RÒMƐŊ 5:3 - Bafia Nouveau Testament

³ Àa lɔŋ foo ri foo, ti nyàanyaàrɛ̀n girig rì mɛ̀tɔɓ mis, lɛ tì yii lɛ ǹtɔɓ wu ti wu kilàg lɛ mum a ɓa rì kìsììrì,

RÒMƐŊ 5:3 Iomraidhean Croise

LUKAS 21:19

Kìsììrì kin kɛɛ ri ɓiì kìi lɛ ɓi ghɛɓsi ɓyɛɓ ɓin.

MƐ̀KÌKÌÌ MƐ ƁƐKƐ̀NÌ-FÌTOM 5:41

Fɔɔnnɛ ɓɛ̀kɛ̀nì-fìtom ɓɛ pɛsɛ̀ngày a Sànèdìrɛŋ ɗì coo kìnyàà ɓi nɗem lɛ Bɛ̀ll àa ǹghɛɛ lɛ, ki rì syeesyee à kiɓan lɛ, ɓɔɔ ghɛn mɛ̀tɔɓ lɛ, ɗii ɗi Yeesus.

RÒMƐŊ 5:11

Àa lɔŋ foo nyi rì nyi, ti nyàànyaa ɓi Bɛ̀ll lɛ Kan wìs Yeesus Kiris ànɛ à mɛ pègsɛn paàzì ànɛ lɛ rì ɓìsi rì Bɛ̀ll.

RÒMƐŊ 8:23

Àa foo nyi rì nyi, ɓìsi girig ɓɛ tì mɛ teɗ Ǹghay à Bɛ̀ll ɓi sìg à kìrɔɔ ki ǹtonto ki ɓi ɓìrɔɔ ɓi Bɛ̀ll à rì ɓiì kìi ɓisi, ti ɓemɓem girig ɓi mɛ̀rem ɓi ɗùm, tì ɓoŋɓòŋ lɛ Bɛ̀ll a ghaàsi ɓìsi ɓɔn ɓii à ki kwèɗ nyoo yìs.

RÒMƐŊ 9:10

Àa kiǹ kɔrìkɔ, fɔlɔɔ nnɛ ki ɓatìghà rì Riɓɛka, m̀bobog à mum ànɛ à fogà nyi ɗyem à ɓaghà lɛ Isag à seŋi wìs a ǹsɛ̀ɛ̀.

2 KƆ̀RƐ̀ŊTYƐŊ 4:17

Ɓisuulɛ mɛ̀tɔɓ mɛ tì ti tì wokì ɓi maa cààmɛ̀n mɛ ri lɛ fɛnfɛn di ù fèegh mɔ rì mɛ̀nɔ̀ɓɔ̀ mɛ rikem ɗi fiɗyàɓ fikɔ̀ɔ̀ ɗi mɛ̀tɔɓ mɛ̀n mɛɛ̀ ɓùuɓuŋɛ̀n ɓisuu wis.

2 KƆ̀RƐ̀ŊTYƐŊ 8:19

À kɛ̀ɛ̀dì kìɓaà lɛ, à rì mum ànɛ ɓìseŋi ɓi Kiris ɓi ɓɔngà lɛ ti kɛɛ̀kɛɛ nɗaŋ ɗi nyi ɓi kìsay ki geesɛ̀n ki ti kìki ɓisuu rikem ɗi Kan nyimiɗ rì ɓi rìrèsì ɗi ti rèresi rikɔ̀n ɗi tì rì rì ɗyɔ lɛ ti ghɛɓsi ɓum ɓɛɗɛŋ.

EFÈZYƐŊ 3:13

Fɔɔnnɛ ǹkpaa mìni lɛ: mɛ̀tɔɓ mɛ nwowog ɓisu win mɛ̀ kɛɛ̀ fa mini ìɓwɛɗ; mɛ̀tɔɓ mɛ̀n mɛ ri ɓisuu rikem ɗin.

FÌLÌPYƐŊ 1:29

Kìɓan kiǹ ki riì yɛ̀ɛ Bɛ̀ll, ɓisuulɛ àa mààgh ànɛ lɛ ɓi gherɛn Kiris nnɛ Bɛ̀ll à faghà mìni nyi rì nyi, ànɛ lɛ ɓi wog girig mɛ̀tɔɓ ɓisu wii, à rì girig miì.

ZYAG 1:12

Mààgh rì ŋwaànɛ à ti à nìɗkì nɗem di à tulɛɛ rì mɛ̀fèèghrɛn; ɓisuulɛ i à mɛ ghɛn mɛfèèghrɛn fɔlɔɔ, à rì ɓiì terì tàm à cɛɓ ànɛ Kan à kàkà ɓumɓɛ ɓɛ ti ɓɛ keesàg nyi.

1 PYƐƐRI 3:14

I ki kpaŋi gi kɔm̀ lɛ ɓi wog ǹtɔɓ ɓisuu saaɗ, di ɓì rì rì ɓɛ̀mààgh; kɛ̀ ɓi risi ɓum nsoò, kɛ̀ ɓi ki ɓùùsɛn;