RÒMƐŊ 8:1 - Bafia Nouveau Testament

¹ Nni ɓigomìnɛ, ɓumɓɛ ɓɛ ri ɓi Yeesus Kiris ɓi ɗùm, ɓɛ yiìɗi ri bɛ̀lɛn nsoò lɛsàg, ɓɛ yiìdi ɓiì ghɛghɛɓi yɛ̀ɛ mɛ̀mùù mɛɛ̀ titini ɓɔ lɛ ɓɛɛ ghɛɓ, ɓɛɛ̀ nɔ̀ɔnɔɔ̀tì lɔŋ cɛɓ ki Nghay à Bɛ̀ll a rèresi ɓɔ.

RÒMƐŊ 8:1 Iomraidhean Croise

ZYAŊ 14:20

Ŋwos anɛ̀n ɓì yii gɛ lɛ, ǹɗì ɓi Seŋi wɛ̀m, mìni ɓi mɛ̀, mɛ̀ ɓi mìni.

ZYAŊ 15:4

Ràrɛɛna rì mɛ̀ yɛ̀ɛ ǹɗì ǹɗàrɛn ri mìni. Ŋwaɓ wu yin lɛ wu wum ɓìɗùn wɔ rì wɔ, di wu yin wu ràrɛn ɗi ǹɗyèm. Fɔlɔɔ nnɛ mìni girig ɓì yin lɛ ɓì wum ɓìɗùn di ɓì yin ɓɛràrɛn ɗi mɛ̀.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

RÒMƐŊ 16:3

Ɓì tɔkì mɛ̀ Piriska ɓɛɛ̀ Akilas ɓɛ ɓɛ ri ɓɛ̀reŋkàŋ ɓɛm ɓɛ ɓi kìsay ki Yeesus Kiris.

RÒMƐŊ 16:7

Ɓì tɔkì mɛ̀ Andironikus ɓɛɛ̀ Zyuniyas ɓɛ ɓɛ ri ɓɔɔseŋi ɓɛ̀m ɓɛ ripwìɗ ɓɛ ti ɓaghà rì ɓɔ ɓi naà-zày. Ɓumɓɛ̀n ɓɛ ri ɓumɓɛ ɓɛ̀kɛ̀nì-fìtom ɓɛ Yeesus ɓɛ kuuraagh yɛ̀ɛ mɛ̀nɔ̀ɓɔ̀, ɓɔɔ ki lokà gì kì gherɛɛ Kiris ɗì mɛ̀.

RÒMƐŊ 5:1

Yɛ̀ɛ tì ti min ɓumɓɛ ɓɛ ri lɛ saaɗ ɓi mis mɛ Bɛ̀ll lɛ rìgherɛ̀n, tì yiìdi ɓi paàzì rì Bɛ̀ll lɛ Kan wìs Yeesus Kiris.

RÒMƐŊ 5:16

Rìsyɔn ɗi ɓi rìɓòò ɗi Bɛ̀ll ɗi yin com kìfog rì rìsyɔn ɗi ɓi kìɓe ki mbobog à mum. Ɓɛ̀yɔ̀m ɓɛ ɓi kìɓe ki kìbog ki mum ki kighà, ɓɛ syɔngà rì ǹcɛ̀m, kɔlɛ rìɓòò ɗi Bɛ̀ll à kìghà ɓum zɛy rì zɛy di ɓɛ mɛ kì ɓiɓe lɛɛ̀gwey ɗi syɔngà lɛ ɓum ɓɛɛ ɓa lɛ sɛɛghisɛɛghi ɓi mis mɛ Bɛ̀ll.

RÒMƐŊ 7:17

Nni àa mɛ̀ɛmiɗ yɛɛ̀ kìki kiɓan kiǹ, lɔŋ kìɓe ki ki ri mɛ̀ ɓi nɗem kɛɛ kìki fɔlɔɔ.

RÒMƐŊ 7:20

I mɛ̀ɛ nkìki com ki ǹkɔ̀ni ɓi, di àa mɛ̀ɛmiɗ yɛɛ̀ kìki kɔ, lɔŋ kìɓe ki ki ri mɛ̀ ɓi nɗem kɛɛ kìki kiɓan kiǹ.

