TIMOTE 1:15 - Bafia Nouveau Testament

¹⁵ Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀ ànɛ ɓum ɓɛ̀cèm ɓɛ ghɛɛ̀sɛɛ lɔŋ kiterì rì ǹtyweeyi wucèm yɛ̀ɛ ri lɛ Yeesus Kiris à yùghà ɓi ziinɛ lɛ a ghɛɓsi ɓɛ̀kìì-kìɓe, nni ɓi ɓɛ̀kìì-kìɓe ɓɛǹ, mɛ̀ yɛɛ ri lɛ ɓog.

TIMOTE 1:15 Iomraidhean Croise

MATYOO 1:21

À ɓiì yalì man à baŋì, ù ki ròò nyi ɗii lɛ Yeesus, lɛ nnyɛɛ ɓiì kòri kìlɔ̀ŋ kii ɓi ɓìɓe ɓyaa.

MATYOO 18:10

Kɔ̀riina ɗyomzɛ̀n lɛ kɛ̀ ɓi sɛɛti kibog ki ɓi ɓɔɓti ɓɛ. Lɛ ǹkalii mìni lɛ, ɓum ɓɛ titom ɓaa ɓɛ rɛrɛlii cààmɛ̀n kìcèm ɓi mis mɛ Seŋi wɛ̀m ànɛ à rì aɗyòò.

MATYOO 18:11

Lɛ Man à mum à yùghà ki ghɛɓsii ɓumɓɛ ɓɛ ɗimgà.

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

MATYOO 9:13

Kɛ̀ɛna kì yilaagh azi anɛ ɓi jɛ̀ɛ̀ ìnɛ: Ǹkeesii ǹɗem wu nyìighnyìg à cee ɓìfùna ɓi ɓìtuwe. Lɛ, ǹ-yùghà ɓi ki reŋii ɓumɓɛ ɓɛ ri lɛ saaɗ, ǹ-yùghà lɔŋ ki reŋii ɓɛ̀kìì-kìɓe.

MARIKUS 2:17

Yɛ̀ɛ Yeesus à wokà ǹtɔɔ̀tɔɔgh wiǹ, nni à kpaaghà ɓɔ lɛ: Ɓumɓɛ ɓɛ yin ɓiì roroɓi, ɓɛ ti ɓɛ kɛɛ ɓa ri zày ì dɔgtà, lɔŋ ɓɛ̀roroɓ ɓɛɛ ti ɓɛ ɓalàg rì zày ìnɛn. Mɛ̀ ǹ-yùghà ɓi ki reŋii ɓumɓɛ ɓɛ ri lɛsaaɗ, lɔŋ ɓɛ̀kìì-kìɓe ɓɛɛ̀ɓɛ ǹ-yùghà kì reŋii.

LUKAS 15:2

Fɔɔnnɛ Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓɛ ŋwɔŋwɔ̀ŋìghà di ɓɛɛ̀ kpaakpaa lɛ: Ŋwaànɛ a ghàghaɓ ɓiɓeɓtàg ɓi ɓum lɛ syeesyee, à ki ɗiɗi nɗaŋ ɗi ɓɔ.

LUKAS 19:10

Rì tì lɛ Man à mum à yùghà lɛ, a kaà à ki ghɛɓsi ɓumɓɛ ɓɛ ɓaghà ɓɛ̀ɗimɛn.

LUKAS 5:32

Ǹ-yùghà ɓi ki reŋii ɓumɓɛ ɓɛ ri lɛ saaɗ, lɛ ɓɛɛ lɔɔ̀ghrɛn mɛ̀rem, lɔŋ ɓɛ̀kìì-kìɓe ɓɛɛ̀ɓɛ ǹ-yùghà kì reŋii.

ZYAŊ 1:12

wɔ̀lɛ ì faghà ɓum ɓɛ̀cèm ɓɛ ɓɛ ghaɓkà kɔ, ɓɛ gherɛ̀n ɗii ɗi yɔ̀, ìtèɗ wulɛ ɓɛɛ ɓa ɓɔn ɓɛ Bɛ̀ll.

ZYAŊ 1:29

Ɓi duri tana, Zyaŋ à ghɛngà di Yeesus à tiì a lɔ̀ŋkii, à kpaa lɛ man à jɔ̀ɔ̀ à Bɛ̀ll ànɛ a pipisi kiɓe ki ɓum ɓi ziinɛ yɛɛ ri lɛ.

ZYAŊ 12:47

I mum à woogh ɓìɓan ɓyɛm̀, kɛ̀ɛ ɓèŋ ɓyɔ, àa mɛ̀ yɛɛ ri nyi ɓiì faà bɛ̀lɛn, lɛ ǹ-yùghà ɓi ki faà ziinɛ bɛ̀lɛn, ǹ-yùghà lɔŋ lɛ nghɛɓsi yɔ̀.

