TIMOTE 1:9 - Bafia Nouveau Testament

⁹ tì ki yii lɛ ɓìdɔ̀gsɛna ɓi yin ɓifalɛn ɓisuu ŋwaà saaɗ, ɓi ri lɔŋ ɓisuu ɓumɓɛ ɓɛ ri rì rìgɛn, rì ɓɛ̀roɓɛ ɓɛ̀ kɛɛ̀ wooghrɛn, ɓɛ̀ɓènì rìgherɛ̀n, rì ɓɛ̀kìì-kìɓe, rì ɓumɓɛ ɓɛ ti ɓɛ̀ kɛɛ̀ risi nsoò Bɛ̀ll, nsoò ɓyom ɓi ɓi ri kìcèlì, rì ɓisuu ɓumɓɛ ɓɛ ti ɓɛ weeyì ɓɛ̀seŋi ɓaa, rì ɓɛ̀jɛɛ ɓaa, rì ɓisuu ɓɛwolì-ɓum,

TIMOTE 1:9 Iomraidhean Croise

MATYOO 10:21

Ki ri ɓa lɛ, mum à tɔ̀kɛ̀n geni lɛ ɓɛɛ wey, seŋi à tɔ̀kɛ̀n man, ɓɔn ɓɛ ram wɛ̀y ri ɓɛ̀yalì ɓaa, ɓɛ ki cuusi ɓɔ.

RÒMƐŊ 1:30

rì ɓɛ̀ɓɔlɛ, rì mɛ̀wɔ̀wɔrì, ɓɛ ɓa ɓɛ̀bènàbena ɓɛ Bɛ̀ll, ɓɔ ɓɛ̀kaà-ɓìɓan, ɓɔ rì ɓìdaŋà rì kalɛn, ɓɛ womzɛ̀n ɓi rìkì ɗi kiɓe, ɓɛ ki ɓa ri ntoòtèɗ rì ɓɛ̀yalì ɓaa.

RÒMƐŊ 4:13

I Bɛ̀ll à kàkà Abiraham rì dòò yii lɛ ɓɛ ri ɓiì fɔ̀ni zi ɓi mɛ̀wus, ǹkàg wiǹ wu falɛ̀ngà ɓi ɓisuulɛ Abiraham à ɓègà ɓìdɔ̀gsɛna; kìɓan kifog Bɛ̀ll à faghà nyi ǹkàg wiǹ lɛ à ghɛngà nyi lɛ à rì lɛ saaɗ ɓi mis mii lɛ rìgherɛ̀n.

RÒMƐŊ 5:20

Kɔlɛ ɓìdɔ̀gsɛna ɓi yughày lɛ di kìɓe kɛɛ teghɛn, wɔ̀lɛ jàŋ bimiɗ ìnɛ kìɓe ki ɓaghà kì rììtɛn geesɛ̀n ì Bɛ̀ll ì tèghɛ̀ngà tì ì cee fɔlɔɔ.

RÒMƐŊ 6:14

Kìɓe kaa làmi ɓi mini, ɓisuulɛ àa ɓìdɔ̀gsɛna ɓyɛɛ̀ làlami mìni, lɔŋ geesɛ̀n ì Bɛ̀ll.

GÀLAT 3:19

Nni ɓìdɔ̀gsɛna ɓi ghɛɓsii min cɛ? Ɓi foŋɗɛ̀ngà lɛ ɓyɛɛ reresi mɛ̀nànì mɛ ɓum à kpaŋ yɛ̀ɛ dòò yì Abiraham ìnɛ ǹkàg wiǹ wu seesèèghà ì kpaŋi gɛ; ɓum ɓɛ titom ɓɔ yɛɛ ghagsìghà ɓìdɔ̀gsɛna ɓiǹ, di bimiɗ à mum à rì ɓi nyìinyìm ànɛ lɛ, rì kìlɔ̀ŋ rì ɓɔ.

GÀLAT 5:18

Wɔ̀lɛ i Nghay à Bɛ̀ll yɛɛ̀ kɛ̀ɛkɛɛ̀sì mìni, ɓyàa ɓati ɓi ɓɛkpàn ɓɛ ɓidɔ̀gsɛna.

GÀLAT 5:21

Yàaka, rìŋwaŋ ɗi mɛrɔ̀g, dili rì mɛ̀kuu mɛ ɓiɓan mɛ fɔlɔɔ. Yɛ̀ɛ ǹlokà mìni kì kpaà, nni ǹɗɔ̀gsɛɛ tì mìni lɛ: Ɓumɓɛ ɓɛɛ̀ kìki ɓiɓan ɓiǹ, ɓaa ghɛn ɓi kilɔ̀ŋ ki Bɛ̀ll.

