TIMOTE 4:14 - Bafia Nouveau Testament

¹⁴ Kɔ̀ɔ sɛɛti rifa ɗi Nghay ɗi ù rì ri ɗyɔ, ɗi ù tekà ɓi rìkpaa ɗi ɓɛ̀kpaŋzì-ɓìɓan, ɓɛ kpaaghà, ɓɛ̀sɛ̀ɛ̀mɛn ɓɛ Kiseŋi ɓɛ saghì wɔ̀ ɓyàg ɓi nyòò.

TIMOTE 4:14 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 11:30

Yɛ̀ɛ ɓɛ kighà fɔlɔɔ, nni ɓɛ romgà min Sol ɓɛɛ̀ Ɓarinaɓas rì ɓyom ɓìn lɛ, ɓɛɛ kɛǹ ɓyɔ kì faà rì ɓɛ̀sɛ̀ɛ̀mɛn ɓɛ a Zyude.

MƐ̀KÌKÌÌ MƐ ƁƐKƐ̀NÌ-FÌTOM 13:3

Fɔɔnnɛ ɓɛ kighà lɛ, ɓaa cèli ɓiɗilàg, ɓɛ ɓɔŋzàg Bɛ̀ll, ɓɛ ki saaghrag ɓɔ ɓyàg ɓi nyoo, ɓɛ càɗ min ɓɔ lɛ ɓɛɛ ghaàgh.

MƐ̀KÌKÌÌ MƐ ƁƐKƐ̀NÌ-FÌTOM 19:6

Fɔɔnnɛ Pol à saghìghà ɓɔ ɓyàg ɓi nyoo, Kìtɛntɛ̀ɛ̀n ki Nghay ki sɛn yì ɓi ɓɔ, ɓɛ tumɛ̀n ɗìtòg ɗi ɓìkènekènè ɓi ɓitòkì di ɓɛɛ̀ kpaakpaa ɓiɓan ɓi Bɛ̀ll à rèrèsìghà ɓɔ lɛ, ɓɛɛ kpaà.

MƐ̀KÌKÌÌ MƐ ƁƐKƐ̀NÌ-FÌTOM 22:5

Ǹlàmì ɓɛ̀pìrɛɛtìrɛ̀ àgwey rì ɓɛ̀sɛ̀ɛ̀mɛn ɓɛ Ɓɛ̀yudɛ̀n ɓɛ ri mɛ̀ ɓɛ̀wusìnɛ̀ɗ lɛ, ɓɛ faghà kɔm̀ mɛ̀ ɓɛ̀kaàtà ɓisuu ɓɛgherɛ̀n ɓɛ a Damas. Nni ǹkɛ̀ngà wɔɔ lɛ, ǹsug yì rì ɓɛ̀roɓɛ ǹtanɛɛ, a Yorisalɛm, ɓɛ̀kàgakɛn ɓi ɓìsɔŋ di ɓɛɛ pɔnɔ̀si ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 6:6

Nni ɓɛ yughày rì ɓumɓɛ kitaàɓɛ̀ɛ̀, ɓɛ resì ɓɛ̀kɛ̀nì-fìtom, ɓɛ̀kɛ̀nì-fìtom, ɓɛ ɓɔŋzàg Bɛ̀ll, ɓɛ ki saaghràg ɓɔ ɓyàg ɓi nyòò.

MƐ̀KÌKÌÌ MƐ ƁƐKƐ̀NÌ-FÌTOM 8:17

Fɔɔnnɛ ɓɛ̀-Pyɛɛri ɓɛɛ̀ Zyaŋ ɓɛ tumɛ̀ngà ɓɔ rìsasààgh ɗi ɓyàg ɓi nyoo, ɓɛ teɗ min Kitɛntɛ̀ɛ̀n ki Nghày.

TÈSÀLÒNÌSYƐŊ 5:19

Kɛ̀ ɓi ɓuɓsi Kìtɛntɛ̀ɛ̀n ki Nghay.

TIMOTE 1:18

Man wɛm̀ Timote, kìɓan ki mɛ̀ ǹsiŋ̀dɛɛ wɔ̀ ki rarɛɛ yì rì ɓìɓan ɓi Nghay à rèsìghà ɓi san wɔ̀ɔ̀; ɓi ɗi yɛ̀ɛ ɓìɓan ɓiǹ ɓyɛɛ̀ kpaakpàà, ki ghɛɛ̀sɛɛ lɛ u ɗùu syeesyee à wɛ̀y,

TIMOTE 4:15

Falɛn wɛ̀ɛmiɗ bimiɗ ù ki foŋ ǹɗem ɓi kìsay kiǹ di fɔɔnnɛ kɛɛ ghɛnɛn ɓi mis mɛ ɓum ɓɛ̀cèm lɛ rìkìkì ɗyɔɔ ɗi kisay ɗyɛɛ̀ ceecenɗɛ̀n.

TIMOTE 5:17

Ɓɛ̀sɛ̀ɛ̀mɛn ɓɛ Kiseŋi ɓɛ ɓɛɛ̀ kɛ̀ɛkɛɛ̀sì ɓìɓan lɛ syeesyee, à ɓiisɛ̀n ɓɛ̀roɓɛ ɓɛɛ̀ teetekì ǹtɔɓ lɛ ɓɛɛ kakali ɓìɓan ɓi Bɛ̀ll ɓɛ ki rèresi ɓyɔ, ɓɛ ghɛɛ̀sɛɛ rì ǹyaasɛ̀n ànɛ à cee à ɓɛ̀ro ɓɛmbog gɛ̀n yiɓɛɛ̀.

TIMOTE 5:19

Kɔ̀ɔ gherag sɔmìnà à ǹsɛ̀ɛ̀mɛn a Kìseŋi di ɓɛ̀nkɔ̀ɔwa ɓɛ yin ɓɛɓɛɛ̀ nsoò lɛ ɓɛraa ɓɛ ɓɛɛ ɓaàzi sɔmìnà ànɛn.

TIMOTE 5:22

Kɔ̀ɔ fyɛ̀ɗmag kisaghii mum ɓyàg ɓi nyoo lɛ duri yàa tani, kɔ̀ɔ ɓɛmdag ɓiɓe ɓi ɓum ɓɛdɛŋ, ɓèŋɗɛn wɛ̀ɛmiɗ ntɛnɛn.

TIMOTE 6:12

Ɗùùya syeesyee à wɛ̀y a rìgherɛ̀n, ù ɓan cɛɓ ki fiɗyàɓ fikɔ̀ɔ̀ ki Bɛ̀ll à reŋìghà wɔ̀ lɛ u teɗ, cɛɓ kìn kɛɛ̀ki ù tòòghrɛ̀ngà ɓìsyeesyee ɓi ɓitòkì miì, ɓi mis mɛ ɓum lɛɛ̀gwey yɛ̀ɛ ù rèsìghà rìgherɛ̀n ɗyɔɔ.

2 TIMOTE 1:6

Kìɓan kiǹ kɛɛ̀ki ǹtɔɔgh wɔ̀ lɛ, u lɔŋ̀zi tì ɗuu ɗi ɓi rìfa ɗi Bɛ̀ll ɗi ù tekà yɛ̀ɛ ǹsaghìghà wɔ̀ ɓyàg ɓi nyòò.