TIMOTE 5:5 - Bafia Nouveau Testament

⁵ Ǹkpɔɓ wu wu ri lɛ ǹkpɔɓ, wu wu rɔɓi nlɛŋlɛŋ̀ kɛ̀ɛ̀ mum, wu ri nkpɔɓ wu wu ri rì dyàɓɛn yɛ̀ɛ Bɛ̀ll, wɔ yɛɛ ti wɛ̀ kɛɛ̀ fwɛy ritɔtɔ̀g ɗi Bɛ̀ll ǹghɛɓsɛn ɓi bɔ̀ŋzɛ̀n yɛ̀ɛ ìru yɛ̀ɛ ŋwos.

TIMOTE 5:5 Iomraidhean Croise

LUKAS 18:1

Yeesus à tekà ɓɔ dàɗkì lɛ a resi ɓɔ lɛ, ɓɛ ghɛɛ̀sɛɛ kì ɓɔ̀ŋzag ɓyààmɛ̀n ɓìcèm, kɛ̀ ɓɛɛ̀ fɔɛy.

LUKAS 18:7

Bɛ̀ll à rì nya lɛ à rɔ̀ɓ lɛ à ɓàagh ɓi kiɓan ki ɓum ɓii ɓɛ à ɓɔ̀ngà di ɓɛɛ̀ ɓeeɓeràg nyi yɛ̀ɛ ìru, yɛ̀ɛ ŋwos? À rì nya lɛ à lɛ̀mzì ɓi ɓɛg wàa?

LUKAS 2:37

Fɔɔnnɛ à rɔ̀ɓkà ǹkpɔɓ; yɛ̀ɛ à ɓaghà min di à ti bèg mɛ̀tin mɛnin rì bèg yinin, nni à kɔ̀rìghà ɓi naà-Bɛ̀ll ìsuùcèm, à kìkì Bɛ̀ll kìsay lɛ, rì ìru rì ŋwos; àa ǹti à cèlàg ɓìɗilàg ɓyààmɛ̀n lɛɛ̀gwey, à ki ɓɔ̀ɔɓɔŋzàg.

MƐ̀KÌKÌÌ MƐ ƁƐKƐ̀NÌ-FÌTOM 26:7

Nkàg wiǹ wɛɛ̀wu mɛ̀kuu mis mɛcèm ntɛ̀ɗ ɗì mɛɓɛɛ̀rɛn mɛ mɛɛ̀ ɓɔɔɓɔgsì Bɛ̀ll lɛ rì ìru rì ŋwos kɛ̀ɛ̀ rìfɔɛy, mɛ tyweetywèèyì lɛ wu ri ɓiì roni rìfòm, ɓisuu ntyweeyi wiǹ innɛ Ɓɛ̀yudɛ̀n ɓɛɛ̀ sɔmag mɛ.

MƐ̀KÌKÌÌ MƐ ƁƐKƐ̀NÌ-FÌTOM 6:1

Ɓi cààmɛ̀n kiǹ, yɛ̀ɛ bàlì ì ɓɛ̀gherɛ̀n ì tèèghtèghɛ̀ngà nni ɓumɓɛ ɓɛ totòkà rìgìrɛg ɓɛ tumɛ̀ngà rìcɛɛ̀cɛ̀mdɛ̀n ɗi ɓɛroɓɛ ɓɛ totòkà kìtòkì ki Ɓɛ̀yudɛ̀n, ɓisuulɛ ɓɛ ǹti ɓɛ ɗimzàg mɛ̀kpɔɓ maa ɓi kàɓ à ɓìɗilàg ànɛ ɓɛ ǹkìlàg ɓɛ̀ŋwos ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 9:39

Fɔɔnnɛ à pɛ̀sɛ̀ngà, à kɛ̀ɛ̀zɛ̀n ɗì ɓɔ. Yɛ̀ɛ à kpagà wɔɔ, ɓɛ ɓɔg ɗì nyi ɓi kìden ki naa ki ɓi mɛɛ aɗyoo, mɛ̀kpɔɓ mɛcèm mɛ tyoŋdɛ̀n nyi a nyoo di mɛɛ̀ rènɗèn ɓɛ rerèsì nyi lɛ, rì bùɓa rì ɓɛ̀kàɓà ɓɛ Dorikas à raràɗkà di à kaka cem.

MƐ̀KÌKÌÌ MƐ ƁƐKƐ̀NÌ-FÌTOM 9:41

Pyɛɛri à ɓan nyi ɓi càg, à pɛ̀sì nyi mɛ̀rɛy. À regìì min lɛ, rì ɓɛ̀gherɛ̀n rì mɛ̀kpɔɓ, à rèsì ɓɔ nyi, ɓɛ ghɛn lɛ à ti cem.

RÒMƐŊ 1:12

Nsoò gì lɛ di ti faàfàlɛ̀n ìtèɗ nɗaŋ a lɔ̀ŋkin ɓi rìgherɛ̀n ɗi ɗi ri ɓìsi bas lɛ rì mɛ̀ rì mìni.

RÒMƐŊ 1:5

Ɓi Yeesus Kiris à Kan wìs nnɛ Bɛ̀ll à kìghà mɛ̀ geesɛ̀n ìnɛ lɛ mɓa ǹkɛ̀nì-fìtom ɓi rìkem ɗi Kiris lɛ nsyoŋ̀ yì ɓumɓɛ ɓi ɓìlɔ̀ŋ ɓìcèm lɛ ɓɛɛ gherɛn nyi, ɓɛ ki nyi mɛ̀wog.

