TIMOTE 3:15 - Bafia Nouveau Testament

¹⁵ Kìɓan kifog, nsoò màa lɛ̀mzii yì, ɓìɓan ɓi nkpaa ɓi ri wɔ̀ ɓiì rèsii lannɛ ki ghɛɛ̀sɛɛ lɛ u ghɛɓ ɓi naa ì ɓum ì Bɛ̀ll ìnɛ ì rì kìseŋi ki ɓɔn ɓɛ Bɛ̀ll ànɛ à rì cem à ki ɓa rikwìy ɗì kìlèmì ki saaɗ.

TIMOTE 3:15 Iomraidhean Croise

MATYOO 16:16

Simɔn Pyɛɛri à ɓàg lɛ: U rì Kiris, Man à Bɛ̀ll ànɛ à rì cem.

MATYOO 18:18

Ǹkalii mìni ɓi saaɗ lɛ; com kìcèm ki ɓì ɓiì kàŋi fɛ ɓi ziinɛ, ɓɛ ri kɔ ɓiì kàŋi aɗyòò, fɔɔnnɛ kìcèm ki ɓì ɓiì fùmii fɛ ɓi ziinɛ, ɓɛ ri kɔ ɓiì fùmii aɗyòò.

ZYAŊ 1:17

Ɓisuulɛ, ɓìdɔ̀gsɛna ɓi falɛ̀ngà rì Moyis, geesɛ̀n rì saaɗ ɓi yuiy rì Yeesus Kiris.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

ZYAŊ 18:37

Pilat à tɔg nyi lɛ: Yɛɛ lɔɔ lɛ ù rì rìfòm wa? Yeesus à ɓàg lɛ: Ù kpaa miì, ǹɗì rìfòm. Mɛ̀ ǹ-yalɛ̀ngà, ǹki yù ɓi ziinɛ lɛ ntɛɛ̀zag ɓum ɓìɓan ɓi saaɗ, fɔɔnnɛ mum ǹcèm ànɛ à rì ŋwaà saaɗ, à ti à wokì jɛ̀ɛ̀ yɛ̀m.

ZYAŊ 6:69

Fɔɔnnɛ tì mɛ gherɛ̀n, tì ki yi lɛ wɔ̀ yɛɛ ri roànɛ à rì ǹtenɛn ànɛ à ɓaghày yɛ̀ɛ Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 1:2

à kpaŋ ŋwos anɛ à ɓaa lɛ, à mɛ reɓsag ɓiɓan ɓii rì ìtèɗ wu Kitɛntɛ̀ɛ̀n ki Nghay rì ɓɛ̀kɛ̀nì-fìtom ɓɛ̀ à ɓɔ̀ngà, à ɓɔg min aɗyoo.

MƐ̀KÌKÌÌ MƐ ƁƐKƐ̀NÌ-FÌTOM 14:15

Ɓi kìki fɔlɔɔ lɛ la? Ɓìsii ri girig ɓum lɔŋ yɛ̀ɛ mìni. Syeesyee à Ɓɔlɛ ànɛ ti ghaaghagsì mìni à ri lɛ, ɓi caɗ rìɓɔgsì ɗi ɓinùn ɓi zɛy rì zɛy, ɓi lɔɔ̀ghrɛn yɛ̀ɛ Bɛ̀ll ànɛ à rì cencem, ànɛ à kìghà lɛ rì ɗyoo rì zi, rì rìɓày à kìkòn ɗì ɓyom ɓìcèm ɓi ɓi ri miì.

RÒMƐŊ 3:2

Kìrɔɔ kaa ki tèghɛɛ bee lɛɛ̀gwey; rì ɓɔ nnɛ Bɛ̀ll à ka lokà kì reɓsɛɛ ɓiɓan ɓii.

RÒMƐŊ 9:26

Fɔɔnnɛ jàŋ yɔ̀miɗ inɛ ɓɛ kpaakpààghà ɓɔ lɛ: Ɓì yin ɓum ɓɛm, wɔɔ nnɛ ɓɛ ɓiì reŋii ɓɔ lɛ: Ɓɔn ɓɛ Bɛ̀ll ànɛ à rì cem.

