɔŋ saaɗ lɛ rìfalɛ̀n ɗi ɓi rìgherɛ̀n ɗi ri bee i rìfɔ̀n, di mum à nyààrɛɛ rì gàɓ ì com ìnɛ à rì rì yɔ̀.

2 TIMOTE 3:5

ɓɛ ri rɔ̀ɓ ɓɛgherɛ̀n ɓi rìseesèè ɗi ɓidan, kìɓan kifog ɓɛ roòzɛ̀n com ki ki ri ìtèɗ wu righerɛ̀n. Ràɓsɛn mɛ̀kuu mɛ ɓum mɛ fɔlɔɔ.

2 TIMOTE 3:8

Fɛlɛ yɛ̀ɛ Zyanɛs rì Zyamɓirɛs ɓɛ ramgà wɛ̀y ri Moyis, fɔlɔɔ nnɛ ɓumɓɛ̀n ɓɛɛ̀ ɗùùɗuu girig rì saaɗ, ɓɛ ri ɓumɓɛ nghay waa wu ti wù ɗimɛn bee, rìgherɛ̀n ɗyaa ɗi yiǹ lɛ ɗi ɓanɛ̀n di mɛ̀fèèghrɛn mɛ tanɛɛ ɓɔ.

Kaàtà ànɛ Pol à kàngà TIT 1:11

ɓɛ ghɛɛ̀sɛɛ kì sìmi ɓumɓɛ̀n myɔm. Ɓɛɛ̀ ɓùuɓuùsì ɓɛ̀bimiɗ ɓɛ naa yi ɓum, ɓɛ rerèsì yɔ ɓìɓan ɓi ɓi ghɛɛ̀sɛɛ ɓi, lɛ ɓɛɛ fɔnfɔn mɔ̀ɔ̀ni mɛ ntoòrìɗ.

2 PYƐƐRI 2:15

Yɛ̀ɛ ɓɛ caɗkà bee ì syeesyee ɓɛ kɛǹ kì pasɛɛ ɓi bee i Balam à man à Beɔr ànɛ à keesìghà rìfɔ̀n ɗi mɔ̀ɔ̀ni ɓi bee ì kìtɛ̀ŋtɛ̀ŋ,

2 PYƐƐRI 2:3

Lɛ kìsee ki mɔ̀ɔ̀ni ki ɓɛ ri rì kɔ, ɓɛ ri mìni ɓiì kpaakpaa ɓiɓan ɓi ɓɛpwàà lɛ ɓi fafa ɓɔ ɓyom; kìɓan kifog ŋwaànɛ à ghɛ̀ɛ̀sɛɛ ɓɔ kìyɔ̀mi à tighà m̀pègsɛn lɛ a ki kìsay kii fìɗyàɓ, fɔɔnnɛ rìɗyaŋ ɗyaa ɗyaa finɛn yi tì ɓi.

ZYUUDƐ 1:11

Nyìighnyìg rì ɓɔ, lɛ ɓɛ nɔɔ̀tìghà ɓìɓɔ̀ɓ ɓi kayin, ɓɛ mɛ kɛ̀n ki tɔlɛɛ ɓi rìnàn ɗi Balam à nàngà lɛ mɔ̀ɔ̀ni; rìkuu ɗi ntoògwey ɗi Koree ɗyɛɛ mɛ kì lɛ ɓɛɛ ɗyaŋ̀.

ÀPÒKÀLIƁSƐ̀ 18:13

ɓìɓaaɓaa ɓi kite ki lɛ kanèlìyee rì ɓyom ɓi nùnnumɛn, rì tìrààre, rì rìkuu ɗi firu ɗi lɛ miìr, rì fìru fi lɛ àŋsaŋ, rì mɛ̀rɔ̀g, rì mɔ̀ɔ, rì fàriǹ ɗì rìkuu ɗi gèŋ ɗi ɓɛɛ̀ kìlag bìrɛs miì, rì ɓɛ̀sanìnya, rì jɔ̀ɔ̀, rì zòm yi kimbɛ̀rɛ̀, rì ɓyalig, rì ɓɛkpàn rì ɓyɛɓ ɓi ɓum.

ÀPÒKÀLIƁSƐ̀ 18:3

ɓisuulɛ ɓìlɔ̀ŋ ɓìcèm ɓi nnɔɔ mɛ̀rɔ̀g mɛ cɛɓ kii ki tifin ki ki ri koŋnyoo; rì tì lɛ mɛ̀fòm mɛ ɓi ziinɛ mɛ nkìkii tìsɔ̀mɔ̀g ri nyi, ɓɛ̀kìì-dùne ɓɛ ɓi ziinɛ ɓɛ kum, lɛ coo gɛn à ìkum wiì.