TIMOTE 5:21 - Bafia Nouveau Testament

²¹ M̀ɓɔ̀ŋzaagh wɔ̀ ɓi mis mɛ Bɛ̀ll rì ɓi mis mɛ Yeesus Kiris, rì ɓi mis mɛ ɓum ɓɛ titom ɓɛ ɓɛ ri ɓɛ̀ɓɔ̀nɛn lɛ, u ɓeŋ̀ ɓìɓan ɓi ǹsiitaagh wɔ̀ ɓiǹ, kɔ̀ɔ saa mum ìsu, kɔ̀ɔ ki ɓa ri nɗèè wu nɗem.

TIMOTE 5:21 Iomraidhean Croise

MATYOO 16:27

Lɛ Man à mum à ɓiì yùu ɓi rìkem ɗi Seŋi rì ɓum ɓii ɓɛ titom, nni fɔɔnnɛ à ɓiì lèɓi mum ǹcèm lɔŋ yɛ̀ɛ rìkì ɗii ɗi ri.

MATYOO 25:41

Fɔɔnnɛ rìfòm ɗi kalii gɛ ɓumɓɛ ɓi kìmɛŋ kii lɛ: Mìni ɓumɓɛ ɓì rì ɓɛ̀cɛ̀mɛn, pɛ̀sɛɛna mɛ̀ ɓi mis; ɓi kɛǹ ɓi ɗuu ɗi fiɗyàɓ fikɔ̀ɔ̀ ɗi ɓɛ pegsɛ̀ngà ɓisuu Satàn, ɗì ɓum ɓii ɓɛ titòm.

MATYOO 28:20

ɓì rèsàg ɓɔ rìɓèŋ ɗi ɓiɓan ɓìcèm ɓi nsiŋdɛ̀ngà mìni; ɓì ki yi lɛ, ǹɗì ɓiì ɓaà nɗaŋ ri mìni ɓɛ̀ŋwos ɓɛ̀cèm à kpaŋ ɓi rìlèg ɗi zi.

LUKAS 20:21

Nni ɓumɓɛ̀n ɓɛ tɔkà Yeesus ǹtɔɔ̀tɔɔgh lɛ: Ǹɗèsàz ɓìsii yii lɔŋ lɛ, ù rì roànɛ a kìki lɛ, à kpaakpàà saaɗ, à ki rèresi ɓum saaɗ, kɛ̀ɛ fiɓi riɓa ɗi mum; u ki rèresi ɓum bee inɛ yɛ̀ɛ Bɛ̀ll lɔŋ yɛ̀ɛ ki ghɛɛ̀sɛɛ ɓi saaɗ.

LUKAS 9:26

Ɓisuulɛ ŋwaànɛ à rì mɛ̀ ɓiì woògh ǹtoòrìɗ, nsoò lɛ à wog ɓìɓan ɓyɛm̀ ǹtoòrìɗ, Man à mum à woogh gɛ nyi girig ǹtoòrìɗ yɛ̀ɛ à yùugɛy ɓi rìkem ɗii, rì ɗì Seŋì, rì ɗi ɓumɓɛ titom ɓɛ ɓɛ ri ɓɛ̀tɛnɛn.

2 KƆ̀RƐ̀ŊTYƐŊ 5:16

Fɔlɔɔ nnɛ à tumɛ̀n ɓigomìnɛ ɓìsii yitii tì ɓi mum ɓi rìyi ɗi ɓi mɛ̀mùù; nsoò tì yighà Kiris ɓi rìyi ɗi ɓi mɛ̀mùù, tì yitii tì ɓi nyi ɓi rìkuu ɗi riyi ɗìn, ɓigomìnɛ.

TÈSÀLÒNÌSYƐŊ 5:27

M̀ɓɔ̀ŋzaagh mìni ɓi ɗii ɗi Kan lɛ, ɓi ɓày kaàtà ànɛ ɓi mɛ̀reè mɛ ɓɛgeni ɓis ɓɛ̀cèm ɓɛ ɓi rìgherɛ̀n.

