TIMOTE 6:4 - Bafia Nouveau Testament

⁴ di ɓìdaŋà ɓi roni ŋwaànɛ̀n miì ɓi nɗem, kɛ̀ɛ ki yi com, à rì ŋwaànɛ a roròɓ firoɓ fi lɛ a nyoònyòlɛ̀n di a saasaàkɛ̀n ɓi kìɓan ki mii; jàŋ inɛ̀n yɛ̀ɛnɛ ɓìɓan ɓidɛŋ ɓi ti ɓi fuughàg yì fɛlɛ yɛ̀ɛ m̀mììghrɛ̀n, ɓɛ̀paàzì, mɛ̀wɔ̀wɔrì, kìnɗèmɓàg ki ɓiɓan ɓi ɓeɓtɛn,

TIMOTE 6:4 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 15:2

Fɔɔnnɛ coo kiyoòyòò ki kpighà, dì Pol ɓɛɛ̀ Ɓarinaɓas ɓɛ mɛ teɗ rirèsàg ɗi ɓumɓɛ̀n nyoey, ɓɛ ren min lɛ, rì Pol rì Ɓarinaɓas rì ɓum ɓɛdɛŋ, ɓɛ ghɛɛ̀sɛɛ kì ɓɔɔ̀gh a Yorisalɛm lɛ, ɓɛɛ ghɛn ɓɛ̀kɛ̀nì-fìtom, rì ɓɛ̀sɛ̀ɛ̀mɛn ɓɛ kilɔ̀ŋ lɛ ɓɛɛ fiɓi kìɓan kiǹ.

MƐ̀KÌKÌÌ MƐ ƁƐKƐ̀NÌ-FÌTOM 18:15

Nni yɛ̀ɛ ki rì lɛ ɓi nyoonyolɛ̀n ɓi dɔgtɛ̀n ìdɛŋ rì ɓi mii mɛdɛŋ, rì ɓi ɓìdɔ̀gsɛna ɓin, mìniìɓɔmiɗ yɛɛ ghɛɛ̀sɛɛ kìpègsɛɛ kiɓan kin; mɛ̀ ǹ-yin lɛ ǹ-yɔ̀m ɓìɓan ɓi fɔlɔɔ.

MƐ̀KÌKÌÌ MƐ ƁƐKƐ̀NÌ-FÌTOM 8:9

Ŋwaàdɛŋ lɛ Simɔn à ɓaghà ɓi bàn ìnɛn abɛ̀y, à ɓaghà ǹkìì-majìg; à kìkì ɓìɓan ɓi lɛ ɓumɓɛ a Samari ɓɛɛ Kuukùùràg, à ki yèeghyegsì ɓum lɛ nyii ri kìtèetèɗ ki mum.

RÒMƐŊ 12:16

Ɓì ghɛ̀ɛ̀sɛɛ kì wooghrɛɛ ɓi nyìinyìm wìn, kɛ̀ ɓi ɓɔɔɓɔgsɛ̀n, lɔŋ càrɛɛnà lɛ ɓi ki ɓìsay ɓi ɓyɛ̀ɛ tɔtɔg lɛ mum a sɛɛ̀di nyimiɗ ɓi zi, kɛ̀ ɓi ghɛn miniì ɓɔmiɗ lɛ ɓìrì ɓum ɓɛ ɗyomzɛ̀n.

RÒMƐŊ 13:13

Tì ghɛ̀ɛ̀sɛɛ kì ghɛɓì cɛɓ ki ki ri lɛ tɛntɛ̀ɛ̀n ki ki ghɛɛ̀sɛɛ rì kìtɛɛtɛn ki ŋwos, tì womzɛ̀n ɗì dili, rì kìɓan ki riceesì ɗi rinɔ ɗi mɛrɔ̀g ɗì tìsɔ̀mɔ̀g, rì cɛɓ ki sààsaa, rì ɓɛ̀paàzì, rì yàaka.

RÒMƐŊ 14:1

Ghàɓkiina ŋwaànɛ à rì lɛ kpɔ̀gkpɔ̀g ɓi rìgherɛ̀n, kɛ̀ ɓi nyolɛn ri nyi ɓi mom̀zɛ̀n mɛ à rì rì mɔ ɓi kìɓan ki righerɛ̀n.

