TIMOTE 4:1 - Bafia Nouveau Testament

¹ Ǹghay a kpaaghi lɛ tɛntɛ̀ɛ̀n lɛ, ɓi mɛ̀ru mɛ siitòn, ɓum ɓɛɗɛŋ ɓɛ naŋigɛ rìgherɛ̀n, ɓɛ nɔɔ̀tì mɛ̀ghay mɛ mɓɔ̀ŋɗɛ̀n rì dɔgtɛ̀n yi ɓiɓeɓtàg ɓi mɛghay;

TIMOTE 4:1 Iomraidhean Croise

MATYOO 18:7

Nyìighnyìg rì ziinɛ lɛ ɓìɓan ɓi kɛ̀ɛkɛɓtìyɛ̀n ɓum tìɓàg ɓi ri miì. Tìɓàg ti yin lɛ ti taŋ̀, kìɓan kìfog, nyìighnyìg rì ŋwaànɛ à rì ɓiì kɛ̀ɓtii romum fìɓàg.

LUKAS 17:1

Nni Yeesus à kpaaghà ɓɛ̀yilàg lɛ: Ɓum ɓɛ yin lɛ ɓɛ rɔɓ lɛ ɓɛ kɛɓtɛɛ ɓi fiɓàg, kìɓan kifog, nyìighnyìg rì ŋwaànɛ à ɓiì kɛ̀ɛkɛɓtì ɓum tìɓàg.

ZYAŊ 16:13

Lɔŋ yɛ̀ɛ Nghay à ɓɛ̀kɔɔ̀kɔɔ̀ ɓɛ ɓiɓan a ri yù, à ri rèsi mini saaɗ bimiɗ. Lɛ, àa kpaa ɓi mini ɓìɓan ɓi nyimiɗ yɛɛ ɓekii lɛ a kpaà, à rì lɔŋ mini ɓiì kpaà ɓìɓan ɓìcèm ɓi à woogh, à ki kpaa mini ɓìɓan ɓi ɓi ghɛɛ̀sɛɛ kì kìlɛɛ ɓi mɛ̀ru mɛ asu.

MƐ̀KÌKÌÌ MƐ ƁƐKƐ̀NÌ-FÌTOM 13:2

Ŋwos adɛŋ ànɛ ɓɛ ɓaghà ɓi rìɓɔgsì ɗi ɗii ɗi Kan, ɓɛ ki cèli ɓiɗilàg ɓi ŋwos àncèm ànɛn, Kìtɛntɛ̀ɛ̀n ki Nghay ki kpaaghà ɓɔ lɛ! Pisiina mɛ̀ ɓum ɓɛ lɛ rì Ɓarinaɓas, rì Sol, lɛ ɓɛɛ ki kìsay ki ǹɗegìghà ɓɔ lɛ ɓɛɛ ki.

MƐ̀KÌKÌÌ MƐ ƁƐKƐ̀NÌ-FÌTOM 17:18

Ɓɛ̀rèsàg dɔgtɛ̀n yidɛŋ yi yɛɛ, kpaakpaa lɛ ŋwaà keèsi rìyɛ̀y ɗi cɛɓ, rì lɛ, ŋwaà ghɛ̀ɛ̀sɛɛ kì ɓiɓì nɗem ɓi rìkɛŋ, ɓɛ tumɛ̀ngà girig ìkurè rì Pol, ɓɛ̀roɓɛ lɛ: Cɛ ǹkìì-kɛɛgh anɛ a kpaakpaa kɔmiɗ? Ɓɛ̀ro ɓɛm̀bog ɓɛ ɓaàg lɛ: Ki pisɛɛ yɛ̀ɛ a kakali kiɓan ki bɛ̀ll yidɛŋ, yi tì yii ɓi; ɓɛ ɓakà fɔlɔɔ ɓisuulɛ, ɓɛ wokà di Pol a kakali Ɓɔlɛ à Yeesus, rì rìghèmɓɛ̀n ɗi ɓiloŋ.