GÀLAT 5:23

Ɓìdɔ̀gsɛna ɓi ɓeezɛɛ ɓi ɓiɓan ɓi fɔ̀lɔ̀ɔ̀.

2 TÈSÀLÒNÌSYƐŊ 2:8

Ajɛ̀m ìnɛn innɛ Kìɓeɓtàg ki mum ki ɓiì rèsɛɛ yi, Kan à wey kɔ rì cɔ̀ŋzɛn ki ki kpaŋiì nyi ɓi ŋwɔm, à tììsì kɔ rì kìtɛɛtɛn ki ɓi rìsugtìì ɗii.

TIMOTE 4:7

Kìɓan kifog, ù càɗ dàɗkì yi zɛy rì mɛ̀kànkàn mɛ ɓitùg ɓi ɓɛ̀yiɓ.

TIMOTE 6:20

Timote, konag kì ɓèŋi com ki ɓɛ tɛfɛ̀ngà rì wɔ̀, ù lèg kɛɛgh à kɛ̀ɛ̀-su ànɛ kɛ̀ɛ wuɓsɛn ɓiɓan ɓi righerɛ̀n, rì nyoey yi riyi ɗi ɓiɓan ɗi ɗi ri ɓi zɛ̀ɗ.

2 TIMOTE 2:16

Càra ɓìtòkì ɓi zɛy ɓi ɓi yin ɓiì kpaakpaa ɓiɓan ɓi righerɛ̀n ɓisuulɛ ɓumɓɛ ɓɛɛ̀ tòtog rikuu ɗi ɓitòkì ɗiǹ ɓɛ ri ɓiì ràaraɓsɛ̀n tì rì rìgherɛ̀n à cee fɔlɔɔ.

2 TIMOTE 3:2

Ɓisuulɛ ɓum ɓɛ ri ɓa ɓɛ̀wemwèm, ɓɛ̀keesì-mɔ̀ɔ̀ni, ɓɛ ɓa ɓɛ̀daŋàdaŋa, ɓɛ ɓa ɓɛ̀kìì-kalɛn, ɓɛ feèfèngì Bɛ̀ll, ɓɛ kikì ɓɛ̀yalì ɓaa ntoòtèɗ, ɓɛ̀ kɛɛ̀ foŋ kirɔɔ ki ɓum ɓɛ kii ɓɔ, ɓɛ̀ kɛɛ̀ risi ɓyom ɓi ɓi ri kìcèlì.

Kaàtà ànɛ Pol à kàngà TIT 1:10

Ǹkpaa fɔlɔɔ ɓisuulɛ ɓum lɛɛ̀gwey ɓɛ ri rì ntoòtèɗ, ɓɔ rì mɓog à ŋwɔm ɓɛ ki ɓa ri ǹ-yègsɛ̀n à ɓiìɓììsɛ̀n ɓi nyìinyìm à Ɓɛ̀yudɛ̀n ɓɛ ɓɛ ri ɓɛ̀kìristɛ̀n,

Kaàtà ànɛ Pol à kàngà TIT 1:16

Ɓɛ ti ɓɛ kpaaghì lɛ ɓɔɔ yii Bɛ̀ll, kìɓan kifog ɓɛ roòròòzɛ̀n nyi ɓi mɛ̀kìkìì maa, ɓum ɓɛ ɓeèzɛɛ rìɓa ɗyaa ɗiǹ, ɓɛ ri rì ǹtoòtèɗ, ɓɛ̀ kɛɛ̀ ki ɓa ɓumɓɛ ɓɛ ri lɛ ɓɛ ki syeesyee à kìɓan nsoò bog.

Kaàtà ànɛ Pol à kàngà TIT 1:6

Mum ǹcèm ànɛ ɓi ɓumɓɛ̀n à ghɛ̀ɛ̀sɛɛ kì ɓaà kɛ̀ɛ̀ kìɓan ki ɓɛ cɛmdɛ̀n, à ɓa giɓ bog, ɓɔn ɓii ɓɛ ghɛɛ̀sɛɛ kì ɓaà ɓɛ̀gherɛ̀n, ɓɛ̀ kɛɛ̀ ɓa ɓɔɓti ɓɛ ɓum ɓɛɛ̀ cɛɛcɛmdɛ̀n lɛ ɓɛ ri lɛ nyùùnyùùgh, nsoò lɛ ɓɛ ri rì ntoòtèɗ.

