TIMOTE 3:16 - Bafia Nouveau Testament

¹⁶ Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

TIMOTE 3:16 Iomraidhean Croise

MATYOO 1:23

Ghɛna! Gɔ̀n ì giɓ ìnɛ ì ka yi ɓi ɓɛbaŋì ì ɓiì terì ɗyem, ì yay man à baŋì, ɓɛ roò nyi ɗii lɛ Emanuɛl; ɗii ɗìn ɗi ri azi lɛ: Bɛ̀ll rì ɓìsi.

MATYOO 13:11

Yeesus à ɓàg ɓɔ lɛ: Ntòtog ri ɓɔ ɓi dàɗkì lɛ mìniìɓɛ ki ri kì fayɛn lɛ ɓi yi ɓìɓan ɓi ɓi kìlɔ̀ŋ ki aɗyoo ɓi ɓi ri ɓìnyamɛn, wɔ̀lɛ ɓi ɓɛg wàa, ki yin ɓɔ kì fayɛn lɛ ɓɛɛ yi ɓìɓan ɓiǹ.

MATYOO 28:2

Nni ɓɛ sigmɛ̀ngà di zi i mɛ nyɛ̀ŋɗɛn ri ìtèɗ, lɛ ŋwaà-fìtom a Kan à sɛngày, à yù kì ɓiŋzii gɔ̀g, à kɔ̀rì miì aɗyòò.

MATYOO 3:16

Lɔŋ yɛ̀ɛ ɓɛ ɓaɓtìghà Yeesus, à kpaŋ yì ɓi mɛ̀nig, nni ɗyoo ɗi nɛmɓɛ̀ngà à ghɛn di Nghay à Bɛ̀ll a sɛnsɛn yi yɛ̀ɛ kuùkuù, à yùyùy nyi ɓi nyoo.

MATYOO 4:11

Fɔɔnnɛ Satàn à caɗkà min Yeesus. Ɓum ɓɛ titom ɓɛ yu nyi a nyoo, ɓɛ kikì nyi tìtom.

MARIKUS 1:13

Fɔɔnnɛ à ghagsighà mɛ̀ru mɛ̀tin mɛɓɛɛ̀ ɓi-reɓ wiǹ, Satàn a fèèghrɛ̀n nyi wɔɔ. À ghɛghɛ̀ɓkà wɔɔ ri nyàm yi ɓi cog, wɔ̀lɛ ɓum ɓɛ titom ɓɛ kikìghà nyi tìtom.

MARIKUS 16:19

Yɛ̀ɛ Kan à tòkàkà fɔlɔɔ ri ɓɔ, nni à ɓɔkà aɗyoo, à kɔ̀rì ɓi weèlem à Bɛ̀ll.

MARIKUS 16:5

Fɔɔnnɛ ɓɛ ɗiŋìghà ɓi zɔ̀ŋ, ɓɛ ghɛn dɛlì ì mum ǹkɔ̀kɔriyɛn ɓi ɓɛg à weèlem, rì rìga à mpuɓ, ìris wu ɓan ɓɔ.

LUKAS 2:32

À rì kìtɛɛtɛn ki kii ɓiì kìi lɛ ɓìlɔ̀ŋ ɓi ɓi ziinɛ ɓyɛ yi wɔ̀, ki ki fa Isirayɛl à kìlɔ̀ŋ kɔɔ rikem.

LUKAS 20:44

Nni i Davit à mɛ reŋi nyi lɛ Kan, lannɛ nyii ri lɛ à ɓa tì man wiì?

LUKAS 22:43

Fɔɔnnɛ ŋwaà-fìtom à rèsɛ̀ngày nyi ɓi ɗyoo lɛ a fa nyi ìtèɗ.

LUKAS 24:4

Yɛ̀ɛ ɗyomzɛ̀n ɗi ɓaghà di ɗyaa ɗim ɓɔ, nni ɓum ɓɛdɛŋ ɓɛɓɛɛ̀ ɓɛ resɛ̀ngà ɓɔ, rì ɓìlàà ɓi lònlomɛn.