MƐ̀KÌKÌÌ MƐ ƁƐKƐ̀NÌ-FÌTOM 20:23

Kìɓan kifog, ǹ-yii lɛ ɓi bàn bimiɗ ìnɛ ǹkpaŋi wɔɔ, Kìtɛntɛ̀ɛ̀n ki Nghay ki ti ki resàg mɛ̀ lɛ, rì naà-zày, rì ǹkulɛ̀n ɓyɛɛ̀ ɓoŋɓoŋ mɛ wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 21:11

Yɛ̀ɛ à yughà ɓìsi kìtanɛɛ a teɗ kànɗa à Pol, à kàgì lɛ rì mɛ̀kòò mii, rì ɓyàg ɓii, à ki kpaa lɛ: Kìtɛntɛ̀ɛ̀n ki Nghay kɛɛ̀ kpaaghi lɛ: Ɓì ghɛɛ? Fɛlɛ nnɛ Ɓɛ̀yudɛ̀n ɓɛ ri ɓiì kàŋi ŋwaànɛ à rì rì kànɗa ànɛ, ɓɛ ki teɗ nyi, ɓɛ fa nyi ɓi ɓyàg ɓi ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 28:25

Nni yɛ̀ɛ ɓɛ pɛsɛ̀ngà rìsug, di ɓɛ mɛ rɔ̀ɓ kɛ̀ ɓɛɛ̀ wooghrɛn jɛ̀ɛ̀, com ki Pol à kpaatìghà ɓɔ ki ɓaghà lɛ: Kìtɛntɛ̀ɛ̀n ki Nghay ki kpaghà lɔŋ saaɗ yɛ̀ɛ ki kalìghà rì ɓɛ̀seŋi ɓin ɓi ŋwɔm wu ǹkpaŋzì-ɓìɓan Ezayii lɛ:

1 KƆ̀RƐ̀ŊTYƐŊ 10:20

Àg! Wɔ̀lɛ ɓìɓeɓtàg ɓi mɛghay ɓyɛɛ̀ɓi ɓɛ ti ɓɛ funàg ɓyom ɓìn ɓisu waa àa ɓisuu Bɛ̀ll. Nni mɛ̀ ǹkɔ̀ni ɓi lɛ ɓi ɓa ɓɛ̀ràrɛn ɗi ɓìɓeɓtàg ɓi mɛghay.

1 KƆ̀RƐ̀ŊTYƐŊ 11:19

Ki ghɛɛ̀sɛɛ kɔmiɗ lɛ mɛ̀lànag mɛɛ ɓa ɓi nyìinyìm wìn, lɛ di ɓumɓɛ ɓi nɗaŋ win ɓɛ ɓɛ ri ɓɛ̀ sììrɛn ɓɛɛ yilɛn.

1 KƆ̀RƐ̀ŊTYƐŊ 12:11

Lɔŋ m̀bobog à Nghay ànɛ̀n nnyɛɛ̀ kìki ɓiɓan ɓiǹ ɓìcèm, à ki kàakàɓsì ɓyɔ lɛ rì ŋwaànɛ̀n miì à fa com ki à kɔ̀ni.

1 KƆ̀RƐ̀ŊTYƐŊ 2:10

Ɓìsi ɓɛɛ̀ɓɛ Bɛ̀ll à mɛ rèsi ɗyomzɛ̀n ɗiǹ rì Ǹghay, ɓisuulɛ Ǹghay à ti à timgì ɓìɓan ɓìcèm, nsoò ɓɛ̀fèg ɓɛ Bɛ̀ll ɓɛ ɓɛ ri ɓɛ̀rimɛn lɛ kɔɔ̀kɔɔ̀.

2 KƆ̀RƐ̀ŊTYƐŊ 11:3

Nsoò fɔlɔɔ, ǹɗì rì mɛ̀riighrikì lɛ, fɛlɛ yɛ̀ɛ nyoo ì yègsìghà Ɛɛvɛ rì ɗyomzɛ̀n ɗi ì ɓaghày rì ɗyɔ, mɛ̀yitì min mɛ̀ kɛɛ̀ ɓa lɛ mɛ ɓuùsɛ̀n ɓi lèg ànɛ lɛ ɓi rini lɛ rì rìsɛɛ̀dì ɗi mìniìɓɔmiɗ ɓi zi, rì rìtɛn, lɛ ɓyɛɛ̀ɓi ɓì ghɛ̀ɛ̀sɛɛ kì ɓaà rì ɓyɔ, ɓi ɓɛg ànɛ yɛ̀ɛ Kiris.

