TIMOTE 5:3 - Bafia Nouveau Testament

³ Nyaasag mɛ̀kpɔɓ mɛ ɓɛ̀yiɓ mɛ mɛ ri lɛ mɛ̀kpɔɓ.

TIMOTE 5:3 Iomraidhean Croise

MATYOO 15:6

Rìkì ɗiǹ ɗi resii lɛ, ɓì ti ɓì tùùzàg jɛ̀ɛ̀ ì Bɛ̀ll lɛ ɓi nɔɔ̀ti ɓìsyɔ̀ɔ̀ ɓin.

MATYOO 23:13

Nyìighnyìg rì mìni ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ, fyɛɛ̀fyɛɛ̀ ɓì ŋwɔm ìghèy ɓi ɗùm, ɓisuulɛ ɓi ghegheg ɓum lɛ ɓɛ̀ kɛɛ ɗiŋi ɓi kìlɔ̀ŋ ki aɗyòò; mìniìɓɔmiɗ kɛ̀ ɓi ɗiŋi miì, kɛ̀ ɓi ki gherɛn lɛ, ɓumɓɛ ɓɛɛ̀ kɔ̀nkɔn lɛ ɓɛɛ ɗiŋi miì, ɓɛɛ ɗiŋì. [

LUKAS 2:37

Fɔɔnnɛ à rɔ̀ɓkà ǹkpɔɓ; yɛ̀ɛ à ɓaghà min di à ti bèg mɛ̀tin mɛnin rì bèg yinin, nni à kɔ̀rìghà ɓi naà-Bɛ̀ll ìsuùcèm, à kìkì Bɛ̀ll kìsay lɛ, rì ìru rì ŋwos; àa ǹti à cèlàg ɓìɗilàg ɓyààmɛ̀n lɛɛ̀gwey, à ki ɓɔ̀ɔɓɔŋzàg.

LUKAS 7:12

Yɛ̀ɛ à ɓaghà di à ti jàŋbog rì ìsuunaa wu ɓi rìɗìŋɗàg ɗi bàn ìnɛn, nni ɓɛ kɛnkɛ̀ngà kì ɓomi kìloŋ ki mum; mum àncèm à ɓaghà m̀bobog à man à ǹkpɔɓ wu giɓ wudɛŋ. Ɓumɓɛ ɓi bàn ìnɛn, lɛɛ̀gwey ɓɛ kɛɛ̀kɛ̀ɛ̀zɛ̀ngày ǹɗaŋ rì ǹkpɔɓ wiǹ.

ZYAŊ 1:47

Yɛ̀ɛ Yeesus à ghɛngà di Natanayɛl a yùyuiy nyi a nyoo nni à kpaaghà lɛ: Natanayɛl à rì kɔɔ̀kɔɔ̀ à muu Isirayɛl ànɛ à yin ɗi mɛ̀ɗyɔg.

MƐ̀KÌKÌÌ MƐ ƁƐKƐ̀NÌ-FÌTOM 6:1

Ɓi cààmɛ̀n kiǹ, yɛ̀ɛ bàlì ì ɓɛ̀gherɛ̀n ì tèèghtèghɛ̀ngà nni ɓumɓɛ ɓɛ totòkà rìgìrɛg ɓɛ tumɛ̀ngà rìcɛɛ̀cɛ̀mdɛ̀n ɗi ɓɛroɓɛ ɓɛ totòkà kìtòkì ki Ɓɛ̀yudɛ̀n, ɓisuulɛ ɓɛ ǹti ɓɛ ɗimzàg mɛ̀kpɔɓ maa ɓi kàɓ à ɓìɗilàg ànɛ ɓɛ ǹkìlàg ɓɛ̀ŋwos ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 9:39

Fɔɔnnɛ à pɛ̀sɛ̀ngà, à kɛ̀ɛ̀zɛ̀n ɗì ɓɔ. Yɛ̀ɛ à kpagà wɔɔ, ɓɛ ɓɔg ɗì nyi ɓi kìden ki naa ki ɓi mɛɛ aɗyoo, mɛ̀kpɔɓ mɛcèm mɛ tyoŋdɛ̀n nyi a nyoo di mɛɛ̀ rènɗèn ɓɛ rerèsì nyi lɛ, rì bùɓa rì ɓɛ̀kàɓà ɓɛ Dorikas à raràɗkà di à kaka cem.

MƐ̀KÌKÌÌ MƐ ƁƐKƐ̀NÌ-FÌTOM 9:41

Pyɛɛri à ɓan nyi ɓi càg, à pɛ̀sì nyi mɛ̀rɛy. À regìì min lɛ, rì ɓɛ̀gherɛ̀n rì mɛ̀kpɔɓ, à rèsì ɓɔ nyi, ɓɛ ghɛn lɛ à ti cem.

TÈSÀLÒNÌSYƐŊ 2:6

Tì kaaghà ɓi lɛ ɓum ɓɛɛ kemzi ɓisi, nsoò a lɔ̀ŋkin, nsoò a ɓum ɓɛm̀bog, kɔlɛ tì ɓaghà lɛ tì làmì mìni ɓi-tèɗ ɓi ɗii ɗi lɛ ɓɛ̀kɛ̀nì-fìtom ɓɛ Kiris.

TIMOTE 5:2

ù reɓkì ɓɛ̀sɛ̀ɛ̀mɛn ɓɛ ɓɛ̀yiɓ lɔŋ yɛ̀ɛ ù rì lɛ ù reɓ ɓɛ̀gaa, ù reɓkì ɓɛ̀yiɓ ɓɛɓwɛɗ yɛ̀ɛ ù rì lɛ ù reɓ ɓɛ̀goni ɓɛ ɓɛyìɓ; rìkì ɗiǹ ɗìcèm ɗi ɓa ɗìtɛnɛn lɛ kɔɔ̀kɔɔ̀.

ZYAG 1:27

Rìgherɛ̀n ɗi ɗi ri ɗìtɛnɛn, ɗi ki ɓa kɛ̀ɛ̀ tìfin ɓi mis mɛ Bɛ̀ll à Seŋi wìs ɗyɛɛ̀ tɔtɔg lɛ mum a kɛngi kì ghɛɛ̀ lɛ rì ɓɔɔ̀zii rì mɛ̀kpɔɓ cààmɛ̀n ki ɓɛ ri rì ǹɗemi-kɛŋɛn, à ki ɓèŋɗɛn lɛ kɛ̀ɛ kì ɓìɓan ɓi tifin ɓi ɓi ziinɛ.

1 PYƐƐRI 2:17

Nyaasiina mum bimiɗ, ɓì keesì ɓɛ̀geni ɓin ɓɛ righerɛn, ɓì risì Bɛ̀ll, ɓì nyaasì rìfòm.

1 PYƐƐRI 3:7

Fɔlɔɔ nnɛ mìni ɓɛ̀baŋì, ɓì ghɛɛ̀sɛɛ girig lɛ mum bimiɗ a ghɛɓ rì giɓ wiì, à yi lɛ ɓɛ̀yiɓ ɓɛ ri ɓumɓɛ ɓɛ yin ɗi ìtèɗ yɛ̀ɛ ɓɛ̀baŋì; terina ɓɔ rì nyaasɛ̀n lɛ ɓɛ ghɛɛ̀sɛɛ girig kìterì mààgh à cɛɓ bas ɗì mìni, di fɔlɔɔ nnɛ com kidɛŋ kɛ̀ kɛɛ̀ gheŋɗɛn ɓi bɔ̀ŋzɛ̀n yìn.