RÒMƐŊ 1:13 - Bafia Nouveau Testament

¹³ Ɓɔɔsoŋ̀ ǹkɔ̀ni ɓi lɛ ɓi naǹ lɛ, mmɛ ɓeg ɓyààmɛ̀n ɓidɛŋ lɛ n-yu mìni kì ghɛɛ̀ lɛ di kìsay kɛm̀ kɛɛ wum gàɓ ì ɓìɗùn a lɔ̀ŋkin, yɛ̀ɛ ki faghà ɓi ɓìlɔ̀ŋ ɓimbog. Nni à kpaŋ ɓigomìnɛ, bee ì ka ghɛnɛ̀ngà ɓi.

RÒMƐŊ 1:13 Iomraidhean Croise

ZYAŊ 12:24

Ǹkalii mìni ɓi saaɗ lɛ: I ɗis ɗi bààzì ɗi kpii ɓi ɓi zi ɗi wu, di ɗi rɔɓi lɔŋ ɗyɔ rì ɗyɔ, wɔ̀lɛ i ɗi wii ɗi ɓa tì rì mis mɛdɛŋ lɛɛ̀gwey.

ZYAŊ 15:16

Àa mìni yɛɛ ɓɔngà mɛ̀, lɔŋ mɛ̀ yɛɛ ɓɔngà mìni, ǹki rɛ̀si mini lɛ, ɓi kɛǹ, ɓi wum̀ ɓìɗùn, ɓìɗùn ɓin ɓi ki ɓa ɓiɗùn ɓi ɓyɛɛ finɛn, fɔɔnnɛ com kìcèm ki ɓì ɓiì tɔɔ̀gh Tààta rì ɗii ɗyɛ̀m, à rì mìni kɔ ɓiì kìi.

ZYAŊ 4:36

Ǹsaŋì-mɛ̀saŋ à mɛ teɗ mɛlèɓ mii, à ki taŋzɛn ɓiɗùn ɓisuu cɛɓ ki fiɗyàɓ fikɔ̀ɔ̀, lɛ di m̀ɓɛ̀lì-ɓyom rì ǹsaŋì-mɛ̀saŋ, ɓɛɛ nyaàrɛn ǹɗaŋ.

MƐ̀KÌKÌÌ MƐ ƁƐKƐ̀NÌ-FÌTOM 1:15

Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 14:27

Yɛ̀ɛ ɓɛ kpagà a Aŋtyos, ɓɛ taŋzɛ̀n ɓɛ̀gherɛ̀n ɓɛ ɓi kìseŋi ki wɔɔ, ɓɛ kpaa ɓɔ ɓìɓan ɓìcèm ɓi Bɛ̀ll à faghà ɓɔ ìtèɗ wulɛ ɓɛɛ kikì, à ɓiisɛ̀n rìnɛm ɗi à nɛmgà ɓum ɓɛ zɛy bee inɛ ɓɛɛ gherɛn girig nyi.

MƐ̀KÌKÌÌ MƐ ƁƐKƐ̀NÌ-FÌTOM 15:12

Fɔɔnnɛ ɓumɓɛ ɓɛ ɓaghà a rìghàdà ɗiǹ ɓɛ maaghà lɛ fyòoog, ɓɛ wowòg yɛ̀ɛ Pol ɓɛɛ̀ Ɓarinaɓas ɓɛ kpaakpààghà lɛ, rì dàm yi ɓiɓan, rì ɓɛ̀koŋnyoo ɓɛ ɓiɓan ɓɛ Bɛ̀ll à kìghà rì ɓɔ ɓi nyìinyìm à ɓum ɓɛ zɛy.

MƐ̀KÌKÌÌ MƐ ƁƐKƐ̀NÌ-FÌTOM 19:21

Ajɛ̀m ì ɓìɓan ɓiǹ, Pol à ɓekà lɛ a kɛǹ a Yorisalɛm, à ghɛ̀ɛ̀sɛ̀ngà kì syàa zi ì Masedwan rì zi ì Akayi, fɔɔnnɛ à kpaaghà lɛ: Ki ghɛɛ̀sɛɛ lɛ i m̀ɓaa wɔɔ, ǹkɛ̀n girig kì ghɛɛ̀ Rom.

