RÒMƐŊ 7:7 - Bafia Nouveau Testament

⁷ Nni cɛ kɛɛ̀ki tì rì min lɛ tì kpaa? Ɓìdɔ̀gsɛna ɓi ri nya kìɓe? Àg. Ɓi yin kiɓe nsoò lɛsàg, wɔ̀lɛ ɓìdɔ̀gsɛna ɓi kighà lɛ n-yi com ki lɛ kìɓe. Ɓisuulɛ i ɓìdɔ̀gsɛna ɓyɛ̀ kɛɛ̀ kpaa lɛ, kɔ̀ɔ lem com ki mum, mɛ̀ m̀ɓaghà ɓi lɛ ǹ-yi cɛ kɛɛ ri lɛ rìlem ɗi com ki mum.

RÒMƐŊ 7:7 Iomraidhean Croise

MATYOO 5:28

Kìɓan kifog mɛ̀ ǹkalii mìni lɛ, i mum à fiɓii giɓ à fèg lɛ a kɔrì rì nyi, ŋwàanɛ̀n a yi lɛ à mɛ kì fisɔ̀mɔ̀g rì giɓ anɛ̀n ɓi ǹɗem wii ɓi ɗùm.

LUKAS 12:15

Fɔɔnnɛ à kpaatìghà ɓɔɔ̀cèm lɛ: Womzɛɛna lɛ syeesyee ri kìɓan ki zày ì ìkum, ɓisuulɛ, cɛɓ ki mum ki yin lɔŋ lɛ ɓyom ɓi à rì rì ɓyɔ, àa soo rì rì ɓyom lɛɛ̀gwey.

LUKAS 20:16

Ŋwaàdɛm a rì ɓiì yùu, à cuusì ɓumɓɛ̀n ɓɛ̀cèm, à ki fa dɛm inɛ̀n rì ɓum ɓɛdɛŋ. Yɛ̀ɛ kìlɔ̀ŋ kìcèm ki wokà rìkpaa ɗi Yeesus ɗiǹ, ki kpaa lɛ: Kɛ̀ kɛɛ̀ ɓa ɓaà fɔlɔɔ.

MƐ̀KÌKÌÌ MƐ ƁƐKƐ̀NÌ-FÌTOM 20:33

M̀ɓaghà ɓi ri zày ìnɛ lɛ, mum a fa mɛ̀ mɔ̀ɔ̀ni, nsoò gol, nsoò ɓìlàà.

RÒMƐŊ 13:9

Ɓisuulɛ ɓìdɔ̀gsɛna ɓi lɛ: Kɔ̀ɔ̀ kì fisɔ̀mɔ̀g, kɔ̀ɔ wey mum, kɔ̀ɔ yii com ki mum, kɔ̀ɔ lem com ki mum, rì ɓimbog ɓìcèm, ɓi ri ɓì ɓasɛn ɓi jɛ̀ɛ̀ ìnɛ lɛ: Ù rì ɓiì keesii romum ànɛ wɔ̀ jàŋbog yɛ̀ɛ wɛ̀ɛmìɗ.

RÒMƐŊ 3:20

Ɓisuulɛ ŋwàdɛŋ àa ghɛnɛn ɓi lɛ saaɗ ɓi mis mɛ Bɛ̀ll, lɛ à ɓègà ɓìɓan ɓi ɓìdɔ̀gsɛna ɓyɛɛ̀ kpaakpàà; ɓìdɔ̀gsɛna ɓyɛɛ̀ ghɛɛghɛɓsì lɔŋ mum lɛ a yi lɛ à kìi kìɓe.

RÒMƐŊ 3:5

Wɔ̀lɛ i ki ri lɛ rìɓa ɗis ɗi tì rì ɓìtɛ̀ŋtɛ̀ŋ ɓi ɓum ɗyɛɛ̀ rèresi ɓi kìtɛɛtɛn lɛ Bɛ̀ll à rì lɛ saaɗ, cɛ tì rì min lɛ tì kpaa? Ti kpaa nya lɛ Bɛ̀ll à rì ɗì kìtɛ̀ŋtɛ̀ŋ di à paàzii rì ɓìsi? Ǹkpaa fɔlɔɔ yɛ̀ɛ ɓum ɓɛ ti ɓɛ kpaaghì.

RÒMƐŊ 4:1

Cɛ kɛɛ̀ki tì rì lɛ tì kpaatì min ɗi Abiraham à seŋi wìs a ǹsɛ̀ɛ̀ ànɛ ɓi mɛ̀mùù? Cɛ kɛɛ̀ki à fɔ̀ngà?

RÒMƐŊ 4:15

Ɓisuulɛ ɓìdɔ̀gsɛna ɓi ti ɓi syogàg yì bim i Bɛ̀ll, rì tì lɛ mum à yin lɛ à kpì kìdɔ̀gsɛna jàŋ inɛ ɓìdɔ̀gsɛna ɓi yin.

