TIMOTE 2:7 - Bafia Nouveau Testament

⁷ Kìɓan kiǹ kɛɛ̀ki ɓɛ rɛsìghà mɛ̀ miì lɛ mɓa ǹghagsì-ɓɔlɛ rì ǹkɛ̀nì-fìtom anɛ miì. Nkpaakpaa saaɗ, m̀pwàa ɓi, ǹɗì ǹɗèsàg à ɓumɓɛ ɓɛ yin Ɓɛ̀yudɛ̀n, ànɛ a rèresi ɓɔ rìgherɛ̀n, rì saaɗ.

TIMOTE 2:7 Iomraidhean Croise

ZYAŊ 7:35

Nni Ɓɛ̀yudɛ̀n ɓɛ tɔɔghrɛ̀ngà ɓɔmiɗ lɛ: Fennɛ àrì ɓiì kɛ̀ɛ ɓi ɗi lɛ tyɛ̀ ki ghɛn nyi? A kɛ̀n nya a Ɓɛ̀yudɛ̀n ɓɛ ɓɛ ri ɓɛ̀sààtɛn ɓi bàn yi Gìrɛg, à rèèrèsàg ɓumɓɛ ɓɛ ri Gìrɛg wɔɔ giǹ?

MƐ̀KÌKÌÌ MƐ ƁƐKƐ̀NÌ-FÌTOM 14:27

Yɛ̀ɛ ɓɛ kpagà a Aŋtyos, ɓɛ taŋzɛ̀n ɓɛ̀gherɛ̀n ɓɛ ɓi kìseŋi ki wɔɔ, ɓɛ kpaa ɓɔ ɓìɓan ɓìcèm ɓi Bɛ̀ll à faghà ɓɔ ìtèɗ wulɛ ɓɛɛ kikì, à ɓiisɛ̀n rìnɛm ɗi à nɛmgà ɓum ɓɛ zɛy bee inɛ ɓɛɛ gherɛn girig nyi.

MƐ̀KÌKÌÌ MƐ ƁƐKƐ̀NÌ-FÌTOM 22:21

Nni Kan à kpaaghà min mɛ lɛ: Kɛ̀na ɓisuulɛ, ǹɗì wɔ̀ ɓiì romi fìràɓ, ɓi ɓìlɔ̀ŋ ɓi ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 26:20

Wɔ̀lɛ ǹka lokà kìkalii ɓumɓɛ a Damas ɓìɓan ɓi Bɛ̀ll, ǹkalì girig ɓumɓɛ a Yorisalɛm rì ɓɛ ɓi zi ì Zyude bimiɗ, à kpagì lɛ rì ɓumɓɛ ɓi ɓìlɔ̀ŋ ɓizɛy miì; ǹkpaakpààghà ɓɔ lɛ, ɓɛɛ lɔɔ̀ghrɛn mɛ̀rem, ɓɛɛ gherɛn Bɛ̀ll ɓɛ ki kì ɓiɓan ɓi ɓyɛɛ resi lɛ, cɛɓ kaa ki ti kìlɔ̀gtɛn.

MƐ̀KÌKÌÌ MƐ ƁƐKƐ̀NÌ-FÌTOM 9:15

Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl.

RÒMƐŊ 1:9

Bɛ̀ll ànɛ nkìki kisay ɓi nghay wɛ̀m ɓi rìghaàghàgsì ɗi Syeesyee à Ɓɔlɛ à Man wiì, à rì mɛ̀ wusìnɛ̀ɗ lɛ ǹti mɓùgì mìni ɓyààmɛ̀n ɓìcèm,

RÒMƐŊ 10:14

Nni lannɛ ɓɛ ri min nyi ɓiì reŋii, di ɓɛ gherɛ̀ngà ɓi nyi? Nni lannɛ ɓɛ ri min nyi ɓiì gherɛɛ di ɓɛ woogh ɓi yɛ̀ɛ ɓum ɓɛɛ̀ kpaakpaa kiɓan kii? I ɓum ɓɛ ki kpaakpaa ɓi, lannɛ ɓɔɔ ri min ɓiì woògh?

RÒMƐŊ 11:13

Mɛ̀ ǹkalii mìni ɓɛ ɓi yin Ɓɛ̀yudɛ̀n lɛ, ǹɗì ǹkɛ̀nì-fìtom a Yeesus ànɛ à rì ɓisuu ɓumɓɛ ɓɛ yin Ɓɛ̀yudɛ̀n, nni ɓi rìɓa ɗyɛ̀m ɗiǹ, mɛ̀ɛ nnyàanyaàrɛ̀n rì kìsay ki ki falɛ̀ngà kiǹ a lɔ̀ŋkɛm̀.

RÒMƐŊ 15:16

lɛ mɓa ǹkìì-kìsay a Yeesus Kiris ɓisuu ɓumɓɛ ɓɛ yin Ɓɛ̀yudɛ̀n, fɔɔnnɛ nɗooroòzì kìsay ki righagsì ɗi Syeesyee à Ɓɔlɛ à Bɛ̀ll, kɛɛ ri kìsay ki ki ri kìtɛnɛn, lɛ di ɓumɓɛ ɓɛ yin Ɓɛ̀yudɛ̀n ɓɛɛ ɓa fɛlɛ yɛ̀ɛ rìfa ɗi ɗyɛɛ̀ rɔɔghi Bɛ̀ll; ɗyɛɛ̀ɗi Kìtɛntɛ̀ɛ̀n ki Ǹghay ki mɛ tɛɛ̀zì.