MƐ̀KÌKÌÌ MƐ ƁƐKƐ̀NÌ-FÌTOM 21:19

Yɛ̀ɛ Pol à tògsàkà ɓɔ, à tumɛ̀n ɓɔ rìkpaa ɗi ɓiɓan ɓìcèèm ɓi Bɛ̀ll àa ǹkii, a ɓumɓɛ ɓɛ yin Ɓɛ̀yudɛ̀n, ɓi kìsay ki nyii nkìkii.

MƐ̀KÌKÌÌ MƐ ƁƐKƐ̀NÌ-FÌTOM 28:14

Tì tanɛ̀ngà ɓɛ̀geni ɓis ɓɛ righerɛ̀n wɔɔ ɓi jàŋ inɛ̀n, ɓɛ tɔg ɓìsi lɛ ti lay mɛ̀ru taàɓɛ̀ɛ̀ a lɔ̀ŋkaa, fɔɔnnɛ tì ki kɛ̀ngà a Rom.

RÒMƐŊ 1:12

Nsoò gì lɛ di ti faàfàlɛ̀n ìtèɗ nɗaŋ a lɔ̀ŋkin ɓi rìgherɛ̀n ɗi ɗi ri ɓìsi bas lɛ rì mɛ̀ rì mìni.

RÒMƐŊ 11:25

Ɓɔɔsoŋ̀, kìɓan kidɛŋ ki a rìnyam ki ri wɔɔ, kɛɛ̀ki ǹkɔ̀ni ɓi lɛ ɓi comɛn lɛ ɓì ɓiì ki ghɛnɛɛ miniì ɓɔmiɗ yɛ̀ɛ ɓum ɓɛ ɗyom̀zɛ̀n; kìɓan kiǹ kɛɛ ri lɛ, gàɓ ì ɓum ìnɛ a Isirayɛl ì yiìdi ri ìtèɗ wulɛ ì wog, wɔ̀lɛ kìɓan kiǹ ki ri ɓiì finɛɛ à kpaŋ yɛ̀ɛ ɓìlɔ̀ŋ ɓimbog ɓi ɓi yin Ɓɛ̀yudɛ̀n ɓìcèm ɓi ɓiì ɗiŋii ɓi gòri ì Bɛ̀ll.

RÒMƐŊ 7:1

Ɓɔɔsoŋ̀, (mɛ̀ ntòtog ri ɓumɓɛ ɓɛ yii com ki lɛ kìdɔ̀gsɛna) ɓì yii ɓi lɛ mum à rì ɓi rìlàmì ɗi kidɔ̀gsɛna cààmɛ̀n kìcèm ki a ka ghɛghɛ̀ɓ.

1 KƆ̀RƐ̀ŊTYƐŊ 1:10

Ɓɔɔsoŋ̀, ǹtɔɔgh mìni ɓi ɗii ɗi Kan wìs Yeesus Kiris lɛ, wooghrɛɛna jɛ̀ɛ̀, yɛ̀ɛ gasɛ̀n yɛ̀ kɛɛ̀ ɓa ɓi nyìinyìm wìn, kìɓan kifog, ɓaana ɓɛ̀ràrɛn kɔɔ̀kɔɔ̀ à rìràrɛ̀n, ɓì ɓa nɗem wufog rì fèg bogtɛ̀n.

1 KƆ̀RƐ̀ŊTYƐŊ 10:1

Ɓɔɔsoŋ̀, ǹkɔ̀ni ɓi lɛ ɓi rɔɓ kɛ̀ ɓi yi kiɓan ki; ɓɛ̀seŋi ɓis ɓɛ ɓɛsɛ̀ɛ̀ ɓɛ ɓaghà ɓɛ̀sɛ̀ɛ̀ ɓɛ̀cèm ɓi kìkwìɗ a zi, fɔɔnnɛ ɓɛ̀sɛ̀ɛ̀ ɓɛ̀cèm ɓɛ syaàghà rìɓày à m̀ɓàŋ.

