RÒMƐŊ 12:1 - Bafia Nouveau Testament

¹ Ɓɔɔsoŋ̀, ɓisuu nɗem wu nyìighnyìg wu Bɛ̀ll à rèsìghà ɓi ɓɛg wìs, ǹtɔɔgh mìni lɛ ɓi funɛn mìniì ɓɔmiɗ fɛlɛ yɛ̀ɛ kìtuwe ki mum à ti à weeyì ɓi rìɓɔgsì ɗi Bɛ̀ll; ɓi funɛn mìniì ɓɔmiɗ rifunɛ̀n ɗi ɗi ri cem, ɗyɔ rìtɛnɛn, ɗi ki ɓa ɗi ɗi rɔɔ Bɛ̀ll. Fɔlɔɔ yɛɛ ri ɓiì ɓaà syeesyee à rìɓɔgsì ànɛ ɓì ghɛ̀ɛ̀sɛɛ kì ɓɔgsii Bɛ̀ll.

RÒMƐŊ 12:1 Iomraidhean Croise

LUKAS 7:47

Giɓ anɛ à rèsii coo geesɛ̀n lɛɛ̀gwey ɓisuulɛ, gɛ ɓìɓe wiì à tì ǹcenɛn; kìɓan kìfog ŋwaànɛ ɓɛ cenɛɛ lɛsàg, à ti a rèsàg girig geesɛ̀n lɛsàg.

RÒMƐŊ 12:2

Kɛ̀ bi nɔ̀ɔ̀ti cɛɓ ki ɓumɓɛ ɓi mɛ̀ru mɛ ɓɛɛ̀ ghɛghɛ̀ɓ, kìɓan kifog, càrɛɛnà lɛ Bɛ̀ll a lɔgti mìni di à koɓsɛɛ mɛ̀yitì mɛ̀cèm mɛ mɛ ri mìni ɓi mɛ̀rem, ìsuùcèm, rì mɛ nyɔn, fɔlɔɔ nnɛ ɓi rì min ɓiì yiì rìkɔ̀n ɗi Bɛ̀ll, rì ɓìɓan ɓi ɓi rɔɔtɛɛ, rì ɓi ɓyɛɛ̀ rɔɔghi nyi, rì ɓi ɓi ri kɛ̀ɛ̀ kìɓan ki ɓɛ fen miì.

RÒMƐŊ 15:16

lɛ mɓa ǹkìì-kìsay a Yeesus Kiris ɓisuu ɓumɓɛ ɓɛ yin Ɓɛ̀yudɛ̀n, fɔɔnnɛ nɗooroòzì kìsay ki righagsì ɗi Syeesyee à Ɓɔlɛ à Bɛ̀ll, kɛɛ ri kìsay ki ki ri kìtɛnɛn, lɛ di ɓumɓɛ ɓɛ yin Ɓɛ̀yudɛ̀n ɓɛɛ ɓa fɛlɛ yɛ̀ɛ rìfa ɗi ɗyɛɛ̀ rɔɔghi Bɛ̀ll; ɗyɛɛ̀ɗi Kìtɛntɛ̀ɛ̀n ki Ǹghay ki mɛ tɛɛ̀zì.

RÒMƐŊ 15:30

Ɓɔɔsoŋ̀, mɛ̀ ǹtɔɔgh mìni ɓisuu Kan wìs Yeesus Kiris, rì ɓisuu nkɔ̀nɛ̀n ànɛ Kìtɛntɛ̀ɛ̀n ki Nghay ki ti ki falàg lɛ, ɓi lem̀ mɛ̀ ɓyàg ɓi zàà ìnɛ ǹɗì miì, rì bɔ̀ŋzɛ̀n yi ɓì rì ɓiì ɓɔ̀ɔɓɔŋ̀zì Bɛ̀ll ɓisu wɛ̀m.

RÒMƐŊ 2:4

Gìn wɔ̀ɔ sɛɛsɛɛ̀tì lɛ rì coo kìrɔɔ-ǹɗem à Bɛ̀ll rì kìɓìɓi kii ki nɗem, rì kìpuɓì-ǹɗem wìì? Ù yii ɓi lɛ kìrɔɔ-ǹɗem à Bɛ̀ll à ghɛ̀sɛɛ wɔ̀ kì tinii lɛ u lɔɔ̀ghrɛn ǹɗem?

