TIMOTE 2:6 - Bafia Nouveau Testament

⁶ nnyɛɛ falɛ̀ngà nyimiɗ lɛ a leɓ pon anɛ ɓi gòri ì ɓum ɓɛ̀cèm; fɔlɔɔ a rì kìɓan ki ki kilɛ̀ngà, ɓi cààmɛ̀n ki ki ɓaghà kìsiŋdɛn,

TIMOTE 2:6 Iomraidhean Croise

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

MARIKUS 1:15

À kpaakpààghà ɓum lɛ: Cààmɛ̀n ki ghɛ̀ɛ̀sɛɛ, kìlɔ̀ŋ ki Bɛ̀ll ki mɛ tyɛ̀ɛ̀tɛn yi; lɔ̀ɔ̀ghrɛɛna mɛ̀rem, ɓi gherɛn Syeesyee à Ɓɔlɛ.

MARIKUS 10:45

Ɓisuulɛ Man à mum à yùghà ɓi lɛ ɓum ɓɛɛ kiki nyi ɓìsay, kìɓan kifog à yughà lɛ a say ɓisuu ɓum, à ki fa cɛɓ kii lɛ a kwèɗ ɓum lɛɛ̀gwey.

ZYAŊ 10:15

lɔŋ yɛ̀ɛ Tààta à yii mɛ̀, mɛ̀ ǹki yi Tààta; mɛ̀ ǹki faa cɛɓ kɛ̀m ɓisuu jɔ̀ɔ̀ yɛm̀.

ZYAŊ 6:51

Ǹɗì bìrɛs ì cencem ìnɛ ì sɛngày aɗyòò, ŋwaànɛ à ɗii bìrɛs ìnɛ̀n, à rì ɓiì ghɛɓì fìɗyàɓ fikɔ̀ɔ̀. Bìrɛs ìnɛ m̀ɓiì faà ìnɛ̀n, yɛ̀ɛ ri nyoo yɛ̀m ìnɛ ǹɗì ɓiì faà, lɛ ziinɛ yɛ̀ɛ ɓa rì cɛɓ.

RÒMƐŊ 16:26

kìɓan kifog nnyɛɛ mɛ rèsɛn ɓigomìnɛ ɓi ɓìɓan ɓi ɓɛ̀kpaŋzì-ɓìɓan ɓɛ kangà, lɔŋ yɛ̀ɛ Bɛ̀ll à fìɗyàɓ fikɔ̀ɔ̀ a tɔkà lɛ kɛɛ kilɛ̀n, fèg ànɛ̀n innɛ ɓɛ mɛ rèsi ɓilɔ̀ŋ ɓìcèm lɛ ɓyɛɛ gherɛn Bɛ̀ll ɓi ki kì nyi mɛ̀wog.

RÒMƐŊ 5:6

Ɓisuulɛ, cààmɛ̀n ki tì ɓaghà di tì ka yin ɗi ìtèɗ, Kiris à wughà ɓisuu ɓiɓeɓtàg ɓi ɓum, ɓi cààmɛ̀n ki Bɛ̀ll à siŋdɛ̀ngà.

1 KƆ̀RƐ̀ŊTYƐŊ 1:6

Lɛ rìrèsì ɗi ɓiɓan ɓi ɓi seesee cɛɓ ki Kiris ɗi mɛ ɓag gàŋ ri ìtèɗ a lɔ̀ŋkin.

2 KƆ̀RƐ̀ŊTYƐŊ 5:21

Roànɛ à kìghà ɓi kiɓe nsoò ŋwos bog, Bɛ̀ll à ghaasìghà nyi kìɓe ɓisu wis, lɛ di ti ghɛn kìrɔɔ ɓi kìsay ki Bɛ̀ll à kìghà lɛ ti ɓa ɓum ɓɛ saaɗ ɓi mis mìì.

GÀLAT 1:4

Yeesus à faghà cɛɓ kii ɓisuu ɓiɓe ɓis lɛ di a pwaŋ̀ ɓìsi ɓi kìɓeɓtàg ki zi ki tì rì ki miì gɛɛ̀nɛ, lɔŋ yɛ̀ɛ rìkɔ̀n ɗi Bɛ̀ll ànɛ à rì Seŋi wìs ɗi ri.

GÀLAT 4:4

Nni yɛ̀ɛ cààmɛ̀n ki Bɛ̀ll nyimiɗ a fèkà ki ghɛɛ̀sɛ̀ngà, nni à romgày Man wiì, à yalɛ̀n ɓi ɗùm ɗi giɓ, à ghɛɓ ɓi rìlàmì ɗi ɓidɔ̀gsɛna ɓi Ɓɛ̀yudɛ̀n,

EFÈZYƐŊ 1:17

ǹtɔtɔ̀g Bɛ̀ll à Kan wìs Yeesus Kiris, ànɛ à rì ǹkeŋkèmì wìs a Seŋi lɛ a fa mìni ǹghay à ɗyomzɛ̀n ànɛ a rèsag ɓum ɓìɓan ɓi a rìnyam lɛ a ki lɛ ɓi yi nyi.