LUKAS 24:51

Nni cààmɛ̀n ki à màŋmàŋgà ɓɔ kìn, kɛɛ̀ki à ghasɛ̀ngà rì ɓɔ, à ɓɔg aɗyòò.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 13:3

Yeesus à yighà lɛ Seŋi à faghà ɓìɓan ɓìcèm ɓi ɓyàg ɓii, à ki yi lɛ à pɛ̀sɛ̀ngày yɛ̀ɛ Bɛ̀ll, nni wɔɔ nnɛ à yùu kì sugtii,

ZYAŊ 15:26

Yɛ̀ɛ m̀maasì-mɛ̀rem ànɛ ǹɗì ɓiì romiì à ɓiì yùu, nnyɛɛ ri Ǹghay à ɓɛ̀kɔɔ̀kɔɔ̀ ɓɛ ɓiɓan ànɛ à pɛ̀sɛɛ yì yɛ̀ɛ Tààta, à ɓiì tɛɛ̀zii ɓum kìɓan kɛm̀.

ZYAŊ 16:28

M̀pɛ̀sɛ̀ngày yɛ̀ɛ Tààta, ǹ-yùy ɓi ziinɛ. Nni ɓigomìnɛ m̀pɛ̀sɛɛ ɓi ziinɛ, ǹsugtì yɛ̀ɛ Tààta.

ZYAŊ 17:5

Nni ɓigomìnɛ, Tààta wɔ̀ɔ̀ kemzi mɛ̀ jàŋbog rì wɛ̀ɛmiɗ, rì rìkem ɗi m̀ɓaghà rì ɗyɔ jàŋbog rì wɔ̀, di ziinɛ ì ka yin.

ZYAŊ 20:12

Fɔɔnnɛ à ghɛngà ɓum ɓɛ titom ɓɛɓɛɛ̀, rì ɓìlàà ɓi puɓ, di ɓɛ kɔkɔrii ɓi jàŋ inɛ ɓɛ nɔŋzìghà kìloŋ ki Yeesus ɓɛ ki lɛ, roànɛ a nto, roàmbog a mɛ̀kòò.

ZYAŊ 6:62

I ɓì ki ghɛɛ Man à mum di a ɓɔɓɔg aɗyoo jàŋ inɛ à ka ɓaghà, ki ɓa min la?

MƐ̀KÌKÌÌ MƐ ƁƐKƐ̀NÌ-FÌTOM 1:19

Ɓum ɓɛ̀cèm ɓɛ a Yorisalɛm ɓɛ yighà kìɓan kiǹ, kɛɛ kighà lɛ ɓɛɛ reŋi dɛm inɛ̀n ɓi kìtòkì kaa lɛ Akɛldama, yɛɛ lɔɔ lɛ, dɛm i bwaɓ.

MƐ̀KÌKÌÌ MƐ ƁƐKƐ̀NÌ-FÌTOM 10:34

Pyɛɛri à pɛ̀sìghà min ɓitòkì, à kpaa lɛ: Ɓi saaɗ ǹkonaagh kì ghɛɛ̀ gɛɛ̀nɛ lɛ, Bɛ̀ll à yin ɗi ǹɗèè wu ǹɗem

MƐ̀KÌKÌÌ MƐ ƁƐKƐ̀NÌ-FÌTOM 14:27

Yɛ̀ɛ ɓɛ kpagà a Aŋtyos, ɓɛ taŋzɛ̀n ɓɛ̀gherɛ̀n ɓɛ ɓi kìseŋi ki wɔɔ, ɓɛ kpaa ɓɔ ɓìɓan ɓìcèm ɓi Bɛ̀ll à faghà ɓɔ ìtèɗ wulɛ ɓɛɛ kikì, à ɓiisɛ̀n rìnɛm ɗi à nɛmgà ɓum ɓɛ zɛy bee inɛ ɓɛɛ gherɛn girig nyi.