RÒMƐŊ 6:13

Kɛ̀ ɓi cìtɛn ti ɓìkàɓ ɓin ɓi nyoo ɓi kìɓe fɛlɛ yɛ̀ɛ ɓyom ɓi kisay ɓi ɓi rìkì ɗi ɓiɓan ɓi ɓeɓtɛn, kìɓan kifog faana mìniìɓɔmiɗ ri Bɛ̀ll fɛlɛ yɛ̀ɛ ɓum ɓɛ̀cèm ɓɛ ɓɛ sughiì a nyɔ̀ɛ̀y, ɓì ki fa ɓikàɓ ɓin ɓi nyoo rì Bɛ̀ll ɓi sìg à ɓyom ɓi kisay, ɓi ɓi rìkì ɗi ɓiɓan ɓi ɓi ri lɛ saaɗ.

RÒMƐŊ 6:16

Ɓì yii ɓi lɛ, i ɓì càrɛɛ lɛ ɓi ɓa ɓɛ̀kpàn ɓɛ mum lɛ ɓi kiki ŋwaànɛ̀n miì mɛ̀wog, lɔŋ lɛ ɓì ghali ɓɛ̀kpàn ɓɛ mum ànɛ ɓi kìki mɛwog anɛ̀n; kòo lɛ kìɓe, ki ki ti ki syogìì rìwu, kòo lɛ mɛ̀wog, mɛ mɛ ti mɛ kilàg lɛ mum a ɓa lɛ saaɗ ɓi mis mɛ Bɛ̀ll?

RÒMƐŊ 6:19

Ǹkpaa fɔlɔɔ yɛ̀ɛ ɓum ɓɛ ti ɓɛ kpaaghì ɓisuulɛ, ɓì rì rì ìɓwɛɗ ɓi nyoo; fɛlɛ yɛ̀ɛ ɓì càɗkà ɓìkàɓ ɓin ɓi nyoo lɛ ɓyɛɛ ɓa ɓɛ̀kpàn ɓi rìkì ɗi ɓiɓan ɓi tifin, rì kìɓùùsì, lɛ ɓi ghɛɓ cɛɓ ki ɓùùɓuu, fɔlɔɔ nnɛ càrina ɓyɔ ɓigomìnɛ lɛ ɓyɛɛ ɓa ɓɛ̀kpàn ɓɛ saaɗ di ɓi ghɛɓ cɛɓ ki ki ri kìtɛnɛn.

RÒMƐŊ 9:23

A kɔ̀ngà girig lɛ a resi lèg ànɛ yɛ̀ɛ rìkem ɗii ɗi teghɛɛ ɓi san ànɛ a ɓɛ̀roɓɛ à ti à wokì nyìighnyìg, ɓɛɛ̀ɓɛ à lokà kì pègsɛɛ abɛ̀y lɛ ɓɛ ɓiì terì rìkem ɗìì.

1 KƆ̀RƐ̀ŊTYƐŊ 1:10

Ɓɔɔsoŋ̀, ǹtɔɔgh mìni ɓi ɗii ɗi Kan wìs Yeesus Kiris lɛ, wooghrɛɛna jɛ̀ɛ̀, yɛ̀ɛ gasɛ̀n yɛ̀ kɛɛ̀ ɓa ɓi nyìinyìm wìn, kìɓan kifog, ɓaana ɓɛ̀ràrɛn kɔɔ̀kɔɔ̀ à rìràrɛ̀n, ɓì ɓa nɗem wufog rì fèg bogtɛ̀n.

2 KƆ̀RƐ̀ŊTYƐŊ 10:1

Mɛ̀ Pol! ǹtɔɔgh mìni, ɓi tɛ̀tɛ̀rɛ̀ɛ̀ rì syeesyee à ǹɗem à Kiris, mɛ̀ ànɛ ǹti ǹsɛɛ̀dàg mɛ̀ɛmiɗ ɓi zi ɓi mis min, kìɓan kifog, cààmɛ̀n ki ǹɗì mìni fìràɓ, m̀ɓa rì kìghɛɛsii ɓi san wìn lɛɛ̀gwey.

2 KƆ̀RƐ̀ŊTYƐŊ 4:1

Bɛ̀ll yɛɛ faghà ɓìsi kìsay ki ɓi kìpuɓì-nɗem wìì, fɔlɔɔ nnɛ mùm mis mɛ yin miì lɛ mɛ fɔy.