1 KƆ̀RƐ̀ŊTYƐŊ 10:32

Kɛ̀ ɓi ɓa gɔ̀g ìnɛ ì rì lɛ ì kɛ̀ɓtì nsoò muu Ɓɛ̀yudɛ̀n nsoò muu Gìrɛg nsoò kìseŋi ki Bɛ̀ll fìɓàg.

1 KƆ̀RƐ̀ŊTYƐŊ 3:16

Ɓì yii ɓi lɛ mìni yɛɛ ri naa ìnɛ Bɛ̀ll à kɔ̀kɔrii miì, rì tì lɛ Ǹghay à Bɛ̀ll à rì ɓi mìni.

2 KƆ̀RƐ̀ŊTYƐŊ 3:3

Kɛɛ̀ rèeresɛ̀n lɛ tɛntɛ̀ɛ̀n lɛ, ɓì rì kaàtà à Kiris, ànɛ à kànɛ̀ngà, ɓi kìsay kis, àa rì fìwey, lɔŋ rì Ǹghay à Bɛ̀ll ànɛ à rì cem; kaàtà ànɛn, à kànɛ̀ngà ɓi ɓi ɓìɓoŋ ɓi gɔ̀g, à kànɛ̀ngà lɔŋ ɓi ɓìɓoŋ ɓi mɛmùù, yɛɛ lɔ̀ɔ̀ lɛ ɓi mɛ̀rem min.

2 KƆ̀RƐ̀ŊTYƐŊ 6:16

Naà-Bɛ̀ll ì wuɓsɛɛ ɓi cɛ ri ɓìnùn ɓi zɛy? Lɛ ɓìsii ri naà-Bɛ̀ll ì Bɛ̀ll ànɛ à rì cem lɔŋ yɛ̀ɛ Bɛ̀ll à kpaaghà lɛ: Ǹkìi gɛ lɛ, ǹkɔ̀rì ǹki kɛ̀ɛ̀kɛɛ ɓi nyìinyìm wàà, m̀ɓaa gɛ Bɛ̀ll wàà, ɓɔɔ ɓa ɓum ɓɛm.

2 KƆ̀RƐ̀ŊTYƐŊ 6:7

ɓi jɛ̀ɛ̀ ì saaɗ ìnɛ ti ghaaghagsì, rì ɓi-tèɗ wu Bɛ̀ll, rì ɓi ɓyom ɓi ribaŋì ɓi saaɗ ɓi tì rì rì ɓyɔ, lɛ rì ɓi rooroŋɗɛ̀n wɛ̀y ri ɓyɔ, rì ɓi lɛ ɓɛ gheeghrɛ̀n wɛ̀y miì;

GÀLAT 2:9

Fɔɔnnɛ ɓɛ gherɛ̀ngà lɛ Bɛ̀ll à kìghà mɛ̀ geesɛ̀n; ɓɛ̀-Zyag, rì Sefas rì Zyaŋ ɓɛ ɓɛ ɓaghà fɛlɛ yɛ̀ɛ ɓɛ̀ǹtɔn ɓaa, ɓɛ tukàkà ɓìsi ɓyàg lɛ rì mɛ̀ rì Ɓarinaɓas, lɛ ɓɛɛ resi lɛ, tì rì ɓɛ̀ɓùtɛn ɗi ɓɔ; fɔɔnnɛ ɓìsii ghɛɛ̀sɛ̀ngà kì kɛ̀ɛ a ɓumɓɛ ɓɛ yin Ɓɛ̀yudɛ̀n, ɓɔɔ kɛǹ a Ɓɛ̀yudɛ̀n.

GÀLAT 3:1

Mìni, ɓumɓɛ a Galasi, lannɛ ɓì yèghii fɛlɛ? Ghɛn yɛɛ yogsii mìni mɛ̀rem, mìni ɓɛ ɓɛ resìghà Yeesus Kiris ànɛ ɓɛ kpangà ɓi Kɔrɔs.

EFÈZYƐŊ 4:21

di ɓì ki wokà di ɓɛɛ̀ kpaakpaa kiɓan kii, ki ki ɓa lɛ nyi nnɛ ɓɛ resìghà mìni, lɔŋ yɛ̀ɛ saaɗ ànɛ ɓi Yeesus à rì.

