TIMOTE 4:6 - Bafia Nouveau Testament

⁶ Ù rì ɓiì ɓaà syeesyee à ǹkìì-kìsay a Yeesus Kiris di u kakali ɓɛgoni ɓìɓan ɓiǹ ù ki rèresi lɛ u mɛmɛni wɛ̀ɛmiɗ ɓi nghay rì ɓìɓan ɓi righerɛ̀n rì syeesyee à dɔgtɛ̀n ànɛ ù yilàkà yɛ̀ɛ ki ghɛɛ̀sɛɛ.

TIMOTE 4:6 Iomraidhean Croise

MATYOO 13:52

Nni à kpaaghà ɓɔ lɛ: Kìɓan kiǹ kɛɛ̀ki ǹɗèsì-ɓìdɔ̀gsɛna bimiɗ ànɛ à mɛ yilag ɓiɓan ɓi ɓi kìlɔ̀ŋ ki aɗyoo, à rì fɛlɛ yɛ̀ɛ ŋwaàmɛɛ, ànɛ à ti à sɔ̀ŋɗag yì ɓɛ̀nyɔɔnyɔn ɓɛ ɓyom, rì tìɗyàɓ ti ɓyom, ɓi jàŋ inɛ ìkum wii wu ri wu nyamɛn.

LUKAS 1:3

Mɛ̀ mɛ̀ɛ ǹtimi ɓìɓan ɓiǹ ɓìcèm lɔŋ yɛ̀ɛ ki ghɛɛ̀sɛɛ, à tumɛ̀n a rìtumɛ̀n ɗi ɓyɔ, nni mɛ̀ɛ nghɛɛ kìrɔɔ lɛ nkonag ɓyɔ kì wòŋzaagh, ǹki kàn yi wɔ̀ ɓyɔ lɛ tɛntɛ̀ɛ̀n, wɔ̀ gìn i mum ìnɛ lɛ Tyoofil,

MƐ̀KÌKÌÌ MƐ ƁƐKƐ̀NÌ-FÌTOM 1:15

Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 20:31

Fɔɔnnɛ ɓaana cem, ɓì ki yiti lɛ, ǹɗeɓi mìni bèg yiraa, yɛ̀ɛ ìru yɛ̀ɛ ŋwos kɛ̀ɛ nfɔɛy, rì misì ɓi mɛ̀tam.

MƐ̀KÌKÌÌ MƐ ƁƐKƐ̀NÌ-FÌTOM 20:35

Mɛ̀ɛ ǹɗèsii mìni bee yicèm lɛ, cààmɛ̀n ki ɓi sasay fɔlɔɔ, kɛɛ̀ki ɓì rì ɓiì ghɛɓsii ɓɛ̀roɓɛ ɓɛ yin ɗi ìtèɗ, ɓì ki yiti jɛ̀ɛ̀ ìnɛ Kan à kalìghà ɓi ŋwɔm wii lɛ: Rì ŋwaànɛ à faa, rì ŋwaànɛ ɓɛ faa com roànɛ à faa yɛɛ ti à ɓiisàg kì woògh kìrɔɔ.

RÒMƐŊ 15:15

Nsoò fɔlɔɔ mɛ̀ ǹkàniì mìni rì kìghɛɛsii lèg àdɛŋ, lɛ nghem̀zi mìni mɛ̀rem ɓi ɓìɓan ɓi ɓì ɓaghà di ɓyàa yilàg, mɛ̀ɛ ǹkàniì fɔlɔɔ, lɛ geesɛ̀n ìnnɛ Bɛ̀ll à rèsìghà mɛ̀,

1 KƆ̀RƐ̀ŊTYƐŊ 4:17

Ɓisuu kiɓan kiǹ nnɛ ǹɗomgày mìni Timote á man wɛm̀ à ǹɗem ànɛ ǹɗì rì ǹtyweeyi ri nyi ɓi rìgherɛ̀n; nnyɛɛ ri mìni biì yitii ɓiɓan ɓi mɛ̀ɛ nnɔ̀ɔnɔɔ̀tì ɓi cɛɓ kɛ̀m ki ɓi Kiris, ɓìɓan ɓi nki rèresi jàŋ bimiɗ ɓi ɓìseŋi ɓi Kiris ɓìcèm.

2 KƆ̀RƐ̀ŊTYƐŊ 11:23

I ɓɛ ri ɓɛ̀kìì-ɓìsay ɓɛ Kiris m̀ɓa kìyèg ki kɔɔ̀kɔɔ̀ lɛ mɛ̀ ǹɗì ǹkìì-kìsay a Kiris ǹcee ɓɔ, ɓi ɓìsay ɓi m̀mɛ kì, nni àa foo ri foo, ǹcee ɓɔ ɓi naà-zày yi m̀mɛ kɛ̀n, à kɛ̀n kì kpaŋì ɓi zàà yi ɓɛ mɛ kwiy mɛ, rì ɓi ɓɛ̀koŋnyoo ɓɛ riwù ɓɛ ǹti ǹghaaghràg miì ɓyààmɛ̀n lɛɛ̀gwey.

