RÒMƐŊ 12:2 - Bafia Nouveau Testament

² Kɛ̀ bi nɔ̀ɔ̀ti cɛɓ ki ɓumɓɛ ɓi mɛ̀ru mɛ ɓɛɛ̀ ghɛghɛ̀ɓ, kìɓan kifog, càrɛɛnà lɛ Bɛ̀ll a lɔgti mìni di à koɓsɛɛ mɛ̀yitì mɛ̀cèm mɛ mɛ ri mìni ɓi mɛ̀rem, ìsuùcèm, rì mɛ nyɔn, fɔlɔɔ nnɛ ɓi rì min ɓiì yiì rìkɔ̀n ɗi Bɛ̀ll, rì ɓìɓan ɓi ɓi rɔɔtɛɛ, rì ɓi ɓyɛɛ̀ rɔɔghi nyi, rì ɓi ɓi ri kɛ̀ɛ̀ kìɓan ki ɓɛ fen miì.

RÒMƐŊ 12:2 Iomraidhean Croise

MATYOO 13:22

Ŋwaànɛ à ghaɓkà boo ì ɓyom ɓi nyìinyìm à ɓìkàrag yɛɛ ri roànɛ à woogh jɛ̀ɛ̀ ì Bɛ̀ll, kìɓan kifog, cɛɛ̀-ǹɗem à cɛɓ ki ɓi ziinɛ, ɗì rìyɛ̀y ɗi ikum ɓi laatàg jɛ̀ɛ̀ ìnɛn, ɓi ki lɛ, yɛ̀ kɛɛ̀ wum ɓiɗùn.

MARIKUS 4:19

kìɓan kifog mɛ̀tɔɓ mɛ ɓi ziinɛ, rì kìsee ki ikum, rì gɛ ɓìɓan ambog ànɛ a syòŋsyoŋ mɛrem, ɓi laatàg jɛ̀ɛ̀ ì Bɛ̀ll ìnɛn yɛ̀ kɛɛ̀ ghɛn bee inɛ lɛ yɛ̀ɛ wum ɓìdùn.

ZYAŊ 14:30

Tyàa tòki ti ɓi ri mìni, ɓisuulɛ rìfòm ɗi ziinɛ ɗi tiì, nni ɗi yin ɗi ìtèɗ wulɛ ɗi ki mɛ̀ com.

ZYAŊ 15:19

I ɓi ɓa ɓum ɓɛ ziinɛ, di ziinɛ ì rì lɛ ì keesì mìni fɛlɛ yɛ̀ɛ com ki yɔ̀. Nni yɛ̀ɛ ɓì yin ɓum ɓɛ ziinɛ, ki ki ɓa lɛ m̀ɓɔ̀ngà mìni, m̀pisì mìni ɓi ziinɛ, kɛɛ̀ki ziinɛ yɛɛ̀ ɓèeɓeèzɛ̀n mìni miì.

ZYAŊ 17:14

Ǹfaghà ɓɔ ɓìɓan ɓyɔɔ, fɔɔnnɛ ziinɛ ì ɓèèzɛ̀ngà ɓɔ lɛ ɓɛ yin ɓumɓɛ ɓi ziinɛ, yɛ̀ɛ mɛ̀ ǹ-yin ŋwaànɛ fɛ ɓi ziinɛ.

ZYAŊ 7:7

Ziinɛ ì yin lɛ ì ɓèèzɛ̀n mìni wɔ̀lɛ mɛ̀ɛnɛ yɛɛ̀ ɓèeɓeèzɛ̀n, lɛ ǹti ǹkalàg lɛ, mɛ̀kìkii mɛ yɔ̀ mɛ rɔɔtɛɛ ɓì.

RÒMƐŊ 12:1

Ɓɔɔsoŋ̀, ɓisuu nɗem wu nyìighnyìg wu Bɛ̀ll à rèsìghà ɓi ɓɛg wìs, ǹtɔɔgh mìni lɛ ɓi funɛn mìniì ɓɔmiɗ fɛlɛ yɛ̀ɛ kìtuwe ki mum à ti à weeyì ɓi rìɓɔgsì ɗi Bɛ̀ll; ɓi funɛn mìniì ɓɔmiɗ rifunɛ̀n ɗi ɗi ri cem, ɗyɔ rìtɛnɛn, ɗi ki ɓa ɗi ɗi rɔɔ Bɛ̀ll. Fɔlɔɔ yɛɛ ri ɓiì ɓaà syeesyee à rìɓɔgsì ànɛ ɓì ghɛ̀ɛ̀sɛɛ kì ɓɔgsii Bɛ̀ll.

