RÒMƐŊ 2:12 - Bafia Nouveau Testament

¹² Ɓum ɓɛ̀cèm ɓɛ ɓɛ kighà kìɓe, ɓɛ̀ kɛɛ̀ yi ɓidɔ̀gsɛna ɓi Bɛ̀ll à faghà Moyis, ɓɛ ɓiì cuù kɛ̀ɛ̀ ɓìdɔ̀gsɛna ɓincèm. Ɓɛ̀sɛ̀ɛ̀ ɓɛ̀cèm ɓɛ ɓɛ kighà kìɓe di ɓɛ ti rì ɓìdɔ̀gsɛna, ɓɛ ri ɓɔ ɓiì yɔ̀mi ri ɓìdɔ̀gsɛna ɓyɔm̀ ɓiǹ.

RÒMƐŊ 2:12 Iomraidhean Croise

MATYOO 11:22

Kìɓan kiǹ kɛɛ̀ki ǹkpaa mìni lɛ, ŋwosi ɓɛyɔ̀m ɓɛ Bɛ̀ll kìɓan ki, ɓumɓɛ a Tiir rì ɓɛ a Sidɔŋ ki nyɛni gɛ ɓi à kpaŋ yɛ̀ɛ kiŋkìn.

MATYOO 11:24

Kìɓan kiǹ kɛɛ̀ki ǹkalii wɔ̀ lɛ, ŋwosi ɓɛyɔ̀m ɓɛ Bɛ̀ll, kìɓan ki ɓumɓɛ a Sɔdɔm ki nyɛni gɛ ɓi yɛ̀ɛ ki ɓumɓɛ a lɔ̀ŋkɔɔ.

ZYAŊ 19:11

Yeesus à ɓàg lɛ: Ù ɓaghà ɓi lɛ, ù ɓa rì ìtèɗ wulɛ, ù kì mɛ̀ com di Bɛ̀ll à faghà ɓi wɔ wɔ. Kìɓan kiǹ kɛɛ̀ki mum ànɛ à kàɓi mɛ̀ rì wɔ̀, à kìi kìɓe ki ki cee.

MƐ̀KÌKÌÌ MƐ ƁƐKƐ̀NÌ-FÌTOM 2:23

Yeesus ànɛn innɛ ɓɛ nkàɓi lɔŋ yɛ̀ɛ ki ɓaghà kìkaliyɛn, lɔŋ yɛɛ̀ Bɛ̀ll à fèkà ɓi coo ɗyomzɛ̀n ɗii, nyi nnɛ ɓìi nkpani ɓi kɔrɔs aɗyoo, ɓì ki fa nyi rì ɓɛ̀kìì-kìɓe lɛ ɓɛɛ wey.

RÒMƐŊ 1:32

Nsoò yɛ̀ɛ ɓɛ yii lɛ Bɛ̀ll à rengà lɛ ɓumɓɛ ɓɛɛ̀ kìki mɛkuu mɛ ɓiɓan mɛǹ, ɓɛ ghɛɛ̀sɛɛ dì rìwu, ɓɔɔ kɛnkɛ̀n lɔŋ asu ɓɛ kikì ɓyɔ, ɓɛ̀ kɛɛ̀ ki sugtɛn foo, ɓɛ kɛɛ̀dì asu ɓɛ sɛsɛ̀g ɓumɓɛ ɓɛɛ̀ kìki girig ɓìɓan ɓi fɔ̀lɔ̀ɔ̀.

RÒMƐŊ 4:15

Ɓisuulɛ ɓìdɔ̀gsɛna ɓi ti ɓi syogàg yì bim i Bɛ̀ll, rì tì lɛ mum à yin lɛ à kpì kìdɔ̀gsɛna jàŋ inɛ ɓìdɔ̀gsɛna ɓi yin.

RÒMƐŊ 8:3

Bɛ̀ll à kìghà com ki ɓìdɔ̀gsɛna ɓi ɓaghà ɓi ri ìtèɗ wulɛ ɓi ki, ɓisuulɛ rìɓa ɗis ɗi ɓi mɛ̀mùù ɗi kighà lɛ ɓyɛ̀ kɛɛ̀ ɓa ri ìtèɗ, à rèsìghà lɛ kìɓe ki ɓeɓtɛɛ ɓi nyoo ì mɛ̀mùù, yɛ̀ɛ à romgày Man wiì à nyimiɗ, Man ànɛ̀n à teɗ nyoo ìnɛ ì rì com kìfog rì nyoo ì ɓɛ̀kìì-kìɓe, lɛ a yu kì pisii kiɓè.

1 KƆ̀RƐ̀ŊTYƐŊ 9:21

Cààmɛ̀n ki ǹɗì rì ɓumɓɛ ɓɛ ri kɛ̀ɛ̀ ɓìdɔ̀gsɛna ǹghɛɓ rì ɓɔ yɛ̀ɛ ŋwaànɛ à rì kɛ̀ɛ̀ ɓìdɔ̀gsɛna lɛ di nsyoŋ ɓɔ; fɔlɔɔ kɛ̀ɛ ki rèsi lɛ ǹɗì kɛ̀ɛ̀ ɓìdɔ̀gsɛna ɓi Bɛ̀ll ɓisuulɛ mɓèŋɓeŋ ɓidɔ̀gsɛna ɓi Kiris.

GÀLAT 3:10

Lɛ ɓum ɓɛ̀cèm ɓɛ ɓɛ saghii ǹto rì rìɓèŋ ɗi ɓidɔ̀gsɛna, ɓɛ ti ɓi ncɛ̀m ɓi ɗùm ɓisuulɛ ki ri kì kànɛn lɛ: Ŋwaànɛ à ɓèŋi ɓi ɓiɓan ɓìcèm ɓi ɓi ri ɓì kànɛn ɓi kaàtà à ɓìdɔ̀gsɛna, kɛ̀ɛ kì yɛ̀ɛ ɓyɛɛ̀ kpaakpàà, à ghɛ̀ɛ̀sɛɛ kì terì ǹcɛ̀m.

GÀLAT 3:22

Kìɓan kifog kaàtà à Bɛ̀ll a rèsag lɛ, ɓyom ɓìcèm ɓi ri ɓi rìkpàn ɗi kiɓe, lɛ di ǹkàg wu Bɛ̀ll à faghà wɛɛ ron ɓi san ànɛ a ɓɛ̀gherɛ̀n lɛ rìgherɛ̀n ɗi ɓɛ gherɛɛ Yeesus Kiris.

ZYAG 2:10

Ɓisuulɛ mum ǹcèm ànɛ à ɓèŋi ɓìdɔ̀gsɛna ɓìcèm, kìɓan kifog à yogsì lɔŋ kidɔ̀gsɛna kifog a yi lɛ à ti rì zɛ̀ɗ ɓi san ànɛ a ɓìdɔ̀gsɛna ɓìcèm.