1 KƆ̀RƐ̀ŊTYƐŊ 12:1

Ɓɔɔsoŋ̀, ɓi kìɓan ki ki seesee ɓìɓan ɓi Kìtɛntɛ̀ɛ̀n ki Nghay ki ti ki falàg ɓum ìtèɗ wu kìyɛn, mɛ̀ ǹkɔ̀ni ɓi lɛ ɓi rɔɓ lɛ dùŋdùŋ.

1 KƆ̀RƐ̀ŊTYƐŊ 14:20

Ɓɔɔsoŋ̀, kɛ̀ ɓi ɓa yɛ̀ɛ ɓɔɓti ɓi rìfifìɓì ɗi ɓiɓan, wɔ̀lɛ ɓi kìɓe nnɛ ɓì ghɛ̀ɛ̀sɛɛ kì ɓaà yɛ̀ɛ ɓɔɓti; ɓì rìfifìɓì ɗi ɓiɓan, ɓì ɓa ɓɛ̀sɛ̀ɛ̀mɛn.

1 KƆ̀RƐ̀ŊTYƐŊ 14:26

Ɓɔɔsoŋ̀ nni cɛ ɓì ghɛ̀ɛ̀sɛɛ min lɛ ɓì kìlàg? Ki ghɛɛ̀sɛɛ lɛ, cààmɛ̀n ki ɓì taŋzɛɛ, wàànɛ ù rì rì fyem, nsoò lɛ com ki rèsiyɛn, nsoò kìɓan ki Nghay à rèsii wɔ̀, nsoò lɛ u toòghrɛn kìkènekènè ki kitòkì, nsoò lɛ rìtɛɛ̀zì ɗi ɓiɓan ɓi ɓi kparɛɛ ɓi kìkènekènè ki kitòkì kiǹ, ɓìɓan ɓiǹ ɓìcèm ɓi ghɛɛ̀sɛɛ kìfaà ɓɛ̀gherɛ̀n ɓɛ̀cèm ìtèɗ ɓi nghay.

1 KƆ̀RƐ̀ŊTYƐŊ 9:2

I ɓum ɓɛdɛŋ ɓɛ ɓeni kì gherɛɛ lɛ ǹɗì ǹkɛ̀nì-fìtom a Yeesus, nsoò mìni, mìnii ghɛɛ̀sɛɛ kì gherɛɛ lɛ ǹɗì ǹkɛ̀nì-fìtom, ɓisuulɛ mìni yɛɛ ri kìrèmzɛnà ki ɓi rìɓa ɗi ǹɗì ǹkɛ̀nì-fìtom, ɓi cɛɓ ki ɓi ghɛghɛɓ ɓi Kan ɓi ɗùm.

2 KƆ̀RƐ̀ŊTYƐŊ 1:8

Lɛ tì kɔ̀ni ɓi lɛ, ti caɗ mìni lɛ dùŋdùŋ, ɓɔɔsoŋ̀, ɓi kìɓan ki ki seesee ǹtɔɓ wu tìi ntanɛɛ rì wɔ a Azii. Tìi nghɛɛ ǹtɔɓ wu wu nɗìri ɓìsi ɓi nyoo lɛɛ̀gwey, wu cee gì ɓìsi ɓi-tèɗ, ɓi lèg ànɛ lɛ tìi n-yiìdi kɔm̀ rì ǹtyweeyi wulɛ tì rì ɓiì ɓatii ti ɓi cɛɓ.

2 KƆ̀RƐ̀ŊTYƐŊ 2:14

Rìkem ɗyɛɛ ɓa rì Bɛ̀ll ànɛ à ti à kɛ̀ɛ̀sàg ɓìsi cààmɛ̀n kìcèm ɓi rìcee, lɛ Kiris, à ki fa ɓisi kìsay ki sàasaàtìyɛ̀n kìnùbe ki ɓi rìyi ɗi ɓɛ ghɛɛ̀sɛɛ Nyi kì yiì.