RÒMƐŊ 13:14

Kìɓan kifog, waatɛɛna Kan Yeesus Kiris kɛ̀ ɓi càɗ mɛrem min lɛ mɛɛ ɓɔm̀ɓɔm ɓìɓan ɓi ɓi mɛ̀mùù, lɛ di ɓi kaàkaa rìyɛ̀y ɗi ɓiɓan ɓiǹ.

RÒMƐŊ 7:12

Fɔlɔɔ nnɛ ɓìdɔ̀gsɛna ɓyɔmiɗ, ɓi ri ɓìtɛnɛn, kìdɔ̀gsɛna kicèm ki ri lɛ, kɔ kìtɛnɛn, kɔ lɛ saaɗ, ki ki ɓa lɛ syeesyee.

RÒMƐŊ 7:14

Lɛ tì yii lɛ, ɓìdɔ̀gsɛna ɓi ri kìɓan ki ɓi nghay, wɔ̀lɛ mɛ̀ ǹɗì mum ànɛ à rì rì nyoo ì mɛ̀mùù, nnyɛ̀ɛ ri, nkàɓɛn fɛlɛ yɛ̀ɛ ǹkpàn ɓi kìɓe.

RÒMƐŊ 7:22

Ɓisuulɛ ǹti ǹnyààràg rì ɓìdɔ̀gsɛna ɓi Bɛ̀ll ɓi nɗem wɛ̀m ɓi ɗùm.

1 KƆ̀RƐ̀ŊTYƐŊ 3:19

Ɓisuulɛ ɗyomzɛ̀n ɗi ɓi ziinɛ ɗi ri kìyèg ɓi mis mɛ Bɛ̀ll, fɔɔnnɛ ki ri kìkànɛn lɛ: Bɛ̀ll à ti à wɔɔsàg ɓum ɓɛ ɗyomzɛ̀n ɓi mɛ̀ghèy maa mɛ ɓɔmiɗ ɓɔ yɛɛ kpaŋiì rì mɔ.

2 KƆ̀RƐ̀ŊTYƐŊ 4:4

Ɓi san ànɛ a ɓumɓɛ ɓɛ ti ɓɛ ɓengì kìgherɛɛ, bɛ̀ll ì ziinɛ ì mɛ dùŋzag ɓɔ mɛ̀rem lɛ ɓɛ̀ kɛɛ̀ ghɛn yɛ̀ɛ Syeesyee à Ɓɔlɛ à rìkem ɗi Kiris a lònlòm; Kiris ànɛ à rì kìfèèghrɛnà ki Bɛ̀ll kɔmiɗ.

2 KƆ̀RƐ̀ŊTYƐŊ 5:17

I mum à ti ɓi Kiris ɓiɗùm, à ti nyɔɔnyɔn à mum, lɛ tìɗyàɓ ti ɓiɓan ti mɛ ghaàgh, ɓyom ɓi nyɔn ɓyɛɛ ti.

GÀLAT 1:4

Yeesus à faghà cɛɓ kii ɓisuu ɓiɓe ɓis lɛ di a pwaŋ̀ ɓìsi ɓi kìɓeɓtàg ki zi ki tì rì ki miì gɛɛ̀nɛ, lɔŋ yɛ̀ɛ rìkɔ̀n ɗi Bɛ̀ll ànɛ à rì Seŋi wìs ɗi ri.

EFÈZYƐŊ 1:18

À lòm mìni kìtɛɛtɛn ɓi mɛ̀rem, lɛ ɓi yi rìkuu ɗi dyàɓɛn ɗi à reŋìghà mìni lɛ ɓi ɓa rì ɗyɔ, ɓì ki yi lèg ànɛ yɛ̀ɛ ɓyom ɓi syeesyee ɓi à nyamgà ɓisuu ɓɛgherɛ̀n ɓi ri ɓì tèghɛn.

EFÈZYƐŊ 2:2

ɓi ɓì ghɛghɛ̀ɓkà miì abɛ̀y di ɓi ka nɔ̀ɔnɔɔ̀tì ɓìsyɔ̀ɔ̀ ɓi ɓi ziinɛ, ɓì kìkì rìkɔ̀n ɗi rifòm ɗi ɗi lamii mɛ̀tèɗ mɛ ɓi nlɛŋlɛŋ̀, ɗyɔ yɛɛ ri ǹghay ànɛ a kìki kisay ɓigomìnɛ ɓi ɓumɓɛ ɓɛ ri rì ǹtoòtèɗ.