KÒLÒSYƐŊ 2:18

Kɛ̀ ɓi càrɛn lɛ mɛ̀lèɓ mɛ ɓi mɛ̀ree mɛ ɓi ghɛghɛŋì ŋwaàdɛŋ a ɓatɛn mìni mɔ yɛ̀ɛ ki kɔni nyi, rì ìghèy lɛ à rì ǹsɛɛ̀dɛn nyimiɗ ɓi zi, rì tì lɛ, a ɓɔɔɓɔgsì ɓum ɓɛ titom; rìkuu ɗi mum ɗìn ɗi ti ɗi ɓiisàg kì kuughraagh ɓiɓan ɓi ɗi ghɛɛ fɛlɛ yɛ̀ɛ ɓìdɛ̀ndɛm̀; ɗi ki ɓalag ɗi ronɛn ɗi ɓìdaŋà ɓi kɛ̀ɛ̀-su, ɓi ɓɔɔ mɛyitì ɓii ɓɛ à rì rì ɓɔ, ɓi rìɓa ɗii ɗi lɛ mum.

2 TIMOTE 3:13

Kìɓan kifog ɓìɓeɓtàg ɓi ɓum rì ɓɛ̀pwààpwaà ɓɛ ri ɓiì kɛ̀nkɛni lɔŋ beèbɛ̀y ɗì rìkìkì ɗi kiɓe, ɓɛ naànààzì ɓum bee lɛ ɓɔmiɗ ɓɔɔ ka rì ɓɛ̀ɗimɛn bee.

2 TIMOTE 4:4

ɓaa ramdi ɓi mɛreè lɛ ɓɛɛ wog saaɗ, ɓɛ ri mɔ ɓiì ramì lɛ ɓɛɛ wowog mɛ̀kànkàn.

ZYAG 3:15

Rìkuu ɗi ɗyomzɛ̀n ɗiǹ ɗi yin ɗyomzɛ̀n ɗi ɗi riì aɗyoo, ɗi ri lɔŋ ɗyomzɛ̀n ɗi ɓi ziinɛ, ɗi mum à mɛ̀mùù, ɗi ki ɓa ɗyomzɛ̀n ɗi ɗi riì yɛ̀ɛ Satàn.

1 PYƐƐRI 1:20

nyi nnɛ ɓɛ ɓɔngà abɛ̀y di zi i ka kilɛn ɓi, à ki rèsɛn ɓisu win ɓi ɓyààmɛ̀n ɓi siitòn ɓi.

2 PYƐƐRI 2:1

Ɓɛ̀kpaŋzì-ɓìɓan ɓɛ ɓɛpwàà ɓɛ ɓaghà abɛ̀y ɓi kìlɔ̀ŋ, fɔlɔɔ nnɛ ɓɛ̀pwààpwaà ɓɛ ɓɛrèsàg ɓìdɔ̀gsɛna ɓɛ ri ɓiì ɓaà girig ɓi nyìinyìm wìn; ɓɛ ri ɓiì ɗiŋzii yi ɓìɓeɓtàg ɓi dɔgtɛ̀n ɓi ɓi rìɗyaŋ lɛ ɗyɔ̀ɔ̀ŋ, ɓɛ ki roòzɛn masà ànɛ à kwèɗkà ɓɔ, fɔlɔɔ a kì lɛ ɓɔmiɗ ɓɛɛ syoŋ yì cuu ki kɛ̀ kɛɛ̀ lɛ̀mziì ɓi nyoo yàà.

2 PYƐƐRI 3:3

Ka looghna kì yiì lɛ, ɓi mɛ̀ru mɛ siitòn, ɓum ɓɛdɛŋ ɓɛ ɓiì pee yì, ɓɛ ghɛghɛ̀ɓ lɔŋ yɛ̀ɛ mɛ̀rem maa mɛɛ̀ kɔ̀nkɔ̀n, ɓɛ wɔwɛ̀y mìni

1 ZYAŊ 2:18

Ɓɔɔ ɓɔn ɓɛ̀m, siitòn a cààmɛ̀n yɛɛ ti lɛ! Fɛlɛ yɛ̀ɛ ɓì wokà lɛ ŋwaàdɛŋ ànɛ à rì ɓiì ɗùùɗuu ri Kiris à ɓiì yùu yi, ɓɛ̀ɗùù rì Kiris ɓɛ mɛ tèghɛn ɓigomìnɛ, kɛɛ resii ɓìsi lɛ siitòn a cààmɛ̀n yɛɛ ti lɛ.

1 ZYAŊ 4:6

Ɓi ɓɛg wìs, ɓìsii ri ɓum ɓɛ Bɛ̀ll; ŋwaànɛ à yii Bɛ̀ll, à rì ɓiì woògh com ki ti kpaakpàà; wɔ̀lɛ ŋwaànɛ à yin mum à Bɛ̀ll àa wog ɓi com ki ti kpaakpàà, fɔlɔɔ nnɛ tì rì lɛ tì yi rìghasì ɗi lɛ rì Nghay wu wu ri ɓi saaɗ, rì wu wu ri ɓi rìnàn.

