TIMOTE 4:16 - Bafia Nouveau Testament

¹⁶ Ù konàg lɛ rì wɛ̀ɛmiɗ, rì ɓìɓan ɓi u rèresi ɓum, ù ki sììrɛn miì rì ìtèɗ; ɓisuulɛ i u kìki fɔlɔɔ, ù ɓiì ghɛɓsii lɛ rì wɛ̀ɛmiɗ, rì ɓumɓɛ ɓɛɛ̀ wowog rikpaa ɗyɔɔ.

TIMOTE 4:16 Iomraidhean Croise

MARIKUS 13:9

Konaaghna rì mìniìɓɔmiɗ lɛ ɓum ɓɛ ri ɓiì kɛ̀ɛ ri mìni ɓi ɓìkpanà ɓi ɓɛyɔ̀m, ɓɛ ki ɓog mini kìtòn ɓi naa yi bɔ̀ŋzɛ̀n. Ɓì ɓiì rɛlii ɓɛyɔ̀m ɓi mis mɛ ɓɛ̀gɔmìnà rì ɓi mis mɛ mɛfòm, ɓisuu kiɓan kɛm̀ lɛ ɓi resi ɓɔ saaɗ ànɛ miì.

LUKAS 21:34

Ɓì konàg rì mìniì ɓɔmiɗ, lɛ ɓìsɛ̀nɛ̀ rì ɓìzɛ̀ŋ ɓi mɛrɔ̀g rì rìcɛɛ̀cɛ̀ɛ̀rɛ̀n ɗi nɗem ɓyɛ̀ kɛɛ̀ fa mɛrem min ìɓwɛɗ; di ŋwos anɛ̀n à ri sìɗ mini ǹsìrɛn.

MƐ̀KÌKÌÌ MƐ ƁƐKƐ̀NÌ-FÌTOM 26:22

Wɔ̀lɛ, rìɓèŋ ɗi Bɛ̀ll a ɓèŋɓeŋ mɛ, ɗyɛɛ kiì lɛ, m̀ɓaɓa ɓi cɛɓ à kpaŋ gɛɛ̀nɛ, fɔɔnnɛ ǹɗì fɛlɛ yɛ̀ɛ wusìnɛ̀ɗ ànɛ a kakali lɛ, rì ɓɔɓti, rì ɓɛ̀sɛ̀ɛ̀mɛn, ɓiɓan ɓii, kɛ̀ɛ ǹki sagti kiɓan kidɛŋ ɓi ɓìɓan ɓi ɓɛ̀kpaŋzì-ɓìɓan rì Moyis ɓɛ kpaaghà lɛ, ɓi ri ɓiì kìlɛɛ,

MƐ̀KÌKÌÌ MƐ ƁƐKƐ̀NÌ-FÌTOM 6:4

Fɔɔnnɛ ɓìsii ri ɓiì kɛ̀ɛ asu, tì sììrɛ̀n ɓi bɔ̀ŋzɛ̀n, rì ɓi rìghagsì ɗi jɛ̀ɛ̀ ì Bɛ̀ll.

RÒMƐŊ 11:14

Lɛ i bee yàa rì lɛ ì ɓa, ǹkì lɛ ɓumɓɛ ɓi kìlɔ̀ŋ kɛm̀ ɓɛɛ wog yɔ̀ɔ̀tì, di gàɓ ìdɛŋ yɛ̀ɛ ghɛ̀ɓ.

RÒMƐŊ 16:17

Ɓɔɔsoŋ̀, ǹkalii mìni lɛ, ɓi konag rì ɓumɓɛ ɓɛɛ̀ syòŋsyoŋ yi gasɛ̀n, ɓɛ ki kɛ̀ɛkɛɓtì ɓɛ̀gherɛ̀n tìɓàg, rìkì ɗiǹ ɗyɛɛ̀ yooyogsì rìrèsàg ɗi ɓì tekà. Kɛ̀ ɓi ɓasɛn ɗi mɛ̀kuu mɛ ɓum mɛ̀n.

RÒMƐŊ 2:7

Fɔlɔɔ nnɛ ɓumɓɛ ɓɛ siìrɛ̀ngà ɓi rìkì ɗi kirɔɔ, ɓɛ kaakàà rìkem ɗi yɛ̀ɛ Bɛ̀ll, rì ǹnyàasɛ̀n, rì cɛɓ ki kɛ̀ kɛɛ̀ lèg, Bɛ̀ll fa ɓɔ cɛɓ ki fiɗyàɓ fikɔ̀ɔ̀.

