RÒMƐŊ 10:12 - Bafia Nouveau Testament

¹² Fɔɔnnɛ gasɛ̀n ì yin ɓi nyìinyìm ànɛ lɛ rì muu Ɓɛ̀yudɛ̀n, rì muu Gìrɛg, lɛ ɓɛ̀sɛ̀ɛ̀ ɓɛ̀cèm ɓɛ ri lɔŋ Kan bog ànɛ à ti à falàg ɓumɓɛ ɓɛɛ̀ rereŋi nyi ɓyom.

RÒMƐŊ 10:12 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 7:59

Ɓi cààmɛ̀n ki ɓɛ roòrògàkà Ityɛn gɔ̀g mii, nyii ɓɔɔ̀ɓɔ̀ŋzàkà lɛ: Kan Yeesus, tera nghay wɛ̀m.

MƐ̀KÌKÌÌ MƐ ƁƐKƐ̀NÌ-FÌTOM 9:14

Nni ɓi ɗi à rì ɗi fɛ, ɓɛ̀pìrɛɛtìrɛ̀ ɓɛgwey ɓɛ nfaa nyi ìtèɗ wulɛ a ɓangi ɓum ɓɛ̀cèm ɓɛ ɓɛɛ̀ rereŋi ɗii ɗyɔɔ, à ki fogi ɓɔ ɓi ɓìsɔŋ.

RÒMƐŊ 14:9

Lɛ Kiris à wughà, à ki ghemɓɛn lɛ di a ɓa Kan ànɛ à làmii lɛ rì ɓìloŋ rì ɓum ɓɛ cem.

RÒMƐŊ 15:12

Ezayii à kpaa girig lɛ: Fyàn fi Isayii fi ri ɓiì yùu, fi pɛsɛ̀n aɗyoo lɛ fyɛɛ lami ɓìlɔ̀ŋ ɓi zɛy, ɓìlɔ̀ŋ ɓiǹ ɓi ki foŋ dyàɓɛn yaà ɓi nyi.

RÒMƐŊ 2:4

Gìn wɔ̀ɔ sɛɛsɛɛ̀tì lɛ rì coo kìrɔɔ-ǹɗem à Bɛ̀ll rì kìɓìɓi kii ki nɗem, rì kìpuɓì-ǹɗem wìì? Ù yii ɓi lɛ kìrɔɔ-ǹɗem à Bɛ̀ll à ghɛ̀sɛɛ wɔ̀ kì tinii lɛ u lɔɔ̀ghrɛn ǹɗem?

RÒMƐŊ 3:22

kɛɛ ri rìkì ɗi Bɛ̀ll à ti à kìlàg lɛ ɓum ɓɛɛ ɓa lɛ saaɗ ɓi mis mii lɛ rìgherɛ̀n ɗi ɓɛ gherɛɛ Yeesus Kiris, kìɓan kiǹ ki ri ɓisuu ɓum ɓɛ̀cèm ɓɛ ɓɛ gherɛɛ; ǹlànag wu ki yin miì;

1 KƆ̀RƐ̀ŊTYƐŊ 1:2

Tì kàni kìseŋi ki Bɛ̀ll ki ki ri a Kɔrɛŋt, rì ɓumɓɛ ɓɛ ri ɓɛ̀tɛnɛn ɓi Yeesus Kiris ɓi ɗùm ɓɔ yɛɛ ri ɓɛ̀reŋiyɛn lɛ ɓɛɛ ɓa ɓɛ̀gherɛ̀n, rì ɓum ɓɛ̀cèm ɓɛ ɓɛɛ̀ rereŋi ɗii ɗi Kan wìs Yeesus Kiris ɓaa soo rì fe, lɛ Yeesus à rì Kan wàà, nyi tì Kan wìs.

1 KƆ̀RƐ̀ŊTYƐŊ 15:47

Mum à ǹtonto à kìlɛ̀ngà rì zi, fɔɔnnɛ à rì miì ŋwaànɛ ɓi ziinɛ; ŋwaà kìɓɛ̀rɛn nyii rii aɗyoo.

2 KƆ̀RƐ̀ŊTYƐŊ 8:9

Lɛ ɓì yii nɗem wu geesɛ̀n wu Kan wìs Yeesus Kiris; nyi ànɛ à ɓaghà rì ìkum, à ghaasìghà nyimiɗ soghàsogha lɛ di a kumzi mìni rì kìsoghà kii.

GÀLAT 3:28

Fɔɔnnɛ gasɛ̀n ì yiìdi ɓi nyìinyìm ànɛ lɛ rì Ɓɛ̀yudɛ̀n rì ɓìlɔ̀ŋ ɓidɛŋ, yɛ̀ kɛɛ̀ ɓa ti ɓi nyìinyìm ànɛ lɛ rì ǹkpàn rì ŋwaànɛ à yin ǹkpàn, nsoò ɓi nyìinyìm ànɛ lɛ rì baŋì rì giɓ ɓisuulɛ mìniìcèm ɓì ti com kìfog ɓi Yeesus Kiris.