MƐ̀KÌKÌÌ MƐ ƁƐKƐ̀NÌ-FÌTOM 20:28

Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

RÒMƐŊ 10:12

Fɔɔnnɛ gasɛ̀n ì yin ɓi nyìinyìm ànɛ lɛ rì muu Ɓɛ̀yudɛ̀n, rì muu Gìrɛg, lɛ ɓɛ̀sɛ̀ɛ̀ ɓɛ̀cèm ɓɛ ri lɔŋ Kan bog ànɛ à ti à falàg ɓumɓɛ ɓɛɛ̀ rereŋi nyi ɓyom.

RÒMƐŊ 10:18

Nni ǹtɔɔgh lɛ, ɓɛ rɔɓkà nya ɓɛ̀ kɛɛ̀ wog? Ɓɛ ɓaghà ɓi lɛ ɓɛ rɔɓ, jɛ̀ɛ̀ yaa yi wooghrɛ̀ngà zi bimiɗ, ɓìtòkì ɓyaa ɓi kpagì lɛ rì a ɓɛ̀yɔ̀ŋyɔ̀ŋ ɓɛ zi miì.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

RÒMƐŊ 16:26

kìɓan kifog nnyɛɛ mɛ rèsɛn ɓigomìnɛ ɓi ɓìɓan ɓi ɓɛ̀kpaŋzì-ɓìɓan ɓɛ kangà, lɔŋ yɛ̀ɛ Bɛ̀ll à fìɗyàɓ fikɔ̀ɔ̀ a tɔkà lɛ kɛɛ kilɛ̀n, fèg ànɛ̀n innɛ ɓɛ mɛ rèsi ɓilɔ̀ŋ ɓìcèm lɛ ɓyɛɛ gherɛn Bɛ̀ll ɓi ki kì nyi mɛ̀wog.

RÒMƐŊ 3:4

Ɓi saaɗ ki yin fɔlɔɔ! Ɓum ɓɛ ghɛɛ̀sɛɛ kì gherɛɛ lɛ, Bɛ̀ll à rì roànɛ à ti à kpaaghì saaɗ, ɓum ɓɛɛ ri ɓɛ̀pwààpwaà ɓɛ̀sɛ̀ɛ̀ ɓɛcèm; lɛ ki ri kìkànɛn lɛ: Ki ghɛɛ̀sɛɛ lɛ ɓɛɛ yi lɛ ù rì mum à saaɗ ɓi ɓìɓan ɓi ù kalii, ù ki yagsag ɓɛyɔ̀m di ɓɛ sɔmɛɛ wɔ̀.

RÒMƐŊ 8:3

Bɛ̀ll à kìghà com ki ɓìdɔ̀gsɛna ɓi ɓaghà ɓi ri ìtèɗ wulɛ ɓi ki, ɓisuulɛ rìɓa ɗis ɗi ɓi mɛ̀mùù ɗi kighà lɛ ɓyɛ̀ kɛɛ̀ ɓa ri ìtèɗ, à rèsìghà lɛ kìɓe ki ɓeɓtɛɛ ɓi nyoo ì mɛ̀mùù, yɛ̀ɛ à romgày Man wiì à nyimiɗ, Man ànɛ̀n à teɗ nyoo ìnɛ ì rì com kìfog rì nyoo ì ɓɛ̀kìì-kìɓe, lɛ a yu kì pisii kiɓè.

RÒMƐŊ 9:5

Ɓɛ ri dòò yi ɓɛseŋi ɓis ɓɛ ɓɛsɛ̀ɛ̀mɛn, fɔɔnnɛ Kiris, ɓi rìyalɛ̀n ɗii ɗi ɓi mɛ̀mùù, à rì ɓi boo yàà, nyi ànɛ à teŋmɛɛ à cee ɓyom ɓìcèm, à ki ɓa Bɛ̀ll ànɛ a keŋkem fiɗyàɓ fikɔ̀ɔ̀. Ààmɛ̀n.

