RÒMƐŊ 1:8 - Bafia Nouveau Testament

⁸ Mɛ̀ ǹka faa Bɛ̀ll wɛ̀m ɓìtògsɛ̀n lɛ Yeesus Kiris, ɓisu win mɛ̀to mɛ̀cèm ɓisuulɛ rìgherɛ̀n ɗin ɗyɛɛ̀ keŋkem zi bimiɗ.

RÒMƐŊ 1:8 Iomraidhean Croise

MATYOO 24:14

Syeesyee à Ɓɔlɛ à kìlɔ̀ŋ ki Bɛ̀ll ànɛ, à ɓiì kalɛɛ zi bimiɗ, lɛ kìɓan ki Ɓɔlɛ ànɛ̀n kɛɛ yilɛn ɓi ɓìlɔ̀ŋ ɓìcèm, ajɛ̀m ìnɛn nnɛ rìsugtɛ̀n ɗi zi ɗi ri ɓa.

LUKAS 2:1

Ɓi cààmɛ̀n kiǹ, kaaza ànɛ à ɓaghà ɗii lɛ Ogus, à lamìghà lɛ ɓɛɛ ɓay ɓum ɓɛ̀cèm ɓɛ ɓi zi bimiɗ.

MƐ̀KÌKÌÌ MƐ ƁƐKƐ̀NÌ-FÌTOM 11:28

Fɔɔnnɛ, kìbog ki ɓi ɓɔ, ɗii lɛ Agaɓus, ki pɛsɛ̀ngà aɗyoo, ki kalì ɓum rì ìteɗ wu Kitɛntɛ̀ɛ̀n ki Nghay lɛ, coo zày ì rì ɓiì kìi ɓi zi bimiɗ wɔ̀lɛ ì ki kìghà, ɓi cààmɛ̀n ki Kiloodɛ à ɓaa rìfòm.

MƐ̀KÌKÌÌ MƐ ƁƐKƐ̀NÌ-FÌTOM 28:22

Ɓìsiì kɔ̀nkɔn lɛ ti wog ɓi ŋwɔm wɔɔ com ki wɔ̀ɔ fèfèg, ɓisuulɛ tì yii lɛ bee inɛ̀n, ɓum ɓɛɛ̀ ɗùùɗuu ri yɔ̀ jàŋbimiɗ.

RÒMƐŊ 10:18

Nni ǹtɔɔgh lɛ, ɓɛ rɔɓkà nya ɓɛ̀ kɛɛ̀ wog? Ɓɛ ɓaghà ɓi lɛ ɓɛ rɔɓ, jɛ̀ɛ̀ yaa yi wooghrɛ̀ngà zi bimiɗ, ɓìtòkì ɓyaa ɓi kpagì lɛ rì a ɓɛ̀yɔ̀ŋyɔ̀ŋ ɓɛ zi miì.

RÒMƐŊ 16:19

Ɓi san ànɛ a lɔ̀ŋkin, ɓum ɓɛ̀cèm ɓɛ yii mɛ̀wog mɛ ɓì rì rì mɔ ɓi ɓɛg ànɛ yɛ̀ɛ Kan, ǹɗem wɛ̀m wɛɛ̀ pupuɓ ri mìni, fɔɔnnɛ kɛɛ̀ kɔ̀nkɔn mɛ lɛ ɓi ɓa rì ɗyomzɛ̀n ɓi rìkì ɗi kirɔɔ, ɓì ki ɓa ɓɛtɛnɛn ɓi rìlɛg ɗi kiɓe.

RÒMƐŊ 6:17

Bɛ̀ll a teɗ rìkem, lɛ mìni ɓɛ ɓì ka ɓaghà ɓɛ̀kpàn ɓɛ kiɓe, ɓigomìnɛ, mìni yɛ̀ɛ mɛ nɔ̀ɔ̀ti ri nɗem win wucèm, deɓ yi ɓi rìrèsàg ɗi ɓì tekà.

