RÒMƐŊ 3:5 - Bafia Nouveau Testament

⁵ Wɔ̀lɛ i ki ri lɛ rìɓa ɗis ɗi tì rì ɓìtɛ̀ŋtɛ̀ŋ ɓi ɓum ɗyɛɛ̀ rèresi ɓi kìtɛɛtɛn lɛ Bɛ̀ll à rì lɛ saaɗ, cɛ tì rì min lɛ tì kpaa? Ti kpaa nya lɛ Bɛ̀ll à rì ɗì kìtɛ̀ŋtɛ̀ŋ di à paàzii rì ɓìsi? Ǹkpaa fɔlɔɔ yɛ̀ɛ ɓum ɓɛ ti ɓɛ kpaaghì.

RÒMƐŊ 3:5 Iomraidhean Croise

RÒMƐŊ 12:19

Mìni ɓɛ̀geni ɓɛ̀m ɓɛ nɗem, kɛ̀ ɓi rɔ̀ŋ kiɓan kin miniì ɓɔmìɗ, kìɓan kifog càrina lɛ Bɛ̀ll a saɗ bim yiì, lɛ ki ri kì kànɛn lɛ: Kan lɛ: Mɛ̀ yɛ̀ɛ ghɛɛ̀sɛɛ rì rɔ̀ŋɗɔ̀ŋ, mɛ̀ yɛ̀ɛ ghɛɛ̀sɛɛɛ kì lèɓi.

RÒMƐŊ 2:5

Kìɓan kifog, rìɓa ɗi ǹɗem wɔɔ wu ri wù tèrɛn, rì yɛ̀ɛ ù kɔ̀ni ɓi lɛ u lɔɔ̀ghrɛn ǹɗem, u taataŋzàg wɛ̀ɛmiɗ coo bim i Bɛ̀ll ɓi nyòò; bim inɛ̀n ì ri rèsɛn ŋwos anɛ Bɛ̀ll à ri sàɗ bim yiì; ŋwos anɛ̀n rìren ɗii ɗi ɓiɓan ɗi ɗi ri lɛ saaɗ ɗi ri yilɛ̀n,

RÒMƐŊ 3:19

Kɔlɛ ɓìsii yii lɛ com kìcèm ki ɓìdɔ̀gsɛna ɓi Bɛ̀ll ɓyɛɛ̀ kpaakpàà, ki ri kì kaliyɛn ɓisuu ɓumɓɛ ɓìdɔ̀gsɛna ɓi lamii, lɛ di mum kɛ̀ɛ ɓa ri kìɓan ki kaliyɛn, rì tì lɛ, di kɛɛ ghɛnɛn lɛ zi bimiɗ ì rì ǹkpìyɛn kiɓan ri Bɛ̀ll.

RÒMƐŊ 3:7

I pwàà wɛ̀m a kìki lɛ saaɗ à Bɛ̀ll a konag kì ghɛnɛɛ, fɔlɔɔ a ɓa ɓisuu rikem ɗii, ɓisuucɛ nnɛ ɓɛ ghɛɛ̀sɛɛ tì mɛ̀ kìyɔ̀mi yɛ̀ɛ ǹkìì-kìɓe?

RÒMƐŊ 4:1

Cɛ kɛɛ̀ki tì rì lɛ tì kpaatì min ɗi Abiraham à seŋi wìs a ǹsɛ̀ɛ̀ ànɛ ɓi mɛ̀mùù? Cɛ kɛɛ̀ki à fɔ̀ngà?

RÒMƐŊ 5:8

Wɔ̀lɛ kìɓan ki Bɛ̀ll a rèsag ǹkɔ̀nɛ̀n wìì ɓi ɓɛg wìs ki ri lɛ: Kiris à wughà ɓisu wis, cààmɛ̀n ki tì ɓaghà di tì kaka ɓɛ̀kìì-kìɓe.