RÒMƐŊ 5:20

Kɔlɛ ɓìdɔ̀gsɛna ɓi yughày lɛ di kìɓe kɛɛ teghɛn, wɔ̀lɛ jàŋ bimiɗ ìnɛ kìɓe ki ɓaghà kì rììtɛn geesɛ̀n ì Bɛ̀ll ì tèghɛ̀ngà tì ì cee fɔlɔɔ.

RÒMƐŊ 6:15

Nni la min? Tì rì nya ɓiì kìkii kiɓe lɛ yɛ̀ɛ ɓìdɔ̀gsɛna ɓi lamii ɓi ɓisi, lɔŋ geesɛ̀n ì Bɛ̀ll yɛ̀ɛ lamii ɓìsi wa? Ki yin fɔlɔɔ.

RÒMƐŊ 7:11

Ɓisuulɛ kìɓe ki ghɛngà kìrɔŋiɗ, ki yegsì mɛ̀ rì ɓìdɔ̀gsɛna, ki ki wey mɛ rì ɓìdɔ̀gsɛna ɓyɔm̀ ɓiǹ.

RÒMƐŊ 7:13

Syeesyee à com à ghali yɛɛ lɔɔ com ki kɛɛ wey mɛ̀? Àg! À ghali ɓi nsoò, wɔ̀lɛ kiɓe kɛɛ tekà com ki ki ri lɛ syeesyee, ki ki lɛ mɛ̀ nwu lɛ di kɛɛ resɛn lɛ ki ri kìɓe, ɓìdɔ̀gsɛna ɓi ɓa com ki kɛɛ resi yɛ̀ɛ kìɓe ki ɓeɓtɛɛ ki ciɓtàg.

RÒMƐŊ 7:5

Lɛ cààmɛ̀n ki tì nɔ̀ɔ̀nɔ̀ɔ̀tìghà cɛɓ ki mɛmùù, zày ìnɛ lɛ ti kiki ɓìɓe ì yeèyèèsìghà ɓìsi nyoo bimiɗ, di ɓìdɔ̀gsɛna ɓi mɛ ghèmzi yɔ̀, lèg ànɛ lɛ ɓìɓan ɓi tì kìkìghà ɓi ɓaghà ɓìɓan ɓi lɛ ti cuù.

RÒMƐŊ 7:8

Fɔlɔɔ nnɛ kìɓe ki ghɛngà kìrɔŋiɗ ɓi kìdɔ̀gsɛna kiǹ, ki ghèmzì mɛ̀ mɛ̀kuu mɛ zày mɛ̀cèm ɓi nɗem. Lɛ kìɓe ki ri kìloŋ jaŋ̀ inɛ ɓìdɔ̀gsɛna ɓi yin.

1 KƆ̀RƐ̀ŊTYƐŊ 15:56

Rìkɔ̀ŋ ɗi riwù ɗyɛɛ̀ɗi kìɓe, ìtèɗ wu kiɓe wu riì ɓi ɓìdɔ̀gsɛna.

EFÈZYƐŊ 5:3

Tìsɔ̀mɔ̀g, rì ɓìɓan ɓi tifin mɛkuu mɛ̀cèm, rì zày ì ìkum, ɓì ghɛ̀ɛ̀sɛɛ ɓi lɛ ɓi ɓuŋɗɛ̀n nsoò m̀ɓùŋɗɛn ɓi nyìinyìm wìn, lɛ fɔlɔɔ yɛɛ ghɛɛ̀sɛɛ rì ɓum ɓɛ Bɛ̀ll.

KÒLÒSYƐŊ 3:5

Wolina ɓìɓan ɓi ɓi zi ɓìcèm ɓi ɓì rì rì ɓyɔ ɓi mìniìɓɔmiɗ, ɓyɛɛ ri lɛ, cɛɓ ki tisɔ̀mɔ̀g, cɛɓ ki tifin, ɗì rìfalɛ̀n ɗi ɓi ɓìɓan ɓi ɓeɓtɛn, rì kìsee ki ikum, kɛɛ ri fɛlɛ yɛ̀ɛ rìɓɔgsì ɗi ɓinùn.

TÈSÀLÒNÌSYƐŊ 4:5

kɛ̀ɛ càrɛn lɛ ɓiɓeɓtàg ɓi ɓiɓan ɓyɛɛ syòŋ nyi ǹɗem, yɛ̀ɛ ki ti ki ɓalàg rì ɓumɓɛ ɓɛ yin ɓɛgherɛ̀n ɓɛ̀ kɛɛ̀ ki yi Bɛ̀ll.

EBIREEGH 7:19

Lɛ ɓìdɔ̀gsɛna ɓi Moyis ɓi kighà ɓi lɛ com kidɛŋ kɛɛ kpaŋ ɓi nɗɛli wulɛ kìɓan ki fenɛn miì kɛ̀ kɛɛ̀ ɓa ti, kìɓan kifog dyàɓɛn inɛ ì cee ì mɛ ɗiŋì, yɛ̀ɛ ti ì kìlàg lɛ ti kɛǹ Bɛ̀ll jàŋbog.