2 KƆ̀RƐ̀ŊTYƐŊ 3:6

Lɛ nyimiɗ yɛɛ faghà ɓìsi ìtèɗ wulɛ ti ɓa ɓɛ̀kìì-ɓìsay ɓɛ ɓi nyɔnnyɔn à bee, ànɛ à sasaghii ɓi ɓi ɓìdɔ̀gsɛna ɓi ɓi ri ɓìkànɛn, à sasaghii lɔŋ ɓi Ǹghay ɓisuulɛ ɓìdɔ̀gsɛna ɓi ɓi ri ɓì kànɛn ɓi ti ɓi weeyì mum, kìɓan kifog Ǹghay à falàg cɛɓ.

2 KƆ̀RƐ̀ŊTYƐŊ 6:4

Wɔ̀lɛ ɓi ɓìɓan ɓìcèm, ɓìsiì rèresi kɔm̀ lɛ tì rì ɓɛ̀kìì-ɓìsay ɓɛ Bɛ̀ll, ɓi coo rinìɗ ɗi nɗem ɗi tì rì rì ɗyɔ ɓi rìkɛŋ, rì ɓi cɛɓ ki nyìinyìg rì ɓi ɓìɓan ɓi ɓyɛɛ̀ falag iris,

EFÈZYƐŊ 6:21

Tisig, maaseŋi wìs a nɗem, ànɛ a kìki Kan kìsay ri ǹtyweeyi, à rì mìni ɓiì rèsii ɓiɓan ɓìcèm ɓi ɓi seesee cɛɓ kɛ̀m, lɛ ɓi yi com ki nkìki ɓigomìnɛ.

FÌLÌPYƐŊ 2:20

ɓisuulɛ ǹ-yin ɗi ŋwaàdɛŋ ànɛ tì rì mɛ̀yitì mɛ̀fog rì nyi, ànɛ à rì lɛ à ghɛ̀ghɛ̀rì lòo ǹɗem aɗyòò ɗì rìɓa ɗin.

FÌLÌPYƐŊ 2:22

Ɓì yii lɛ Timote à mɛ fa ɓirèmzɛnà ɓi ɓi resii lɛ à rì mum à ǹtyweeyi; ɓì yi girig lèg ànɛ à falɛ̀ngà ɓi kìsay ki Syeesyee à Ɓɔlɛ ǹɗaŋ ri mɛ̀ lɔŋ yɛ̀ɛ man ànɛ à rì seŋi a mɛ̀kòò.

FÌLÌPYƐŊ 3:16

Wɔ̀lɛ ɓì nɗɛli wu tì ti wu miì, tì ghɛ̀ɛ̀sɛɛ lɛ tì kɛ̀nkɛ̀n lɔŋ asu ǹɗaŋ.

KÒLÒSYƐŊ 2:19

Rìkuu ɗi mum ɗìn ɗi yin ɗi ràrɛn ri ǹto wu wu ɓanɓani nyoo bimiɗ, wu ki kì lɛ nyoo ìnɛ̀n yɛ̀ɛ rarag lɛ syeesyee ɓi jàŋ yi ì rì miì ǹwògakɛn ì ki tɔɔtɔɔ kitɔɔ ki Bɛ̀ll a fafa yɔ̀.

KÒLÒSYƐŊ 3:16

Jɛ̀ɛ̀ ì Kiris yɛ̀ɛ kɔri mìni ɓi mɛ̀rem rì ɓìɓan ɓi syeesyee ɓìcèm ɓi ì rì rì ɓyɔ; ki ghɛɛ̀sɛɛ lɛ, ɓi nyìinyìm wìn, ɓɛ̀ro ɓɛdɛŋ ɓɛ reèrèsàg ɓɛ̀ro ɓɛmbog, ɓì reèrèɓɓɛ̀n mìni rì mìni rì ɗyomzɛ̀n lɛɛ̀gwey; ɓì kɛkɛ̀ɛ̀gh Bɛ̀ll tyem ti ɓi ɓɛ̀sam, rì mɛ̀ɓàlì rì ɓìgheesì ɓi Ǹghay à resii, kìina kìɓan kiǹ rì nɗem win wucèm.

KÒLÒSYƐŊ 4:7

Ɓi kìɓan ki ki seesee rìɓa ɗyɛ̀m, Tisig à geni wɛ̀m à nɗem, ànɛ à rì ǹkìì-kìsay a Kan à ǹtyweeyi, ànɛ ti kìki kisay ki Kan ɗì nyi nɗaŋ, à rì mìni ɓiì kalii ɓiɓan ɓìcèm.