RÒMƐŊ 8:11

Ǹghay à roànɛ à ghèmzìghày Yeesus a ɓìloŋ a rì ɓi mìni; roànɛ à ghèmzìghày Yeesus Kiris a ɓìloŋ anɛ̀n à ɓiì faa girig nyoo yin yi yi ti yi wulàg cɛɓ, rì Nghay wìì anɛ à rì ɓi mìni.

RÒMƐŊ 8:14

Ɓum ɓɛ̀cèm ɓɛ Nghay à Bɛ̀ll a kɛ̀ɛkɛɛ̀sì, ɓɛɛ ri ɓɔn ɓɛ Bɛ̀ll.

RÒMƐŊ 8:2

Ɓisuulɛ kìdɔ̀gsɛna ki Nghay ànɛ a fafa cɛɓ ɓi Yeesus Kiris ɓi ɗùm, ki kwèɗkà mɛ̀ ɓi rìkpàn ɗi kidɔ̀gsɛna ki kiɓe rì rìwu.

RÒMƐŊ 8:34

Ghɛn yɛ̀ɛ rì min ɓɔ ɓiì faà bɛ̀lɛn? Yeesus Kiris à rì roànɛ à wughà, kɛ̀ɛ ki sugtɛn lɔŋ lɛ foo, à ghèmɓɛ̀n yì a ɓìloŋ, à rì ɓi weèlem à Bɛ̀ll, a ɓɔ̀ɔɓɔ̀ŋzì ɓisu wìs.

RÒMƐŊ 8:39

nsoò mɛ̀tèɗ, nsoò ɓyom ɓi ɓi riì ɓi jàŋ yi yi teŋmaagh, nsoò ɓi ɓi riì ɓi jàŋ yi rimɛn, nsoò com kidɛŋ ki Bɛ̀ll à kìghà, ki yin lɛ ki ghasì ɓìsi rì ǹkɔ̀nɛ̀n ànɛ Bɛ̀ll à rèsìghà ɓìsi ɓi Yeesus Kiris à Kan wìs.

RÒMƐŊ 8:4

Bɛ̀ll à kìghà fɔlɔɔ lɛ, di ɓìɓan ɓi saaɗ ɓi ɓìdɔ̀gsɛna ɓyɛɛ̀ tɔtɔ̀g, ɓyɛɛ kilɛn ɓi ɓìsi ɓɛ ti nɔ̀ɔnɔɔ̀tì rìrèsì ɗi Kitɛntɛ̀ɛ̀n ki Nghày.

RÒMƐŊ 8:9

Ɓi san ànɛ a lɔ̀ŋkin, mɛ̀mùù mɛ lamii tì ɓi minì, lɔŋ Ǹghay à Bɛ̀ll yɛɛ lamii mìni, i ki ki rì lɛ, Nghay à Bɛ̀ll à rì ɓi mìni. Ŋwaànɛ à yin ɗi Nghay à Kiris, à yin mum wiì.

1 KƆ̀RƐ̀ŊTYƐŊ 1:30

Wɔ̀lɛ Bɛ̀ll à ràɗkà mìni rì Yeesus Kiris à ki kì lɛ Kiris a ɓa ɗyomzɛ̀n ɗis, fɔɔnnɛ tì ti ɓum ɓɛ saaɗ ɓi mis mii lɛ Kiris; tì ti ɓi nɗɛli wulɛ ti ghɛɓ cɛɓ ki tɛnɛn, tì ki ɓa ɓumɓɛ ɓɛ ti ɓɛ̀kòrɛn ɓi kìɓe.

1 KƆ̀RƐ̀ŊTYƐŊ 15:22

Lɛ fɛlɛ yɛ̀ɛ ɓum ɓɛ̀cèm ɓɛ ti ɓɛ wulàg lɛ rìɓa ɗi ɓɛ ri ɓɛ̀ràrɛn ri Adam, fɔlɔɔ nnɛ ɓum ɓɛ̀cèm ɓɛ ri girig ɓiì ghɛɓì lɛ rìɓa ɗi ɓɛ ri ɓɛ̀ràrɛn ɗi Kiris.