RÒMƐŊ 6:1

Nni ti kpaà min lɛ cɛ? Tì ghɛ̀sɛɛ nya lɛ tì kɛ̀n asu tì ghɛghɛ̀ɓ ɓi kìɓe, lɛ di geesɛ̀n ì Bɛ̀ll yɛ̀ɛ ɓiìsɛn kì tèghɛɛ a lɔ̀ŋkis?

RÒMƐŊ 6:19

Ǹkpaa fɔlɔɔ yɛ̀ɛ ɓum ɓɛ ti ɓɛ kpaaghì ɓisuulɛ, ɓì rì rì ìɓwɛɗ ɓi nyoo; fɛlɛ yɛ̀ɛ ɓì càɗkà ɓìkàɓ ɓin ɓi nyoo lɛ ɓyɛɛ ɓa ɓɛ̀kpàn ɓi rìkì ɗi ɓiɓan ɓi tifin, rì kìɓùùsì, lɛ ɓi ghɛɓ cɛɓ ki ɓùùɓuu, fɔlɔɔ nnɛ càrina ɓyɔ ɓigomìnɛ lɛ ɓyɛɛ ɓa ɓɛ̀kpàn ɓɛ saaɗ di ɓi ghɛɓ cɛɓ ki ki ri kìtɛnɛn.

RÒMƐŊ 7:7

Nni cɛ kɛɛ̀ki tì rì min lɛ tì kpaa? Ɓìdɔ̀gsɛna ɓi ri nya kìɓe? Àg. Ɓi yin kiɓe nsoò lɛsàg, wɔ̀lɛ ɓìdɔ̀gsɛna ɓi kighà lɛ n-yi com ki lɛ kìɓe. Ɓisuulɛ i ɓìdɔ̀gsɛna ɓyɛ̀ kɛɛ̀ kpaa lɛ, kɔ̀ɔ lem com ki mum, mɛ̀ m̀ɓaghà ɓi lɛ ǹ-yi cɛ kɛɛ ri lɛ rìlem ɗi com ki mum.

RÒMƐŊ 8:31

Cɛ tì rì min lɛ tì kpaa ɓi kìɓan kiǹ? I Bɛ̀ll à rì ɓi jɛ̀m yìs ghɛn yɛ̀ɛ ri lɛ à ram lɛ a ɗuù rì ɓìsi?

RÒMƐŊ 9:30

Cɛ tì rì min lɛ tì kpaa? Ti kpaà lɛ ɓumɓɛ ɓɛ yin Ɓɛ̀yudɛ̀n, ɓɛ kɛɛ̀ ki ɓa ɓumɓɛ ɓɛ kaakààghà lɛ ɓɛɛ ɓa lɛ saaɗ ɓi mis mɛ Bɛ̀ll, ɓɛ ti lɛ saaɗ ɓi mis mii lɛ rìgherɛ̀n.

1 KƆ̀RƐ̀ŊTYƐŊ 15:32

I ɓisuu ɓiɓan ɓi mum nyimiɗ yɛɛ ri lɛ à sɛg, innɛ ǹɗùùghà rì nyàm a Efɛɛzɛ, ki ghɛɓsii min mɛ cɛ? I ɓìloŋ ɓyaa ghèmɓɛn ɓi, ti kìkiina lɛ tì ɗi tì nɔ lɛ rìduri tì ɓiì wiì.

1 KƆ̀RƐ̀ŊTYƐŊ 9:8

Ɓìɓan ɓi ǹteri dàɗkì ɓiǹ miì ɓi yin ɓiì ghɛɛghɛnɛ̀n lɔŋ lɛ ɓi cɛɓ ki ɓum kɔrìkɔ, nsoò ɓìdɔ̀gsɛna ɓyɛɛ̀ rèresi girig fɔ̀lɔ̀ɔ̀.