Kaàtà ànɛ Pol à kàngà TIT 3:3

Ɓisuulɛ ɓìsi girig tì ɓaghà abɛ̀y kɛ̀ɛ̀ ɗyomzɛ̀n, ɓìsi rì ntoòtèɗ, ɓìsi ɓi rìɗim; tì ɓaghà ɓɛ̀kpàn ɓɛ ɓiɓan mɛkuu mɛ̀kuu, ɓi mɛ̀rem mɛɛ̀ kɔ̀ngì rì ɓi ɓyɛɛ̀ yɛ̀ɛ̀yi mɛmùù, tì ghɛghɛ̀ɓ ɓi rìgɛn rì ɓi m̀mììghrɛ̀n, tì ɓeɓèɓ ɓum, tì ki ɓèeɓeèzɛ̀n ɓìsi rì ɓìsi.

EBIREEGH 11:31

Lɛ rìgherɛ̀n innɛ Rahaɓ ànɛ à ɓaghà giɓ a rìɓàmɓà à wughà ɓi nɗaŋ ri ɓumɓɛ ɓɛ kighà Bɛ̀ll ɓɛ̀lɔg ɓisuulɛ à ghàɓkà ɓumɓɛ ɓɛ kɛngà mɛ̀wooghrag, rì syeesyee à ǹɗem.

EBIREEGH 12:16

Ɓì konàg lɛ ŋwaàdɛŋ kɛ̀ɛ ɓa ri cɛɓ ki tɔɔtɔɓki, nsoò lɛ a ɓa rì zɛɛtɛn ɓi ɓyom ɓi ɓi ri kìcèlì fɛlɛ yɛ̀ɛ Eso ànɛ à kàɓkà ìkɔ̀ɔ̀ wii wu risɛ̀ɛ̀mɛn ɓisuu càà ki ɓiɗilàg.

1 PYƐƐRI 2:7

Ǹnyaasɛ̀n à rì min ɓisu win wu mini ɓɛ ɓì gherɛɛ; wɔ̀lɛ ɓi ɓɛg ànɛ a ɓɛ̀roɓɛ ɓɛ gherɛɛ ɓi, gɔ̀g ìnɛ ɓɛ̀toŋì-kìtoŋ ɓɛ makà yɛ̀ɛ ghalà ǹlem à gɔ̀g ànɛ ɓi ntɔn à mɛɛ, ì ki ɓa gɔ̀g ì fìɓàg, riɓan ɗi ɓum ɓɛɛ̀ kpìkpi miì.

1 PYƐƐRI 3:20

yɛɛ lɔɔ lɛ mɛ̀ghay mɛ ɓumɓɛ ɓɛ kighà Bɛ̀ll ɓɛ̀lɔg ɓi mɛ̀ru mɛ ajɛ̀m, cààmɛ̀n ki Bɛ̀ll à sììsììrìghà nɗem, à ɓoŋɓòŋ; ɓi mɛ̀ru mɛ Nowe à sosòɓkà kìkɔm; kìkɔm kìn kɛɛ kighà lɛ ɓɔɔ ɓum ɓɛ̀sɛ̀ɛ̀ taàraa ɓɛ ghɛɓkà lɛ mɛ̀nig.

1 PYƐƐRI 4:18

I rìghɛɓ ɗi ŋwaànɛ à rì lɛ saaɗ a ghɛɓ ɗi ka ti fɔlɔɔ ri ntɔɓ, ki ɓa min la ɓi san ànɛ yɛ̀ɛ kiɓeɓtàg ki mum rì ǹkìì-kìɓe?

ZYUUDƐ 1:15

lɛ a yɔm̀ ɓum ɓɛ̀cèm, à ren kìɓan kaa, lɛ di ɓìɓeɓtàg ɓi ɓum ɓìcèm ɓyɛɛ teɗ ǹcɛ̀m ɓisuu ɓiɓeɓtàg ɓi ɓiɓan ɓi ɓɛ kighà, rì ɓi ntoòtèɗ wu ɓɛ resìghà Bɛ̀ll, rì ɓisuu ɓiɓeɓtàg ɓi jɛ̀ɛ̀ ɓi ɓɛ̀kìì-kìɓe ɓɛ ɓɛ̀ kɛɛ̀ risi Bɛ̀ll ɓɛǹ ɓɛ kpaàkpàŋzìghà di ɓɛɛ̀ feefengì nyi.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.