ZYUUDƐ 1:18

Ɓɛ kpaaghà mìni lɛ: Ɓi mɛ̀ru mɛ siitòn, ɓum ɓɛdɛŋ ɓɛ ɓaa gɛ, ɓɛ wɔwɛ̀y mìni, ɓɛ ki ghɛghɛɓ ɓi kìɓe lɔŋ yɛ̀ɛ ǹɗem waa wɛɛ̀ kɔ̀nkɔ̀n.

ZYUUDƐ 1:4

Ɓisuulɛ ɓìɓeɓtàg ɓi ɓum ɓidɛŋ ɓi nɗyɔ̀ɔ̀gɛɛ yì ɓi yu kìsɔ̀lɛɛ ɓi nyìinyìm wìn; ɓɛ tum rìlɔ̀ɔ̀lɔ̀gtì ɗi rirèsàg ɗi geesɛ̀n ìnɛ Bɛ̀ll à rì rì yɔ̀ ɓi san wìs lɛ ɓɛɛ kiki ɓìɓan ɓi tifin ɓɛ roòròòzɛ̀n m̀bobog wìs a masà ànɛ à rì lɛ Kan wìs Yeesus Kiris; ǹcɛ̀m à ɓumɓɛ̀n à ɓaghà di à ti ǹkànɛn fiɗyàɓ.

ÀPÒKÀLIƁSƐ̀ 13:14

Ì yègsì ɓumɓɛ ɓi ziinɛ rì dàm yi ɓɛ faghà yɔ̀ itèɗ wulɛ yɛ̀ɛ kiki ɓi mis mɛ nyàm ì ǹtonto di yɛɛ̀ kpaakpaa ɓumɓɛ ɓi ziinɛ lɛ ɓɛɛ ki kìfèèghrɛnà ki nyàm ìnɛ ɓɛ kpɛɛ̀ghà rì gàfàg ì ki ghɛɓ.

ÀPÒKÀLIƁSƐ̀ 16:14

Ɓi ri ɓìɓeɓtàg ɓi mɛghay ɓi ɓyɛɛ̀ kìki dàm, ɓi ki kɛ̀ngi a mɛ̀fòm mɛ ɓi ziinɛ bimiɗ, lɛ ɓyɛɛ taŋzɛn mɔ ɓisuu wɛ̀y wu wu ri ɓiì ɓaà ɓi coo gòn i Bɛ̀ll ànɛ à rì rì ìtèɗ wucèm.

ÀPÒKÀLIƁSƐ̀ 18:2

Nni à làmɓɛ̀ngà jɛ̀ɛ̀ aɗyoo lɛ: Baɓilon àgwey a kpìi, Baɓilon àgwey a kpìi! À ghali mɛɛ mɛ ɓiɓeɓtàg ɓi mɛghay, rì ǹnyamzɛn wu mɛghay mɛ ɓeɓtɛn mɛkuu mɛ̀cèm, rì wu ɓìɓeɓtàg ɓi tììlì ɓi ɓi ti ɓi ɓeɓkì ɓum,

ÀPÒKÀLIƁSƐ̀ 18:23

kìtɛɛtɛn ki lamɓà kaa ghɛnɛɛ gɛ tì ɓi foo, ɓɛ ki wogtii gɛ ɓi jɛ̀ɛ̀ ì ǹwɔlì giɓ rì gil foo. Ɓisuulɛ ɓɛ̀kìì-dùne ɓɔɔ ɓɛ ɓaghà ɓìtèetèɗ ɓi ɓi ziinɛ, rì tì lɛ, ù yègsìghà ɓìlɔ̀ŋ ɓìcèm rì mɛ̀ghèy mɔɔ mɛ kifuu,

ÀPÒKÀLIƁSƐ̀ 19:20

Nni ɓɛ ɓangà nyàm ìnɛn nɗaŋ ri ǹkpaŋzì-ɓìɓan ɓi ɓɛpwàà ànɛ à kìkìghà dàm yi yi syogà ɓumɓɛ ɓɛ ɓaghà rì kìrèmzɛnà ki nyàm, ɓɛ ki ɓɔɔɓɔgsì kìfèèghrɛnà ki nyàm ìncèm. Fɔɔnnɛ ɓɛ pikà ɓyom ɓi kiɓɛ̀ɛ̀ ɓiǹ cem ɓi kìràà ki ɗuu, ki ǹdùsi a lɔŋlɔŋ miì.