ZYAŊ 3:36

Nni mum ǹcèm ànɛ à gherɛɛ Man, à rì rì cɛɓ ki fiɗyàɓ fikɔ̀ɔ̀; ŋwaànɛ à woogh ɓi nyi, àa ghɛn ɓi cɛɓ, kìɓan kifog, rìbaŋì ɗi Bɛ̀ll ɗi kaka nyi ɓi nyòò.

MƐ̀KÌKÌÌ MƐ ƁƐKƐ̀NÌ-FÌTOM 11:1

Ɓɛ̀kɛ̀nì-fìtom rì ɓɛ̀geni ɓaa ɓɛ righerɛ̀n ɓɛ ɓɛ kɔkɔ̀rìghà a Zyude ɓɛ wokà lɛ, ɓumɓɛ ɓi mɛ̀kuu mɛm̀bog ɓɛ ǹghàɓi girig jɛ̀ɛ̀ ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 11:18

Yɛ̀ɛ ɓɛ wokà ɓitòkì ɓiǹ, nnɛ ɓɛ kɔrìghà lɛ fyòoog, ɓɛ tumɛ̀n ɗìkemzì ɗi Bɛ̀ll di ɓɛɛ̀ kpaakpaa lɛ: Bɛ̀ll à mɛ nɛm girig ɓumɓɛ ɓi mɛ̀kuu mɛm̀bog bee inɛ lɛ, ɓɛɛ lɔɔ̀ghrɛn mɛ̀rem, di ɓɛɛ ɓa rì cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 3:26

Mìni yɛɛ ri ɓumɓɛ asu ɓɛ Bɛ̀ll à ɓɔ̀ngà ǹkìì-kìsay wiì ɓisu waa, à rom yì nyi, lɛ a maŋ̀ mìni, di a ki lɛ mum bimiɗ ànɛ ɓi mìni a càɗ ɓìɓeɓtàg ɓii ɓi mɛkìkìì.

RÒMƐŊ 11:14

Lɛ i bee yàa rì lɛ ì ɓa, ǹkì lɛ ɓumɓɛ ɓi kìlɔ̀ŋ kɛm̀ ɓɛɛ wog yɔ̀ɔ̀tì, di gàɓ ìdɛŋ yɛ̀ɛ ghɛ̀ɓ.

RÒMƐŊ 5:6

Ɓisuulɛ, cààmɛ̀n ki tì ɓaghà di tì ka yin ɗi ìtèɗ, Kiris à wughà ɓisuu ɓiɓeɓtàg ɓi ɓum, ɓi cààmɛ̀n ki Bɛ̀ll à siŋdɛ̀ngà.

1 KƆ̀RƐ̀ŊTYƐŊ 15:9

ɓisuulɛ ǹɗì ŋwaà siitòn ɓi nɗaŋ wu ɓɛ̀kɛ̀nì-fìtom; ǹghɛ̀ɛ̀sɛɛ ɓi lɛ ɓɛ reŋì mɛ̀ lɛ ǹkɛ̀nì-fìtom ɓisuulɛ ǹ-yeesìghà kìseŋi ki ɓɔn ɓɛ Bɛ̀ll.

EFÈZYƐŊ 3:8

Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

TIMOTE 1:13

Màànɛ ǹfeèfèngàkà nyi abɛ̀y, ǹ-yeèyèèsì ɓɛ̀gherɛ̀n, ǹkìkì rìbaŋì, mɛ̀ ànɛ̀n innɛ Bɛ̀ll à wokà nyìinyìg ɓisuulɛ ǹ-yighà ɓi com ki ǹkìkìghà, lɛ m̀ɓaghà kɛ̀ɛ̀ kìgherɛɛ.

TIMOTE 1:19

ù ɓèŋ rìgherɛ̀n rì syeesyee à ǹɗem. Syeesyee à ǹɗem ànɛ̀n, ɓum ɓɛdɛŋ ɓɛ mɛ naŋ nyi, rìgherɛ̀n ɗyaa ɗi ɓɛǹ mɛ̀nig yɛ̀ɛ ɓumɓɛ rìɓày à teri.

TIMOTE 3:1

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀ ì rì lɛ, i kɛɛ̀ kɔ̀nkɔn mum lɛ a ɓa ŋwaànɛ a kɛɛ̀si Kìseŋi, di ŋwaànɛ̀n miì a kɔ̀nkɔn syeesyee à kìsaay.

TIMOTE 4:9

Jɛ̀ɛ̀ ìnɛn ì rì kɔɔ̀kɔɔ̀ à jɛ̀ɛ̀ ànɛ ɓum ɓɛ ghɛɛ̀sɛɛ kì terì kɛ̀ɛ̀ nywey.