EFÈZYƐŊ 5:17

Kìɓan kiǹ kɛɛ̀ki ɓì ghɛ̀ɛ̀sɛɛ ɓi ki ɓaà ɓìdùŋdùŋ ɓi ɓum, ɓì ghɛ̀ɛ̀sɛɛ lɛ ɓi yi cɛ kɛɛ̀ki Kan a kɔ̀nkɔ̀n.

KÒLÒSYƐŊ 1:9

Kìɓan kiǹ kɛɛ̀ki ɓìsi girig, à tumɛ̀n ŋwos anɛ tì wokà fɔlɔɔ, tì fɔli ɓi riɓɔ̀ŋzì ɗi Bɛ̀ll ɓisu win, tì tɔtɔ̀g lɛ, a roòzi mìni rì rìyi ɗi ɓiɓan ɓi ɓyɛɛ̀ kɔ̀ngi nyi, à fa mìni ɗyomzɛ̀n ɗìcèm, rì syeesyee à rìwog ànɛ ɓi Nghay wìì.

KÒLÒSYƐŊ 3:10

Ɓì teɗ nyɔɔnyɔn à rìɓa, ànɛ à rì rìɓa ɗi ŋwaànɛ à ti ncenɗɛn, à ɓa cààmɛ̀n kìcèm à suùsùgtì nyɔn ɓi kìpisɛn ki roànɛ à kìghà nyi, lɛ di a konag lɔŋ nyi kì yiì kɔɔ̀kɔɔ̀ à rìyi.

KÒLÒSYƐŊ 4:12

Epafiras à maaseŋi wìn à tògsii yì mìni, à rì ǹkìì-kìsay a Yeesus Kiris ànɛ à fɔli ɓi riɗùù ɓi bɔ̀ŋzɛ̀n ɓisu wìn, lɛ ɓi ɓa ɓɛ̀sììrɛn, ɓì ɓa ɓɛ̀syeesyee ɓɛ ɓum, ɓì ki gherɛn rikɔ̀n ɗi Bɛ̀ll syeesyee à rìgherɛ̀n.

TÈSÀLÒNÌSYƐŊ 4:3

Rìkɔ̀n ɗi Bɛ̀ll ɗi ri lɛ ɓi ghɛɓ cɛɓ ki tɛnɛn, ɓì cèlì ɓìɓan ɓi tifin.

Kaàtà ànɛ Pol à kàngà TIT 3:5

nni à ghɛɓsìghà ɓìsi, àa ɓisuu ɓìɓan ɓi saaɗ, ɓi tì kìkìghà, lɔŋ à ghɛɓsìghà ɓìsi lɛ nɗem wu nyìinyìg wu à rì rì wɔ, rì ɗùùɗùù ɗi ɗi ti ɗi kilàg lɛ mum a ɓiìti kìyalɛɛ, rì rìkì ɗi Kìtɛntɛ̀ɛ̀n ki Nghay kɛɛ̀ kìlag lɛ mum a ghay nyɔɔnyɔn à mum.

ZYAG 1:27

Rìgherɛ̀n ɗi ɗi ri ɗìtɛnɛn, ɗi ki ɓa kɛ̀ɛ̀ tìfin ɓi mis mɛ Bɛ̀ll à Seŋi wìs ɗyɛɛ̀ tɔtɔg lɛ mum a kɛngi kì ghɛɛ̀ lɛ rì ɓɔɔ̀zii rì mɛ̀kpɔɓ cààmɛ̀n ki ɓɛ ri rì ǹɗemi-kɛŋɛn, à ki ɓèŋɗɛn lɛ kɛ̀ɛ kì ɓìɓan ɓi tifin ɓi ɓi ziinɛ.

ZYAG 4:4

Mìni ɓɛ̀kìì-tìsɔ̀mɔ̀g ɓɛ! Ɓì yii ɓi lɛ i mum à rì rìghan ɗi ziinɛ di à rì bènàbena a Bɛ̀ll? Nni ŋwaànɛ à rì ɓiì kɔ̀ni lɛ a ɓa rìghan ɗi ziinɛ à rì ɓiì ɓaà bènàbena a Bɛ̀ll.