2 KƆ̀RƐ̀ŊTYƐŊ 6:4

Wɔ̀lɛ ɓi ɓìɓan ɓìcèm, ɓìsiì rèresi kɔm̀ lɛ tì rì ɓɛ̀kìì-ɓìsay ɓɛ Bɛ̀ll, ɓi coo rinìɗ ɗi nɗem ɗi tì rì rì ɗyɔ ɓi rìkɛŋ, rì ɓi cɛɓ ki nyìinyìg rì ɓi ɓìɓan ɓi ɓyɛɛ̀ falag iris,

2 KƆ̀RƐ̀ŊTYƐŊ 7:11

Ghɛɛna kɔm̀ ɓìɓan ɓi bim inɛ ɓìi nwoogh yɛ̀ɛ kɛɛ̀ kɔ̀ngi Bɛ̀ll ìi nkìi mìni; ghɛɛna rìkuu ɗi ritɔ̀n ɗi ìi faa mìni, ɗì rìkuu ɗi ɓi kpaakpaàsɛ̀n, ɗì rìkuu ɗi ǹ-yeesɛ̀n ɗi ɓì rì rì ɗyɔ ɓi mɛ̀rem, rìkuu ɗi kiɗyɔn ɗi ɓì rèsii, rì coo zày ìnɛ lɛ di ɓyàa ghɛɛ̀dii mɛ̀, ghɛɛna ɓà coo rifalɛ̀n ɗi ɓì ti rì ɗyɔ, rì coo rikɔ̀n ɗi lɛ ɓi pɔnɔsi kìɓe. Ɓìi nɗèsii zàɓ yi aɗyoo yìcèm lɛ ɓìi n-yisɛɛ ɓi ri kìɓan kiǹ.

GÀLAT 2:18

I ǹtumɛɛ tì rìtoŋ ɗi ɓyom ɓi ǹwààghà, di ǹɗèsii lɛ ǹɗì ŋwaànɛ à yin ɓiì nɔ̀ɔnɔɔ̀tì ɓìdɔ̀gsɛna.

GÀLAT 3:15

Ɓɔɔsoŋ̀, nteɗ mìni dàɗkì rì ɓìɓan ɓi ɓyɛɛ̀ kìikilɛ̀n ɓi rìghɛghɛ̀ɓ ɗi ɓum; i mum à reɓsaagh ɓìɓan ɓii syeesyee à rìreɓsàg di à ka wu ɓi, ŋwaàdɛŋ à yin lɛ à ɓa rì com ki pisiyɛn, nsoò ki fɔŋdiyɛn ɓi ɓìɓan ɓiǹ.

ÀPÒKÀLIƁSƐ̀ 15:3

Ɓɛ kɛkɛ̀ɛ̀gh lɛ rì fyem fi Moyis ànɛ à rì ǹkìì-kìsay a Bɛ̀ll, rì fi Man à jɔ̀ɔ̀, lɛ Kan Bɛ̀ll à ìtèɗ wucèm, mɛ̀kìkìì mɔɔ mɛ kii lɛ, mɛ teghɛ̀n, mɛ ki ɓa com ki kuurakɛn! Rifòm ɗi ɓilɔ̀ŋ ɓìcèm, bee yɔɔ yi ri lɛ saaɗ, yi ki ɓa ɓɛkɔɔ̀kɔɔ̀ ɓɛ bee.

ÀPÒKÀLIƁSƐ̀ 18:20

Wɔ̀ ɗyoo, ù rì lɛ ù sàmsàm ɓi rìɗyaŋ ɗi bàn ìnɛn ì ɗyaŋi, rì mìni ɓɛ̀gherɛ̀n, rì ɓɛ̀kɛ̀nì-fìtom rì ɓɛ̀kpaŋzì-ɓìɓan girig, ɓisuulɛ Bɛ̀ll à rɔ̀ŋi kìɓan kin yɛ̀ɛ à pɔnɔsii yɔ̀.