EFÈZYƐŊ 1:7

Ɓi Man ànɛ̀n, tì ti ɓɛ̀kòrɛn ri bwaɓ yii, ɓìɓe ɓis ɓi ɓa ɓìcàrɛn lɔŋ lɛ coo itègh wu geesɛ̀n ì Bɛ̀ll,

EFÈZYƐŊ 2:4

Wɔ̀lɛ Bɛ̀ll à rì rì nyìighnyìg yɛ̀ɛ mɛ̀nɔ̀ɓɔ̀ fɔɔnnɛ ɓi coo nkɔ̀nɛ̀n ànɛ à keesìghà ɓìsi rì nyi,

EFÈZYƐŊ 2:7

À kìghà fɔlɔɔ lɛ, di ɓyààmɛ̀n ɓìcèm ɓi asu a resi geesɛ̀n yìì inɛ ì tèghɛɛ yɛ̀ɛ mɛ̀nɔ̀ɓɔ̀, ɓi kìrɔɔ-ǹɗem ànɛ à kìghà ɓìsi ɓi Yeesus Kiris.

EFÈZYƐŊ 3:16

Ǹtɔg nyi lɛ a fa mìni Nghay wìì lɛ a foŋ mìni ìteɗ ɓi nɗem,

EFÈZYƐŊ 3:6

Ɓumɓɛ ɓɛ yin Ɓɛ̀yudɛ̀n ɓɛ ti girig ɗì gàɓ ɓi ɓyom ɓi Bɛ̀ll à nyamgà ɓisuu ɓum ɓii, ɓɛ ɓa ɓìkàɓ ɓi nyoo bog, ɓɛ ki ɓa girig ɓumɓɛ ɓɛ ri ɓi nkàg wu Bɛ̀ll à faghà ɓi Yeesus Kiris lɛ Syeesyee à Ɓɔlɛ,

EFÈZYƐŊ 3:8

Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

FÌLÌPYƐŊ 2:11

ɓɛ̀sɛ̀ɛ̀ ɓɛ̀cèm ɓɛ ki làmɓɛ̀n ɓi myɔm maa lɛ Yeesus Kiris à rì Kan ɓi rìkem ɗi Bɛ̀ll Seŋì.

FÌLÌPYƐŊ 4:19

Bɛ̀ll wɛ̀m à rì mìni ɓiì faà ɓyom ɓìcèm ɓi ɓyɛɛ̀ kaakaàrɛ̀n mìni, lɔŋ yɛ̀ɛ ìkum wii wu wu ɓɛghɛɛ kìrɔɔ wu ti wu ghɛnàg ɓi Yeesus Kiris.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

KÒLÒSYƐŊ 3:11

Foo ǹlànag wu yiìdi ɓi nyìinyìm ànɛ lɛ, rì muu Gìrɛg, rì muu Ɓɛ̀yudɛ̀n, nsoò lɛ rì ŋwaànɛ à rì ǹkɛ̀rɛn, rì roànɛ à yin nkɛ̀rɛn, ǹkèn a mum, rì muu Sit, nsoò lɛ rì ǹkpàn rì ŋwaànɛ à yin ǹkpàn, lɔŋ Kiris yɛɛ ri com kìcèm ɓi ɓum ɓɛ̀cèm.

TIMOTE 2:5

Ɓisuulɛ Bɛ̀ll à rì lɔŋ bogtɛ̀n, mum à ki ɓa girig bog ɓi nyìinyìm ànɛ lɛ rì Bɛ̀ll rì ɓum, nnyɛɛ ri Yeesus Kiris ànɛ à rì mum;

ÀPÒKÀLIƁSƐ̀ 17:14

Ɓɛ ri ɓiì ɗùu ri Man à jɔ̀ɔ̀, Man à jɔ̀ɔ̀ à ki yag ɓɔ ɓi wɛ̀y ɓisuulɛ, à rì Kan ànɛ a ɓɛ̀kan, à ki ɓa ti rifòm ɗi mɛfòm. Man à jɔ̀ɔ̀ à rì ɓɔ ɓiì yaàgh ɓi wɛ̀y, ǹɗaŋ ɗi ɓumɓɛ à reŋìghà ɓɛ ɓɛ ri ɓɛ̀ɓɔ̀nɛn, ɓɛɛ ri ɓɛ̀gherɛ̀n ɓii ɓɛ ntyweeyi.

ÀPÒKÀLIƁSƐ̀ 19:16

Ɓi rìga wìì rì ɓi ɓɛ̀y wii, ɗii ɗi ri miì ɗì kànɛn lɛ rìfòm ɗi mɛfòm, rì Kan ànɛ a ɓɛ̀kan.