ÀPÒKÀLIƁSƐ̀ 2:11

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Nghay a kakali ɓiseŋi ɓi Kiris, ŋwaànɛ à rì ɓiì yagsaagh innɛ rìwu ɗi kiɓɛ̀ɛ̀ ɗyaa kòm ɓi.

ÀPÒKÀLIƁSƐ̀ 2:17

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Ǹghay a kakali ɓiseŋi ɓi Kiris. Ŋwaànɛ à ɓiì yagsaagh ǹfa nyi manà mɛ mɛ ri mɛ̀ nyamɛn, rì gɔ̀g ìmpuɓ; gɔ̀g ìnɛn ì rì rì ɗii ɗi nyɔn miì ɗìkànɛn ɗi ŋwaàdɛŋ à yii ɓi, i ki cee ɓi lɛ ŋwaànɛ ɓɛ faa gɔ̀g ìnɛn.

ÀPÒKÀLIƁSƐ̀ 2:29

Mum ǹcèm ànɛ à rì rì mɛ̀reè, à ghɛ̀ɛ̀sɛɛ kì woògh com ki Ǹghay a kakali Ɓiseŋì.

ÀPÒKÀLIƁSƐ̀ 2:7

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Ǹghay a kakali Ɓiseŋi ɓi Kiris, ŋwaànɛ à rì ɓiì yagsaagh innɛ ǹɗì ɓiì faà kìɗùn ki kite ki cɛɓ ki ki ri ɓi pàràɗis à Bɛ̀ll.

ÀPÒKÀLIƁSƐ̀ 20:10

Fɔɔnnɛ ɓɛ pikà Satàn anɛ à yègsìghà ɓɔ ɓi kìràà ki ɗuu rì ǹdùsi, jàŋ inɛ ɓɛ ri lɛ, rì nyàm rì ǹkpaŋzì-ɓìɓan ɓi ɓɛpwàà. Ɓɛ ri wowoogh gɛ mɛ̀tɔɓ yɛ̀ɛ ìru yɛ̀ɛ ŋwos fiɗyàɓ fikɔ̀ɔ̀.

ÀPÒKÀLIƁSƐ̀ 20:8

fɔɔnnɛ à ri kɛ̀n kiyègsii ɓilɔ̀ŋ ɓìcèm ɓi ɓi ziinɛ ɓìlànà ɓinin lɛ rì Gɔ̀g rì Magɔ̀g, lɛ di a taŋzɛn ɓyɔ ɓisuu wɛ̀y. Bàlì ì ɓìlɔ̀ŋ ɓiǹ ì rì yɛ̀ɛ sɛɛ̀sɛɛ a rìɓày à kìkòn.

ÀPÒKÀLIƁSƐ̀ 3:13

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Ǹghay a kakali Ɓiseŋì.

ÀPÒKÀLIƁSƐ̀ 3:22

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Ǹghay a kakali Ɓiseŋì.

ÀPÒKÀLIƁSƐ̀ 3:6

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Ǹghay a kakali Ɓiseŋì.

ÀPÒKÀLIƁSƐ̀ 9:20

Ɓum ɓɛmɓog ɓɛ ɓìɓeɓtàg ɓi ɓyom ɓìn ɓi cuusìghà ɓi, ɓɛ ɓengà kìlɔ̀ɔ̀ghrɛɛ mɛrem lɛ ɓɛɛ caɗ ɓìnùn ɓi ɓɔmiɗ ɓɔ yɛɛ syaagh rì ɓyàg ɓyaa; fɔɔnnɛ ɓɛ kɛngà lɔŋ beèbɛ̀y ɗì rìɓɔɔ̀ɓɔ̀gsì ɗi ɓiɓeɓtàg ɓi mɛghay, rì ɓìnùn ɓi ɓi ri ɓì syaghɛn ri gol nsoò lɛ rì swiɗ à mɔ̀ɔ̀ni, nsoò lɛ rì bɔŋ idɛŋ, nsoò lɛ rì gɔ̀g, nsoò lɛ rì kìte; ɓìnùn ɓiǹ ɓyɛɛ yin lɛ ɓi ghɛnɛ̀n, ɓyɛ̀ kɛɛ̀ wooghrɛn, ɓyɛ̀ kɛɛ̀ ki kɛ̀ɛ̀ghi.