TÈSÀLÒNÌSYƐŊ 3:2

Fɔɔnnɛ tìi nɗomiì mìni geni wìs Timote, ànɛ à rì ǹkìì-kìsay a Bɛ̀ll ɓi rìghagsì ɗi Syeesyee à Ɓɔlɛ à Kiris lɛ a fa mìni ìtèɗ, à ki fegsi mìni ɓi rìgherɛ̀n ɗin;

TIMOTE 1:10

ɓɛ̀kìì-kìzyaa, ɓɛ̀baŋì ɓɛ ɓɛ ti ɓɛ kɔràg rì ɓɛ̀ro ɓɛ̀baŋì(n) ɓɛ̀kìì-dune ì ɓɛ̀kpàn, rì ɓɛ̀pwààpwaà, ɓɛ̀kànɛ̀n bɛ̀ɗ yi ɓɛpwàà, rì com kìcèm ki ki yin yɛ̀ɛ syeesyee à dɔgtɛ̀n ànɛ à rì ǹtɛnɛn a kpaakpàà.

TIMOTE 4:16

Ù konàg lɛ rì wɛ̀ɛmiɗ, rì ɓìɓan ɓi u rèresi ɓum, ù ki sììrɛn miì rì ìtèɗ; ɓisuulɛ i u kìki fɔlɔɔ, ù ɓiì ghɛɓsii lɛ rì wɛ̀ɛmiɗ, rì ɓumɓɛ ɓɛɛ̀ wowog rikpaa ɗyɔɔ.

TIMOTE 6:3

Ɓìɓan ɓi ù ghɛ̀ɛ̀sɛɛ kì rèsaagh di u siisiŋdàg ɓyɛɛ̀ ɓìn lɔɔ. I mum a rèresi dɔgtɛ̀n ìdɛŋ, kɛ̀ɛ nɔ̀ɔ̀ti ɓi syeesyee à rìkpaa à Kan wìs Yeesus Kiris, rì yɛ̀ɛ rìrèsì ɗi dɔgtɛ̀n ìnɛ ì ghɛ̀ɛ̀sɛɛ ɗì rìfalɛ̀n ɗi ɓi rìgherɛ̀n, ɓyɛɛ̀ kpaakpàà,

2 TIMOTE 1:6

Kìɓan kiǹ kɛɛ̀ki ǹtɔɔgh wɔ̀ lɛ, u lɔŋ̀zi tì ɗuu ɗi ɓi rìfa ɗi Bɛ̀ll ɗi ù tekà yɛ̀ɛ ǹsaghìghà wɔ̀ ɓyàg ɓi nyòò.

2 TIMOTE 3:10

Ɓi ɓɛg wɔ̀ɔ̀, ù ghɛngà rìrèsì ɗyɛm̀ lɛ syeesyee, rì rìghɛghɛ̀ɓ ɗyɛm̀, rì ɓɛ̀fèg ɓɛm, ɗì rìgherɛ̀n ɗyɛm̀, ɗì rìnìɗ ɗyɛm̀ ɗi nɗem, rì ǹkɔ̀nɛ̀n wɛ̀m, rì kìsììrì kɛm̀,

2 TIMOTE 4:3

Lɛ cààmɛ̀n kidɛŋ ki ri ɓiì ɓaà ki ɓum ɓaa cenɛnti ɓi riwowòg ɗi syeesyee à dɔgtɛ̀n, ɓɛ ri nɔ̀ɔnɔɔ̀tì lɔŋ ɓiɓan ɓi mɛ̀rem maa mɛɛ̀ kɔ̀nkɔ̀n, ɓɛ taŋzàg ǹkun wu ɓɛrèsàg, ɓɛ ɓɛɛ kpaakpaa ɓɔ ɓìɓan ɓi ɓyɛɛ̀ rɔɔrɔɔ ɓɔ rìwowòg;

Kaàtà ànɛ Pol à kàngà TIT 2:1

Ɓi san wɔ̀ɔ̀, rèresi ɓum ɓìɓan ɓi ɓi ri lɔŋ yɛ̀ɛ syeesyee à dɔgtɛ̀n a kpaakpàà.

1 PYƐƐRI 2:2

ɓaana fɛlɛ yɛ̀ɛ ɓɔn ɓɛ ɓwɛɗ, ɓì keesì milig mɛ ɓi nghay mɛ mɛ ri lɛ syeesyee mɛɛ ri jɛ̀ɛ̀ ì Bɛ̀ll di fɔɔnnɛ ɓi tɔɔ̀, ɓì ki ghɛn cɛɓ,

2 ZYAŊ 1:9

Mum ǹcèm ànɛ à ghaghii ɓìdyànì, kɛ̀ɛ ɓèŋdi rirèsì ɗi Kiris, à yin ɗi Bɛ̀ll; nni mum ǹcèm ànɛ à ɓiì kɛ̀ɛ asu à ɓèŋɓèŋ rìrèsì ɗi Kiris, à rì lɛ, nyi rì Seŋi, nyi rì Man.

ZYUUDƐ 1:5

Mìni ɓɛ ɓì yii ɓìɓan ɓiǹ ɓìcèm lɛ kɔɔ̀kɔɔ̀, nkɔ̀nkɔn lɛ n-yiti mìni lɛ, Kan à ɓaghà lɛ à mɛ kwèɗ yi kìlɔ̀ŋ ki Isirayɛl a Egiɓtɛn, fɔɔnnɛ à cuusìghà ɓumɓɛ ɓɛ ɓengà nyi kìgherɛɛ.