RÒMƐŊ 7:5 - Bafia Nouveau Testament

⁵ Lɛ cààmɛ̀n ki tì nɔ̀ɔ̀nɔ̀ɔ̀tìghà cɛɓ ki mɛmùù, zày ìnɛ lɛ ti kiki ɓìɓe ì yeèyèèsìghà ɓìsi nyoo bimiɗ, di ɓìdɔ̀gsɛna ɓi mɛ ghèmzi yɔ̀, lèg ànɛ lɛ ɓìɓan ɓi tì kìkìghà ɓi ɓaghà ɓìɓan ɓi lɛ ti cuù.

RÒMƐŊ 7:5 Iomraidhean Croise

MATYOO 15:19

Ɓisuulɛ, ɓìɓeɓtàg ɓi mɛyitì, ri fèg à rìwey ɗi mum, rì tìsɔ̀mɔ̀g, rì cɛɓ ki sààsaa, ri wii, rì rìsasààgh ɗi ɓum ɓìɓan ɓi nyoo, rì tìfena ti Bɛ̀ll, ɓi ti ɓi pɛsàg yì ɓi nɗem wu mum.

ZYAŊ 3:6

Lɛ ŋwaànɛ à yalɛɛ rì mɛ̀mùù, à rì lɔŋ mum à mɛ̀mùù, roànɛ à yalɛɛ rì Ǹghay à rì ǹghay.

RÒMƐŊ 1:26

Kìɓan kiǹ kɛɛ̀ki Bɛ̀ll à tinìghà ɓɔ lɛ ɓɛɛ kiki ɓìɓan ɓi ntoòrìɗ; ɓɛ̀yiɓ ɓaa ɓɛ pɛɛ̀zì rìràrɛ̀n ɗi Bɛ̀ll à fèkà lɛ rì giɓ rì baŋì ɓi bee ì dùne.

RÒMƐŊ 3:20

Ɓisuulɛ ŋwàdɛŋ àa ghɛnɛn ɓi lɛ saaɗ ɓi mis mɛ Bɛ̀ll, lɛ à ɓègà ɓìɓan ɓi ɓìdɔ̀gsɛna ɓyɛɛ̀ kpaakpàà; ɓìdɔ̀gsɛna ɓyɛɛ̀ ghɛɛghɛɓsì lɔŋ mum lɛ a yi lɛ à kìi kìɓe.

RÒMƐŊ 4:15

Ɓisuulɛ ɓìdɔ̀gsɛna ɓi ti ɓi syogàg yì bim i Bɛ̀ll, rì tì lɛ mum à yin lɛ à kpì kìdɔ̀gsɛna jàŋ inɛ ɓìdɔ̀gsɛna ɓi yin.

RÒMƐŊ 5:20

Kɔlɛ ɓìdɔ̀gsɛna ɓi yughày lɛ di kìɓe kɛɛ teghɛn, wɔ̀lɛ jàŋ bimiɗ ìnɛ kìɓe ki ɓaghà kì rììtɛn geesɛ̀n ì Bɛ̀ll ì tèghɛ̀ngà tì ì cee fɔlɔɔ.

RÒMƐŊ 6:13

Kɛ̀ ɓi cìtɛn ti ɓìkàɓ ɓin ɓi nyoo ɓi kìɓe fɛlɛ yɛ̀ɛ ɓyom ɓi kisay ɓi ɓi rìkì ɗi ɓiɓan ɓi ɓeɓtɛn, kìɓan kifog faana mìniìɓɔmiɗ ri Bɛ̀ll fɛlɛ yɛ̀ɛ ɓum ɓɛ̀cèm ɓɛ ɓɛ sughiì a nyɔ̀ɛ̀y, ɓì ki fa ɓikàɓ ɓin ɓi nyoo rì Bɛ̀ll ɓi sìg à ɓyom ɓi kisay, ɓi ɓi rìkì ɗi ɓiɓan ɓi ɓi ri lɛ saaɗ.