1 KƆ̀RƐ̀ŊTYƐŊ 1:21

Lɛ yɛ̀ɛ ɓumɓɛ ɓi ziinɛ ɓɛ ɓaghà ɓi lɛ ɓɛ yi Bɛ̀ll rì ɗyomzɛ̀n ɗyaa jàŋ inɛ ɗyomzɛ̀n ɗi Bɛ̀ll ɗyɛɛ̀ rèeresɛ̀n, nni Bɛ̀ll à kɔ̀ngà lɛ a ghɛɓsi ɓumɓɛ ɓɛ gherɛɛ nyi, rì kìyèg ki kiɓan ki ɓìsiì làalamɓɛ̀n.

1 KƆ̀RƐ̀ŊTYƐŊ 9:22

Mɛ̀ kɔ̀kɔg ɓi nyìinyìm à ɓumɓɛ ɓɛ ri kɛ̀ɛ̀ ìtèɗ lɛ di nsyoŋ ɓɔ, fɔɔnnɛ ǹghaasìghà mɛ̀ɛmiɗ rikuu ɗi com ɗìcèm ɓi ɓɛg ànɛ a ɓum ɓɛ̀cèm, lɛ nsoò kaa ɓaa la, nsyoŋ gàɓ ìdɛŋ ìnɛ ɓi ɓɔ.

1 KƆ̀RƐ̀ŊTYƐŊ 9:27

Nkìki kɔm̀ nyoo yɛ̀m rìgɛn, ǹghaasì yɔ̀ ǹkpàn lɛ kɛ̀ kɛɛ̀ ɓaa gɛ lɛ mɛ̀ɛmiɗ anɛ ǹkpaaghà ɓum ɓɛdɛŋ Syeesyee à Ɓɔlɛ, mɛ̀ yɛɛ ɓa ǹcàrɛn ɓi ɗyɔ̀m.

EFÈZYƐŊ 4:14

Fɔlɔɔ nnɛ tyàa ɓa ti ɓi ɓɔɓti ɓɛ ɓɛ ri kɛ̀ɛ̀ goo, ɓɛ ɓɛ ri lɛ rì rìkuu ɗi dɔgtɛ̀n ɗiǹ miì ɓɛ nɔɔ̀tì, ɓum ɓɛ yeèghyègsì ɓɔ lɛ rì momzɛ̀n maa, rì mɛ̀ghèy mɛ ɓɛ ti ɓɛ syogì ɓum miì ɓi rìnàn.

KÒLÒSYƐŊ 4:17

Kaliina Arisip lɛ: Ù konàg rì kìsay ki Kan à faghà wɔ̀, tèèsi nyoo lɛ u konag kɔ kì kìi.

TÈSÀLÒNÌSYƐŊ 2:16

Ɓɛ ti ɓɛ rekì ɓìsi lɛ tyɛ̀ ki ghagsi jɛ̀ɛ̀ ì Bɛ̀ll a ɓumɓɛ ɓɛ yin Ɓɛ̀yudɛ̀n lɛ ɓɛɛ ɓa rì cɛɓ. Rìkì ɗiǹ ɗyɛɛ̀ɗi ɓɛɛ̀ kɛ̀nkɛn beèbɛ̀y ɓɛ teètègsì kìɓe kaa cààmɛ̀n kìcèm rì ɗyɔ̀; wɔ̀lɛ rìbaŋì ɗi Bɛ̀ll ɗi mɛ syɔn ɓɔ kìkòmi.

TIMOTE 1:3

Fɛlɛ yɛ̀ɛ ǹtɔkà wɔ̀ di ǹti lɛ nkɛǹ a Masedwan, ki ghɛɛ̀sɛɛ lɔŋ lɛ, u kɔkɔri a Efɛɛzɛ lɛ u siìtɛn ɓum ɓɛdɛŋ lɛ ɓɛ̀ kɛɛ̀ rèresi dɔgtɛ̀n yidɛŋ,

TIMOTE 4:15

Falɛn wɛ̀ɛmiɗ bimiɗ ù ki foŋ ǹɗem ɓi kìsay kiǹ di fɔɔnnɛ kɛɛ ghɛnɛn ɓi mis mɛ ɓum ɓɛ̀cèm lɛ rìkìkì ɗyɔɔ ɗi kisay ɗyɛɛ̀ ceecenɗɛ̀n.

TIMOTE 4:6

Ù rì ɓiì ɓaà syeesyee à ǹkìì-kìsay a Yeesus Kiris di u kakali ɓɛgoni ɓìɓan ɓiǹ ù ki rèresi lɛ u mɛmɛni wɛ̀ɛmiɗ ɓi nghay rì ɓìɓan ɓi righerɛ̀n rì syeesyee à dɔgtɛ̀n ànɛ ù yilàkà yɛ̀ɛ ki ghɛɛ̀sɛɛ.

2 TIMOTE 2:10

Kìɓan kiǹ kɛɛ̀ki nceecenɛ̀n mɛ̀tɔɓ mɛ̀cèm ɓisuu ɓumɓɛ ɓɛ ri ɓɛ̀ɓɔ̀nɛn lɛ di ɓɔ girig ɓɛɛ ɓa rì cɛɓ ki ki ri ɓi Yeesus Kiris bas rì rìkem ɗi fiɗyàɓ fikɔ̀ɔ̀.

