RÒMƐŊ 2:5 - Bafia Nouveau Testament

⁵ Kìɓan kifog, rìɓa ɗi ǹɗem wɔɔ wu ri wù tèrɛn, rì yɛ̀ɛ ù kɔ̀ni ɓi lɛ u lɔɔ̀ghrɛn ǹɗem, u taataŋzàg wɛ̀ɛmiɗ coo bim i Bɛ̀ll ɓi nyòò; bim inɛ̀n ì ri rèsɛn ŋwos anɛ Bɛ̀ll à ri sàɗ bim yiì; ŋwos anɛ̀n rìren ɗii ɗi ɓiɓan ɗi ɗi ri lɛ saaɗ ɗi ri yilɛ̀n,

RÒMƐŊ 2:5 Iomraidhean Croise

RÒMƐŊ 1:18

Bim i Bɛ̀ll ì ti ì rèsàg yì aɗyoo ɓisuu kiɓe kicèm, rì kìtɛ̀ŋtɛ̀ŋ kicèm ɓi ɓum ɓɛ ri rì ɓyɔ, ɓyɛɛ ɓanɓani saaɗ ɓi rìkpàn ɓi zɛ̀ɗ aɗyòò;

RÒMƐŊ 11:25

Ɓɔɔsoŋ̀, kìɓan kidɛŋ ki a rìnyam ki ri wɔɔ, kɛɛ̀ki ǹkɔ̀ni ɓi lɛ ɓi comɛn lɛ ɓì ɓiì ki ghɛnɛɛ miniì ɓɔmiɗ yɛ̀ɛ ɓum ɓɛ ɗyom̀zɛ̀n; kìɓan kiǹ kɛɛ ri lɛ, gàɓ ì ɓum ìnɛ a Isirayɛl ì yiìdi ri ìtèɗ wulɛ ì wog, wɔ̀lɛ kìɓan kiǹ ki ri ɓiì finɛɛ à kpaŋ yɛ̀ɛ ɓìlɔ̀ŋ ɓimbog ɓi ɓi yin Ɓɛ̀yudɛ̀n ɓìcèm ɓi ɓiì ɗiŋii ɓi gòri ì Bɛ̀ll.

RÒMƐŊ 9:22

Bɛ̀ll à kɔ̀ngà lɛ a resi bim yiì à ki kì lɛ ɓum ɓɛɛ yi ìtèɗ wii. Kìɓan kiǹ kɛɛ̀ki, rì coo riɓìɓ ɗi nɗem, à cenɛ̀ngà ɓumɓɛ à ghɛ̀ɛ̀sɛ̀ngà kì woògh bim ri ɓɔ, lɛ ɓɛ ɓaghà di ɓɛ ti ɓi nɗɛli wu ki ghɛ̀ɛ̀sɛ̀ngà lɛ a cuùsi ɓɔ.

2 KƆ̀RƐ̀ŊTYƐŊ 5:10

Ɓisuulɛ ɓìsi ɓɛ̀sɛ̀ɛ̀ ɓɛ̀cèm, tì ghɛ̀ɛ̀sɛɛ kì rɛlii ɓi mis mɛ Kiris lɛ a yɔm̀ ɓìsi, fɔlɔɔ nnɛ mum ǹcèm à ɓiì terì mɛ̀lèɓ mɛ mɛ ghɛɛ̀sɛɛ rì nyi, ɓi ɓìɓan ɓi à kìghà, nsoò ɓi syeesyee nsoò ɓi ɓeɓtɛn cààmɛ̀n ki à ɓaghà di a ka ghɛghɛɓ ɓi nyoo ì mɛ̀mùù.

2 TÈSÀLÒNÌSYƐŊ 1:5

Kìɓan kiǹ kɛɛ̀ rèresi lɛ, Bɛ̀ll à ti à yɔ̀mgì ɓum yɛ̀ɛ saaɗ à rì. Fɔlɔɔ yɛɛ ɓiì kìi lɛ ɓi ɓa ɓumɓɛ ɓɛ ghɛɛ̀sɛɛ kì terì kìlɔ̀ŋ ki Bɛ̀ll ki ɓi wuwu mɛtɔɓ miì.

