TIMOTE 6:12 - Bafia Nouveau Testament

¹² Ɗùùya syeesyee à wɛ̀y a rìgherɛ̀n, ù ɓan cɛɓ ki fiɗyàɓ fikɔ̀ɔ̀ ki Bɛ̀ll à reŋìghà wɔ̀ lɛ u teɗ, cɛɓ kìn kɛɛ̀ki ù tòòghrɛ̀ngà ɓìsyeesyee ɓi ɓitòkì miì, ɓi mis mɛ ɓum lɛɛ̀gwey yɛ̀ɛ ù rèsìghà rìgherɛ̀n ɗyɔɔ.

TIMOTE 6:12 Iomraidhean Croise

2 KƆ̀RƐ̀ŊTYƐŊ 6:7

ɓi jɛ̀ɛ̀ ì saaɗ ìnɛ ti ghaaghagsì, rì ɓi-tèɗ wu Bɛ̀ll, rì ɓi ɓyom ɓi ribaŋì ɓi saaɗ ɓi tì rì rì ɓyɔ, lɛ rì ɓi rooroŋɗɛ̀n wɛ̀y ri ɓyɔ, rì ɓi lɛ ɓɛ gheeghrɛ̀n wɛ̀y miì;

2 KƆ̀RƐ̀ŊTYƐŊ 9:13

Ɓisuulɛ gɛɓsɛ̀n ìnɛ kìsay kiǹ ki ri rì yɔ̀, ɓum lɛɛ̀gwey ɓɛ ri fa Bɛ̀ll rìkem, ɓi mɛ̀wog mɛ ɓì rì rì mɔ ɓi Syeesyee à Ɓɔlɛ à Kiris ànɛ ɓi làalamɓɛ̀n, rì ɓi rìɓòò ɗin ɗi ɗyɛɛ̀ kìki lɛ, ɓi ɓutɛn rì ɓɔ, ɓì ki ɓùtɛn ɗi ɓum ɓɛ̀cèm.

FÌLÌPYƐŊ 1:30

Kɛɛ̀ki ɓi ɗùùɗuu zàà ìnɛ ɓì ghɛngà mɛ̀ di nɗùùɗùù, ìnɛ ɓì ki yii lɛ ǹkaka ǹɗùùɗùù à kpaŋ ɓigomìnɛ.

KÒLÒSYƐŊ 3:15

Fyòoog à Kiris ànɛ Bɛ̀ll à reŋìghà mìniìcèm miì lɛ, ɓi ɓa ɓìkàɓ ɓi ɓi nyoo bog, a lami mɛ̀rem min. Ɓì ghɛ̀ɛ̀sɛɛ kì yiì rìfa ɗi ɓìtògsɛ̀n.

TÈSÀLÒNÌSYƐŊ 2:12

Tì kìghà lɛ tì reɓ mìni, tì fɔɔsì mìni mɛ̀rem, tì ki ɓɔ̀ɔɓɔ̀ŋzì mìni lɛ ɓi ghɛɓ lɔŋ yɛ̀ɛ kɛɛ̀ kɔ̀ngi Bɛ̀ll ànɛ a regi mini lɛ ɓi ɓa rì gàɓ ɓi kìlɔ̀ŋ kii, rì ɓi rìkem ɗii.

2 TÈSÀLÒNÌSYƐŊ 2:14

Kìɓan ki Bɛ̀ll à reŋìghà tì mìni miì, rì Syeesyee à Ɓɔlɛ ànɛ tì ghagsìghà mìni ki ri lɛ, ɓi ɓa rì gàɓ ɓi rìkem ɗi Kan wìs Yeesus Kiris.

TIMOTE 1:18

Man wɛm̀ Timote, kìɓan ki mɛ̀ ǹsiŋ̀dɛɛ wɔ̀ ki rarɛɛ yì rì ɓìɓan ɓi Nghay à rèsìghà ɓi san wɔ̀ɔ̀; ɓi ɗi yɛ̀ɛ ɓìɓan ɓiǹ ɓyɛɛ̀ kpaakpàà, ki ghɛɛ̀sɛɛ lɛ u ɗùu syeesyee à wɛ̀y,

TIMOTE 1:19

ù ɓèŋ rìgherɛ̀n rì syeesyee à ǹɗem. Syeesyee à ǹɗem ànɛ̀n, ɓum ɓɛdɛŋ ɓɛ mɛ naŋ nyi, rìgherɛ̀n ɗyaa ɗi ɓɛǹ mɛ̀nig yɛ̀ɛ ɓumɓɛ rìɓày à teri.

TIMOTE 4:14

Kɔ̀ɔ sɛɛti rifa ɗi Nghay ɗi ù rì ri ɗyɔ, ɗi ù tekà ɓi rìkpaa ɗi ɓɛ̀kpaŋzì-ɓìɓan, ɓɛ kpaaghà, ɓɛ̀sɛ̀ɛ̀mɛn ɓɛ Kiseŋi ɓɛ saghì wɔ̀ ɓyàg ɓi nyòò.