RÒMƐŊ 6:19

Ǹkpaa fɔlɔɔ yɛ̀ɛ ɓum ɓɛ ti ɓɛ kpaaghì ɓisuulɛ, ɓì rì rì ìɓwɛɗ ɓi nyoo; fɛlɛ yɛ̀ɛ ɓì càɗkà ɓìkàɓ ɓin ɓi nyoo lɛ ɓyɛɛ ɓa ɓɛ̀kpàn ɓi rìkì ɗi ɓiɓan ɓi tifin, rì kìɓùùsì, lɛ ɓi ghɛɓ cɛɓ ki ɓùùɓuu, fɔlɔɔ nnɛ càrina ɓyɔ ɓigomìnɛ lɛ ɓyɛɛ ɓa ɓɛ̀kpàn ɓɛ saaɗ di ɓi ghɛɓ cɛɓ ki ki ri kìtɛnɛn.

RÒMƐŊ 6:21

Nni ɓyom aɗi ɓyɛɛ̀ɓi ɓì fɔ̀ngà ɓi cààmɛ̀n kiǹ? Lɔŋ ɓyom ɓi ɓyɛɛ̀ fafa mini ǹtoòrìɗ ɓigomìnɛ, lɛ rìsyɔn ɗi miì ɗi ri lɛ rìwu.

RÒMƐŊ 6:23

Ɓisuulɛ mɛ̀lèɓ mɛ kiɓe mɛ ri lɛ rìwu, kìɓan kifog, rìɓòò ɗi Bɛ̀ll a kìki ɓum zɛy ɗi ri cɛɓ ki fiɗyàɓ fikɔ̀ɔ̀ ɓi Yeesus Kiris à Kan wìs.

RÒMƐŊ 7:23

Kìɓan kifog kìdɔ̀gsɛna kidɛŋ ki ri mɛ̀ ɓi ɓìkàɓ, kɛɛ ɗùùɗuu ri ɓìdɔ̀gsɛna ɓi nɗem wɛ̀m wɛɛ̀ sɛsɛ̀g; kɔ yɛɛ ghaasii mɛ̀ ǹkpàn a kìsyɔ̀ɔ̀ ki ki komi kìɓe ki ki ri mɛ̀ ɓi ɓìkàɓ.

1 KƆ̀RƐ̀ŊTYƐŊ 15:56

Rìkɔ̀ŋ ɗi riwù ɗyɛɛ̀ɗi kìɓe, ìtèɗ wu kiɓe wu riì ɓi ɓìdɔ̀gsɛna.

2 KƆ̀RƐ̀ŊTYƐŊ 10:3

Ki ri lɔŋ saaɗ lɛ tì rì ɓi nyoo ì mɛ̀mùù, kìɓan kifog tì yin ɓiì ɗùùɗuu ri mɛ̀ghèy mɛ ɓi mɛ̀mùù.

GÀLAT 3:10

Lɛ ɓum ɓɛ̀cèm ɓɛ ɓɛ saghii ǹto rì rìɓèŋ ɗi ɓidɔ̀gsɛna, ɓɛ ti ɓi ncɛ̀m ɓi ɗùm ɓisuulɛ ki ri kì kànɛn lɛ: Ŋwaànɛ à ɓèŋi ɓi ɓiɓan ɓìcèm ɓi ɓi ri ɓì kànɛn ɓi kaàtà à ɓìdɔ̀gsɛna, kɛ̀ɛ kì yɛ̀ɛ ɓyɛɛ̀ kpaakpàà, à ghɛ̀ɛ̀sɛɛ kì terì ǹcɛ̀m.

GÀLAT 5:24

Ɓumɓɛ ɓɛ ri ɓi Yeesus Kiris ɓi ɗùm ɓɛ mɛ kpan mɛmùù maa ɓi kɔrɔs, rì ɓìɓan ɓi ɓyɛɛ̀ rɔɔghi mɔ.