TIMOTE 6:13

Ǹtɔɔgh wɔ̀ ɓi mis mɛ Bɛ̀ll ànɛ à ti à falàg ɓyom ɓìcèm cɛɓ, rì ɓi mis mɛ Yeesus Kiris, ànɛ à konàkà kì rèsii righerɛ̀n ɗii ɓi mis mɛ Pilat lɛ,

2 TIMOTE 2:14

Ɓìɓan ɓiǹ ɓyɛɛ̀ɓi ù ghɛ̀ɛ̀sɛɛ kì ɓìiɓiìtàg ɓum, ù ki siisiŋdɛ̀n ɓɔ ɓi mis mɛ Bɛ̀ll, lɛ ɓɛɛ lɛg ɓɛsaaka rì rìnyoònyòlɛ̀n ɓi kìɓan ki mii, lɛ ɓi ghɛɓsii ɓi com, di nya lɛ ɓyɛɛ ɗyaŋzi ɓumɓɛ ɓɛɛ̀ wowog ɓɛsaaka ɓɛǹ.

2 TIMOTE 4:1

M̀ɓɔ̀ŋzaagh wɔ̀ ɓi mis mɛ Bɛ̀ll rì ɓi mis mɛ Yeesus Kiris ànɛ à ghɛ̀ɛ̀sɛɛ kì yɔ̀mi lɛ rì ɓum ɓɛ cem rì ɓìloŋ, rì ɓi ɗii ɗi risugtìì ɗii, rì kìlɔ̀ŋ kii,

ZYAG 3:17

Ɗyomzɛ̀n ɗi ɗi riì aɗyoo ɗi ka rì ɗì tɛnɛn, ajɛ̀m ìnɛn ɗi ɓa tì lɛ fyòoog, ɗyɛ̀ kɛɛ̀ ròoroòtɛ̀n, ɗi kaaghì lɛ ɓum ɓɛɛ ɓa ɓɛ̀ràrɛn, ɗyɔ ɗìronɛn ri nɗem wu nyìighnyìg, ɗi ki kìlag ɓiɓan ɓi syeesyee, ɗyɛ̀ kɛɛ̀ ɓa ri ǹlànag nsoò tìfyèèrɛnà.

2 PYƐƐRI 2:4

Ɓisuulɛ i Bɛ̀ll à rɔ̀ɓkà kɛ̀ɛ kèŋi ɓum ɓɛ titom ɓɛ ɓɛ kighà kìɓe, à ràm lɔŋ à ɓangì ɓɔ, à ki pìki ɓɔ ɓi bɛŋ yi yi ri rì birìm, wɔɔ nnɛ ɓɛ kaka ɓɛ̀ɓanɓanɛn ɓɛ ɓoŋɓoŋ ɓɛ̀yɔ̀m ɓɛ Bɛ̀ll;

ZYUUDƐ 1:6

Ɓum ɓɛ titom ɓɛ ɓɛ ɓegà ɓi rigwey ɗi Bɛ̀ll à rɛsìghà ɓɔ miì, kìɓan kifog ɓɛ pɛsɛ̀n ɓi-kɔ̀ɔ̀ wu wu ɓaghà wuŋkaa, Bɛ̀ll a maà ɓèŋɓèŋ ɓɔ ɓɛ̀kàgakɛn ɓi mɛ̀sɛ̀ŋi cààmɛ̀n kìcèm ɓi birìm ɓiɗùm ɓɛ ɓoŋɓòŋ coo gòn i ɓɛ̀yɔ̀m.

ÀPÒKÀLIƁSƐ̀ 14:10

di à rì girig ɓiì nɔɔ̀ mɛ̀rɔ̀g mɛ ribaŋì ɗi Bɛ̀ll, mɛ mɛ ri mɛ̀ɓèniyɛn ɓi ɓeŋ à bim yiì, mɛ̀ kɛɛ̀ ɓa mɛ ɓùtɛn ɗi com kidɛŋ; à ki rì ɓiì wowoogh ntɔɓ ɓi ɗuu, rì ɓi ǹdùsi, ɓi mis mɛ ɓum ɓɛ titom ɓɛ ɓɛ ri ɓɛ̀tɛnɛn, rì ɓi mis mɛ Man à jɔ̀ɔ̀.