TIMOTE 1:3 - Bafia Nouveau Testament

³ Fɛlɛ yɛ̀ɛ ǹtɔkà wɔ̀ di ǹti lɛ nkɛǹ a Masedwan, ki ghɛɛ̀sɛɛ lɔŋ lɛ, u kɔkɔri a Efɛɛzɛ lɛ u siìtɛn ɓum ɓɛdɛŋ lɛ ɓɛ̀ kɛɛ̀ rèresi dɔgtɛ̀n yidɛŋ,

TIMOTE 1:3 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 18:19

Yɛ̀ɛ ɓɛ kpagà a Efɛɛzɛ Pol à càɗ Pirisilya wɔɔ ɓɛɛ̀ Akilas, à kɛ̀n ɓi naà-bɔ̀ŋzɛ̀n à tòkì rì Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 18:21

Kìɓan kifog à ghasɛ̀ngà rì ɓɔ, à ki kàg ɓɔ lɛ, à rì ɓiì sugtii yi a lɔ̀ŋkaa ŋwos adɛŋ di Bɛ̀ll à kɔ̀ni. Fɔɔnnɛ à kpaghà lɛ: Ki ghɛɛ̀sɛɛ lɛ, nɗi tìcàɓ ti ti riì ti a Yorisalɛm nsoò kaa ɓaa la. Nni à pɛ̀sɛ̀ngà a Efɛɛzɛ ɓi fìtimà.

RÒMƐŊ 15:26

Ɓisuulɛ ɓɛ̀gherɛ̀n ɓɛ a Masedwan rì ɓɛ̀roɓɛ a Akayi ɓɛ nghɛɛ kìrɔɔ lɛ ɓɛɛ syɔɔ̀ mɔ̀ɔ̀mi ɓisuu ɓumɓɛ ɓɛ ri nyìinyìg ɓi nyìinyìm à ɓɛ̀gherɛ̀n ɓɛ a Yorisalɛm.

RÒMƐŊ 16:17

Ɓɔɔsoŋ̀, ǹkalii mìni lɛ, ɓi konag rì ɓumɓɛ ɓɛɛ̀ syòŋsyoŋ yi gasɛ̀n, ɓɛ ki kɛ̀ɛkɛɓtì ɓɛ̀gherɛ̀n tìɓàg, rìkì ɗiǹ ɗyɛɛ̀ yooyogsì rìrèsàg ɗi ɓì tekà. Kɛ̀ ɓi ɓasɛn ɗi mɛ̀kuu mɛ ɓum mɛ̀n.

2 KƆ̀RƐ̀ŊTYƐŊ 11:4

Ɓisuulɛ ki yeesii ɓi mini lɛ ŋwaàdɛŋ a yu mìni kì kalii kiɓan ki Yeesus àdɛŋ, ànɛ à yin anɛ ɓìsii kalìghà mìni, nsoò lɛ ɓi teɗ Ǹghay àdɛŋ ànɛ à yin Ǹghay ànɛ ɓì ɓaghà di ɓì mɛ teɗ, nsoò lɛ Syeesyee à Ɓɔlɛ àdɛŋ ànɛ à yin anɛ ɓì tekà.

EFÈZYƐŊ 4:14

Fɔlɔɔ nnɛ tyàa ɓa ti ɓi ɓɔɓti ɓɛ ɓɛ ri kɛ̀ɛ̀ goo, ɓɛ ɓɛ ri lɛ rì rìkuu ɗi dɔgtɛ̀n ɗiǹ miì ɓɛ nɔɔ̀tì, ɓum ɓɛ yeèghyègsì ɓɔ lɛ rì momzɛ̀n maa, rì mɛ̀ghèy mɛ ɓɛ ti ɓɛ syogì ɓum miì ɓi rìnàn.

FÌLÌPYƐŊ 2:24

Fɔɔnnɛ ǹɗì rì ǹtyweeyi ri Kan lɛ cààmɛ̀n lesàg mɛ̀ɛmiɗ. Nkpaŋ lɔŋ foo.

TIMOTE 4:11

Ɓìɓan ɓiǹ ɓyɛɛ̀ɓi ù ghɛ̀ɛ̀sɛɛ kì siŋɗɛɛ ɓum lɛ ɓɛɛ ki, ù ki rèeresàg ɓɔ ɓyɔ̀.

TIMOTE 4:6

Ù rì ɓiì ɓaà syeesyee à ǹkìì-kìsay a Yeesus Kiris di u kakali ɓɛgoni ɓìɓan ɓiǹ ù ki rèresi lɛ u mɛmɛni wɛ̀ɛmiɗ ɓi nghay rì ɓìɓan ɓi righerɛ̀n rì syeesyee à dɔgtɛ̀n ànɛ ù yilàkà yɛ̀ɛ ki ghɛɛ̀sɛɛ.

