RÒMƐŊ 2:8 - Bafia Nouveau Testament

⁸ Wɔ̀lɛ ɓɛ̀roɓɛ ɓɛ ti ɓɛ kilàg nyi ǹtoòtèɗ, ɓɛ̀ kɛɛ̀ kɔ̀n lɛ ɓɛɛ wog com ki saaɗ a kakàlì, lɔŋ kìtɛ̀ŋtɛ̀ŋ kɛɛ̀ki ɓɔɔ nɔɔ̀nɔ̀ɔ̀tì, Bɛ̀ll à rèsì ɓɔ lɛ, rì bim yiì, ɗì rìbaŋì ɗii.

RÒMƐŊ 2:8 Iomraidhean Croise

RÒMƐŊ 1:18

Bim i Bɛ̀ll ì ti ì rèsàg yì aɗyoo ɓisuu kiɓe kicèm, rì kìtɛ̀ŋtɛ̀ŋ kicèm ɓi ɓum ɓɛ ri rì ɓyɔ, ɓyɛɛ ɓanɓani saaɗ ɓi rìkpàn ɓi zɛ̀ɗ aɗyòò;

RÒMƐŊ 10:16

Wɔ̀lɛ ɓɛ̀sɛ̀ɛ̀ ɓɛ̀cèm ɓɛ ghaɓkà ɓi Syeesyee à Ɓɔlɛ, kìɓan kiǹ kɛɛ̀ki Ezayii a kpaaghi lɛ: Kan! Ghɛn yɛɛ gherɛ̀ngà com ki tì lààlàmɓɛ̀ngà?

RÒMƐŊ 15:18

Ɓisuulɛ ǹ-yin lɛ ǹfèg kìɓùŋi kìɓan kidɛŋ ki ki yin ki Kiris yɛɛ kighà di à faa mɛ̀ ìtèɗ wulɛ nki, lɛ di a syoŋ yì ɓumɓɛ ɓɛ yin Ɓɛ̀yudɛ̀n lɛ ɓɛɛ ki Bɛ̀ll mɛ̀wog. À kìghà kìɓan kiǹ lɛ rì ɓi ɓìtòkì, rì ɓi ɓìɓan ɓi à kìkìghà,

RÒMƐŊ 6:17

Bɛ̀ll a teɗ rìkem, lɛ mìni ɓɛ ɓì ka ɓaghà ɓɛ̀kpàn ɓɛ kiɓe, ɓigomìnɛ, mìni yɛ̀ɛ mɛ nɔ̀ɔ̀ti ri nɗem win wucèm, deɓ yi ɓi rìrèsàg ɗi ɓì tekà.

RÒMƐŊ 9:22

Bɛ̀ll à kɔ̀ngà lɛ a resi bim yiì à ki kì lɛ ɓum ɓɛɛ yi ìtèɗ wii. Kìɓan kiǹ kɛɛ̀ki, rì coo riɓìɓ ɗi nɗem, à cenɛ̀ngà ɓumɓɛ à ghɛ̀ɛ̀sɛ̀ngà kì woògh bim ri ɓɔ, lɛ ɓɛ ɓaghà di ɓɛ ti ɓi nɗɛli wu ki ghɛ̀ɛ̀sɛ̀ngà lɛ a cuùsi ɓɔ.

1 KƆ̀RƐ̀ŊTYƐŊ 11:16

Wɔ̀lɛ i mum à kɔ̀ni ɓi lɛ a nyolɛn ɓi kìɓan kiǹ, à ghɛ̀ɛ̀sɛɛ kì yiì lɛ ɓìsii yin ɗi kìsyɔ̀ɔ̀ kiǹ, nsoò ɓìseŋi ɓi Bɛ̀ll ɓi yin girig rì kɔ.