EFÈZYƐŊ 1:7

Ɓi Man ànɛ̀n, tì ti ɓɛ̀kòrɛn ri bwaɓ yii, ɓìɓe ɓis ɓi ɓa ɓìcàrɛn lɔŋ lɛ coo itègh wu geesɛ̀n ì Bɛ̀ll,

EFÈZYƐŊ 3:5

Bɛ̀ll à rèsìghà ɓi gbàà yi ɓum yi abɛ̀y ɓìɓan ɓi a rìnyam ɓìn yɛ̀ɛ à mɛ rèsi ɓyɔ ɓigomìnɛ lɛ, rì a ɓɛ̀kɛ̀nì-fìtom ɓii ɓɛ ɓɛ ri ɓɛ̀tɛnɛn rì a ɓɛ̀kpaŋzì-ɓìɓan, rì ìtèɗ wu Nghay.

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

2 TÈSÀLÒNÌSYƐŊ 1:10

yɛ̀ɛ à ri yù ɓi ŋwos anɛ̀n lɛ a kem̀ ɓi ɓum ɓii, ɓɛ ki sɛsɛg nyi rì mis ɓi ɓɛ̀roɓɛ ɓɛ gherɛ̀ngà nyi ɓɛ̀cèm; mìnii gherɛ̀ngà gì kɔm̀ ɓɔlɛ ànɛ tì kalìghà mìni.

TIMOTE 6:15

kìɓan kiǹ ki ri ɓa ɓi cààmɛ̀n ànɛ ɓɛ fekà lɛ kɛɛ ɓa, ɓi rìkì ɗi roànɛ à rì ǹtin wu ɓɛmààgh, à ki ɓa mbobog à ǹlàmì, nyi yɛɛ ri rìfòm ɗi ɗi lamii mɛ̀fòm mɛcèm, nyi Kan ànɛ a ɓɛ̀kan,

2 TIMOTE 1:8

Fɔɔnnɛ kɔ̀ɔ wog ntoòrìɗ lɛ u tɛɛ̀zi kìɓan ki Kan wìs, nsoò lɛ ki màànɛ ǹɗì kìmbùŋ ɓisu wii. Kìɓan kifog ɓi-tèɗ wu Bɛ̀ll, wogha rìkɛŋ ɓisuu Syeesyee à Ɓɔlɛ ǹɗaŋ ri mɛ̀,

Kaàtà ànɛ Pol à kàngà TIT 1:3

Yɛ̀ɛ cààmɛ̀n ki ki ɓaghà kìsiŋdɛn ki kpagà, à kìghà lɛ jɛ̀ɛ̀ yìì yɛ̀ɛ yilɛn ɓi kìɓan ki à faghà mɛ̀ lɛ nlaàlamɓɛ̀n yɛ̀ɛ rìkalì ɗi Bɛ̀ll ànɛ à rì ǹghɛɓsì wìs ɗi ri.

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

EBIREEGH 9:12

Fɔɔnnɛ à ɗiŋìghà gɛ̀n bog ɓi gɛ̀n yicèm, ɓi jàŋ inɛ ì pɔ̀ɔ̀zii kì ɓaà kìcèlì; à ɗiŋìghà ɓi wɔɔ ri bwaɓ yi ɓipiì, nsoò lɛ yi ɓɔn ɓɛ sanìnya, à ɗiŋìghà wɔɔ lɛ a ɓɔgsi Bɛ̀ll rì bwaɓ yii yi nyimiɗ, à ki fɔ̀n yi ɓìsi gòri ì fìɗyàɓ fikɔ̀ɔ̀.

1 PYƐƐRI 2:24

nyi ànɛ à tɛ̀kà ɓìɓe ɓis ɓi nyoo yìì ɓi kìte aɗyoo lɛ di kɛɛ ɓa lɛ, i tì mɛ wu ɓi san ànɛ a ɓìɓe ɓis, tì ghɛɓ cɛɓ ki ɓumɓɛ ɓɛ ri lɛ saaɗ. Mɛ̀ɓìì mii mɛɛ kighà lɛ ti wɔǹ.

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 ZYAŊ 4:10

Ǹkɔ̀nɛ̀n ànɛn à yin lɛ ɓìsi yɛɛ keesìghà Bɛ̀ll, kìɓan kifog nnyɛɛ keesìghà ɓìsi, à rom yì Man wiì fɛlɛ yɛ̀ɛ kìtuwe ki kɛɛ ghɛɓsi ɓi zòghɛ̀n ì ɓìɓe ɓis.

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,

ÀPÒKÀLIƁSƐ̀ 5:9

Fɔɔnnɛ ɓɛ kɛkɛ̀ghìghà fyem fi nyɔn di ɓɛɛ̀ kpaakpaa lɛ: Wɔ̀ yɛɛ ghɛɛ̀sɛɛ lɛ ù teɗ kaàtà ànɛ̀n, ù ɓɛkì ɓɛ̀sìtam̀ ɓɛ miì, ɓisuulɛ ɓɛ wolà wɔ̀, ù ki kwèɗ ɓumɓɛ ɓi mɛ̀pwìɗ mɛ̀cèm, ɓìtòkì ɓìcèm, mɛ̀kuu mɛ̀cèm, ɓìlɔ̀ŋ ɓìcèm ɓisuu Bɛ̀ll rì bwaɓ yɔɔ.