RÒMƐŊ 5:1 - Bafia Nouveau Testament

¹ Yɛ̀ɛ tì ti min ɓumɓɛ ɓɛ ri lɛ saaɗ ɓi mis mɛ Bɛ̀ll lɛ rìgherɛ̀n, tì yiìdi ɓi paàzì rì Bɛ̀ll lɛ Kan wìs Yeesus Kiris.

RÒMƐŊ 5:1 Iomraidhean Croise

LUKAS 19:38

Ɓɛ kpaakpàà lɛ: Bɛ̀ll a maŋ rìfòm ɗi ɗi yuu yì ɓi ɗii ɗi Kan, fyòoog à ɓa ɓi ɗyoo ɓi ɗùm, rìkem ɗyɛɛ ki Bɛ̀ll.

LUKAS 19:42

I wɔ̀ girig wàa rì lɛ ù yi com ki ki ri lɛ ki fa wɔ̀ fyòoog ɓi ŋwos a gɛɛ̀nɛ, nni fe! Com kìn ki ri wɔ̀ kì nyamɛn ɓi lèg ànɛ lɛ kɔ̀ɔ ghɛn kɔ.

LUKAS 2:14

Rìkem ɗyɛɛ ki Bɛ̀ll ɓi ɗyoo ɓi ɗùm, fyòoog à ɓa rì ɓumɓɛ ɓi ziinɛ ɓɛ Bɛ̀ll à keesii.

ZYAŊ 14:27

Ǹcàri mìni fyòoog, ǹfaa mìni fyòoog wɛ̀m. Mɛ̀ ǹfaa ɓi mini nyi yɛ̀ɛ ziinɛ ì ti ì falàg. Mɛ̀rem min mɛ̀ kɛɛ̀ cɛɛcɛɛ̀rɛ̀n, nsoò lɛ mɛ yeèghyèèghkɛ̀n.

ZYAŊ 16:33

Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

ZYAŊ 20:31

Kìɓan kifog, gàɓ ìnɛ ì rì ǹkànɛn lɛ di ɓi gherɛn lɛ Yeesus à rì Kiris, Man à Bɛ̀ll, rì tì lɛ, i ɓì gherɛɛ, ɓì ɓa rì cɛɓ lɛ nyi.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 10:36

Fɔɔnnɛ Bɛ̀ll à romgày jɛ̀ɛ̀ a ɓɔn ɓɛ Isirayɛl lɛ ɓɛɛ yi lɛ, fyòoog à rì ɓiì ɓaà ɓi nyìinyìm ànɛ lɛ rì nyi rì ɓum, ɓi jɛ̀m ì Yeesus Kiris ànɛ à rì rìfòm ɗi ɓum ɓɛ̀cèm;

RÒMƐŊ 1:17

Ɓisuulɛ Syeesyee à Ɓɔlɛ a rèresi yɛ̀ɛ Bɛ̀ll à ti à kìlàg lɛ ɓum ɓɛɛ ɓa lɛ saaɗ ɓi mis mii lɛ rìgherɛ̀n rì ɓisuu righerɛ̀n lɔŋ yɛ̀ɛ ki ri kìkànɛn lɛ: Ŋwaànɛ à rì mum à saaɗ ɓi mis mɛ Bɛ̀ll, lɛ rgherɛ̀n, à ɓiì ghɛɓì.

RÒMƐŊ 1:7

nni mìni ɓɛ̀sɛ̀ɛ̀ ɓɛ̀cèm ɓɛ Bɛ̀ll à keesii yɛ̀ɛ mɛ̀nɔ̀ɓɔ̀, ɓɛ bì rì a Rom, mìniì ɓɛ à reŋìghà lɛ ɓi ɓa ɓum ɓii, Bɛ̀ll à Seŋì wìs ɓɛɛ̀ Kan Yeesus, ɓɛɛ fa mìni lɛ rì geesɛ̀n rì fyòoog.

RÒMƐŊ 10:10

Ɓisuulɛ i mum à gherɛɛ rì nɗem wii, à ɓa lɛ saaɗ ɓi mis mɛ Bɛ̀ll, i a kpaakpaa ɓi ŋwɔm wii lɛ à gherɛɛ Bɛ̀ll à fa nyi cɛɓ.

RÒMƐŊ 10:15

Nni lannɛ mum à rì ɓiì kɛ̀ɛ ki kpaakpaa di ɓɛ romi ɓi nyi? Fɛlɛ yɛ̀ɛ ki ri kìkànɛn lɛ: Ki rɔɔtɛɛ yɛ̀ɛ mɛ̀nɔ̀ɓɔ̀ lɛ u ghɛǹ ɓumɓɛ ɓɛ riì rì ɓɛ̀syeesyee ɓɛ ɓɛ̀ɓɔlɛ di ɓɛɛ yùyuiy.