1 KƆ̀RƐ̀ŊTYƐŊ 7:32

Mɛ̀ɛ nkɔ̀nkɔn kɔm̀ lɛ, ɓi ɓa kɛ̀ɛ̀ kìɓan ki kɛɛ̀ ɗiɗi mini mɛ̀rem; lɛ nɗem wu ŋwaànɛ à yin nwɔlɛn, wɛɛ̀ cɛɛrag ri ɓìɓan ɓi Kan; ŋwaàncèm ànɛn à ki kaakaa lɛ a ki ɓìɓan ɓi ɓi ri lɛ ɓi puɓsì Kan ǹɗem.

1 KƆ̀RƐ̀ŊTYƐŊ 7:34

à rì yɛɛ lɔɔ lɛ nɗem fɛ, nɗem fɛnii; fɔlɔɔ yɛɛ ri girig lɛ giɓ anɛ à rì kɛ̀ɛ̀ yii, nsoò lɛ gɔ̀n ìnɛ ì ka yi ɓi ɓɛbaŋì, ɓɛ ri ɓiì foŋì nɗem rì ɓìɓan ɓi Kan, lɛ ɓɛɛ ɓa ɓɛ̀tenɛn lɛ rì ɓi nyoo yaa, rì ɓi mɛ̀ghay maa; wɔ̀lɛ roànɛ à rì ǹwɔlɛn à rì ɓiì fèfeegh ɓiɓan ɓi ɓi ziinɛ, ri bee yi à rì lɛ à puɓsì yii wiì ǹɗem miì.

EFÈZYƐŊ 6:18

Ɓɔ̀ŋziina Bɛ̀ll cààmɛ̀n kìcèm, ri Nghay, ɓì tɔtɔ̀g nyi ǹghɛɓsɛn ɓi bɔ̀ŋzɛ̀n yin yicèm; ɓaana cem ɓi rìkì ɗiǹ, ɓì ki sììrɛn miì lɛ syeesyee, ɓì ɓɔ̀ŋzàg ɓisuu ɓɛgherɛ̀n ɓɛ̀cèm;

FÌLÌPYƐŊ 4:6

Kɛ̀ ɓi ghɛ̀ri nɗem aɗyòò rì com kidɛŋ, kìɓan kifog, ɓi ɓìɓan ɓìcèm, rèsiina Bɛ̀ll cɛ kɛɛ̀ki ɓì rì zày rì kɔ, ɓì bɔ̀ŋzɛ̀n, ɓì yɛ̀ɛ̀ghyɛ̀gsì nyi ɓyàg, ɓì ki fafa nyi ɓìtògsɛ̀n.

TIMOTE 2:1

Kìɓan ki asu ki ntɔki ki ri lɛ, ɓum ɓɛɛ tɔtɔg Bɛ̀ll ɓìɓan, ɓɛ ɓɔɔ̀ɓɔ̀ŋzì nyi, ɓɛ reǹɗèn nyi mɛ̀tɔɓ di ɓɛɛ̀ fafa nyi ɓìtògsɛ̀n ɓisuu ɓum ɓɛ̀cèm,

TIMOTE 5:16

I giɓ adɛŋ ànɛ à rì ǹgherɛ̀n à rì rì mɛ̀kpɔɓ mɛ mɛ riì ɓi boo yìì i mum, à ghɛ̀ɛ̀sɛɛ mɔ kìɓèŋi, lɛ ǹtɛ̀g wu mɛkpɔɓ mɛǹ wɛ̀ kɛɛ̀ siŋ ɗi Kìseŋi ki Kiris, fɔɔnnɛ Kìseŋi ki ri lɛ ki teɗ ǹtɛ̀g wu mɛkpɔɓ mɛ mɛ ri kɛ̀ɛ̀ mum.

TIMOTE 5:3

Nyaasag mɛ̀kpɔɓ mɛ ɓɛ̀yiɓ mɛ mɛ ri lɛ mɛ̀kpɔɓ.

2 TIMOTE 1:3

Ǹfaa Bɛ̀ll ànɛ nkìki kisay ɓitògsɛ̀n; kìsay kiǹ, ki ri rìkɛ̀n ɗi beèbɛ̀y ɗì kìsay ki ɓɛ̀seŋi ɓɛ̀m ɓɛ ɓɛsɛ̀ɛ̀ ɓɛ kighà nyi; nkìki kɔ rì nɗem wu sɛɛghi sɛɛghi, fɔlɔɔ nnɛ ǹfɔli ɓi wɔ rìɓùŋ yɛ̀ɛ ìru yɛ̀ɛ ŋwos ɓi bɔ̀ŋzɛ̀n yɛm̀;

1 PYƐƐRI 3:5

Fɔlɔɔ nnɛ ɓɛ̀gherɛ̀n ɓɛ ɓɛ̀yiɓ ɓɛ abɛ̀y, ɓɛ dyàɓɛn yaà ì ɓaghà yɛ̀ɛ Bɛ̀ll ɓɛ nti ɓɛ rɛŋɗàg, lɛ ɓɛ nti ɓɛ wokì ɓɛ̀yii ɓaa;