2 KƆ̀RƐ̀ŊTYƐŊ 4:16

Kìɓan kiǹ kɛɛ̀ki tì càrɛɛ ɓi lɛ mɛ̀rem mis mɛɛ teɗ ìɓwɛɗ. Nsoò nyoo yìs i mɛ̀mùù yàa wààwààrɛ̀n lɔŋ lɛsàgsàg rìɓa ɗi nghay wis ɗyɔɔ suùsùgtì lɔŋ nyɔn ɓɛ̀ŋwos ɓɛ̀cèm.

2 KƆ̀RƐ̀ŊTYƐŊ 5:20

Ɓi ɗii ɗi Kiris innɛ tì rì ɓɛ̀romɛn fɔɔnnɛ Bɛ̀ll nyimiɗ yɛɛ̀ feèfègsì mìni ɓi myɔm mis; tì ɓɔ̀ŋzaagh mìni ɓi ɗii ɗi Kiris lɛ ɓi gherɛn lɛ ɓi pegsɛn kìɓan ki lɛ rì mìni rì Bɛ̀ll.

2 KƆ̀RƐ̀ŊTYƐŊ 6:1

Nni yɛ̀ɛ ki ri lɛ ti sasay nɗaŋ ri nyi, tì tɔɔgh mìni lɛ, kɛ̀ ɓi kì ɓaà lɛ geesɛ̀n ì Bɛ̀ll ìnɛ ɓì ghàɓkà yɛ̀ɛ wu zɛy.

EFÈZYƐŊ 4:1

Fɔɔnnɛ mɛ̀ ànɛ ǹɗì kìmbùŋ lɛ ǹsàsay Kan, ǹkpaa mìni lɛ, ghɛɓina rìkuu ɗi cɛɓ ɗi ɗi ghɛɛ̀sɛɛ rì ǹɗeèghreŋi wu wu kpagà a lɔ̀ŋkin,

EFÈZYƐŊ 5:10

Yiina rìghasì ɗi ɓiɓan ɓi ɓyɛɛ̀ rɔɔghi Kan.

FÌLÌPYƐŊ 1:20

Lèg ànɛ ǹɗì rì coo zày, ǹki ɓa ri dyàɓɛn, màa wog ɓi ntoòrìɗ ri com kidɛŋ. Ɓi cààmɛ̀n ki, lɔŋ yɛ̀ɛ ɓi ɓyààmɛ̀n ɓimbog, rì ǹtyweeyi wu wu ri mɛ̀ ɓiì ronì ɓi nɗem, Kiris à ɓiì kemì ɓi nyoo yɛ̀m, màa soo rì cem, màa soo wìì.

FÌLÌPYƐŊ 2:17

Wɔ̀lɛ nsoò bwaɓ yɛm̀ yaa ki kpaŋì ɓi sìg à com ki ɓɛ funɛɛ Bɛ̀ll, lɛ yɛɛ ɓɔɓtɛn ɓi rìfa ɗi rìgherɛ̀n ɗin ɗyɛɛ̀ ɓɔɔɓɔgsì Bɛ̀ll rì ɗyɔ, fɔlɔɔ a fa lɔŋ mɛ kìnyàà, ǹki nyààrɛn ǹɗaŋ ri mìni ɓɛ̀sɛ̀ɛ̀ ɓɛ̀cèm.

FÌLÌPYƐŊ 4:18

Mɛ̀ɛ nghɛɛ ɓyom ɓìcèm ɓi ɓìi nɗomiì, fɔɔnnɛ ǹɗì rì ɓyom lɛɛ̀gwey ɓigominɛ ɓi cee gàɓ ìnɛ ì ghɛ̀ɛ̀sɛɛ rì mɛ̀ yɛ̀ɛ m̀mɛ teɗ ɓyom ɓi ɓìi nɗomiì mɛ̀ rì Epafirodit; ɓyom ɓiǹ ɓi ri yɛ̀ɛ tìrààre ti ti rɔɔtɛɛ mɛ̀rùù nsoò lɛ kìtuwe ki ɓɛ funɛɛ ɓisuu Bɛ̀ll, Bɛ̀ll à ghàɓ kɔ ki ki rɔɔ nyi.

TÈSÀLÒNÌSYƐŊ 4:1

Ɓɔɔsoŋ̀, ti siìtɛn kìkpaà lɛ ɓì yilàkà rìkuu ɗi cɛɓ ɗi ɓì ghɛ̀ɛ̀sɛɛ kì ghɛɓì lɛ Bɛ̀ll a wog kìrɔɔ rì mìni, a lɔ̀ŋkis nni cɛɓ kìn kɛɛ̀ki ɓi ghɛghɛ̀ɓ; tì ɓɔ̀ŋzaagh mìni, tì ki yɛ̀gsi mini ɓyàg ɓi ɗii ɗi Kan Yeesus lɛ ɓi teèsi tì nyoo rì rìkuu ɗi cɛɓ ɗìn à cee fɔlɔɔ.

