RÒMƐŊ 9:4 - Bafia Nouveau Testament

⁴ Ɓɛ ri dòò yi Isirayɛl, ɓɔɔ̀ɓɛ Bɛ̀ll à ghaasìghà ɓɔn ɓii, à fa ɓɔ rìkem; rì ɓɔ nnɛ à rengà bee yiì, à fa ɓɔ ɓìdɔ̀gsɛna, à rèsì ɓɔ rìɓɔgsì ɗi Bɛ̀ll, à ki fa ɓɔ mɛ̀kàg.

RÒMƐŊ 9:4 Iomraidhean Croise

MATYOO 21:33

Wooghna dàɗkì idɛŋ yɛ̀ɛnɛ: Ŋwaàdɛŋ yɛɛ salà dɛm yiì, à ɓɛ̀y viìnyɛ̀ miì, à cèŋzɛ̀n dɛm inɛ̀n rì gari, à kì wayɗ ɓi dɛm inɛ̀n, à ki toŋ ɓyoo mɛɛ wɔɔ. Fɔɔnnɛ à faghà yɔ̀ ɓi rɛŋtì rì ɓɛ̀kìì-ɓìsay, à kɛ̀n rìkɛ̀ɛ̀.

ZYAŊ 1:17

Ɓisuulɛ, ɓìdɔ̀gsɛna ɓi falɛ̀ngà rì Moyis, geesɛ̀n rì saaɗ ɓi yuiy rì Yeesus Kiris.

ZYAŊ 1:47

Yɛ̀ɛ Yeesus à ghɛngà di Natanayɛl a yùyuiy nyi a nyoo nni à kpaaghà lɛ: Natanayɛl à rì kɔɔ̀kɔɔ̀ à muu Isirayɛl ànɛ à yin ɗi mɛ̀ɗyɔg.

MƐ̀KÌKÌÌ MƐ ƁƐKƐ̀NÌ-FÌTOM 2:39

Lɛ ǹkàg wu Bɛ̀ll à kàkà wu ri ɓisu win, rì ɓisuu ɓɔn ɓin, wu ki ɓa ti ɓisuu ɓum ɓɛ̀cèm ɓɛ ɓɛ ri tìràɓ, ɓɛɛ̀ɓɛ Kan Bɛ̀ll wìs à regiigɛy bàlì ìnɛ ki kɔ̀ni gɛ nyi lɛ a regiì.

RÒMƐŊ 3:2

Kìrɔɔ kaa ki tèghɛɛ bee lɛɛ̀gwey; rì ɓɔ nnɛ Bɛ̀ll à ka lokà kì reɓsɛɛ ɓiɓan ɓii.

RÒMƐŊ 8:15

Lɛ Ǹghay ànɛ ɓì tekà à yin Nghay ànɛ a ghaasi mìni ɓɛ̀kpàn ɓi lèg ànɛ lɛ ɓi kɛnkɛn asu ɓì rirìsì tì, kìɓan kifog ɓì tekà Ǹghay ànɛ à mɛ kì lɛ ɓi ɓa ɓɔn ɓɛ Bɛ̀ll. Ǹghay ànɛ̀n yɛɛ ti à falàg ɓìsi ìtèɗ wulɛ ti reŋì Bɛ̀ll jɛ̀ɛ̀ aɗyoo lɛ: Aba, Tààta.

RÒMƐŊ 9:6

Fɔlɔɔ a rèsii ɓi lɛ, ǹkàg wu Bɛ̀ll wu wii zɛy ɓisuulɛ dòò yi Isirayɛl yicèm yi yin ɓiyali ɓi Isirayɛl,

2 KƆ̀RƐ̀ŊTYƐŊ 11:22

Ɓaa soo rì ɓɛ̀-Ebìreegh, mɛ̀ ǹɗì girig muu Ebìreegh; ɓaa soo rì ɓumɓɛ a Isirayɛl, mɛ̀ ǹɗì girig kìbog ki miì; ɓaa soo rì dòò yi Abiraham, mɛ̀ ǹɗì girig dòò yìì.