2 TIMOTE 3:14

Wɔ̀ɔ̀ sììrɛn lɛ tiŋtiŋ ɓi kìɓan ki ù yilàkà, kɛɛ̀ki ǹtyweeyi wɔɔ wu ri miì; ù yii ŋwaànɛ ù yilàkà kìɓan kiǹ a lɔ̀ŋkii.

2 TIMOTE 4:2

lɛ u kakali jɛ̀ɛ̀ ì Bɛ̀ll, ù sììrɛ̀n miì ɓyààmɛ̀n ɓìcèm, lɛ rì ɓi syeesyee rì ɓi ɓeɓtɛn; kìya lɛ ɓum ɓɛɛ gherɛn, fwààdag ɓum, ù rerèɓ ɓɔ, ù yi rìnìɗ ɗi nɗem, ù ki rèeresàg ɓɔ.

Kaàtà ànɛ Pol à kàngà TIT 1:9

à sììrɛ̀n lɛ tiŋtiŋ ɓi kɔɔ̀kɔɔ̀ à jɛ̀ɛ̀ lɔŋ yɛ̀ɛ ɓɛ resìghà nyi yɔ̀, fɔlɔɔ nnɛ à rì ɓiì ɓaà rì ìtèɗ wulɛ a rereɓ ɓum yɛ̀ɛ syeesyee à dɔgtɛ̀n a rèrèsì, à ki kì lɛ ɓumɓɛ ɓɛɛ̀ ɗùùɗuu ri syeesyee à dɔgtɛ̀n ɓɛɛ yi lɛ ɓɔ yɛɛ ri ɓi zɛ̀ɗ.

Kaàtà ànɛ Pol à kàngà TIT 2:15

Ɓìɓan ɓi ù ghɛ̀ɛ̀sɛɛ kì kakalii ɓum ɓyɛɛ̀ ɓìn lɔɔ, ù tèètèèsì ɓɔ nyoo, ù ki fwààdag ɓɔ ɗì ìtèɗ wu rilàmì wùcèm wu ù rì rì wɔ. Kɔ̀ɔ gherɛn lɛ mum a sɛɛ̀ti wɔ̀.

Kaàtà ànɛ Pol à kàngà TIT 2:7

Wɛ̀ɛmiɗ ù ɓa kìfèèghrɛnà ɓi rìkì ɗi ɓiɓan ɓi syeesyee, ù rèèrèsàg ɓum dɔgtɛ̀n inɛ ì rì ǹtɛnɛn, ɗì rìmum.

FILEMƆŊ 1:19

Mɛ̀ Pol yɛɛ kaniì kìɓan kiǹ rì càg kɛm̀ lɛ, ǹɗì wɔ̀ ɓyɔ ɓiì lèɓi; yɛ̀ɛ kɛ̀ɛ n-yiti wɔ lɛ ù rì mɛ̀ rì pon, pon anɛ̀n yɛɛ ri lɛ cɛɓ kɔɔ kɔmiɗ.

EBIREEGH 12:15

Ɓì konàg lɛ ŋwaàdɛŋ kɛ̀ɛ ɓa lɛ à rèèghrɛ̀n geesɛ̀n ì Bɛ̀ll, nsoò lɛ gàŋ i ǹlòlolɛn yɛ̀ kɛɛ̀ ròò ǹɗuŋ, lɛ yɛ̀ɛ ɓuùsi jàŋ, ì ki yeesi ɓum lɛɛ̀gwey ri ìrɔ̀g wu yɔ̀.

EBIREEGH 13:9

Kɛ̀ ɓi càrɛn lɛ mɛ̀rèsàg mɛ̀kuu mɛ̀kuu mɛ mɛ riì tìràɓ, mɛɛ ɗimzi mìni bee, lɛ ki rɔɔtɛɛ lɛ ǹɗem wɛɛ teɗ ìtèɗ lɛ geesɛ̀n ì Bɛ̀ll, à cee ɓìsyɔ̀ɔ̀ ɓi ɓi komi ɓìɗilàg ɓi ɓi ghɛɓsìghà ɓi ɓumɓɛ ɓɛ falɛ̀ngà miì nsoò ɓi bee idɛŋ.

ZYAG 5:20

yiina lɛ ŋwaànɛ à ɓiì kìi lɛ ǹkìì-kìɓe a pɛsɛn yì ɓi bee inɛ à tɔlɛ̀ngà miì, à kòri ǹghay wu ǹkìì-kìɓe anɛ̀n ɓi rìwu, à ki kì lɛ Bɛ̀ll a cenɛn ǹkun wu ɓiɓe.