1 KƆ̀RƐ̀ŊTYƐŊ 15:47

Mum à ǹtonto à kìlɛ̀ngà rì zi, fɔɔnnɛ à rì miì ŋwaànɛ ɓi ziinɛ; ŋwaà kìɓɛ̀rɛn nyii rii aɗyoo.

1 KƆ̀RƐ̀ŊTYƐŊ 2:7

Ɓìsiì kakali ɓum kìɓan ki ɗyomzɛ̀n ɗi Bɛ̀ll ɗi ɗi rimi ɗi ki ɓa ɗi nyamɛn; ɗyomzɛ̀n ɗiǹ ɗyɛɛ̀ɗi Bɛ̀ll à lokà kì ɓɔ̀ni abɛ̀y ɓisuu rikem ɗis, di ziì ka kilɛn ɓi.

2 KƆ̀RƐ̀ŊTYƐŊ 1:19

Ɓisuulɛ Man à Bɛ̀ll Yeesus Kiris ànɛ ɓìsii kakàlìghà ɓum foo a lɔ̀ŋkin lɛ rì mɛ̀ rì Silas rì Timote, à ɓaghà ɓi mɛgheri mɛɓɛɛ̀ lɛ rì ɛ̀ɛ̀ rì èe èe; lɔŋ ɛ̀ɛ̀ nyi rì nyi yɛɛ ri a lɔ̀ŋkii.

GÀLAT 2:8

lɛ roànɛ à kìghà lɛ Pyɛɛri a ɓa ǹkɛ̀nì-fìtom a Yeesus ɓisuu Ɓɛ̀yudɛ̀n, nnyɛɛ kighà mɛ̀ lɛ mɓa girig fɔlɔɔ ɓisuu ɓumɓɛ ɓɛ yin Ɓɛ̀yudɛ̀n.

GÀLAT 4:4

Nni yɛ̀ɛ cààmɛ̀n ki Bɛ̀ll nyimiɗ a fèkà ki ghɛɛ̀sɛ̀ngà, nni à romgày Man wiì, à yalɛ̀n ɓi ɗùm ɗi giɓ, à ghɛɓ ɓi rìlàmì ɗi ɓidɔ̀gsɛna ɓi Ɓɛ̀yudɛ̀n,

EFÈZYƐŊ 1:9

À kpàkàkà ɓìsi dwìɗ i rìkɔ̀n ɗii ɗi a rìnyam, ɓi kìɓan ki nɗem wii wu lokà kì renì lɛ à kìi gɛ ɓi Kiris.

EFÈZYƐŊ 6:19

ɓì ɓɔ̀ŋzàg girig Bɛ̀ll ɓisu wɛ̀m lɛ, a fa mɛ̀ jɛ̀ɛ̀ ìnɛ ǹghagsi, rì kìghɛɛsii cààmɛ̀n kìcèm ki m̀pinii ŋwɔm lɛ nɗesi ɓum kìɓan ki ki ri kì nyamɛn ɓi Syeesyee à Ɓɔlɛ.

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

KÒLÒSYƐŊ 1:6

Syeesyee à Ɓɔlɛ ànɛ̀n à kpagà foo a lɔ̀ŋkin fɛlɛ yɛ̀ɛ a wumwum ɓiɗùn à kɛ̀nkɛ̀n asu ɗì rìsààsàà zi bimiɗ; fɔlɔɔ nnɛ a kìki girig ɓi nyìinyìm wìn à tumɛ̀n ŋwos anɛ ɓì wokà, ɓì ki yi yɛ̀ɛ geesɛ̀n ì Bɛ̀ll ì rì a tààkaà,

KÒLÒSYƐŊ 2:2

Nɗùùɗuu fɔlɔɔ ɓisuulɛ mɛ̀rem maa mɛɛ ɓa mɛ̀ronɛn ɗi ìtèɗ, rì tì lɛ ɓɛɛ ɓa ɓɛ̀ràrɛn ɓi nkɔ̀nɛ̀n, ɓɛ ki ɓa ti ɓɛronɛn ɗi kɔɔ̀kɔɔ̀ à ɗyomzɛ̀n, fɔɔnnɛ ɓɛ ri ɓiì yii fèg à Bɛ̀ll ànɛ à rì a rìnyam, yɛɛ lɔɔ lɛ Kiris.

