RÒMƐŊ 16:2 - Bafia Nouveau Testament

² Ghàɓina nyi ɓi ɗii ɗi Kan lèg ànɛ yɛ̀ɛ ɓɛ̀gherɛ̀n ɓɛ ghɛɛ̀sɛɛ kì kìlaagh, ɓì ki ghɛɛghɛɓsì nyi ɓi ɓìɓan ɓìcèm ɓi à rì lɛ à ɓa rì zày ìnɛ lɛ ɓi ghɛɓsi nyi miì, ɓisuulɛ, nyimiɗ a mɛ ghɛɓsi ɓum lɛɛ̀gwey, nsoò mɛ̀ɛmiɗ anɛ.

RÒMƐŊ 16:2 Iomraidhean Croise

MATYOO 25:40

Nni rìfòm ɗi pɛɛ̀zii gɛ ɓɔ lɛ: Ǹkalii mìni ɓi saaɗ lɛ, cààmɛ̀n kìcèm ki ɓì kìghà kìbog ki ɓi ɓɔɔ ɓɔɓti ɓɛ ɓɛ rì ɓɛ̀geni ɓɛ̀m fɔlɔɔ, mɛ̀ innɛ ɓi kìghà lɔɔ.

MƐ̀KÌKÌÌ MƐ ƁƐKƐ̀NÌ-FÌTOM 9:13

Ananyas à ɓàg lɛ: Kan, m̀mɛ wog di ɓum lɛɛ̀gwey ɓɛɛ sɛsɛg rigɛn ɗi ŋwaànɛ̀n àa nkìi ɓɛ̀gherɛ̀n ɓɛ a Yorisalɛm.

MƐ̀KÌKÌÌ MƐ ƁƐKƐ̀NÌ-FÌTOM 9:15

Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl.

MƐ̀KÌKÌÌ MƐ ƁƐKƐ̀NÌ-FÌTOM 9:36

Giɓ adɛŋ yɛɛ ɓaghà ǹgherɛ̀n a Zyope ɗii lɛ Taɓita yɛɛ lɔɔ lɛ Dorikas; à kìkìghà kìrɔɔ lɛɛ̀gwey à ki ghɛɛghɛɓsì ɓum ɓɛ nyìighnyìg.

MƐ̀KÌKÌÌ MƐ ƁƐKƐ̀NÌ-FÌTOM 9:39

Fɔɔnnɛ à pɛ̀sɛ̀ngà, à kɛ̀ɛ̀zɛ̀n ɗì ɓɔ. Yɛ̀ɛ à kpagà wɔɔ, ɓɛ ɓɔg ɗì nyi ɓi kìden ki naa ki ɓi mɛɛ aɗyoo, mɛ̀kpɔɓ mɛcèm mɛ tyoŋdɛ̀n nyi a nyoo di mɛɛ̀ rènɗèn ɓɛ rerèsì nyi lɛ, rì bùɓa rì ɓɛ̀kàɓà ɓɛ Dorikas à raràɗkà di à kaka cem.

MƐ̀KÌKÌÌ MƐ ƁƐKƐ̀NÌ-FÌTOM 9:41

Pyɛɛri à ɓan nyi ɓi càg, à pɛ̀sì nyi mɛ̀rɛy. À regìì min lɛ, rì ɓɛ̀gherɛ̀n rì mɛ̀kpɔɓ, à rèsì ɓɔ nyi, ɓɛ ghɛn lɛ à ti cem.

RÒMƐŊ 15:7

Fɔɔnnɛ ghàaghàɓɓɛɛna mìni rì mìni rì syeesyee à nɗem fɛlɛ yɛ̀ɛ Kiris à ghàɓkà mìni ɓisuu rikem ɗi Bɛ̀ll.

RÒMƐŊ 16:15

Ɓì tɔkì Filoloogɛ, rì Zyuli, rì Neree ɓɛɛ̀ geni à giɓ, rì Olɛmpas, rì ɓɛ̀gherɛ̀n ɓɛ̀cèm ɓɛ ɓɛ ri ǹɗaŋ ri ɓɔ.

RÒMƐŊ 16:23

Gayus ànɛ ǹkɔ̀kɔrii a mɛɛ mii, ànɛ kìseŋi kìcèm ki ti ki taŋzàg a mɛɛ mii a tògsii mìni; Erast ànɛ à rì baŋ-masà ànɛ ɓi bàn, rì geni wìs anɛ ɓi rìgherɛ̀n ànɛ lɛ Karitus, ɓɛ togsii mìni.

RÒMƐŊ 16:6

Ɓì tɔkì Marii ànɛ à tekàkà mɛ̀tɔɓ lɛɛ̀gwey ɓisu win.

RÒMƐŊ 16:9

Ɓì tɔkì mɛ̀ Uriɓɛŋ reŋkaŋ̀ wìs anɛ ɓi kìsay ki Kiris, rì Sitakis à mum wɛm̀ à ǹɗem.