2 KƆ̀RƐ̀ŊTYƐŊ 12:2

Ǹ-yii kìristɛ̀n àdɛŋ ànɛ à ɓɔkà aɗyoo, à kpaŋ ɓi ɗyoo ɗi kiraa, ki ti gɛɛ̀nɛ bèg ǹtɛ̀ɗ ɗì yinin, wɔ̀lɛ com ki ǹ-yii ɓi ki ri lɛ: ǹ-yii ɓi nkòo à ɓɔkà rì nyoo yìì bimiɗ, nkòo ki lɛ ǹghay wii wɔ yɛɛ ɓɔkà, lɔŋ Bɛ̀ll yɛ̀ɛ yii.

2 KƆ̀RƐ̀ŊTYƐŊ 5:17

I mum à ti ɓi Kiris ɓiɗùm, à ti nyɔɔnyɔn à mum, lɛ tìɗyàɓ ti ɓiɓan ti mɛ ghaàgh, ɓyom ɓi nyɔn ɓyɛɛ ti.

GÀLAT 3:13

Kiris à kwèɗkà ɓìsi ɓi ncɛ̀m à ɓìdɔ̀gsɛna, lɛ à ghalà mum à ǹcɛ̀m ɓisu wis, - lɛ ki ri kì kànɛn lɛ: Mum ǹcèm ànɛ ɓɛ surii ɓi mɓàg à ti ǹcɛ̀mɛn.

GÀLAT 3:26

ɓisuulɛ mìniìcèm ɓì rì ɓɔn ɓɛ Bɛ̀ll ɓi rìgherɛ̀n ɗi ɓì gherɛɛ Yeesus Kiris.

GÀLAT 3:28

Fɔɔnnɛ gasɛ̀n ì yiìdi ɓi nyìinyìm ànɛ lɛ rì Ɓɛ̀yudɛ̀n rì ɓìlɔ̀ŋ ɓidɛŋ, yɛ̀ kɛɛ̀ ɓa ti ɓi nyìinyìm ànɛ lɛ rì ǹkpàn rì ŋwaànɛ à yin ǹkpàn, nsoò ɓi nyìinyìm ànɛ lɛ rì baŋì rì giɓ ɓisuulɛ mìniìcèm ɓì ti com kìfog ɓi Yeesus Kiris.

GÀLAT 5:16

Càrɛɛnà lɛ Nghay à Bɛ̀ll yɛɛ kɛɛ̀kɛ̀ɛ̀sì ɓyɛɓ ɓin, fɔɔnnɛ ɓyàa kì ti ɓi ɓiɓan ɓi mɛ̀mùù mɛɛ̀ syògi ɓum lɛ ɓɛɛ ki.

GÀLAT 5:25

Yɛ̀ɛ ki ri lɛ Nghay à Bɛ̀ll yɛɛ̀ fafa ɓisi cɛɓ, tì ghɛ̀ɛ̀sɛɛ min ki kɛ̀ɛ̀ghii yɛ̀ɛ Nghay a rèresi ɓisì.

EFÈZYƐŊ 1:1

Mɛ̀ Pol, ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, mɛ̀ yɛɛ kani ɓumɓɛ Bɛ̀ll rì ɓɛ̀gherɛ̀n ɓɛ ɓɛ ri ɓɛ̀falɛn ɓi Kiris Yeesus a Efɛɛzɛ.

FÌLÌPYƐŊ 3:9

ǹki ɓa lɛ ǹɗì saaɗ à mum ɓi rìràrɛ̀n ɗi rì nyi, saaɗ ànɛ̀n kɛ̀ɛ ɓa ti saaɗ à mɛ̀ɛmiɗ, ànɛ à rèsii lɛ ǹti m̀ɓègì ɓìdɔ̀gsɛna, à ɓa lɔŋ saaɗ ànɛ mum ànɛ à gherɛɛ Kiris à ti à ɓalàg rì nyi. Saaɗ ànɛ̀n nnyɛɛ fuu yì yɛ̀ɛ Bɛ̀ll, à ki ɓa nto lɛ rìgherɛ̀n.