TIMOTE 1:10 - Bafia Nouveau Testament

¹⁰ ɓɛ̀kìì-kìzyaa, ɓɛ̀baŋì ɓɛ ɓɛ ti ɓɛ kɔràg rì ɓɛ̀ro ɓɛ̀baŋì(n) ɓɛ̀kìì-dune ì ɓɛ̀kpàn, rì ɓɛ̀pwààpwaà, ɓɛ̀kànɛ̀n bɛ̀ɗ yi ɓɛpwàà, rì com kìcèm ki ki yin yɛ̀ɛ syeesyee à dɔgtɛ̀n ànɛ à rì ǹtɛnɛn a kpaakpàà.

TIMOTE 1:10 Iomraidhean Croise

ZYAŊ 8:44

Satàn yɛɛ ri seŋi wìn fɔɔnnɛ ɓi kɔ̀nkɔn lɛ di ɓyàa kìi rìkɔ̀n ɗi seŋi wìn. A ɓalag ǹwolì-ɓum à tumɛ̀n a rìtumɛ̀n, à ki ka rɛlìghà ɓi ɓi saaɗ nsoò ŋwos bog, ɓisuulɛ, saaɗ a maà ɓa ɓi a lɔ̀ŋkii; cààmɛ̀n ki a pwààpwaa ɓum, lɔŋ com ki ki riì nyi ɓi nɗem kɛɛ̀ki a kpaakpaa ɓɔ, lɛ à rì pwààpwaà, à ki ɓa ti seŋi ɓɛ̀pwàà.

RÒMƐŊ 1:26

Kìɓan kiǹ kɛɛ̀ki Bɛ̀ll à tinìghà ɓɔ lɛ ɓɛɛ kiki ɓìɓan ɓi ntoòrìɗ; ɓɛ̀yiɓ ɓaa ɓɛ pɛɛ̀zì rìràrɛ̀n ɗi Bɛ̀ll à fèkà lɛ rì giɓ rì baŋì ɓi bee ì dùne.

TIMOTE 4:6

Ù rì ɓiì ɓaà syeesyee à ǹkìì-kìsay a Yeesus Kiris di u kakali ɓɛgoni ɓìɓan ɓiǹ ù ki rèresi lɛ u mɛmɛni wɛ̀ɛmiɗ ɓi nghay rì ɓìɓan ɓi righerɛ̀n rì syeesyee à dɔgtɛ̀n ànɛ ù yilàkà yɛ̀ɛ ki ghɛɛ̀sɛɛ.

TIMOTE 6:3

Ɓìɓan ɓi ù ghɛ̀ɛ̀sɛɛ kì rèsaagh di u siisiŋdàg ɓyɛɛ̀ ɓìn lɔɔ. I mum a rèresi dɔgtɛ̀n ìdɛŋ, kɛ̀ɛ nɔ̀ɔ̀ti ɓi syeesyee à rìkpaa à Kan wìs Yeesus Kiris, rì yɛ̀ɛ rìrèsì ɗi dɔgtɛ̀n ìnɛ ì ghɛ̀ɛ̀sɛɛ ɗì rìfalɛ̀n ɗi ɓi rìgherɛ̀n, ɓyɛɛ̀ kpaakpàà,

2 TIMOTE 1:13

Tera ɓɛ̀kɔɔ̀kɔɔ̀ ɓɛ ɓiɓan ɓɛ ù wokà a lɔ̀ŋkɛm̀, ɓɛɛ ɓa wɔ̀ kìrèmzɛnà ù ki sììrɛn ɓi ntyweeyi rì ǹkɔ̀nɛ̀n, ɓi tì rì rì ɓyɔ ɓi Yeesus Kiris ɓiɗùm.

