RÒMƐŊ 8:5 - Bafia Nouveau Testament

⁵ Lɛ ɓumɓɛ ɓɛɛ̀ ghɛghɛɓ ɓi rìkɔ̀n ɗi mɛmùù, ɓɛ ti ɓɛ falàg mɛ̀rem maa ɓi ɓìɓan ɓi mɛ̀mùù mɛɛ̀ kɔ̀nkɔ̀n, wɔ̀lɛ ɓɛ̀roɓɛ ɓɛɛ̀ ghɛghɛɓ yɛ̀ɛ Kìtɛntɛ̀ɛ̀n ki Nghay kɛɛ̀ kɔ̀nkɔ̀n, ɓɛ ti ɓɛ falàg mɛ̀rem maa ɓi ɓìɓan ɓi ɓyɛɛ̀ kɔ̀ngi Nghay.

RÒMƐŊ 8:5 Iomraidhean Croise

MARIKUS 8:33

Nni Yeesus à ɓɛ̀ŋmɛ̀ngày ajɛ̀m à ghɛn ɓɛ̀yilàg ɓii, à tumɛ̀n rìfwààdɛ̀n ɗi Pyɛɛri di a kpaakpaa lɛ: Pɛ̀sɛn mɛ̀ ajɛ̀m Satàn, ɓisuulɛ, mɛ̀yitì mɔɔ mɛ yin mɛ̀yitì mɛ Bɛ̀ll, mɛ rì lɔŋ mɛyitì mɛ ɓum.

ZYAŊ 3:6

Lɛ ŋwaànɛ à yalɛɛ rì mɛ̀mùù, à rì lɔŋ mum à mɛ̀mùù, roànɛ à yalɛɛ rì Ǹghay à rì ǹghay.

RÒMƐŊ 8:9

Ɓi san ànɛ a lɔ̀ŋkin, mɛ̀mùù mɛ lamii tì ɓi minì, lɔŋ Ǹghay à Bɛ̀ll yɛɛ lamii mìni, i ki ki rì lɛ, Nghay à Bɛ̀ll à rì ɓi mìni. Ŋwaànɛ à yin ɗi Nghay à Kiris, à yin mum wiì.

1 KƆ̀RƐ̀ŊTYƐŊ 15:48

Ɓumɓɛ ɓi ziinɛ ɓɛ ri ɓi kìpisɛn ki roànɛ à ɓaghày ŋwaànɛ ɓi ziinɛ; ɓɛ̀roɓɛ aɗyoo ɓɔɔ ɓa ɓi kìpisɛn ki roànɛ à ɓaghày aɗyoo.

1 KƆ̀RƐ̀ŊTYƐŊ 2:14

Ŋwaànɛ à yin ɗi Ǹghay à Bɛ̀ll, à yin lɛ à teɗ ɓìɓan ɓi Ǹghay à Bɛ̀ll a rìì rì ɓyɔ ɓisuulɛ ɓìɓan ɓiǹ ɓi ri ɓìyèg ɓi ɓiɓan ɓi rìghɛn ɗii, fɔɔnnɛ à yin lɛ à yi ɓyɔ̀, lɛ ɓi ri ɓìɓan ɓi ɓɛɛ̀ fiɓɓag ri Ǹghay.

2 KƆ̀RƐ̀ŊTYƐŊ 10:3

Ki ri lɔŋ saaɗ lɛ tì rì ɓi nyoo ì mɛ̀mùù, kìɓan kifog tì yin ɓiì ɗùùɗuu ri mɛ̀ghèy mɛ ɓi mɛ̀mùù.

GÀLAT 5:17

Ɓisuulɛ mɛ̀mùù mɛ ri rì ɓìɓan ɓi ɓyɛɛ̀ kɔ̀ngi mɔ, ɓìɓan ɓiǹ ɓi ɓa ɓì ghasɛn ri ɓi Nghay à Bɛ̀ll a kɔ̀nkɔ̀n. Nghay à Bɛ̀ll à rì rì ɓìɓan ɓi ɓyɛɛ̀ kɔ̀ngi nyi, ɓi ki ɓa ɓi ghasɛn ɗi ɓi mɛ̀mùù mɛɛ̀ kɔ̀nkɔ̀n; mɛ̀kuu mɛ ɓiɓan mɛǹ mɛ ri ɓi wɛ̀y, lèg ànɛ lɛ ɓi yin ɗi ìtèɗ wulɛ ɓi ki com ki ɓì kɔ̀ni.

EFÈZYƐŊ 5:9

Kìtɛɛtɛn kìn kɛɛ ti ki falàg ɓum ìtèɗ wulɛ ɓɛɛ rɔɔtɛn nɗem ɓɛ ɓa ɓumɓɛ nkpaà, ɓɛ ki ɓa ɓumɓɛ ɓɛɛ̀ kpaakpaa saaɗ.

2 PYƐƐRI 2:10

À ɓiisɛ̀n ɓɛ̀roɓɛ ɓɛ ti ɓɛ yɛɛ̀sàg ɓìɓan ɓi tifin, ɓɛ nɔɔ̀nɔ̀ɔ̀tì ɓìɓan ɓi ɓi ti ɓi rɔɔghì mɛ̀mùù, ɓɛ sɛɛtì jɛ̀ɛ̀ ì rìlàmì ì Kan. Ɓɛ tɔɔghraagh mɛ̀rem, ɓɛ ki ɓalag ri kalɛn, ɓɛ̀ kɛɛ̀ risi risɛmgì ɗi ɓyom ɓi ɓyɛɛ̀ ghɛghɛɓ aɗyoo ɓi rìkem.