1 PYƐƐRI 1:14

Ɓaana ɓɔn ɓɛ mɛwog, kɛ̀ ɓi nɔ̀ɔ̀ti ti ɓìɓeɓtàg ɓi ɓiɓan ɓi ɓi nti ɓi kɔngì mìni, ɓyɛ ɓi ɓì kìkìghà abɛ̀y di ɓì kaka ɓi rìɗim.

1 PYƐƐRI 1:18

rì rìyitì ɗi lɛ ɓɛ kweɗkà ɓi mini ɓi kìɓeɓtàg kin ki cɛɓ ki ɓì tekà rì ɓɛ̀seŋi ɓin, rì ɓyom ɓi ɓi ri lɛ ɓi ɗyoŋ fɛlɛ yɛ̀ɛ mɔ̀ɔ̀ni nsoò lɛ gol,

1 PYƐƐRI 2:3

i ɓì mɛ ɓoɓti ki ghɛɛ̀ lɛ Kan à rɔɔtɛɛ, lɔŋ yɛ̀ɛ ki ri kì kànɛn.

1 PYƐƐRI 4:2

lɛ di fɔɔnnɛ a ghɛɓ yɛ̀ɛ rìkɔ̀n ɗi Bɛ̀ll ɗi ri, ɓi gàɓ ì mɛ̀ru ìnɛ à ghɛ̀ɛ̀sɛɛ tì kìghagsii ɓi ziinɛ, kɛ̀ɛ ghɛɓ ti cɛɓ ki ǹɗem wii wɛɛ̀ kɔ̀nkɔn lɛ a ghɛɓ.

2 PYƐƐRI 1:4

Fɔlɔɔ nnɛ à faghà ɓìsi ɓyoo ɓisyeesyee rì gìn yi mɛkàg lɛ, i ɓì teri ɓyom ɓi à kàkà, ɓì ɓa rì ìtèɗ wulɛ ɓi ghɛŋi ɓìɓeɓtàg ɓi ɓiɓan ɓi ɓyɛɛ̀ yooyogsì ɓum ɓyɛɛ ri ɓìcakɛn ɗi ziinɛ, ɓi yu kì terì gàɓ ɓi rìɓa ɗii ɗi à rì Bɛ̀ll.

2 PYƐƐRI 2:20

Fɔlɔɔ yɛɛ ri lɛ i ɓum ɓɛ ghasɛɛ yì rì ɓìɓan ɓi tifin ɓi ɓi ziinɛ lɛ rìyi ɗi ɓɛ yii Ǹghɛɓsì-ɓum, Kan Yeesus Kiris, nnɛ ɓɛ carɛɛ tì lɛ ɓɛɛ sugti ɓi ɓìɓan ɓiǹ ɓyɛɛ lami tì ɓɔ, rìɓa ɗyaa ɗi siitòn ɗi ɓiì ɓeɓtɛɛ ɗi cee ɗi ǹtonto.

1 ZYAŊ 3:13

Ɓɔɔsoŋ̀! Kɛ̀ ɓi kuurag lɛ ziinɛ ì ɓèèzɛɛ mìni.

1 ZYAŊ 5:19

Tì yii lɛ tì rì ɓum ɓɛ Bɛ̀ll, rì tì lɛ ziinɛ bimiɗ ì rì ɓi rìlàmì ɗi ghèghey à mum.

ÀPÒKÀLIƁSƐ̀ 12:9

Nni ɓɛ tyɔkày coo kinààgɔ̀n kiǹ, fìɗyàɓ fi nyoo fìn, fi fi ri ɗii lɛ ǹɗèm nsoò lɛ Satàn, nnyɛɛ ri ǹ-yègsì zi bimiɗ ìnɛ ɓum ɓɛɛ̀ ghɛghɛɓ miì, ɓɛ tyɔkày nyi ɓi zi, ɓɛ ki tyɔg yi girig ɓum ɓii ɓɛ titom ǹɗaŋ ri nyi.

ÀPÒKÀLIƁSƐ̀ 13:8

Ɓum ɓɛ̀cèm ɓɛ ɓi ziinɛ, ɓɛ mii maa mɛ ka ɓaghà ɓi mɛ kànɛn ɓi kaàtà à cɛɓ à Man à jɔ̀ɔ̀ ànɛ ɓɛ wolà, à tumɛ̀n a rìyàghɛ̀n ɗi zi, ɓɛ ɓaagh gɛ mɛ̀ɗu ɓi zi ɓɛ ɓɔgsì nyàm ìnɛn.