RÒMƐŊ 7:4 - Bafia Nouveau Testament

⁴ Ɓɛ̀geni ɓɛ̀m, ki ri girig fɔlɔɔ ɓisu win ɓi san ànɛ a ɓìdɔ̀gsɛna, ɓì rì ɓiloŋ lɛ nyoo ì Kiris, lɛ ɓi ɓa ɓumɓɛ ɓɛ wooghrɛɛ rì ŋwaàdɛŋ; ɓigomìnɛ, ɓì wooghrɛɛ rì roànɛ à ghèmɓɛ̀ngày a ɓìloŋ lɛ di ti ki ɓìɓan ɓi syeesyee ɓisuu Bɛ̀ll.

RÒMƐŊ 7:4 Iomraidhean Croise

MATYOO 26:26

Nni yɛ̀ɛ ɓɛ ɗiɗìghà, fɔɔnnɛ Yeesus à tekà bìrɛs, à fa Bɛ̀ll ɓìtògsɛ̀n, à ɓɛg min yɔ̀, à fa ɓɛ̀yilàg ɓii, à kpaa ɓɔ lɛ: Terina, ɓi ɗi, nyoo yɛ̀m yɛ̀ɛ lɛ.

MARIKUS 4:20

Ɓɛ̀ro ɓɛmbog ɓɛ ɓɛ ghaɓkà boo ɓi syeesyee à zi, ɓɔ yɛ̀ɛ ri ɓumɓɛ ɓɛ ti ɓɛ wokì ɓiɓan ɓi Bɛ̀ll, ɓɛ ki wum ɓidùn fɛlɛ yɛ̀ɛ boo inɛ ì kìghà lɛ, nɗyèm wu wu yii, wu wum ɓìɗùn rìtin ɗì ǹtɛ̀ɗ, wu wu yii ɓìɗùn mɛ̀tin mɛraa, wu wu yii, ɓìɗùn mɛ̀tin mɛtaǹ.

ZYAŊ 15:8

I ɓì wumi ɓìɗùn lɛɛ̀gwey, fɔlɔɔ nnɛ Seŋi wɛ̀m à ɓiì terì rìkem, mìnii ki ɓa ɓɛyilàg ɓɛm.

ZYAŊ 3:29

Ŋwaànɛ à rì rì giɓ, yɛɛ ri yii giɓ; wɔ̀lɛ rìghan ɗi yii giɓ ɗi ɗi ri wɔɔ ɗi ti ɗi nyaàràg yɛ̀ɛ mɛ̀nɔ̀ɓɔ̀, lɛ jɛ̀ɛ̀ ì yii giɓ inɛ ɗyɛɛ̀ wowòg. Rìkuu ɗi kinyàà ɗiǹ ɗyɛɛ̀ɗi mɛ̀ ǹɗì ǹɗonɛn ri ɗyɔ̀.

ZYAŊ 6:51

Ǹɗì bìrɛs ì cencem ìnɛ ì sɛngày aɗyòò, ŋwaànɛ à ɗii bìrɛs ìnɛ̀n, à rì ɓiì ghɛɓì fìɗyàɓ fikɔ̀ɔ̀. Bìrɛs ìnɛ m̀ɓiì faà ìnɛ̀n, yɛ̀ɛ ri nyoo yɛ̀m ìnɛ ǹɗì ɓiì faà, lɛ ziinɛ yɛ̀ɛ ɓa rì cɛɓ.

RÒMƐŊ 6:11

Fɔlɔɔ nnɛ mìni girig, ghɛɛna mìniìɓɔmiɗ fɛlɛ yɛ̀ɛ ɓumɓɛ ɓɛ ti ɓìloŋ ɓi san ànɛ a kìɓe, ɓɛ ki ɓa cem ɓisuu Bɛ̀ll, ɓi Yeesus Kiris ɓi ɗùm.

RÒMƐŊ 6:14

Kìɓe kaa làmi ɓi mini, ɓisuulɛ àa ɓìdɔ̀gsɛna ɓyɛɛ̀ làlami mìni, lɔŋ geesɛ̀n ì Bɛ̀ll.

RÒMƐŊ 6:2

Èe èe. Tì rì ɓìloŋ ɓi san ànɛ a kìɓe, nni lannɛ tì rì lɛ tì ghɛɓtì ɓi kìɓe?

RÒMƐŊ 6:22

Nni ɓigomìnɛ ɓì ti ɓɛ̀ kòrɛn ɓi kìɓe, ɓì mɛ ki ghay ɓɛkpàn ɓɛ Bɛ̀ll, rìfɔ̀n ɗi ɓì rì rì ɗyɔ ɓi rìɓa ɗìn, ɗi ri cɛɓ ki ki ri kìtɛnɛn, rìsyɔn ɗi miì ɗi ɓa cɛɓ ki fiɗyàɓ fikɔ̀ɔ̀.

RÒMƐŊ 7:3

Nni i à kɛ̀ɛ rìwɛy ɗi mum àdɛŋ di yii à kaka ǹto ɓi kìmììgh, ɓɛ roò nyi ɗii lɛ ǹkìì-tìsɔ̀mɔ̀g, wɔ̀lɛ i yii à wii, giɓ anɛ̀n kɛ̀ɛ ɓa ti ɓi rìlàmì ɗi nsiŋdɛn wu riwɛy, ɓi lèg ànɛ lɛ, àa soo kɛ̀ɛ rìwɛy ɗi ŋwaàdɛŋ, ɓɛ yin lɛ ɓɛ kpaa lɛ à kìi fìsɔ̀mɔ̀g.

RÒMƐŊ 7:6

Nni ɓigomìnɛ, tì yiìdi ɓi rìkpàn ɗi ɓidɔ̀gsɛna ɓisuulɛ, tì wughà ɓi san ànɛ a com ki ki ɓanɓàngà ɓìsi ɓi rìkpàn, fɔlɔɔ nnɛ ti kìki Bɛ̀ll kìsay ɓi bee ì nyɔn ìnɛ ɓi Nghay, àa tì ɓi bee ì fìɗyàɓ ìnɛ ɓi ɓìdɔ̀gsɛna ɓi ɓi ri ɓi kaàtà.

RÒMƐŊ 8:2

Ɓisuulɛ kìdɔ̀gsɛna ki Nghay ànɛ a fafa cɛɓ ɓi Yeesus Kiris ɓi ɗùm, ki kwèɗkà mɛ̀ ɓi rìkpàn ɗi kidɔ̀gsɛna ki kiɓe rì rìwu.

1 KƆ̀RƐ̀ŊTYƐŊ 10:16

Ɓeŋ à ɓɛ̀mààgh ànɛ tì ti tì falàg Bɛ̀ll ɓìtògsɛ̀n lɛ nyi, à ti kɛ̀ɛ kì nya lɛ ti ɓa ɓɛ̀ràrɛn ɗi bwaɓ yi Kiris? Bìrɛs ìnɛ tì ti tì ɓɛkì, ì ti yɛ̀ kɛɛ̀ kì nya lɛ ti ɓa ɓɛ̀ràrɛn ɗi nyoo ì Kiris?

2 KƆ̀RƐ̀ŊTYƐŊ 11:2

Ɓisuulɛ, ǹɗì rì yɔ̀ɔ̀tì ɓi san wìn, yɔ̀ɔ̀tì ànɛn à rìì yɛ̀ɛ Bɛ̀ll rì kìsyɔ̀ɔ̀ lɛ, ɓì rì fɛlɛ yɛ̀ɛ gɔ̀n ì giɓ ìnɛ ì ka yiɓi ɓɛbaŋì, ì ki ɓa ntɛnɛn, ìnɛ ì kàkà lɛ ì ɓiì wɔlì m̀bobog à yii lɛ Kiris.

GÀLAT 3:13

Kiris à kwèɗkà ɓìsi ɓi ncɛ̀m à ɓìdɔ̀gsɛna, lɛ à ghalà mum à ǹcɛ̀m ɓisu wis, - lɛ ki ri kì kànɛn lɛ: Mum ǹcèm ànɛ ɓɛ surii ɓi mɓàg à ti ǹcɛ̀mɛn.

GÀLAT 5:18

Wɔ̀lɛ i Nghay à Bɛ̀ll yɛɛ̀ kɛ̀ɛkɛɛ̀sì mìni, ɓyàa ɓati ɓi ɓɛkpàn ɓɛ ɓidɔ̀gsɛna.

EFÈZYƐŊ 2:15

À pisìghà ɓìdɔ̀gsɛna, rì mɛ̀siŋdɛn mɛ miì rì ɓìcèlì ɓi miì ɓi rìfa ɗi à faghà nyoo yìì lɛ di ɓìlɔ̀ŋ ɓi kiɓɛ̀ɛ̀ ɓìn ɓyɛɛ sug kìlɔ̀ŋ kìfog, ki kɛɛ ɓa nyɔɔnyɔn à kìlɔ̀ŋ ɓi rìràrɛ̀n ɗi rì nyi, fɔlɔɔ nnɛ à kìghà lɛ fyòoog a ɓa.

FÌLÌPYƐŊ 1:11

ɓì ki ɓa ɓɛronɛn rì mɛ̀kìkìì mɛ saaɗ mɛ mɛ ti mɛ ghɛnàg a lɔ̀ŋkis lɛ Yeesus Kiris ɓisuu rikem, ɗì rìɓɔgsì ɗi Bɛ̀ll.

FÌLÌPYƐŊ 4:17

Ki yin lɛ nkaakaa lɛ ɓum ɓɛɛ fafa mɛ̀ ɓyom, com ki nkaakàà ki ri lɛ, bimiɗ à kɔ̀misɔ̀n adɛŋ a sagtɛn ɓi ɓirɔɔ ɓin.

KÒLÒSYƐŊ 1:10

Fɔɔnnɛ ghɛɓina cɛɓ ki kɛɛ̀ kɔ̀ngi Kan, ɓì kìkì ɓìɓan ɓi ɓi ri lɛ ɓi puɓsì nyi nɗem cààmɛ̀n kìcèm. Wumina ɓìɗùn ɓi ɓyɛɛ ghɛnɛn ɓi mɛ̀kìkìì mɛ syeesyee mɛ̀kuu mɛ̀kuu, ɓì ki tɔɔtɔɔ ɓi rìyi ɗi ɓì yii Bɛ̀ll.

KÒLÒSYƐŊ 1:22

ɓi cààmɛ̀n ki, lɛ rìwu ɗi Man wiì à wughà ɓi nyoo yìì i mɛ̀mùù, Bɛ̀ll à mɛ pɛ̀ɛ̀zi mini kì ràri ɗi nyimiɗ, lɛ di a ki com ki lɛ ɓi kpaŋ ɓi mis mii ɓɛtɛnɛn, kɛ̀ɛ̀ zɛ̀ɗ, kɛ̀ɛ̀ bɛ̀lɛn.

KÒLÒSYƐŊ 1:6

Syeesyee à Ɓɔlɛ ànɛ̀n à kpagà foo a lɔ̀ŋkin fɛlɛ yɛ̀ɛ a wumwum ɓiɗùn à kɛ̀nkɛ̀n asu ɗì rìsààsàà zi bimiɗ; fɔlɔɔ nnɛ a kìki girig ɓi nyìinyìm wìn à tumɛ̀n ŋwos anɛ ɓì wokà, ɓì ki yi yɛ̀ɛ geesɛ̀n ì Bɛ̀ll ì rì a tààkaà,

KÒLÒSYƐŊ 2:14

À pisighà sɔmìnà à m̀ɓeɓɛn ànɛ à ɓaghà ɓisi ɓi nyoo innɛ ɓìɓan ɓi miì ɓi nɔɔ̀nɔ̀ɔ̀tìghà ɓìsi; à pisìghà ɓìsi nyi yɛ̀ɛ à kpangà nyi ɓi kɔrɔs.

KÒLÒSYƐŊ 2:20

I ɓì wughà ǹɗaŋ ri Kiris ɓi ɓɛg ànɛ a mɛ̀tèɗ mɛ mɛghay mɛ ɓi ziinɛ, ɓisuucɛ nnɛ ɓɛ kaŋkàŋ tì mìni rì ɓìɓan ɓiǹ yɛ̀ɛ ɓɛɛ̀ kali lɛ ɓì kaka ɓì ghɛghɛ̀ɓ ɓi ɓìsyɔ̀ɔ̀ ɓi ɓi ziinɛ?

EBIREEGH 10:10

Ɓisuulɛ Yeesus Kiris à roòzìghà rìkɔ̀n ɗi Bɛ̀ll, fɔɔnnɛ ɓìsii ti rì zòghɛ̀n ìnɛ ɓi ɓìɓe ɓis lɛ rìfa ɗi à faghà nyoo yìì gɛ̀n bog ɓi gɛ̀n yicèm.

1 PYƐƐRI 2:24

nyi ànɛ à tɛ̀kà ɓìɓe ɓis ɓi nyoo yìì ɓi kìte aɗyoo lɛ di kɛɛ ɓa lɛ, i tì mɛ wu ɓi san ànɛ a ɓìɓe ɓis, tì ghɛɓ cɛɓ ki ɓumɓɛ ɓɛ ri lɛ saaɗ. Mɛ̀ɓìì mii mɛɛ kighà lɛ ti wɔǹ.

ÀPÒKÀLIƁSƐ̀ 19:7

Ti nyààrɛɛna, tì sàmsàm, tì fafà nyi rìkem ɓisuulɛ tìcàɓ ti ɓi rìwɛy ɗi Man à jɔ̀ɔ̀ ti kpaŋi, gil a mɛ ki pègsɛ̀n.

ÀPÒKÀLIƁSƐ̀ 21:9

Fɔɔnnɛ kìbog ki ɓi ɓum ɓɛ titom ɓɛ kitaàɓɛ̀ɛ̀ ɓɛ ɓɛ ɓaghà rì ɓɛ̀ɓeŋ ɓɛ̀ rongakɛn ɗi mɛ̀tɔɓ mɛ kitaàɓɛ̀ɛ̀ mɛ siitòn, ki yughà mɛ̀ kìkpaa lɛ: Yu nɗesi wɔ̀ gurà, gili Man à jɔ̀ɔ̀.