TÈSÀLÒNÌSYƐŊ 4:10

Ǹkɔ̀nɛ̀n ànɛn innɛ ɓi rèresi rì ɓɛ̀geni ɓin ɓɛ̀cèm ɓɛ ɓɛ ri Masedwan bimiɗ. Ɓɔɔsoŋ̀, ɓisii yɛgsii lɔŋ mini ɓyàg lɛ ɓi kɛɛ̀di beèbɛ̀y rì rìkì ɗiǹ.

TÈSÀLÒNÌSYƐŊ 5:12

Ɓɔɔsoŋ̀, tì tɔɔgh mìni lɛ ɓi ɓalag rì bɔgsɛ̀n ɓi san ànɛ a ɓumɓɛ ɓɛɛ̀ sasay ɓi nyìinyìn wìn, ɓɛ kɛɛ̀kɛ̀ɛ̀sì mìni ɓi cɛɓ ki Kan, ɓɛ ki rereɓ mini.

TIMOTE 2:3

Fɔlɔɔ yɛɛ kiì lɛ, à rɔɔtɛ̀n à ki yɛ̀lɛn ɓi mis mɛ Bɛ̀ll ànɛ à rì ǹghɛɓsì wìs,

TIMOTE 5:4

I ǹkpɔɓ wu giɓ wu ri rì ɓɔn nsoò lɛ dòò, ɓɔɓti ɓɛ ka ghɛ̀ɛ̀sɛɛ kì loògh kì yilaagh lannɛ ɓɛ ri lɛ ɓɛ ghɛɓ ɓi naa yàà i ɓum yɛ̀ɛ ɓɛ̀gherɛ̀n, ɓɛ fa ɓɛ̀yalì ɓaa ɓyom ɓi ɓɛ ghɛɛ̀sɛɛ ɓɔ kì faà lɛ fɔlɔɔ yɛɛ ti à rɔɔghì Bɛ̀ll.

FILEMƆŊ 1:10

M̀ɓɔ̀ŋzaagh wɔ̀ ɓisuu Onezim à man wɛm̀ ànɛ ǹ-yali ɓi Kiris di ǹɗì ɓi naà-zày.

FILEMƆŊ 1:9

ki mɓiisɛɛ mɛ̀ kì kɔ̀ni lɛ mɓɔŋzi wɔ̀ ɓi nkɔ̀nɛ̀n. Ɓi rìɓa ɗi mɛ̀ Pol ǹɗì ɗi kìtùg ki mum, à kɛ̀ɛ̀dì kì ɓaà lɛ ɓigomìnɛ ǹɗì kìmbùŋ ɓisuu Yeesus Kiris.

EBIREEGH 13:22

Ɓɔɔsoŋ̀, ǹtɔɔgh mìni lɛ ɓi niɗ mɛ̀rem, ɓì teɗ ɓìɓan ɓi ɓyɛɛ fa mìni ìtèɗ ɓi mɛ̀rem ɓisuulɛ kaàtà ànɛ ǹkàniì mìni à ràɓi ɓi.

1 PYƐƐRI 2:20

Lɛ rìkem ɗidɛŋ ɗi yin ɓisuu ŋwaànɛ à ti à cenàg mɛ̀ɓìì mɛ ɓi kìɓe ki nyi yɛɛ kiì. Wɔ̀lɛ i ɓì cenɛɛ rìkɛŋ di ɓi kìi kirɔɔ, fɔlɔɔ a rì mààgh ɓi mis mɛ Bɛ̀ll.

1 PYƐƐRI 2:5

fɔɔnnɛ mìni girig, fɛlɛ yɛ̀ɛ gɔ̀g yi yi ri cencem, ɓì rì ɓɛ̀toŋɛn lɛ ɓi ɓa mɛɛ mɛ ɓi Nghay, ɓì ɓa ǹɗaŋ wu ɓɛpìrɛɛtìrɛ̀ ɓɛ ɓɛ ri ɓɛ̀tɛnɛn ɓɛ ɓɛɛ̀ fùufunɛ̀n Bɛ̀ll ɓyom ɓi ɓi Nghay ɓi ɓi ri rɔɔ nyi, lɛ Yeesus Kiris.