RÒMƐŊ 9:1

Nkpaakpaa saaɗ ɓi Kiris ǹki pwàa ɓi; rì ǹghɛɓsɛn wu Kitɛntɛ̀ɛ̀n ki Nghay, ǹɗem wɛ̀m wu ri mɛ̀ wusìnɛ̀ɗ lɛ ki ri saaɗ fɔlɔɔ.

1 KƆ̀RƐ̀ŊTYƐŊ 9:1

Mɛ̀ɛ nfèki nya lɛ ǹɗì rì ìtèɗ wulɛ ǹkì com ki ǹkɔ̀ni? Nfèki nya lɛ ǹɗì ǹkɛ̀nì-fìtom a Yeesus? Mɛ̀ɛ nti nya lɛ ǹghɛngà Yeesus Kan wìs? Àa mìni yɛɛ ri kìsay kɛm̀ ɓi Kan ɓi ɗùm?

2 KƆ̀RƐ̀ŊTYƐŊ 11:31

Bɛ̀ll ànɛ à rì Seŋi Kan Yeesus ànɛ à ki rì rì rìkem fiɗyàɓ fikɔ̀ɔ̀, à yii lɛ ǹ-yin ɓiì pwààpwaa.

GÀLAT 1:16

ki kongà nyi lɛ a resi mɛ̀ Man wiì, lɛ nkakali kìɓan ki Man ànɛ̀n a ɓumɓɛ ɓɛ yin Ɓɛ̀yudɛ̀n, mɛ̀ ǹtɔgtìghà ɓi mum ɗyomzɛ̀n;

GÀLAT 1:20

Ǹkalii mìni lɛ, kìɓan ki ǹkàni mìni kìn ki ri saaɗ, Bɛ̀ll à yii fɔ̀lɔ̀ɔ̀.

GÀLAT 2:16

Nni wɔ̀lɛ tì yii lɛ mum à yin lɛ à ɓa lɛ saaɗ ɓi mis mɛ Bɛ̀ll lɛ yɛ̀ɛ a nɔ̀ɔnɔɔ̀tì ɓìdɔ̀gsɛna ɓi Ɓɛ̀yudɛ̀n, lɔŋ ŋwaànɛ à gherɛɛ Yeesus Kiris nnyɛɛ ri lɛ saaɗ ɓi mis mɛ Bɛ̀ll, fɔɔnnɛ ɓìsi girig tì gherɛ̀ngà Yeesus Kiris lɛ di ti ghɛnɛn ɓi mis mɛ Bɛ̀ll lɛ tì rì lɛ saaɗ lɛ rìgherɛ̀n ɗi tì gherɛɛ Kiris, àa ɓisuulɛ ti nɔ̀ɔnɔɔ̀tì ɓìdɔ̀gsɛna; lɛ rìɓèŋ ɗi ɓidɔ̀gsɛna ɗi yin lɛ ɗi ki lɛ mum a ɓa lɛ saaɗ ɓi mis mɛ Bɛ̀ll.

GÀLAT 2:9

Fɔɔnnɛ ɓɛ gherɛ̀ngà lɛ Bɛ̀ll à kìghà mɛ̀ geesɛ̀n; ɓɛ̀-Zyag, rì Sefas rì Zyaŋ ɓɛ ɓɛ ɓaghà fɛlɛ yɛ̀ɛ ɓɛ̀ǹtɔn ɓaa, ɓɛ tukàkà ɓìsi ɓyàg lɛ rì mɛ̀ rì Ɓarinaɓas, lɛ ɓɛɛ resi lɛ, tì rì ɓɛ̀ɓùtɛn ɗi ɓɔ; fɔɔnnɛ ɓìsii ghɛɛ̀sɛ̀ngà kì kɛ̀ɛ a ɓumɓɛ ɓɛ yin Ɓɛ̀yudɛ̀n, ɓɔɔ kɛǹ a Ɓɛ̀yudɛ̀n.

GÀLAT 3:9

Ɓisu wìn nnɛ ɓumɓɛ ɓɛ gherɛɛ Bɛ̀ll ɓɛ ri ɓɛ̀màŋɛn nɗaŋ ɗi Abiraham ànɛ à ɓaghà ǹgherɛ̀n.

2 TIMOTE 1:11

Syeesyee à Ɓɔlɛ ànɛ̀n innɛ ɓɛ rɛsìghà mɛ̀ lɛ nlaàlamɓɛ̀n m̀ɓa ǹkɛ̀nì-fìtom rì ǹɗèsàg ànɛ miì.

2 PYƐƐRI 2:5

i à rɔ̀ɓkà kɛ̀ɛ kèŋi ɓum ɓɛ ǹtonto, kìɓan kifog à ghɛɓsìghà lɔŋ ɓum taàraa yɛ̀ɛ à romgày coo doni mɛnig ɓi zi i ɓɛ̀kìì-kìɓe; Nowe ànɛ à lààlàmɓɛ̀ngà saaɗ à ɓaghà ɓi ɓum ɓɛ kitaàraa ɓɛ̀n;