EFÈZYƐŊ 2:11

Mìni ɓɛ ɓì yin Ɓɛ̀yudɛ̀n, ɓì ghɛ̀ɛ̀sɛɛ kì yitii lɛ, ɓumɓɛ ɓɛɛ̀ kalag lɛ ɓɔɔ ri ɓɛ̀kɛ̀rɛn, ɓɛ nɗegì mìni abɛ̀y lɛ ɓɛ̀suswiɗ; ɓɔɔ ki ɓa lɛ ɓum ɓɛɛ kɛɗkàkà ɓɔ.

EFÈZYƐŊ 2:3

Ɓìsi ɓɛ̀sɛ̀ɛ̀ ɓɛ̀cèm, tì ɓaghà girig ɓi nɗaŋ waa lɛ tì ghɛghɛ̀ɓkà abɛ̀y ɓi ɓìɓan ɓi mɛ̀mùù mis mɛ ɓaghà zày rì ɓyɔ, tì kìkì rìkɔ̀n ɗi nyoo yis rì ɗi mɛrem mis lɛ rìɓa ɗi tì ɓaghà ɓum lɔŋ yɛ̀ɛ ɓɛ̀ro ɓɛmɓog, tì ɓaghà ɓumɓɛ bim i Bɛ̀ll ì ghɛ̀ɛ̀sɛɛ kì kpaŋì a lɔ̀ŋkaa.

KÒLÒSYƐŊ 3:5

Wolina ɓìɓan ɓi ɓi zi ɓìcèm ɓi ɓì rì rì ɓyɔ ɓi mìniìɓɔmiɗ, ɓyɛɛ ri lɛ, cɛɓ ki tisɔ̀mɔ̀g, cɛɓ ki tifin, ɗì rìfalɛ̀n ɗi ɓi ɓìɓan ɓi ɓeɓtɛn, rì kìsee ki ikum, kɛɛ ri fɛlɛ yɛ̀ɛ rìɓɔgsì ɗi ɓinùn.

Kaàtà ànɛ Pol à kàngà TIT 3:3

Ɓisuulɛ ɓìsi girig tì ɓaghà abɛ̀y kɛ̀ɛ̀ ɗyomzɛ̀n, ɓìsi rì ntoòtèɗ, ɓìsi ɓi rìɗim; tì ɓaghà ɓɛ̀kpàn ɓɛ ɓiɓan mɛkuu mɛ̀kuu, ɓi mɛ̀rem mɛɛ̀ kɔ̀ngì rì ɓi ɓyɛɛ̀ yɛ̀ɛ̀yi mɛmùù, tì ghɛghɛ̀ɓ ɓi rìgɛn rì ɓi m̀mììghrɛ̀n, tì ɓeɓèɓ ɓum, tì ki ɓèeɓeèzɛ̀n ɓìsi rì ɓìsi.

ZYAG 1:15

Ɓìɓeɓtàg ɓi ɓɛfèg ɓi mum ɓi nɗem, ɓi ti lɛ i ɓi teri ɗyem, ɓi yay kìɓe; kìɓe ki ɓalàg lɛ i kaa tèɗ, ki yay rìwu.

ZYAG 4:1

Ɓìɓan ɓi lɛ rì ɓìtùrì rì ɓɛsaaka ɓi ɓaa yì la ɓi nyìinyìm wìn? kaa yin lɛ ɓìɓeɓtàg ɓi ɓiɓan ɓi mìni ɓi mɛ̀rem ɓyɛɛ̀ ɗùuɗuùsì wɛ̀y wiǹ ɓi nyoo yin.

1 ZYAŊ 3:4

Mum ǹcèm ànɛ à kìi kìɓe, à yogsii ɓìdɔ̀gsɛna ɓi Bɛ̀ll lɛ, kìɓe ki ri rìyogsì ɗi ɓidɔ̀gsɛna ɓi Bɛ̀ll.