RÒMƐŊ 2:8

Wɔ̀lɛ ɓɛ̀roɓɛ ɓɛ ti ɓɛ kilàg nyi ǹtoòtèɗ, ɓɛ̀ kɛɛ̀ kɔ̀n lɛ ɓɛɛ wog com ki saaɗ a kakàlì, lɔŋ kìtɛ̀ŋtɛ̀ŋ kɛɛ̀ki ɓɔɔ nɔɔ̀nɔ̀ɔ̀tì, Bɛ̀ll à rèsì ɓɔ lɛ, rì bim yiì, ɗì rìbaŋì ɗii.

1 KƆ̀RƐ̀ŊTYƐŊ 11:16

Wɔ̀lɛ i mum à kɔ̀ni ɓi lɛ a nyolɛn ɓi kìɓan kiǹ, à ghɛ̀ɛ̀sɛɛ kì yiì lɛ ɓìsii yin ɗi kìsyɔ̀ɔ̀ kiǹ, nsoò ɓìseŋi ɓi Bɛ̀ll ɓi yin girig rì kɔ.

1 KƆ̀RƐ̀ŊTYƐŊ 11:18

Kìɓan ki asu ki ri lɛ, nwoki lɛ ɓì ti lɛ, i ɓì taŋzɛɛ rìghàdà, ǹlànag wu ɓa ɓi nyìinyìm wìn, mɛ̀ nki gherɛɛ kìɓan kiǹ gàɓ.

1 KƆ̀RƐ̀ŊTYƐŊ 3:18

Mum kɛ̀ɛ pwààrɛn, i ŋwaàdɛŋ ànɛ ɓi mìni a fèfeg lɛ nyii ri rì ɗyomzɛ̀n ɗi ɓi ziinɛ, à ghɛ̀ɛ̀sɛɛ ki ghalì kìyèg lɛ di a ɓa min ɗi ɗyomzɛ̀n.

1 KƆ̀RƐ̀ŊTYƐŊ 3:3

Yɛ̀ɛ ɓì kaka lɛ rì yàaka, rì ɓɛ̀paàzì ɓi nyìinyìm wìn, fɔlɔɔ a yin nya ɓiì rèresii lɛ ɓì rì ɓumɓɛ ɓi mɛ̀mùù, rì tì lɛ, ɓi ghɛghɛɓ lɔŋ yɛ̀ɛ ɓum ɓɛ̀cèm?

2 KƆ̀RƐ̀ŊTYƐŊ 11:20

Ɓisuulɛ ɓì ti ɓì cenàg lɛ ɓɛɛ ghaàsi mìni ɓɛ̀kpàn, ɓɛ ɗiɗì mìni, ɓɛ puùpùmzì mìni, ɓɛ nyuùnyùŋzàg mìni, ɓɛ ki ŋɔ̀ɔŋɔgtàg mìni ɓi-su.

GÀLAT 5:15

Nni wɔ̀lɛ, i ɓì ɓaa lɛ ɓì loòlòmɓɛ̀n ɓì ki ɗiiɗilɛ̀n mìni rì mìni, ɓì konàg lɛ kɛ̀ ɓi lègsi ki weesɛɛ, mìni rì mìni.

GÀLAT 5:26

Tyɛ̀ ki kaakaa rikem ɗi kɛ̀ɛ̀ ìsu, tyɛ̀ ki kaakaa ɓɛ̀paàzì ɓi nyìinyìm wìs nsoò lɛ tì mììghmììghrɛ̀n ɓìsi rì ɓìsi.

GÀLAT 6:3

I mum à terɛɛ nyimiɗ lɛ bimiɗ à mum, kɔlɛ à yin com, di à pwààrɛɛ nyimiɗ.

FÌLÌPYƐŊ 1:15

Ki ri lɔŋ saaɗ lɛ ɓɛ̀ro ɓɛdɛŋ ɓɛɛ̀ làalam̀ɓɛ̀n Kiris rì ǹɗem wu yàaka ki ɓa yɛ̀ɛ ɓɛ ri ɓi ǹlog rì mɛ̀, wɔ̀lɛ ɓɛ̀ro ɓɛmbog ɓɛ làalamɓɛ̀n nyi rì ǹɗem wu sɛɛghi sɛɛghi.