RÒMƐŊ 14:17

Ɓisuulɛ kìlɔ̀ŋ ki Bɛ̀ll ki yin kiɓan ki riɗi rì rìnɔ, ki ri lɛ rì saaɗ rì fyòoog, rì kìnyàà ɓi Kìtɛntɛ̀ɛ̀n ki Nghay ki ti ki falàg.

RÒMƐŊ 15:13

Bɛ̀ll ànɛ à ti à falàg ɓum dyàɓɛn ɓi nɗem a roòzi mìni lɛ rì kìnyàà, rì fyòoog ɓi nɗem lɛ pisa ɓi rìgherɛ̀n, di dyàɓɛn yiǹ yɛ̀ɛ roǹ ì sòsòɓ rì ìtèɗ wu Kitɛntɛ̀ɛ̀n ki Nghày.

RÒMƐŊ 15:33

Bɛ̀ll à fyòoog a ɓa rì mìni ɓɛ̀sɛ̀ɛ̀ ɓɛ̀cèm. Ààmɛ̀n.

RÒMƐŊ 3:22

kɛɛ ri rìkì ɗi Bɛ̀ll à ti à kìlàg lɛ ɓum ɓɛɛ ɓa lɛ saaɗ ɓi mis mii lɛ rìgherɛ̀n ɗi ɓɛ gherɛɛ Yeesus Kiris, kìɓan kiǹ ki ri ɓisuu ɓum ɓɛ̀cèm ɓɛ ɓɛ gherɛɛ; ǹlànag wu ki yin miì;

RÒMƐŊ 3:30

Ɓisuulɛ Bɛ̀ll à rì lɔŋ bog, nnyɛ̀ɛ ri ɓiì kìi lɛ Ɓɛ̀yudɛ̀n ɓɛɛ ɓa lɛ saaɗ ɓi mis mii lɛ rìgherɛ̀n, nsoò ɓɛ̀roɓɛ ɓɛ yin Ɓɛ̀yudɛ̀n, ɓɛ ɓa girig lɛ saaɗ ɓi mis mii lɛ rìgherɛ̀n.

RÒMƐŊ 4:5

Wɔ̀lɛ i mum à kìi ɓi kisay, kìɓan kifog à gherɛ̀n Bɛ̀ll ànɛ à ti à kìlàg lɛ ǹkì-kìɓe a ɓa lɛ saaɗ ɓi mis mii, rìgherɛ̀n ɗii ɗi ki lɛ Bɛ̀ll a ghɛǹ nyi lɛ saaɗ à mum.

RÒMƐŊ 5:11

Àa lɔŋ foo nyi rì nyi, ti nyàànyaa ɓi Bɛ̀ll lɛ Kan wìs Yeesus Kiris ànɛ à mɛ pègsɛn paàzì ànɛ lɛ rì ɓìsi rì Bɛ̀ll.

RÒMƐŊ 5:18

Nni fɔlɔɔ nnɛ yɛ̀ɛ rìnàn dìfog ɗi kighà lɛ ǹcɛ̀m a saà a ɓum ɓɛ̀cèm, fɔlɔɔ nnɛ syeesyee à rìkì bog à mɛ kì lɛ rìɓa ɗi lɛ sɛɛghisɛɛghi ɓi mis mɛ Bɛ̀ll, ɗi ɗi ti ri falàg cɛɓ, ɗyɛè saà girig a ɓum ɓɛ̀cèm.

RÒMƐŊ 6:23

Ɓisuulɛ mɛ̀lèɓ mɛ kiɓe mɛ ri lɛ rìwu, kìɓan kifog, rìɓòò ɗi Bɛ̀ll a kìki ɓum zɛy ɗi ri cɛɓ ki fiɗyàɓ fikɔ̀ɔ̀ ɓi Yeesus Kiris à Kan wìs.

RÒMƐŊ 9:30

Cɛ tì rì min lɛ tì kpaa? Ti kpaà lɛ ɓumɓɛ ɓɛ yin Ɓɛ̀yudɛ̀n, ɓɛ kɛɛ̀ ki ɓa ɓumɓɛ ɓɛ kaakààghà lɛ ɓɛɛ ɓa lɛ saaɗ ɓi mis mɛ Bɛ̀ll, ɓɛ ti lɛ saaɗ ɓi mis mii lɛ rìgherɛ̀n.

