TIMOTE 2:15 - Bafia Nouveau Testament

¹⁵ Nsoò fɔlɔɔ, à ki rì ɓiì ghɛɛ cɛɓ, lɛ à rì rì ɓɔn, ɗì lɛ à ɓèŋi rìgherɛ̀n, à ghɛɓ ɓi nkɔ̀nɛ̀n, à ɓèŋɗɛ̀n ǹtɛnɛn ɓi nghay, à ki sɛɛ̀dɛn nyimiɗ ɓi zi.

TIMOTE 2:15 Iomraidhean Croise

LUKAS 2:7

nni à yalà man wìì à ǹtonto baŋì, à lɔkì nyi rì ɓìlàà, à nɔ̀ŋzì nyi ɓi kìɓɛrɛ ki ɓìtuwe ɓi ǹɗilàg miì lɛ jàŋ inɛ ɓɛ kɔrì miì ì ɓatìghà ɓi ɓi naà-ɓɛ̀kèn.

1 KƆ̀RƐ̀ŊTYƐŊ 12:23

Ɓìkàɓ ɓi tì ɓiisɛɛ ɓi ki kuughraagh lɛ ɓi ri bimiɗ à com, ɓyɛɛ̀ɓi tì ti tì ɓiisàg kì ɓèŋi lɛ syeesyee; ɓìsii ri lɔŋ lɛ, ɓìkàɓ ɓi ɓi yin loò ɓìkàɓ ɓi lɛ ɓɛ ɓuŋɓùŋ ɓyɛɛ̀ɓi ɓìsii ɓiisɛ̀n kì ɓèŋɓeŋi ri ɓyoo tikɛɗ.

TIMOTE 1:14

Fɔɔnnɛ geesɛ̀n ì Kan wìs ì rongà ì sòsòɓ, ɓi mɛ̀ bas ɗì rìgherɛ̀n rì ǹkɔ̀nɛ̀n ànɛ à rì ɓi Yeesus Kiris.

TIMOTE 1:5

Rìsyɔn ɗi ɓi kìɓan ki ǹtɔɔgh wɔ̀ kiǹ ɗi ri lɛ, ǹkɔ̀nɛ̀n ànɛ à rìì ɓi nɗem wu wu ri wù tɛnɛn, rì ɓi nɗem wu wu ri lɛ sɛɛghisɛɛghi, rì ɓi rìgherɛ̀n ɗi kɛ̀ɛ̀ tìfyèèrɛnà.

TIMOTE 2:9

Ɓɛ̀yiɓ ɓɛ ghɛɛ̀sɛɛ girig kì waataagh yɛ̀ɛ ki ghɛɛ̀sɛɛ, ɓɛ ɓa rì ntoòrìɗ; ǹwaà waa wɛ̀ kɛɛ̀ yeesɛn, ɓɛ ghɛɛ̀sɛɛ ɓi ki ɓaaghraagh tyòŋ ti ti yeesɛɛ rìɓag, ɓɛ̀ kɛɛ̀ waatɛn mɛrɛ̀ŋ mɛ gol nsoò lɛ mɛ mɛ ri mɛ̀syaghɛn ri ɓyom ɓi ɓi ciɓtaagh kìrɔɔ, nsoò ɓìlàà ɓi ɓi kɛŋi lɛɛ̀gwey.

Kaàtà ànɛ Pol à kàngà TIT 2:12

geesɛ̀n yìì inɛ̀n yɛ̀ɛ rèresi ɓisi lɛ ti roòzɛn cɛɓ ki kɛ̀ɛ̀ rìgherɛ̀n rì ɓìɓeɓtàg ɓi ɓiɓan ɓi ɓyɛɛ̀ kɔ̀ngi ɓum ɓi ziinɛ, tì ghɛɓ ɓi ziinɛ rì ɗyomzɛ̀n, tì ɓa lɛ saaɗ tì ki falɛn ɓi rìgherɛ̀n,

1 PYƐƐRI 4:7

Rìsugtɛ̀n ɗi ɓyom ɓìcèm ɗi ti jàŋbog, fɔlɔɔ nnɛ ɓì ghɛ̀ɛ̀sɛɛ kì ɓaà rì ɗyomzɛ̀n, kɛ̀ ɓi falɛn ɓi ɓìnɔɔ̀nɔɔ̀, di ɓi kiki bɔ̀ŋzɛ̀n.