TIMOTE 5:7

Ɓìɓan ɓi ki ghɛɛ̀sɛɛ lɛ u siŋɗag mɛ̀kpɔɓ ɓyɛɛ̀ɓìn, lɛ di ɓɛ̀sɛ̀ɛ̀ ɓɛ̀cèm ɓɛɛ ɓa kɛ̀ɛ̀ kìɓan ki ɓum ɓɛ ri lɛ ɓɛ cɛmdɛ̀n mɔ miì.

TIMOTE 6:10

Ɓisuulɛ kìsee ki mɔ̀ɔ̀ni ki ri ǹɗyèm wu ɓiɓan ɓi ɓeɓtɛn ɓìcèm, nni ɓum ɓɛdɛŋ ɓɛ ɓɛ falɛ̀ngà ɓi kìsee ki mɔ̀ɔ̀ni kìn, ɓɛ ghasɛ̀ngà rì rìgherɛ̀n, ɓɛ ki syòŋ yi ɓɔmiɗ mɛtɔɓ ɓi nyoo lɛɛ̀gwey.

TIMOTE 6:17

Tɔgha ɓɛ̀guŋgum ɓɛ ɓi mɛ̀ru mɛ lɛ, ɓɛ̀ kɛɛ̀ ɓa ri kalɛn, ɓɛ̀ kɛɛ̀ ki foŋ dyàɓɛn yaà ɓi ìkum wu wu ri kɛ̀ɛ̀ ǹtyweeyi, ɓɛɛ foŋ lɔŋ dyàɓɛn yaà yɛɛ̀ Bɛ̀ll ànɛ à ti à falàg ɓìsi ɓyom ɓìcèm lɛɛ̀gwey lɛ ti wog kìrɔɔ rì ɓyɔ.

TIMOTE 6:3

Ɓìɓan ɓi ù ghɛ̀ɛ̀sɛɛ kì rèsaagh di u siisiŋdàg ɓyɛɛ̀ ɓìn lɔɔ. I mum a rèresi dɔgtɛ̀n ìdɛŋ, kɛ̀ɛ nɔ̀ɔ̀ti ɓi syeesyee à rìkpaa à Kan wìs Yeesus Kiris, rì yɛ̀ɛ rìrèsì ɗi dɔgtɛ̀n ìnɛ ì ghɛ̀ɛ̀sɛɛ ɗì rìfalɛ̀n ɗi ɓi rìgherɛ̀n, ɓyɛɛ̀ kpaakpàà,

2 TIMOTE 1:18

Kan à ghɛ̀ɛ̀sɛɛ kì kìi lɛ Bɛ̀ll a resi nyi kìrɔɔ-ǹɗem wìì ŋwos anɛ̀n. Ɓìsay ɓìcèm ɓi Onezifɔɔr à kìghà mɛ̀ a Efɛɛzɛ, wɔ̀ yɛɛ raŋ̀zii ɓyɔ kì yiì ù cee ɓum ɓɛ̀cèm.

2 ZYAŊ 1:7

Lɛ ɓɛ̀yègsì-ɓum ɓɛ mɛ sààtɛn ɓi ziinɛ lɛɛ̀gwey; ɓɛ gherɛɛ ɓi lɛ, Yeesus Kiris à yalɛ̀ngà lɔŋ mum. Rìkuu ɗi mum ɗìn ɗi ri ǹ-yègsì-ɓum ɗi ki ɓa ŋwaànɛ a ɗùùɗuu ri Kiris.

ÀPÒKÀLIƁSƐ̀ 2:14

Nsoò fɔlɔɔ, ǹɗì rì ɓìɓan ɓidɛŋ ɓi ɓi ɓeɓi mɛ̀ rì wɔ̀; ù rì foo ri ɓum ɓɛdɛŋ ɓɛ ɓɛɛ̀ nɔ̀ɔnɔɔ̀tì dɔgtɛ̀n ì Balam; Balam àa nɗèsàg Balag lɛ a ki com ki lɛ ɓɔn ɓɛ Isirayɛl ɓɛɛ kɛɓtɛn fìɓàg lɛ ɓɛ ɗii ɓyɛn ɓi nyàm yi ɓɛ funɛɛ ɓi rìɓɔgsì ɗi ɓinùn, ɓɛ ki ɗiŋi ɓi rìkìkì ɗi tisɔ̀mɔ̀g.

ÀPÒKÀLIƁSƐ̀ 2:20

Kìɓan kifog kìɓan ki ki ɓeɓi mɛ̀ rì wɔ̀ ki ri lɛ, ù ti ù càɗkì giɓ anɛ lɛ Zyezaɓɛl ànɛ à ti à kalàg lɛ à rì ǹkpaŋzì-ɓìɓan lɛ a reresi, à ki syòŋsyoŋ ɓɛ̀kìì-ɓìsay ɓɛm lɛ ɓɛɛ ɗiŋi ɓi tìsɔ̀mɔ̀g ti kìkiyɛn, ɓɛ ki ɗiɗi ɓyɛn ɓi nyàm ìnɛ ɓɛ funɛɛ ɓi rìɓɔgsì ɗi ɓinùn.