2 KƆ̀RƐ̀ŊTYƐŊ 12:20

Ɓisuulɛ ǹɗì rì mɛ̀riighrikì lɛ yɛ̀ɛ nkpaŋkpaŋ foo, kɛ̀ɛ mɓa lɛ, ǹtanɛ̀n mìni di ɓì yin ɓi nɗɛli wu nkɔ̀nkɔn lɛ ɓi ɓa miì. Nsoò lɛ mìni girig ɓì ghɛn mɛ̀ ɓi rìɓa ɗi ɗyɛ̀ kɛɛ̀ rɔɔ mini; fɔɔnnɛ nɗirisi lɛ: kɛ̀ ɓi ɓa ɓi ɓɛ̀paàzì, rì yɔ̀ɔ̀tì, rì kìnyɛn, rì tìkaŋ ti mɛkɔ̀ɔ̀, rì mɛ̀wɔ̀wɔrì, rì ɓɛ̀ɓɔlɛ, rì kalɛn, rì kìɓùùsì.

GÀLAT 5:20

rìɓɔgsì ɗi ɓinùn, majìg, bènà, momɓɛ̀n, m̀mììghrɛ̀n, rìbiìbìmɓɛ̀n, tìkaŋ ti mɛkɔ̀ɔ̀, ǹlànag rì ǹɗèè wu nɗem.

FÌLÌPYƐŊ 1:17

Ɓɛ̀ro ɓɛm̀bog ɓɛ yin ɓiì làalam̀ɓɛ̀n Kiris rì ǹɗem wu sɛɛghi sɛɛghi, ɓɛɛ̀ kìki kisay kiǹ rì ǹɗem wulɛ ɓɛ ri ɓi nlog, ɓɛ fekì lɛ, ɓɛɛ̀ foofoŋdì mɛ̀ ǹtɔɓ ɓi naà-zày ìnɛ ǹɗì miì.

FÌLÌPYƐŊ 2:3

Kɛ̀ ɓi kì kiɓan kidɛŋ rì ǹɗem wu kalɛn nsoò lɛ ɓisuu rikem ɗi kɛ̀ɛ̀-su. Wɔ̀lɛ sɛɛ̀dɛɛna mìniìɓɔmiɗ ɓi zi, ɓì teɗ ɓum ɓɛmbog fɛlɛ yɛ̀ɛ ɓɛ ceeghii mìni.

2 TÈSÀLÒNÌSYƐŊ 1:8

ɓi nɗòò wu ɗuu, lɛ a pɔnɔsi lɛ, rì ɓumɓɛ ɓɛ yii ɓi Bɛ̀ll, rì ɓɛ̀roɓɛ ɓɛ ti ɓɛ̀ kɛɛ̀ wog rikpaa ɗi Syeesyee à Ɓɔlɛ à Kan wìs Yeesus.

Kaàtà ànɛ Pol à kàngà TIT 3:9

Kìɓan kifog, lɛgha nyoey yi kɛ̀ɛ̀-su ɗì rìɓààɓààsì ɗi boo, rì ɓɛsaaka, rì rìkààkàdàg ɓi kìɓan ki ɓidɔ̀gsɛna, ɓìɓan ɓiǹ ɓìcèm ɓi ghɛɓsii ɓi, ɓyɛ̀ kɛɛ̀ ki ɓa com.

EBIREEGH 10:27

Tì rì ɓiì rɔ̀ɓi lɔŋ lɛ ti ɓoŋɓoŋ lɛ rì ɓɛ̀yɔ̀m ɓɛ Bɛ̀ll, rì ɗuu ɗi ɗi ghɛɛ̀sɛɛ kì ɗigsii ɓumɓɛ ɓɛɛ̀ kìki Bɛ̀ll ǹtoòtèɗ ri coo iris ɓi nɗem.

EBIREEGH 11:8

Lɛ rìgherɛ̀n innɛ Abiraham à kìghà Bɛ̀ll mɛ̀wog yɛ̀ɛ à reŋìghà nyi, à pɛ̀sɛ̀n ɓi kìlɔ̀ŋ kii lɛ à kɛ̀ɛ ɓi jàŋ inɛ Bɛ̀ll à rì nyi ɓiì faà. À kɛ̀ngà fɔlɔɔ kɛ̀ɛ yi jàŋ inɛ à kɛ̀ɛ.