FÌLÌPYƐŊ 2:14

Com kìcèm ki ɓì rì lɛ ɓì kì, kìina kɔ kɛ̀ɛ̀ tìrùrùmì nsoò lɛ tìkàna

FÌLÌPYƐŊ 2:3

Kɛ̀ ɓi kì kiɓan kidɛŋ rì ǹɗem wu kalɛn nsoò lɛ ɓisuu rikem ɗi kɛ̀ɛ̀-su. Wɔ̀lɛ sɛɛ̀dɛɛna mìniìɓɔmiɗ ɓi zi, ɓì teɗ ɓum ɓɛmbog fɛlɛ yɛ̀ɛ ɓɛ ceeghii mìni.

KÒLÒSYƐŊ 2:18

Kɛ̀ ɓi càrɛn lɛ mɛ̀lèɓ mɛ ɓi mɛ̀ree mɛ ɓi ghɛghɛŋì ŋwaàdɛŋ a ɓatɛn mìni mɔ yɛ̀ɛ ki kɔni nyi, rì ìghèy lɛ à rì ǹsɛɛ̀dɛn nyimiɗ ɓi zi, rì tì lɛ, a ɓɔɔɓɔgsì ɓum ɓɛ titom; rìkuu ɗi mum ɗìn ɗi ti ɗi ɓiisàg kì kuughraagh ɓiɓan ɓi ɗi ghɛɛ fɛlɛ yɛ̀ɛ ɓìdɛ̀ndɛm̀; ɗi ki ɓalag ɗi ronɛn ɗi ɓìdaŋà ɓi kɛ̀ɛ̀-su, ɓi ɓɔɔ mɛyitì ɓii ɓɛ à rì rì ɓɔ, ɓi rìɓa ɗii ɗi lɛ mum.

2 TÈSÀLÒNÌSYƐŊ 2:4

Ki ri ɗùù ri com kìcèm ki ɓɛɛ̀ ɓɔɔɓɔgsì ɓɛ rerèŋì lɛ bɛ̀ll, ki ràm ki kɛ̀n kì kɔ̀rii ɓi naà-Bɛ̀ll ìnɛ ì ki rì lɛ ì Bɛ̀ll, ki rɛsɛ̀n kɔmiɗ lɛ kɔ yɛɛ ri Bɛ̀ll.

TIMOTE 1:4

ɓɛ̀ kɛɛ̀ ki mɛ̀ɛ̀tɛn ɓi mɛ̀kànkàn rì rìɓààɓààsì ɗi boo ɗi kɛ̀ɛ̀ sugtag, ɓìɓan ɓiǹ ɓyɛɛ̀ titini ɓum lɛ ɓɛɛ nyoonyòlɛ̀n, ɓyɛ̀ kɛɛ̀ ki ghɛɓsi lɛ fèg à Bɛ̀ll ànɛ lɛ a ghɛɓsi ɓum lɛ rìgherɛ̀n a kɛn asu.

TIMOTE 1:7

Ki kɔnkɔ̀n ɓɔ lɛ di ɓaa ɓaa ɓumɓɛ ɓɛ pɔɔ̀zii kì yiì ɓìdɔ̀gsɛna, kìɓan kifog ɓɛ̀ kɛɛ̀ yi nsoò com kɔm̀ ki ɓɛɛ̀ kpaakpàà, nsoò ki ɓɛɛ̀ sìisiìrɛ̀n ɗì rìkakàlì lɛ ki ri yɛ̀ɛ ɓɔɔ̀ kpaaghì.

TIMOTE 3:6

Ki ghɛɛ̀sɛɛ ɓi lɛ à ɓa ŋwaànɛ à lɔ̀ɔ̀ghrɛɛ ǹɗen nyɔn, lɛ ɓìdaŋà ɓi ri lɛ ɓi ɓɔg nyi ɓi nto, à ki ghay lɛ à teri zɔɔ yi Satàn.

2 TIMOTE 2:14

Ɓìɓan ɓiǹ ɓyɛɛ̀ɓi ù ghɛ̀ɛ̀sɛɛ kì ɓìiɓiìtàg ɓum, ù ki siisiŋdɛ̀n ɓɔ ɓi mis mɛ Bɛ̀ll, lɛ ɓɛɛ lɛg ɓɛsaaka rì rìnyoònyòlɛ̀n ɓi kìɓan ki mii, lɛ ɓi ghɛɓsii ɓi com, di nya lɛ ɓyɛɛ ɗyaŋzi ɓumɓɛ ɓɛɛ̀ wowog ɓɛsaaka ɓɛǹ.

2 TIMOTE 2:23

Ɓèna nyoey yi zɛy rì zɛy yi yi ri kɛ̀ɛ̀-su, ù ki yi lɛ, yi ti yi syogìì ɓɛsaaka.