EBIREEGH 3:13

Kìɓan kifog, reerèɓɓɛɛna ɓɛ̀ŋwos ɓɛ̀cèm à kpaŋ cààmɛ̀n kìcèm ki ɓɛ ri lɛ ɓɛ kalì lɛ gɛɛ̀nɛ, di fɔɔnnɛ kìbog ki ɓi mìni kɛ̀ kɛɛ̀ càrɛn lɛ nɗem wii wɛɛ teɗ ɓiɗùm di kìɓe kaa yègsi nyi.

EBIREEGH 3:15

Lɔŋ yɛ̀ɛ ki ri kìkaliyɛn lɛ: I ɓì woogh jɛ̀ɛ̀ yìì gɛɛ̀nɛ, kɛ̀ ɓi tèèsi mɛrem fɛlɛ yɛ̀ɛ ɗi ɓì kìghà nyi ǹtoòtèɗ.

EBIREEGH 4:7

fɔɔnnɛ Bɛ̀ll à mɛ rɛsi ti bimiɗ à ŋwos adɛŋ lɛ: Gɛɛ̀nɛ, yɛ̀ɛ à kpaaghà ɓi ŋwɔm wu Davit di cààmɛ̀n kaa ghaàgh lɛɛ̀gwey ɓi jàŋ inɛ tyàa mɛ wog lɛ: Gɛɛ̀nɛ, i ɓì woogh jɛ̀ɛ̀ yìì. Kɛ̀ ɓi tèèsi mɛrem.

ZYAG 5:3

gol yìn rì mɔ̀ɔ̀ni min ɓi ri rì geègee; geègee yiǹ yi ri wusìnɛ̀ɗ ànɛ à rì mìni ɓiì pyèni mis, à tɔ̀ngì mìni yɛ̀ɛ ɗuu. Ɓìi nɗɛ̀ŋi kì taŋzaagh ìkum ɓi mɛ̀ru mɛ siitòn mɛ.

2 PYƐƐRI 2:9

Fɔlɔɔ a rèsii lɛ Kan à yii rìghɛɓsì ɗi ɓumɓɛ ɓɛ falɛɛ ɓi rìgherɛ̀n di ɓɛ ri ɓi mɛ̀fèèghrɛn, à ki ɓoŋzag ɓiɓeɓtàg ɓi ɓum lɛ ɓyɛɛ ɓoŋ yɛ̀ɛ à rì ɓyɔ ɓiì pɔnɔsii ŋwosi ɓɛyɔ̀m ɓii.

2 PYƐƐRI 3:7

Kìɓan kifog, ɗyoo rì zi ɓi tì seesee ɓi gɛɛ̀nɛ, ɓi ri ɓyom ɓi jɛ̀ɛ̀ ì Bɛ̀ll yɔ̀miɗ inɛ̀n yɛ̀ɛ ɓèŋɓèŋ lɛ ɗuu ɗi ri ɓyɔ ɓiì yogsii ŋwos anɛ ɓɛ ri yɔ̀mi gɛ ɓɛ̀kìì-kìɓe, ɓɛ cuusì ɓɔ.

ZYUUDƐ 1:6

Ɓum ɓɛ titom ɓɛ ɓɛ ɓegà ɓi rigwey ɗi Bɛ̀ll à rɛsìghà ɓɔ miì, kìɓan kifog ɓɛ pɛsɛ̀n ɓi-kɔ̀ɔ̀ wu wu ɓaghà wuŋkaa, Bɛ̀ll a maà ɓèŋɓèŋ ɓɔ ɓɛ̀kàgakɛn ɓi mɛ̀sɛ̀ŋi cààmɛ̀n kìcèm ɓi birìm ɓiɗùm ɓɛ ɓoŋɓòŋ coo gòn i ɓɛ̀yɔ̀m.

ÀPÒKÀLIƁSƐ̀ 2:21

Ǹfaghà nyi cààmɛ̀n ki lɛ a lɔɔghrɛn ǹɗem, kìɓan kifog à kɔ̀ni ɓi lɛ di àa lɔ̀ɔ̀ghrɛɛ nɗem lɛ a caɗ ɓìɓan ɓi tifin ɓi a kìkì.

ÀPÒKÀLIƁSƐ̀ 6:17

ɓisuulɛ coo ŋwos a rìbaŋì ɗyaa a mɛ kpaŋ, nni ghɛn yɛɛ ri ɓiì cenɛɛ?