GÀLAT 3:16

Wɔ̀lɛ Abiraham innɛ ɓɛ faghà mɛ̀kàg lɛ rì nyi rì boo yìì i mum, ki yin ki kaliyɛn lɛ, rì boo ì ɓum ìdɛŋ, yɛ̀ɛ ɓɛɛ̀ kali lɛ boo yi ɓum yi ɓaghà lɛɛ̀gwey. Rìkpaa ɗi lɛ, rì boo yɔ̀ɔ̀ i mum ɗi seesee lɔŋ boo ì mum bogtɛ̀n, yɛ̀ɛ ri lɛ Kiris.

EFÈZYƐŊ 2:12

Ɓi cààmɛ̀n kiǹ, ɓì ɓaghà kɛ̀ɛ̀ Kiris, ɓì ɓaghà ɓɛ̀kèn, kɛ̀ ɓi ɓa ɓɛroɓɛ ɓi kìlɔ̀ŋ ki Bɛ̀ll à ɓɔ̀ngà; ɓì ɓaghà ɓi ri gàɓ ɓi bee yi Bɛ̀ll à kàkà lɛ à ɓiì renì rì kɔ; fɔɔnnɛ ɓì ghɛghɛ̀ɓkà ɓi ziinɛ, kɛ̀ɛ̀ dyàɓɛn, kɛ̀ɛ̀ Bɛ̀ll.

EBIREEGH 9:1

Bee i ǹtonto ìnɛ lɛ rì Bɛ̀ll rì ɓum ì ɓaghà girig rì mɛ̀siŋdɛn mɛ mɛ seesee ɓìɓan ɓi riɓɔgsì, rì naà-Bɛ̀ll ìnɛ fɛ ɓi ziinɛ.

EBIREEGH 9:10

Bee i rìɓɔgsì ìnɛ̀n ì ɓiisɛ̀ngà kì kòmi ɓiɓan ɓi ɓiɗilàg, rì ɓyom ɓi nɔnɔyɛn, rì ɓìsyɔ̀ɔ̀ ɓi zòghɛ̀n mɛ̀kuu mɛ̀kuu; ɓìdɔ̀gsɛna ɓi miì ɓi komkòmgà lɔŋ ɓyom ɓi zɛy, fɔɔnnɛ ɓi ghɛɛ̀sɛ̀ngà kì ɓaà rì ìtèɗ à kpaŋ ɓi cààmɛ̀n ki rilɔ̀gtàg ɗi ɓiɓan.

EBIREEGH 9:3

Ajɛ̀m ì kìlàà ki kiɓɛ̀ɛ̀, nnɛ kìden ki ɓɛ nkalàg lɛ jàŋ inɛ ì pɔ̀ɔ̀zii kì ɓaà kìcèlì ì ɓaghà.

EBIREEGH 9:5

Ɓum ɓɛ titom ɓɛ lɛ ɓɛ̀syèrùɓɛŋ ɓɛ ɓɛ ɓaghà rì rìgwey ɓi nyoo ɓɛ rɛrɛ̀lìghà ɓi fìkɔrɔŋ fi riràrɛ̀n aɗyoo, kìfìì kaa ki gheg jàŋ inɛ ɓɛ nti ɓɛ weeyì ɓìtuwe ɓi risòghɛ̀n ɗi ɓiɓe. Nni àa cààmɛ̀n ki kpaakpaayɛn ɓiɓan ɓiǹ lɛ tintɔ̀ɔ̀ŋ kɛɛ ri lɛ̀.

EBIREEGH 9:6

Yɛ̀ɛ ɓyom ɓìn ɓìcèm ɓi ɓaghà fɔlɔɔ ɓi woŋzakɛn, ɓɛ̀pìrɛɛtìrɛ̀ ɓɛɛ nti ɓɛ ɗiŋɗàg ɓɛ̀ŋwos ɓɛ̀cèm ɓi kìden ki asu lɛ ɓɛɛ ki kìsay kaa.