EFÈZYƐŊ 5:3

Tìsɔ̀mɔ̀g, rì ɓìɓan ɓi tifin mɛkuu mɛ̀cèm, rì zày ì ìkum, ɓì ghɛ̀ɛ̀sɛɛ ɓi lɛ ɓi ɓuŋɗɛ̀n nsoò m̀ɓùŋɗɛn ɓi nyìinyìm wìn, lɛ fɔlɔɔ yɛɛ ghɛɛ̀sɛɛ rì ɓum ɓɛ Bɛ̀ll.

FÌLÌPYƐŊ 1:27

Kìɓan kifog, ghɛɓina rìkuu ɗi cɛɓ ɗi ɗi ghɛɛ̀sɛɛ rì Syeesyee a Ɓɔlɛ à Kiris ɓi lèg ànɛ lɛ nsoò màa yùu mìni kì ghɛɛ̀, nsoò lɛ màa rì mìni fìràɓ, ǹghɛ̀ɛ̀sɛɛ kì woògh lɛ ɓum ɓɛɛ̀ kpaakpaa lɛ: Ɓì rì lɔŋ ɓɛsììrɛn, ɓì ɓa ɓɛ̀fèg ɓɛ̀fog, ɓi ki ɗùùɗuu nɗem wùfog ɓisuu ǹtyweeyi wu wu ri ɓi Syeesyee à Ɓɔlɛ.

FÌLÌPYƐŊ 2:29

Ɓì ghɛ̀ɛ̀sɛɛ min lɛ ɓì ghàɓ nyi rì kɔɔ̀kɔɔ̀ à kìnyàà ànɛ ɓi Kan ɓi ɗùm, ɓì ki nyaasag rikuu ɗi ɓum ɗi yɛ̀ɛ nyi.

KÒLÒSYƐŊ 4:10

Aristarikɛ ànɛ à rì ɓi naà-zày rì mɛ̀ à tògsii yì mìni, nsoò Marikus ànɛ ɓɛ ri ɓɔn rì ɓɔn ɓɛɛ̀ Ɓarinaɓas. Marikus ànɛ̀n innɛ tì mɛ kpaa mini lɛ i à yùu foo a lɔ̀ŋkin, ɓì ghàɓ nyi lɛ syeesyee.

TIMOTE 2:10

Lɔŋ ɓìɓan ɓi syeesyee ɓi ɓɛɛ̀ kìkì, ɓyɛɛ ghɛɛ̀sɛɛ kì ɓaà mɛ̀rɛ̀ŋ maa, lɛ fɔlɔɔ yɛɛ ghɛɛ̀sɛɛ rì ɓɛ̀yiɓ ɓɛ ɓɛɛ̀ nɔ̀ɔnɔɔ̀tì rìgherɛ̀n.

2 TIMOTE 1:18

Kan à ghɛ̀ɛ̀sɛɛ kì kìi lɛ Bɛ̀ll a resi nyi kìrɔɔ-ǹɗem wìì ŋwos anɛ̀n. Ɓìsay ɓìcèm ɓi Onezifɔɔr à kìghà mɛ̀ a Efɛɛzɛ, wɔ̀ yɛɛ raŋ̀zii ɓyɔ kì yiì ù cee ɓum ɓɛ̀cèm.

Kaàtà ànɛ Pol à kàngà TIT 2:3

Ù kpaa ɓɛ̀sɛ̀ɛ̀mɛn ɓɛ ɓɛ̀yiɓ lɛ ɓɛ ghɛɛ̀sɛɛ girig kì ɓaà rì cɛɓ ki ɓum ɓɛ ri lɛ ɓɛ ghɛn lɛ ki ri cɛɓ ki ɓɛgherɛ̀n, ɓɛ̀ kɛɛ̀ ɓa ri mɛ̀wɔ̀wɔrì, ɓɛ̀ kɛɛ̀ ɓa ɓɛkpàn ɓɛ mɛrɔ̀g, ɓɛ ghɛɛ̀sɛɛ kìfafaa ɓɛsyeesyee ɓɛ deɓ,

FILEMƆŊ 1:12

M̀pɛ̀ɛ̀zii yì wɔ̀ nyi kìromìì; nyii ri fɛlɛ yɛ̀ɛ kìkàɓ kɛm̀ ki nyoo kidɛŋ.

FILEMƆŊ 1:17

I ki ri lɛ, u seesee mɛ lɛ roŋkàŋ, ghàɓa nyi yɛ̀ɛ ù rì lɛ ù ghàɓ mɛ̀.

2 ZYAŊ 1:10

Nni i mum à yùu yì a lɔ̀ŋkin, kɛ̀ɛ ɓay ɗì rìrèsì ɗiǹ, kɛ̀ ɓi ghàɓ nyi ɓi naa yìn, kɛ̀ ɓi ki tògsi nyi;