GÀLAT 2:16

Nni wɔ̀lɛ tì yii lɛ mum à yin lɛ à ɓa lɛ saaɗ ɓi mis mɛ Bɛ̀ll lɛ yɛ̀ɛ a nɔ̀ɔnɔɔ̀tì ɓìdɔ̀gsɛna ɓi Ɓɛ̀yudɛ̀n, lɔŋ ŋwaànɛ à gherɛɛ Yeesus Kiris nnyɛɛ ri lɛ saaɗ ɓi mis mɛ Bɛ̀ll, fɔɔnnɛ ɓìsi girig tì gherɛ̀ngà Yeesus Kiris lɛ di ti ghɛnɛn ɓi mis mɛ Bɛ̀ll lɛ tì rì lɛ saaɗ lɛ rìgherɛ̀n ɗi tì gherɛɛ Kiris, àa ɓisuulɛ ti nɔ̀ɔnɔɔ̀tì ɓìdɔ̀gsɛna; lɛ rìɓèŋ ɗi ɓidɔ̀gsɛna ɗi yin lɛ ɗi ki lɛ mum a ɓa lɛ saaɗ ɓi mis mɛ Bɛ̀ll.

GÀLAT 3:25

Nni yɛ̀ɛ cààmɛ̀n ki righerɛ̀n ki mɛ kpaŋ, ɓì yiìdi ɓi rìlàmì ɗi ǹɗèsàg ànɛn,

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

EFÈZYƐŊ 2:7

À kìghà fɔlɔɔ lɛ, di ɓyààmɛ̀n ɓìcèm ɓi asu a resi geesɛ̀n yìì inɛ ì tèghɛɛ yɛ̀ɛ mɛ̀nɔ̀ɓɔ̀, ɓi kìrɔɔ-ǹɗem ànɛ à kìghà ɓìsi ɓi Yeesus Kiris.

FÌLÌPYƐŊ 3:9

ǹki ɓa lɛ ǹɗì saaɗ à mum ɓi rìràrɛ̀n ɗi rì nyi, saaɗ ànɛ̀n kɛ̀ɛ ɓa ti saaɗ à mɛ̀ɛmiɗ, ànɛ à rèsii lɛ ǹti m̀ɓègì ɓìdɔ̀gsɛna, à ɓa lɔŋ saaɗ ànɛ mum ànɛ à gherɛɛ Kiris à ti à ɓalàg rì nyi. Saaɗ ànɛ̀n nnyɛɛ fuu yì yɛ̀ɛ Bɛ̀ll, à ki ɓa nto lɛ rìgherɛ̀n.

KÒLÒSYƐŊ 1:20

À ki kì lɛ ɓyom ɓìcèm ɓi ɓi ziinɛ, nsoò lɛ ɓi aɗyoo, ɓyɛɛ rarɛn tì rì nyi lɛ Man wiì, yɛ̀ɛ à kìghà lɛ fyòoog a ɓa lɛ bwaɓ yi Man ànɛ̀n yi yi kpagà ɓi kɔrɔs.

KÒLÒSYƐŊ 3:15

Fyòoog à Kiris ànɛ Bɛ̀ll à reŋìghà mìniìcèm miì lɛ, ɓi ɓa ɓìkàɓ ɓi ɓi nyoo bog, a lami mɛ̀rem min. Ɓì ghɛ̀ɛ̀sɛɛ kì yiì rìfa ɗi ɓìtògsɛ̀n.

TÈSÀLÒNÌSYƐŊ 5:23

Bɛ̀ll ànɛ a falag fyòoog a tɛɛ̀zi mìni nyimiɗ bee yicèm, fɔɔnnɛ a ɓeŋ rìɓa ɗin ɗicèm ɗi lɛ: rì Nghay win, rì ǹɗem win, rì nyoo yìn, kɛ̀ɛ̀ tìfin ɓisuu rìsugtìì ɗi Kan wìs Yeesus Kiris.

2 TÈSÀLÒNÌSYƐŊ 3:16

Kan ànɛ a falag fyòoog, nnyɛɛ fa mìni fyòoog nyimiɗ ɓyààmɛ̀n ɓìcèm, bee yicèm; Kan a ɓa rì mìni ɓɛ̀sɛ̀ɛ̀ ɓɛ̀cèm.

EBIREEGH 13:20

Bɛ̀ll à fyòoog ànɛ à ghèmzìghày coo mɓèŋì-jɔ̀ɔ̀ ànɛ lɛ Kan wìs Yeesus a ɓìloŋ rì bwaɓ yi riràrɛ̀n ɗi fiɗyàɓ fikɔ̀ɔ̀,