2 TIMOTE 3:4

ɓɛ ɓa ɓɛ̀tɔ̀kɔ̀tɔkɔ, ɓɔ mɛ̀rem lɛ bùɓbùɓ, ɓɔ rì kalɛn ɓi nɗem, ɓɛ keesì rìyɛ̀y ɗi cɛɓ ki mɛmùù à cee Bɛ̀ll;

Kaàtà ànɛ Pol à kàngà TIT 3:9

Kìɓan kifog, lɛgha nyoey yi kɛ̀ɛ̀-su ɗì rìɓààɓààsì ɗi boo, rì ɓɛsaaka, rì rìkààkàdàg ɓi kìɓan ki ɓidɔ̀gsɛna, ɓìɓan ɓiǹ ɓìcèm ɓi ghɛɓsii ɓi, ɓyɛ̀ kɛɛ̀ ki ɓa com.

ZYAG 1:19

Mìni ɓɛ̀geni ɓɛ̀m ɓɛ nɗem, ɓì ghɛ̀ɛ̀sɛɛ kì yiì fɔlɔɔ. Fɔlɔɔ nnɛ mum bimiɗ à ghɛ̀ɛ̀sɛɛ kì ɓaà lɛ fyɛ̀ɗ lɛ a wog, kɛ̀ɛ fyaŋzi ki tòòghrɛɛ, kɛ̀ɛ ki fyaŋzag ki woògh bim,

2 PYƐƐRI 2:12

Kìɓan kifog, ɓɛ ri lɔŋ yɛ̀ɛ nyàm yi yi yin ɗi ɗyomzɛ̀n, yɛɛ kilɛ̀ngà lɛ ɓɛɛ ɓaǹɓan di ɓɛɛ̀ wewèy, fɔɔnnɛ ɓɛ ti ɓɛ sɛmgì com ki ɓɛ yii ɓi, ɓɛ ri lɔŋ ɓiì cuù lɛ rìɓa ɗyaa ɗi ɓɛ ri ɓìɗyoŋi.

2 PYƐƐRI 2:18

Ɓɛ ti ɓɛ kalàg ɓìɓan ɓi ɓidaŋà ɓi ɓi ri kɛ̀ɛ̀ ìsu, ɓɛ ɓaàdɛ̀n ɓi zày ì ɓìɓan ɓi tifin ɓi ɓi mɛ̀mùù lɛ ɓɛɛ yegsi ɓumɓɛ ɓɛ mɛɛ̀ sɔtɛ̀n yi ɓi nyìinyìm à ɓumɓɛ ɓɛɛ̀ ghɛghɛɓ ɓi rìɗim ɓi ɗùm;

ZYUUDƐ 1:10

Wɔ̀lɛ ɓumɓɛ̀n ɓɛ feèfèngì com ki ɓɛ yii ɓi, ki ɓɔɔ̀ fèki lɛ ɓɛ yii, ɓi fèg wàà anɛ à rì yɛ̀ɛ fèg à nyàm ìnɛ ì rì kɛ̀ɛ ɗyomzɛ̀n, kɛɛ ki ti, ki pikì ɓɔ ɓi rìɗyaŋ.

ZYUUDƐ 1:16

Ɓumɓɛ̀n ɓɛ ri lɔŋ ɓɛ cɔɔ̀cɔ̀ɓɛ̀n rìɓa ɗyaa, ɓɛ̀ kɛɛ̀ wog kirɔɔ, ɓɛ kikì ɓìɓan lɔŋ yɛ̀ɛ mɛ̀rem maa mɛ feègh, ɓɛ kpaakpàà ɓìɓan ri kalɛn, ɓɛ ɗyɛɓsàg ɓumɓɛ ɓɛɛ̀ sìŋsiŋ kirɔɔ kidɛŋ a lɔ̀ŋkaa.

ÀPÒKÀLIƁSƐ̀ 3:17

Ɓisuulɛ u kpaakpaa lɛ: Mɛ̀ ǹɗì guŋgum, m̀mɛ kum, com ki kaarɛɛ tì ɓi mɛ, kɔ̀ɔ ki yi lɛ ù rì nyìighnyìg ì kɔɔ̀kɔɔ̀, wɔ̀ soghàsogha, wɔ̀ ɗyaŋɗyàŋ, wɔ̀ kìtòn zɛy;