EBIREEGH 5:9

fɔɔnnɛ à ɓaghà lɛ à mɛ teŋzi nyi ɓi nɗɛli wu kɛ̀ɛ ɓa ti ri kìɓan ki ɓɛ fen a lɔ̀ŋkii, nni à ghalà ǹfaà ɓum ɓɛ̀cèm ɓɛ ɓɛ woogh nyi, gòri ì fiɗyàɓ fikɔ̀ɔ̀,

ZYAG 3:14

Wɔ̀lɛ i ɓì rì rì m̀mììghrɛ̀n à m̀ɓeɓtɛn, rì nɗem wu yàaka, kɛ̀ ɓi saasanɛ̀n, nsoò lɛ ɓì kìkì ɓɛ̀pwàà ɓɛ ɓɛ wuɓsɛɛ ɓi saaɗ.

ZYAG 3:16

Ɓisuulɛ jàŋ bimiɗ ìnɛ m̀mììghrɛ̀n rì nɗem wu yàaka ɓi ri, kìɓùùsì rì ɓìɓeɓtàg ɓi ɓiɓan mɛkuu mɛ̀cèm ɓi ti ɓi ghɛnàg wɔɔ.

1 PYƐƐRI 3:1

Nsoò mìni ɓɛ̀yiɓ, ɓaana girig rì mɛ̀wog, giɓ bimiɗ a wog yii wiì, di fɔɔnnɛ kɛɛ ɓa lɛ i ɓɛ̀baŋì ɓɛdɛŋ ɓɛ gherɛɛ ɓi jɛ̀ɛ̀ ì Bɛ̀ll, rìkuu ɗi cɛɓ ɗi ɓɛ̀yiɓ ɓaa ɓɛɛ̀ ghɛghɛɓ ri ɓɔ ɗyɛɛ ghɛɛ̀sɛɛ ɓɔ kìsyòŋi ɓi rìgherɛ̀n nsoò mum àa tòòghrɛɛ ɓi ri ɓɔ.

1 PYƐƐRI 4:17

Ɓisuulɛ cààmɛ̀n ki ɓɛyɔ̀m ki kpaŋi, nni ɓɛ̀yɔ̀m ɓɛǹ ɓɛ tumɛɛ ɓi naa ì ɓum ɓɛ Bɛ̀ll. I ɓi ɓìsi nnɛ ɓɛ̀yɔ̀m ɓɛ tumɛɛ, rìsyɔn ɗi ɓumɓɛ ɓɛ ti ɓɛ ɓengì kì gherɛɛ Syeesyee à Ɓɔlɛ ɗi ri ɓa là?

ÀPÒKÀLIƁSƐ̀ 14:10

di à rì girig ɓiì nɔɔ̀ mɛ̀rɔ̀g mɛ ribaŋì ɗi Bɛ̀ll, mɛ mɛ ri mɛ̀ɓèniyɛn ɓi ɓeŋ à bim yiì, mɛ̀ kɛɛ̀ ɓa mɛ ɓùtɛn ɗi com kidɛŋ; à ki rì ɓiì wowoogh ntɔɓ ɓi ɗuu, rì ɓi ǹdùsi, ɓi mis mɛ ɓum ɓɛ titom ɓɛ ɓɛ ri ɓɛ̀tɛnɛn, rì ɓi mis mɛ Man à jɔ̀ɔ̀.

ÀPÒKÀLIƁSƐ̀ 16:19

Bàn ìgwey i lànɛ̀ngà ɓìlànà ɓiraa, bàn yi ɓilɔ̀ŋ ɓimbog ɓìcèm yi waàrɛ̀n, Bɛ̀ll à yitì Baɓilon àgwey lɛ a nɔsi nyi ɓeŋ à mɛ̀rɔ̀g mɛ ɓi coo bim yiì.