KÒLÒSYƐŊ 1:5

ɓisuu dyàɓɛn yiǹ ìnɛ ì ɓoŋɓoŋi mìni aɗyoo. Dyàɓɛn incèm yɛ̀ɛnɛ jɛ̀ɛ̀ ìnɛ ì rì jɛ̀ɛ̀ ì kɔɔ̀kɔɔ̀ à kìɓan, jɛ̀ɛ̀ ì Syeesyee à Ɓɔlɛ, ì wogsìghà mìni abɛ̀y.

TÈSÀLÒNÌSYƐŊ 1:9

Ɓum ɓɛɛ̀ kpaakpaa righàɓ ɗi ɓì ghàɓkà ɓìsi yɛ̀ɛ tì kpagà a lɔ̀ŋkin rì yɛ̀ɛ ɓì càɗkàkày ɓìnùn, ɓì lɔ̀ɔ̀ghrɛ̀n yɛ̀ɛ Bɛ̀ll lɛ ɓi ɓɔgsi nyi, lɛ nnyɛɛ ri kɔɔ̀kɔɔ̀ à Bɛ̀ll ànɛ a rì cem,

TIMOTE 3:14

Ǹkàniì wɔ̀ kaàtà ànɛ kìɓan kifog, ǹɗì rì ǹtyweeyi lɛ ǹɗì wɔ̀ ɓiì yùu ki ghɛɛ̀ ɓi mɛ̀ru mɛ̀ mɛtiì.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

TIMOTE 3:2

Nni ki ghɛɛ̀sɛɛ lɛ, ǹkɛ̀ɛ̀sì-kìseŋi a ɓa ŋwaànɛ à yin ɗi kìɓan ki ɓum ɓɛ ri lɛ ɓɛ cɛɛ̀cɛ̀mdɛ̀n. À ɓa giɓ bog, kɛ̀ɛ keesi ɓinɔɔ̀nɔɔ̀, à ɓa ŋwaà ɗyomzɛ̀n, à yi rìghɛɓ rì ɓum, à ɓègì ɓɛ̀kèn a mɛɛ mii lɛ syeesyee, à ki ɓa ŋwaànɛ à rì lɛ à yi rìrèsàg ɗi ɓum ɓìɓan.

TIMOTE 3:5

Ɓisuulɛ i mum à yii ɓi rikɛ̀ɛ̀sì ɗi naa yìì i ɓum lannɛ à rì lɛ à yi rìfiɓì ɗi Kìseŋi ki Bɛ̀ll?

TIMOTE 4:10

Kìɓan ki ɓìsiì kpuukputɛ̀n, tì ki ɗùùɗuu miì ki ri lɛ, tì fogà dyàɓɛn yis ɓi Bɛ̀ll ànɛ à rì cem, à ki ɓa nghɛɓsì-ɓum ɓɛ̀cèm à ɓiisɛ̀n ɓɛ̀gherɛ̀n.

TIMOTE 6:16

nyi cɛ̀ncii yɛɛ yin lɛ à wu, à kɔ̀kɔrii ɓi kìtɛɛtɛn ki mum à yin lɛ à kpaŋ wɔɔ, mum à ka ghɛngà ɓi nyi, nnyɛɛ ghɛɛ̀sɛɛ rì ǹnyaasɛ̀n, rì ìtèɗ fiɗyàɓ fikɔ̀ɔ̀. Ààmɛ̀n.

2 TIMOTE 2:19

Nsoò fɔlɔɔ kìgɔ̀ŋgɔ̀m ki mɛɛ ki Bɛ̀ll à yàghɛ̀ngà kìtoŋ miì ki kaka lɛ kpeg-kpeg. Jɛ̀ɛ̀ ì rì miì ǹkànɛn yɛ̀ɛ sìtam̀ lɛ: Kan à yii ɓɛ̀roɓɛ ɓɛ ri ɓɛŋkìì; fɔɔnnɛ mum ǹcèm ànɛ a rereŋi ɗii ɗi Kan, à ghɛ̀ɛ̀sɛɛ lɛ à sɔ̀ŋì ìkòò wii ɓi kìɓe.