2 TÈSÀLÒNÌSYƐŊ 1:10

yɛ̀ɛ à ri yù ɓi ŋwos anɛ̀n lɛ a kem̀ ɓi ɓum ɓii, ɓɛ ki sɛsɛg nyi rì mis ɓi ɓɛ̀roɓɛ ɓɛ gherɛ̀ngà nyi ɓɛ̀cèm; mìnii gherɛ̀ngà gì kɔm̀ ɓɔlɛ ànɛ tì kalìghà mìni.

2 TÈSÀLÒNÌSYƐŊ 2:7

Lɛ ìtèɗ wu kiɓe wu a rìnyam wu ti ɓiì kìkii kisay; kɛɛ̀ tɔtɔg lɔŋ lɛ roànɛ à ka ghegheegh mɔ a ɗim̀ ɓɛ̀ kɛɛ̀ ghɛɛ̀di nyi.

TIMOTE 3:9

ɓɛ ghɛɛ̀sɛɛ kì ɓèŋì ɓiɓan ɓi ɓi ri ɓìnyamɛn ɓi rìgherɛ̀n rì nɗem wu wu ri wùtɛnɛn.

EBIREEGH 1:3

Man ànɛ̀n à rì cììghziŋ ki rikem ɗi Bɛ̀ll, à ɓa tì syeesyee à kìfèèghrɛnà ki ɓi rìɓa ɗi yɛ̀ɛ Bɛ̀ll à rì, à lènlemi ɓyom ɓìcèm rì jɛ̀ɛ̀ yìì inɛ ì rì rì ìtèɗ. Yɛ̀ɛ à lègsìghà zòghɛ̀n ìnɛ ɓi ɓìɓe ɓi ɓum, fɔɔnnɛ à kɔ̀rìghà ɓi ɗyoo ɓiɗùm, ɓi weèlem à Bɛ̀ll ànɛ à làŋi mɛ̀tèɗ mɛcèm.

EBIREEGH 12:2

Tì seesèè lɔŋ Yeesus ànɛ rìgherɛ̀n ɗis ɗi sasaghii nto ɓi nyi, à tumɛ̀n a rìtumɛ̀n à kpaŋ a rìsugtɛ̀n. Yeesus ànɛ̀n yɛɛ cenɛ̀ngà rìwu ɗi ɓi Kɔrɔs, kɛ̀ɛ tɔg com rì ntoòrìɗ wu à wokà, lɛ à seesèèghà kìrɔɔ ki ki ɓoŋɓòŋgà nyi; ɓi gomìnɛ, à kɔ̀kɔrii ɓi weèlem à ìkɔ̀ɔ̀ wu rilàmì wu Bɛ̀ll.

EBIREEGH 7:7

Kɔlɛ mum bimiɗ à yii lɛ, rìɓa ɗi ŋwaànɛ ɓɛ maŋi ɗi wuɓsɛɛ ɓi ɗi ŋwaànɛ à màŋi nyi.

EBIREEGH 8:1

Ɓi ɓìɓan ɓi ti kpaakpàà, ki ki cee kɛɛ ri lɛ, tì rì rì ǹlàmì-ɓɛ̀pìrɛɛtìrɛ̀ àgwey ànɛ, à kɛ̀ngà kì kɔ̀rii ɓi weèlem à rìlàmì ɗi Bɛ̀ll, ɓi ɗyoo ɓi ɗùm,

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.