1 KƆ̀RƐ̀ŊTYƐŊ 1:4

Mɛ̀ɛ nfafa Bɛ̀ll ɓìtògsɛ̀n kɛ̀ɛ nfɔy ɓisu win, lɛ geesɛ̀n ì Bɛ̀ll ìnɛ ì falɛ̀ngà a lɔ̀ŋkin ɓi Yeesus Kiris.

2 KƆ̀RƐ̀ŊTYƐŊ 2:14

Rìkem ɗyɛɛ ɓa rì Bɛ̀ll ànɛ à ti à kɛ̀ɛ̀sàg ɓìsi cààmɛ̀n kìcèm ɓi rìcee, lɛ Kiris, à ki fa ɓisi kìsay ki sàasaàtìyɛ̀n kìnùbe ki ɓi rìyi ɗi ɓɛ ghɛɛ̀sɛɛ Nyi kì yiì.

EFÈZYƐŊ 1:15

Kìɓan kiǹ kɛɛ̀ki, yɛ̀ɛ mɛ̀ɛ nwoogh girig di ɓɛɛ̀ sɛsɛg lèg ànɛ ɓì gherɛɛ Kan Yeesus, rì nkɔ̀nɛ̀n ànɛ ɓì rì rì nyi ɓi san à ɓɛ̀gherɛ̀n ɓɛ̀cèm,

EFÈZYƐŊ 1:16

nni ǹti ǹfafà lɔŋ Bɛ̀ll ɓìtògsɛ̀n kɛ̀ɛ̀ cààmɛ̀n ɓisu win, ǹki ɓùŋɓuŋ mini ɓi bɔ̀ŋzɛ̀n yɛm̀,

EFÈZYƐŊ 3:21

nnyɛɛ ghɛɛ̀sɛɛ rì rìkem ɓi kìseŋi ki ɓɛgherɛ̀n, rì ɓi Yeesus Kiris ɓi gbàà yi ɓum yìcèm, à kpaŋ fìɗyàɓ fikɔ̀ɔ̀ ri fìɗyàɓ fikɔ̀ɔ̀. Ààmɛ̀n.

EFÈZYƐŊ 5:20

Ɓi ɓìɓan ɓìcèm, faana Bɛ̀ll à Seŋi wìs ɓìtògsɛ̀n cààmɛ̀n kìcèm ɓi ɗii ɗi Kan wìs Yeesus Kiris.

FÌLÌPYƐŊ 1:11

ɓì ki ɓa ɓɛronɛn rì mɛ̀kìkìì mɛ saaɗ mɛ mɛ ti mɛ ghɛnàg a lɔ̀ŋkis lɛ Yeesus Kiris ɓisuu rikem, ɗì rìɓɔgsì ɗi Bɛ̀ll.

FÌLÌPYƐŊ 1:3

Cààmɛ̀n kìcèm ki ǹ-yitii mìni, ǹti falàg Bɛ̀ll wɛ̀m ɓìtògsɛ̀n.

KÒLÒSYƐŊ 1:3

Tì ti tì fafà Bɛ̀ll à Seŋi Kan wìs Yeesus Kiris ɓìtògsɛ̀n, di tì ɓɔ̀ɔɓɔ̀ŋzì Bɛ̀ll ɓisu win, tyɛ̀ ki fɔy.

TÈSÀLÒNÌSYƐŊ 1:2

Ɓisiì fafa lɔŋ Bɛ̀ll ɓìtògsɛ̀n cààmɛ̀n kìcèm ɓisu wiǹ mìniìcèm, tì ki ɓùŋɓuŋ mini ɓi bɔ̀ŋzɛ̀n yis.