TIMOTE 6:13

Ǹtɔɔgh wɔ̀ ɓi mis mɛ Bɛ̀ll ànɛ à ti à falàg ɓyom ɓìcèm cɛɓ, rì ɓi mis mɛ Yeesus Kiris, ànɛ à konàkà kì rèsii righerɛ̀n ɗii ɓi mis mɛ Pilat lɛ,

2 TIMOTE 2:11

Jɛ̀ɛ̀ ìnɛ ì rì saaɗ: I tì wughà nɗaŋ ɗi nyi, tì rì girig ɓiì ghɛɓì nɗaŋ ɗi nyi.

Kaàtà ànɛ Pol à kàngà TIT 3:8

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀, fɔɔnnɛ nkɔ̀ngi lɛ u siìrɛn ɓi rìkpaakpàà ɗi yɔ̀ di fɔɔnnɛ ɓumɓɛ ɓɛ gherɛ̀ngà Bɛ̀ll ɓɛɛ teèsi nyoo lɛɛ̀gwey, ɗì rìkìkì ɗi ɓiɓan ɓi syeesyee kìɓan kiǹ kɛɛ rɔɔtɛɛ ki ki ɓa ri gɛɓsɛ̀n ɓisuu ɓum.

EBIREEGH 7:25

Fɔlɔɔ nnɛ à rì rì ìtèɗ wulɛ à ghɛɓsì lɛ kɔɔ̀kɔɔ̀ ɓumɓɛ ɓɛ tyoŋdɛɛ Bɛ̀ll jàŋbog, di ɓɛ fyee a lɔ̀ŋkii ɓisuulɛ, à rì lɔŋ cem cààmɛ̀n kìcèm, à ki ɓɔ̀ɔɓɔŋ̀zàg Bɛ̀ll ɓisu wàà.

1 ZYAŊ 3:5

Ɓì yii lɛ Yeesus Kiris à yùghày lɛ a pisi ɓìɓe, nni kìɓe ki yin a lɔ̀ŋkii.

1 ZYAŊ 3:8

Ŋwaànɛ a kɛ̀nkɛn asu à kìkì kìɓe, à rì ŋwaà Satàn, lɛ Satàn a maà kìkì kìɓe, à tumɛ̀n a rìtumɛ̀n. Man à Bɛ̀ll à yùghày lɛ, a yogsi mɛ̀kìkìì mɛ Satàn.

1 ZYAŊ 5:11

Nni rìrèsì ɗi saaɗ ànɛ ɓi kìɓan kiǹ ɗyɛɛ ri lɛ: Bɛ̀ll à faghà ɓìsi cɛɓ ki fiɗyàɓ fikɔ̀ɔ̀, cɛɓ kìn ki ki ɓa ɓi Man wiì.

ÀPÒKÀLIƁSƐ̀ 21:5

Fɔɔnnɛ roànɛ à ɓaghà ǹkɔ̀kɔriyɛn ɓi-kɔ̀ɔ̀ wu rilàmì à kpaaghà lɛ: Ɓyom ɓìcèm ɓyɛɛ̀ ɓi m̀pɛ̀ɛ̀zii lɛ nyɔn; à ki kpaa lɛ: Kàna! ɓisuulɛ jɛ̀ɛ̀ yi yi ri miì, yi ki ɓa saaɗ.

ÀPÒKÀLIƁSƐ̀ 22:6

Nni à kpaaghà mɛ̀ lɛ: Jɛ̀ɛ̀ yi yi ri miì, yi ki ɓa saaɗ. Kan Bɛ̀ll ànɛ ǹghay wìì a kɛ̀ɛ̀sag ɓɛkpaŋzì-ɓìɓan, nnyɛɛ nɗomiì mum wiì à fìtom lɛ a resi ɓɛ̀kìì-ɓìsay ɓii ɓiɓan ɓi ɓi ri ɓiì kìlɛɛ di maa cààmɛ̀n à ghaghii.

ÀPÒKÀLIƁSƐ̀ 5:9

Fɔɔnnɛ ɓɛ kɛkɛ̀ghìghà fyem fi nyɔn di ɓɛɛ̀ kpaakpaa lɛ: Wɔ̀ yɛɛ ghɛɛ̀sɛɛ lɛ ù teɗ kaàtà ànɛ̀n, ù ɓɛkì ɓɛ̀sìtam̀ ɓɛ miì, ɓisuulɛ ɓɛ wolà wɔ̀, ù ki kwèɗ ɓumɓɛ ɓi mɛ̀pwìɗ mɛ̀cèm, ɓìtòkì ɓìcèm, mɛ̀kuu mɛ̀cèm, ɓìlɔ̀ŋ ɓìcèm ɓisuu Bɛ̀ll rì bwaɓ yɔɔ.