TIMOTE 6:13

Ǹtɔɔgh wɔ̀ ɓi mis mɛ Bɛ̀ll ànɛ à ti à falàg ɓyom ɓìcèm cɛɓ, rì ɓi mis mɛ Yeesus Kiris, ànɛ à konàkà kì rèsii righerɛ̀n ɗii ɓi mis mɛ Pilat lɛ,

TIMOTE 6:19

fɔlɔɔ nnɛ ɓɛ ri ɓiì taŋzɛɛ ikum wu wu rɔɔtɛɛ wu ki kpegmɛn ɓisuu cɛɓ ki kɛɛ̀ yùyuiy, fɔɔnnɛ ɓɛ ri ɓiì terì kɔɔ̀kɔɔ̀ à cɛɓ.

2 TIMOTE 1:9

Bɛ̀ll yɛɛ kweɗkà ɓìsi, à ki reŋi ɓisi ǹɗeèghreŋi wu wu ri wùtɛnɛn, àa ɓisuu mɛkìkìì mis, lɔŋ ɓisuu fèg wìì a nyimiɗ rì geesɛ̀n yìì inɛ à kìghà ɓìsi ɓi Yeesus Kiris; à kìghà kìɓan kiǹ di ɓyààmɛ̀n ɓi a rìtumɛ̀n ɓi ka yin.

2 TIMOTE 2:2

Kìɓan ki ù wokà mɛ̀ di nkakàlì ɓi mis mɛ ɓɛwusìnɛ̀ɗ lɛɛ̀gwey, ghagsi kɔ rì ɓum ɓɛ ntyweeyi ɓɛ ɓɛ ri rì ìtèɗ wulɛ ɓɛ resàg girig ɓɛ̀ro ɓɛdɛŋ.

2 TIMOTE 4:7

M̀mɛ ɗùù syeesyee à wɛ̀y, m̀mɛ lègsi kighɛŋii mɛ̀ree, ǹki ɓèŋ righerɛ̀n.

EBIREEGH 13:23

Yiina lɛ, ɓɛ ncàri Timote à geni wìs anɛ àa nɗì m̀ɓamɓanɛn, i à fyaŋzii fɛ kì kpaŋì, di tì rì mìni ɓiì yùu ki ghɛɛ̀ ǹɗaŋ lɛ rì mɛ̀ rì nyi.

EBIREEGH 3:14

Lɛ tì rì ɓum ɓɛ ɓɛɛ̀ kɛ̀ɛ̀kɛɛ nɗaŋ ri Kiris, di tì sììrɛɛ lɛ, ti ɓeŋ̀ ǹtyweeyi wu tì ɓaghà rì wɔ a rìtumɛ̀n.

EBIREEGH 6:18

Ɓìɓan ɓi ri min ɓiɓɛɛ̀ ɓi ɓi yin lɛ ɓi lɔgtɛ̀n, ɓyɛɛ̀ɓi Bɛ̀ll à yin ɗi ìtèɗ wu lɛ à foŋ pwàà miì. Fɔlɔɔ nnɛ ɓìsiɓɛ tì mɛ tanɛn ǹnyamzɛn a lɔ̀ŋkii, ɓi mɛ fati ɓisi itèɗ lɛɛ̀gwey, lɛ ti siìri kì ɓanì dyàɓɛn inɛ ìrì ɓìsi ǹfayɛn.

1 PYƐƐRI 3:9

Kɛ̀ ɓi rɔ̀ŋ kiɓe ri kìɓe, nsoò lɛ ɓi pɛɛ̀zi fìsɛm ri fìsɛm, lɔŋ com ki ɓì ghɛɛ̀sɛɛ kìkiì ki ri lɛ ɓi maŋ̀maŋ ɓum, lɛ kìɓan ki Bɛ̀ll à reŋìghà mìni miì kɛɛ̀kìn, lɛ ɓi teɗ mɛ̀wus mɛ ɓɛmààgh.

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.

1 ZYAŊ 2:25

Nni ǹkàg wu à faghà ɓìsi wɛɛ ri lɛ, cɛɓ ki fiɗyàɓ fikɔ̀ɔ̀.

ZYUUDƐ 1:3

Mìni ɓum ɓɛm ɓɛ nɗem, mɛ̀ɛ nɗì rì coo zày ìnɛ lɛ di màa kàni mìni kìɓan ki gòri ìnɛ ì seesee ɓìsi ɓɛ̀sɛ̀ɛ̀ ɓɛcèm; mɛ̀ɛ nɗì ǹtiniyɛn lɛ nki fɔlɔɔ lɛ nfegsi mìni lɛ ɓi ɗuù ɓisuu ntyweeyi wu Bɛ̀ll à faghà ɓɛ̀gherɛ̀n gɛ̀mbog ɓi gɛ̀n yicèm.

ÀPÒKÀLIƁSƐ̀ 3:3

Yiti min ɓiɓan ɓi Bɛ̀ll ɓi ù tekà rì ɓi ù wokà, ɓèŋa ɓyɔ ù ki lɔ̀ɔ̀ghrɛn nɗem; i ù kɔ̀rii ɓi cem, di ǹɗì wɔ̀ ɓiì yùu ki sìri kɔ̀ɔ ki yi ŋwos anɛ ǹɗì ɓiì yùu.