TÈSÀLÒNÌSYƐŊ 2:13

Kìɓan kiǹ kɛɛ̀ki tì fafa Bɛ̀ll ɓìtògsɛ̀n cààmɛ̀n kìcèm lɛ, yɛ̀ɛ bì ghàɓkà jɛ̀ɛ̀ yìì ìnɛ tì wogsìghà mìni, ɓì ghàɓkà ɓi yɔ̀ yɛ̀ɛ jɛ̀ɛ̀ ì mum; ɓì ghàɓkà lɔŋ yɔ̀ yɛ̀ɛ ì rì a tààkaà, lɛ ì rì jɛ̀ɛ̀ ì Bɛ̀ll ìnɛ yɛ̀ɛ kìki kisay ɓi mìni ɓɛ ɓì rì ɓɛ̀gherɛ̀n.

2 TÈSÀLÒNÌSYƐŊ 1:3

Ɓɔɔsoŋ̀, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n ɓisu win tyɛ̀ ki fɔy; tì ghɛ̀ɛ̀sɛɛ kì kìkii fɔlɔɔ ɓisuulɛ rìgherɛ̀n ɗin ɗyɛɛ̀ tɔɔtɔ̀ɔ̀, ǹkɔ̀nɛ̀n ànɛ à rì ɓi nyìinyìm wìn a tèèghtèghɛ̀n.

2 TIMOTE 1:3

Ǹfaa Bɛ̀ll ànɛ nkìki kisay ɓitògsɛ̀n; kìsay kiǹ, ki ri rìkɛ̀n ɗi beèbɛ̀y ɗì kìsay ki ɓɛ̀seŋi ɓɛ̀m ɓɛ ɓɛsɛ̀ɛ̀ ɓɛ kighà nyi; nkìki kɔ rì nɗem wu sɛɛghi sɛɛghi, fɔlɔɔ nnɛ ǹfɔli ɓi wɔ rìɓùŋ yɛ̀ɛ ìru yɛ̀ɛ ŋwos ɓi bɔ̀ŋzɛ̀n yɛm̀;

FILEMƆŊ 1:4

Ǹti ǹfafà Bɛ̀ll wɛ̀m ɓìtògsɛ̀n cààmɛ̀n kìcèm, ǹki yiiyitì wɔ̀ ɓi bɔ̀ŋzɛ̀n yɛm̀,

EBIREEGH 13:15

Ti faana min Bɛ̀ll rìkem ɓi sìg à ɓyom ɓi tì fùnɛɛ ɓi Yeesus, fɔlɔɔ yɛɛ ri rìfa ɗi ɗyɛɛ̀ rèeresɛ̀n ɓi myɔm mɛ mɛɛ̀ kpaakpagsɛ̀n nyi lɛ à rì Kan wìs.

1 PYƐƐRI 2:5

fɔɔnnɛ mìni girig, fɛlɛ yɛ̀ɛ gɔ̀g yi yi ri cencem, ɓì rì ɓɛ̀toŋɛn lɛ ɓi ɓa mɛɛ mɛ ɓi Nghay, ɓì ɓa ǹɗaŋ wu ɓɛpìrɛɛtìrɛ̀ ɓɛ ɓɛ ri ɓɛ̀tɛnɛn ɓɛ ɓɛɛ̀ fùufunɛ̀n Bɛ̀ll ɓyom ɓi ɓi Nghay ɓi ɓi ri rɔɔ nyi, lɛ Yeesus Kiris.

1 PYƐƐRI 4:11

I mum à pinii ŋwɔm lɛ a kali ɓìɓan ɓi Bɛ̀ll, a ghagsi lɔŋ jɛ̀ɛ̀ ìnɛ ì rìì yɛ̀ɛ Bɛ̀ll, ŋwaànɛ a ghɛɛghɛɓsì kìsay, à ghɛ̀ɛ̀sɛɛ kɔ kì kìi ri ìtèɗ wu Bɛ̀ll à faa nyi, di fɔlɔɔ nnɛ Bɛ̀ll a teɗ rìkem ɓi ɓìɓan ɓìcèm lɛ Yeesus Kiris ànɛ à rì lɛ, rì rìkem, rì ìtèɗ, fiɗyàɓ fikɔ̀ɔ̀. Ààmɛ̀n.