2 TIMOTE 2:20

Àa ɓɛ̀ɓɛŋi ɓɛ gol rì ɓɛ ɓɛ ri ɓɛ̀kìyɛn ri swiɗ à mɔ̀ɔ̀ni ɓɛɛ ti ɓɛ ɓalàg ɓi mɛɛ mɛ mɛ teghɛɛ ɓɔ rì ɓɔ, ɓɛ̀ɓɛŋi ɓɛ soɓɛn ri kìte rì ɓɛ yèŋɛn ri fyòò ɓɛ rilàg girig wɔɔ. Ɓɛ kìyɛn ri gol, rì ɓɛ swiɗ à mɔ̀ɔ̀ni ɓɛ ri ɓisuu ɓiɓan ɓi bànà, ɓɛmbog ɓisuu titom ti zɛy.

EBIREEGH 10:21

Tì rì rì ǹlàmì ɓɛ̀pìrɛɛtìrɛ̀ àgwey anɛ ɓɛ rɛsìghà ɓi naà-Bɛ̀ll.

EBIREEGH 12:22

Wɔ̀lɛ, ɓìi nkɛ̀ɛ jàŋbog rì dòn ì Siyon, jàŋbog rì bàn ì Bɛ̀ll ànɛ à rì cem, Yorisalɛm ànɛ aɗyoo, rì ɓum ɓɛ titom ɓìtuu ɓìtuu,

EBIREEGH 3:12

Ɓɛ̀geni ɓɛ̀m, konaaghna lɛ, ŋwaàdɛŋ ànɛ ɓi mìni kɛ̀ɛ ɓa ri nɗem wu ɓeɓtɛn, wu wu ri kɛ̀ɛ̀ rìgherɛ̀n ɓi lèg ànɛ a ghasɛn ɗì Bɛ̀ll ànɛ à rì cem.

EBIREEGH 9:14

bɔ̀ɓ yaŋ min ɗi bwaɓ yi Kiris ànɛ à falɛ̀ngà nyimiɗ ri Bɛ̀ll, kɛ̀ɛ̀ fìfin, ɓi Nghay ànɛ à ri fìɗyàɓ fikɔ̀ɔ̀. Bwaɓ yii yi ri ɓiì tɛɛ̀zii mɛrem mis ɓi ɓɛg ànɛ a ɓìɓan ɓi ɓi ri kɛ̀ɛ̀ gɛɓsɛ̀n, lɛ ti ki Bɛ̀ll ànɛ à rì cem kisay.

1 PYƐƐRI 2:5

fɔɔnnɛ mìni girig, fɛlɛ yɛ̀ɛ gɔ̀g yi yi ri cencem, ɓì rì ɓɛ̀toŋɛn lɛ ɓi ɓa mɛɛ mɛ ɓi Nghay, ɓì ɓa ǹɗaŋ wu ɓɛpìrɛɛtìrɛ̀ ɓɛ ɓɛ ri ɓɛ̀tɛnɛn ɓɛ ɓɛɛ̀ fùufunɛ̀n Bɛ̀ll ɓyom ɓi ɓi Nghay ɓi ɓi ri rɔɔ nyi, lɛ Yeesus Kiris.

1 PYƐƐRI 4:17

Ɓisuulɛ cààmɛ̀n ki ɓɛyɔ̀m ki kpaŋi, nni ɓɛ̀yɔ̀m ɓɛǹ ɓɛ tumɛɛ ɓi naa ì ɓum ɓɛ Bɛ̀ll. I ɓi ɓìsi nnɛ ɓɛ̀yɔ̀m ɓɛ tumɛɛ, rìsyɔn ɗi ɓumɓɛ ɓɛ ti ɓɛ ɓengì kì gherɛɛ Syeesyee à Ɓɔlɛ ɗi ri ɓa là?

ÀPÒKÀLIƁSƐ̀ 7:2

Fɔɔnnɛ ǹghɛngà ŋwaà-fìtom adɛŋ di a ɓɔɓɔg yi ɓɛg ànɛ ŋwos a ti à kpagìì, à ɓanɓàn yì sìtam̀ à Bɛ̀ll ànɛ à rì cem ɓi càg. Nni à nyàmgà jɛ̀ɛ̀ aɗyoo, a kpaa kìnìn ki ɓum ɓɛ titom ɓɛ ɓɛ tekà ìtèɗ wulɛ, ɓɛɛ ki ziinɛ, ɗì rìɓày à kìkòn ǹtɔɓ lɛ: