RÒMƐŊ 6:3 - Bafia Nouveau Testament

³ Ɓì yii ɓi lɛ ɓìsi ɓɛ̀sɛ̀ɛ̀ ɓɛ̀cèm ɓɛ tì ɓàɓtɛ̀ngà ɓi Yeesus Kiris ɓi ɗùm, ɓi rìwu ɗii nnɛ tì ɓàɓtɛ̀ngà lɔɔ?

RÒMƐŊ 6:3 Iomraidhean Croise

MATYOO 28:19

Kɛ̀ɛna! ɓi ki lɛ ɓumɓɛ ɓi ɓìlɔ̀ŋ ɓìcèm ɓɛɛ ɓa ɓɛ̀yilàg ɓɛm, ɓì ɓàɓtì ɓɔ ɓi ɗii ɗi Seŋi, rì Man, rì Kìtɛntɛ̀ɛ̀n ki Nghay;

MƐ̀KÌKÌÌ MƐ ƁƐKƐ̀NÌ-FÌTOM 19:5

Yɛ̀ɛ ɓɛ wokà jɛ̀ɛ̀ ìnɛn, nni ɓɛ ɓaɓtìghà ɓɔ ɓi ɗii ɗi Kan Yeesus.

MƐ̀KÌKÌÌ MƐ ƁƐKƐ̀NÌ-FÌTOM 2:38

Pyɛɛri à ɓàg ɓɔ lɛ: Lɔ̀ɔ̀ghrɛɛna mɛ̀rem, mum ǹcèm ànɛ ɓi mìni à ki ɓàɓtɛn ɓi ɗii ɗi Yeesus Kiris fɔɔnnɛ Bɛ̀ll a cenɛn ɓìɓe ɓin, à ki fa mini Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 8:16

Ɓisuulɛ, Kìtɛntɛ̀ɛ̀n ki Nghày ki ɓaghà di ki ka sɛn yi ɓi nsoò ɓi kìbog ki ɓi ɓɔ; ɓɛ ɓaghà lɔŋ yɛɛri di ɓɛ ti ɓɛ̀ɓàɓtakɛn ɓi ɗii ɗi Kan Yeesus.

RÒMƐŊ 6:16

Ɓì yii ɓi lɛ, i ɓì càrɛɛ lɛ ɓi ɓa ɓɛ̀kpàn ɓɛ mum lɛ ɓi kiki ŋwaànɛ̀n miì mɛ̀wog, lɔŋ lɛ ɓì ghali ɓɛ̀kpàn ɓɛ mum ànɛ ɓi kìki mɛwog anɛ̀n; kòo lɛ kìɓe, ki ki ti ki syogìì rìwu, kòo lɛ mɛ̀wog, mɛ mɛ ti mɛ kilàg lɛ mum a ɓa lɛ saaɗ ɓi mis mɛ Bɛ̀ll?

RÒMƐŊ 6:8

Wɔ̀lɛ i tì wughà ǹɗaŋ ri Kiris, tì rì rì ǹtyweeyi lɛ tì ɓiì ghɛɓì girig ǹɗaŋ ri nyì.

RÒMƐŊ 7:1

Ɓɔɔsoŋ̀, (mɛ̀ ntòtog ri ɓumɓɛ ɓɛ yii com ki lɛ kìdɔ̀gsɛna) ɓì yii ɓi lɛ mum à rì ɓi rìlàmì ɗi kidɔ̀gsɛna cààmɛ̀n kìcèm ki a ka ghɛghɛ̀ɓ.

1 KƆ̀RƐ̀ŊTYƐŊ 10:2

Fɔɔnnɛ ɓɛ̀sɛ̀ɛ̀ ɓɛ̀cèm ɓɛ ɓaɓtɛ̀ngà ɓi kìkwìɗ azi rì ɓi rìɓày ɓiɗùm, yɛ̀ɛ ɓɛ ɓaghà ɓɛ̀ràrɛn ɗi Moyis.

1 KƆ̀RƐ̀ŊTYƐŊ 12:13

Lɛ ɓìsi ɓɛ̀sɛ̀ɛ̀ ɓɛ̀cèm, tì ɓàɓtɛ̀ngà ɓi mbobog à Nghay, lɛ ti ɓa nyoo bogtɛ̀n nsoò Ɓɛ̀yudɛ̀n, nsoò ɓumɓɛ ɓɛ yin Ɓɛ̀yudɛ̀n, nsoò ɓɛ̀kpàn, nsoò ɓumɓɛ ɓɛ yin ɓɛkpàn, fɔɔnnɛ ɓìsiìcèm tì nɔghà m̀bobog à Nghay ànɛ̀n.

1 KƆ̀RƐ̀ŊTYƐŊ 15:29

I kaa yin fɔlɔɔ, di ɓumɓɛ ɓɛ ti ɓɛ̀ ɓaɓtàg ɓisuu ɓiloŋ ɓɛ ti ɓɛ kilàg fɔlɔɔ lɛ cɛ? I ki ri saaɗ lɛ ɓìloŋ ɓyaa ghèmɓɛn ɓi, ɓɔɔ ki ɓàaɓaɓtɛ̀n ɓisu waa lɛ cɛ?

1 KƆ̀RƐ̀ŊTYƐŊ 3:16

Ɓì yii ɓi lɛ mìni yɛɛ ri naa ìnɛ Bɛ̀ll à kɔ̀kɔrii miì, rì tì lɛ Ǹghay à Bɛ̀ll à rì ɓi mìni.

1 KƆ̀RƐ̀ŊTYƐŊ 5:6

Ɓi kìki ɓidaŋà ɓi zɛy! ɓì yii ɓi lɛ maa nwìɗ lɛsàg à ti à ɓɔgsàg ǹkùŋ wu ɓɛ tɔɓi?

1 KƆ̀RƐ̀ŊTYƐŊ 6:19

Ɓì yii ɓi lɛ, nyoo yìn i rì naa ì Kìtɛntɛ̀ɛ̀n ki Nghay ki ki ri ɓi mìni, ki Bɛ̀ll à faghà mìni? Fɔɔnnɛ ɓì làmii tì ɓi mìniìɓɔmiɗ.

1 KƆ̀RƐ̀ŊTYƐŊ 6:9

Ɓì yii ɓi lɔŋ lɛ ɓumɓɛ ɓɛɛ̀ kìki ɓiɓeɓtàg ɓi ɓiɓan, ɓaa ɓa ɓi ri ìkɔ̀ɔ̀ ɓi kìlɔ̀ŋ ki Bɛ̀ll? Kɛ̀ ɓi pwààrɛn, à tumɛɛ lɛ, ɓumɓɛ ɓɛɛ̀ ghɛghɛɓ cɛɓ ki tifin, à kpaŋ lɛ ɓɛ̀kìì-ɓìnùn, rì ɓɛ̀kìì-tìsɔ̀mɔ̀g,

1 KƆ̀RƐ̀ŊTYƐŊ 9:13

Ɓì yii ɓi lɛ naà-Bɛ̀ll yɛ̀ɛ ti ì mɛnàg ɓumɓɛ ɓɛɛ̀ kìki kisay ɓi naa ì Bɛ̀ll, rì tì lɛ, ɓumɓɛ ɓɛ ti ɓɛ tɔngì ɓyom ɓi ɓɛ̀ro ɓɛmbog ɓɛ yuu kì ɓɔgsii Bɛ̀ll rì ɓyɔ ɓi jàŋ inɛ ɓɛɛ̀ tɔ̀ngi ɓyom ɓɛ ti ɓɛ ɓalàg rì gàɓ ɓi ɓyom ɓìn?

1 KƆ̀RƐ̀ŊTYƐŊ 9:24

Ɓì yii lɛ ɓumɓɛ ɓɛ ri ɓi nlog à mɛ̀ree ɓi nlɛmɓog wu ticàɓ ɓɛɛ̀ ghɛghɛŋi ɓɛsɛ̀ɛ̀ ɓɛ̀cèm wɔ̀lɛ lɔŋ mum bog yɛɛ ti à kpagì, beèbɛ̀y à teɗ mɛ̀raà mɛ ɓi nlog ànɛ̀n? Nni ghɛŋiina lèg ànɛ lɛ ɓi teɗ mɛ̀raà mɛ ɓi nlog.

2 KƆ̀RƐ̀ŊTYƐŊ 13:5

Fiɓɓɛɛna mìniìɓɔmiɗ ɓi ghɛn nkòo ɓì rì ɓi rìgherɛ̀n ɓiɗùm. Ɓì gherɛɛ ɓi nya lɛ Yeesus Kiris à rì ɓi mìni? Fèèghrɛɛna mìniìɓɔmiɗ. Di yɛ̀ɛ ɓaà yi ɓi nya, ɓi yin ɗi ìtèɗ wu ɓi resi lɛ ɓì rì ɓɛ̀gherɛ̀n.

GÀLAT 3:27

Mìniìcèm ɓɛ ɓɛ ɓaɓtìghà ɓi Kiris, ɓì waatɛ̀ngà Kiris.

ZYAG 4:4

Mìni ɓɛ̀kìì-tìsɔ̀mɔ̀g ɓɛ! Ɓì yii ɓi lɛ i mum à rì rìghan ɗi ziinɛ di à rì bènàbena a Bɛ̀ll? Nni ŋwaànɛ à rì ɓiì kɔ̀ni lɛ a ɓa rìghan ɗi ziinɛ à rì ɓiì ɓaà bènàbena a Bɛ̀ll.

1 PYƐƐRI 3:21

Mɛ̀nig mɛǹ mɛ ɓaghà kìfèèghrɛnà ki bàɓtis ìnɛ yɛɛ̀ ghɛɛghɛɓsì mìni ɓigomìnɛ, bàɓtis ìnɛ̀n ì yin ɓiì sòòsoo tifin ti ɓi nyoo, kìɓan kifog ì rì rìfalɛ̀n ɗi mum à falɛɛ yɛ̀ɛ Bɛ̀ll rì syeesyee à nɗem. A ghɛɛghɛɓsì mìni lɛ rìghèmɓɛ̀n ɗi Yeesus Kiris à ghèmɓɛ̀ngà,