1 PYƐƐRI 1:20

nyi nnɛ ɓɛ ɓɔngà abɛ̀y di zi i ka kilɛn ɓi, à ki rèsɛn ɓisu win ɓi ɓyààmɛ̀n ɓi siitòn ɓi.

1 PYƐƐRI 1:21

Lɛ nyi, ɓì gherɛɛ Bɛ̀ll ànɛ à ghèmzìghày nyi a ɓìloŋ, à ki fa nyi rìkem, fɔlɔɔ nnɛ ǹtyweeyi wiǹ rì dyàɓɛn yiǹ ɓi ri yɛ̀ɛ Bɛ̀ll.

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 PYƐƐRI 3:22

à ɓɔg aɗyoo, à rì ɓi weèlem à Bɛ̀ll; wɔɔ a làlami lɛ rì ɓum ɓɛ titom, rì mɛ̀tèɗ mɛ ɓi ɗyoo mɛ̀cèm.

1 ZYAŊ 1:2

Yɛ̀ɛ cɛɓ ki resɛ̀ngày, ɓìsii ghɛngà kɔ; fɔɔnnɛ ti kpaakpaa mini kìɓan ki miì, tì ki ghagsi mini ɓɔlɛ à cɛɓ ki fiɗyàɓ fikɔ̀ɔ̀ ki ki ɓaghà jàŋbog rì Seŋi, cɛɓ kìn kɛɛ̀ki ɓɛ resìghà ɓìsi, lɛ ti yi kɔ.

1 ZYAŊ 3:5

Ɓì yii lɛ Yeesus Kiris à yùghày lɛ a pisi ɓìɓe, nni kìɓe ki yin a lɔ̀ŋkii.

1 ZYAŊ 3:8

Ŋwaànɛ a kɛ̀nkɛn asu à kìkì kìɓe, à rì ŋwaà Satàn, lɛ Satàn a maà kìkì kìɓe, à tumɛ̀n a rìtumɛ̀n. Man à Bɛ̀ll à yùghày lɛ, a yogsi mɛ̀kìkìì mɛ Satàn.

ÀPÒKÀLIƁSƐ̀ 17:5

Ɗii ɗidɛŋ ɗi ɓaghà nyi ɗìkànɛn ɓisu; azi anɛ ɓi ɗii ɗìn à ɓaghà kìɓan ki a rìnyam; ɗii ɗìn ɗi ɓaghà lɛ Baɓilon àgwey, à jɛɛ ɓɛ̀yiɓ ɓɛ riɓàmɓà rì ɓìɓan ɓi ɓeɓtɛn ɓi ɓi ziinɛ.

ÀPÒKÀLIƁSƐ̀ 17:7

Ŋwaàfìtom a tɔg mɛ̀ lɛ ɓisuucɛ nnɛ ù kuuraagh? Ǹɗì wɔ̀ ɓiì kalii ɓɛ̀azi ɓɛ a rìnyam ɓɛ ɓi giɓ anɛ̀n rì nyàm ìnɛ ì tɛ̀tɛɛgh nyi, ìnɛ ì rì mɛ̀to taàɓɛ̀ɛ̀ rì mɛ̀tɔŋ ǹtɛ̀ɗ.

ÀPÒKÀLIƁSƐ̀ 7:9

Ajɛ̀m ìnɛn nnɛ ǹghɛngà coo kituu ki ɓum ki mum à ɓaghà ɓi lɛ à ɓày, ɓumɓɛ̀n ɓɛ pɛsàkày ɓi ɓìlɔ̀ŋ ɓìcèm, rì ɓi mɛ̀pwìɗ mɛ̀cèm, rì mɛ̀kuu mɛ̀cèm, rì ɓìtòkì ɓìcèm; ɓɛ rɛrɛ̀lìghà asu wu ikɔ̀ɔ̀ wu rilàmì, rì ɓi mis mɛ Man à jɔ̀ɔ̀, ɓɛ waatàg ɓɛ̀kàɓà ɓɛ puɓ, ɓɛ ki ɓa ri maŋ ɓi ɓyàg.