2 TIMOTE 4:3

Lɛ cààmɛ̀n kidɛŋ ki ri ɓiì ɓaà ki ɓum ɓaa cenɛnti ɓi riwowòg ɗi syeesyee à dɔgtɛ̀n, ɓɛ ri nɔ̀ɔnɔɔ̀tì lɔŋ ɓiɓan ɓi mɛ̀rem maa mɛɛ̀ kɔ̀nkɔ̀n, ɓɛ taŋzàg ǹkun wu ɓɛrèsàg, ɓɛ ɓɛɛ kpaakpaa ɓɔ ɓìɓan ɓi ɓyɛɛ̀ rɔɔrɔɔ ɓɔ rìwowòg;

Kaàtà ànɛ Pol à kàngà TIT 1:13

Jɛ̀ɛ̀ ìnɛ à kpaaghà ìnɛn ì rì miì, kìɓan kiǹ kɛɛ̀ki ù ghɛ̀ɛ̀sɛɛ ɓɔ kì fwààdaagh ù nyɛzì jɛ̀ɛ̀, di fɔɔnnɛ ɓɛɛ ɓa rì syeesyee à rìgherɛ̀n,

Kaàtà ànɛ Pol à kàngà TIT 1:9

à sììrɛ̀n lɛ tiŋtiŋ ɓi kɔɔ̀kɔɔ̀ à jɛ̀ɛ̀ lɔŋ yɛ̀ɛ ɓɛ resìghà nyi yɔ̀, fɔlɔɔ nnɛ à rì ɓiì ɓaà rì ìtèɗ wulɛ a rereɓ ɓum yɛ̀ɛ syeesyee à dɔgtɛ̀n a rèrèsì, à ki kì lɛ ɓumɓɛ ɓɛɛ̀ ɗùùɗuu ri syeesyee à dɔgtɛ̀n ɓɛɛ yi lɛ ɓɔ yɛɛ ri ɓi zɛ̀ɗ.

EBIREEGH 13:4

Ɓum ɓɛ̀cèm ɓɛ ghɛɛ̀sɛɛ kì kuughraagh riwɛy; naa ì rìwɛy ì ɓa kɛ̀ɛ̀ ɓìɓan ɓi tifin ɓisuulɛ Bɛ̀ll à rì ɓìi yɔ̀mi ɓum ɓɛ kitɔɓi rì ɓɛ̀kìì-tìsɔ̀mɔ̀g.

ZYUUDƐ 1:7

Fɔlɔɔ nnɛ bàn yi lɛ rì Sɔdɔm rì Gɔmɔɔr rì bàn yimbog yi yi ɓaghà wɔɔ jàŋbog yi yi falɛ̀ngà girig ɓi cɛɓ ki tisɔ̀mɔ̀g ɓɛ lɔɔ̀lɔ̀gtì fèg ànɛ Bɛ̀ll à ɓaghà rì nyi ɓisuu ɓum, ɓumɓɛ̀n ɓɛ ri kìrèmzɛnà ɓi mɛ̀tɔɓ mɛ ɓɛɛ̀ wowog ɓi ɗuu ɗi fiɗyàɓ fikɔ̀ɔ̀.

ÀPÒKÀLIƁSƐ̀ 18:13

ɓìɓaaɓaa ɓi kite ki lɛ kanèlìyee rì ɓyom ɓi nùnnumɛn, rì tìrààre, rì rìkuu ɗi firu ɗi lɛ miìr, rì fìru fi lɛ àŋsaŋ, rì mɛ̀rɔ̀g, rì mɔ̀ɔ, rì fàriǹ ɗì rìkuu ɗi gèŋ ɗi ɓɛɛ̀ kìlag bìrɛs miì, rì ɓɛ̀sanìnya, rì jɔ̀ɔ̀, rì zòm yi kimbɛ̀rɛ̀, rì ɓyalig, rì ɓɛkpàn rì ɓyɛɓ ɓi ɓum.

ÀPÒKÀLIƁSƐ̀ 21:27

Com ki ki ri rì tìfin kaa ɗiŋi ɓi wɔɔ, nsoò ŋwaànɛ à ti à kìlàg ɓìɓan ɓi ɓeɓtɛn ɓi mis mɛ Bɛ̀ll, rì ɓɛ̀pwàà, lɔŋ ɓumɓɛ mii maa mɛ ri mɛ̀kànɛn ɓi kaàtà à cɛɓ à Man à jɔ̀ɔ̀ ɓɔ rì ɓɔ, ɓɛɛ ri ɗiŋi ɓi bàn ìnɛn.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.