GÀLAT 3:15

Ɓɔɔsoŋ̀, nteɗ mìni dàɗkì rì ɓìɓan ɓi ɓyɛɛ̀ kìikilɛ̀n ɓi rìghɛghɛ̀ɓ ɗi ɓum; i mum à reɓsaagh ɓìɓan ɓii syeesyee à rìreɓsàg di à ka wu ɓi, ŋwaàdɛŋ à yin lɛ à ɓa rì com ki pisiyɛn, nsoò ki fɔŋdiyɛn ɓi ɓìɓan ɓiǹ.

GÀLAT 6:18

Ɓɔɔsoŋ̀, geesɛ̀n ì Kan wìs Yeesus Kiris yɛ̀ɛ ɓa rì ǹghay wìn. Ààmɛ̀n.

FÌLÌPYƐŊ 1:22

Wɔ̀lɛ i rìɓaɓà ɗi cem ɓi mɛ̀mùù ɗi ri lɛ ɗi ɓa rì gɛɓsɛ̀n lɛ nki kìsay, com ki ǹɗì lɛ mɓɔ̀n ki yag mɛ̀.

FÌLÌPYƐŊ 4:17

Ki yin lɛ nkaakaa lɛ ɓum ɓɛɛ fafa mɛ̀ ɓyom, com ki nkaakàà ki ri lɛ, bimiɗ à kɔ̀misɔ̀n adɛŋ a sagtɛn ɓi ɓirɔɔ ɓin.

KÒLÒSYƐŊ 1:10

Fɔɔnnɛ ghɛɓina cɛɓ ki kɛɛ̀ kɔ̀ngi Kan, ɓì kìkì ɓìɓan ɓi ɓi ri lɛ ɓi puɓsì nyi nɗem cààmɛ̀n kìcèm. Wumina ɓìɗùn ɓi ɓyɛɛ ghɛnɛn ɓi mɛ̀kìkìì mɛ syeesyee mɛ̀kuu mɛ̀kuu, ɓì ki tɔɔtɔɔ ɓi rìyi ɗi ɓì yii Bɛ̀ll.

KÒLÒSYƐŊ 1:6

Syeesyee à Ɓɔlɛ ànɛ̀n à kpagà foo a lɔ̀ŋkin fɛlɛ yɛ̀ɛ a wumwum ɓiɗùn à kɛ̀nkɛ̀n asu ɗì rìsààsàà zi bimiɗ; fɔlɔɔ nnɛ a kìki girig ɓi nyìinyìm wìn à tumɛ̀n ŋwos anɛ ɓì wokà, ɓì ki yi yɛ̀ɛ geesɛ̀n ì Bɛ̀ll ì rì a tààkaà,

TÈSÀLÒNÌSYƐŊ 2:18

Tì kɔ̀ngà lɔŋ lɛ di tyàa yùu foo, a lɔ̀ŋkin mɛ̀ɛmiɗ Pol ǹfèèghrɛɛ gɛ̀n yɛ̀ɛ yiɓɛɛ̀, wɔ̀lɛ Satàn a règ ɓìsi rìyù.

TÈSÀLÒNÌSYƐŊ 4:13

Ɓɔɔsoŋ̀, tì kɔ̀ni ɓi lɛ ɓi ɓa lɛ dùŋdùŋ ɓi kìɓan ki ki seesee ɓɛroɓɛ ɓɛ ri ɓìloŋ lɛ di kɛ̀ ɓi ɓa lɛ mɛ̀rem min mɛ ɓeɓtɛ̀n ɓi mùm yɛ̀ɛ mɛ ɓum ɓɛm̀bog ɓɛ ɓɛ rì kɛ̀ɛ̀ dyàɓɛn.

2 TÈSÀLÒNÌSYƐŊ 2:7

Lɛ ìtèɗ wu kiɓe wu a rìnyam wu ti ɓiì kìkii kisay; kɛɛ̀ tɔtɔg lɔŋ lɛ roànɛ à ka ghegheegh mɔ a ɗim̀ ɓɛ̀ kɛɛ̀ ghɛɛ̀di nyi.

2 TIMOTE 4:17

Lɔŋ Kan yɛɛ ǹɗì mɛ̀ jàŋbog, à ki fa mɛ ìtèɗ, lɛ nghagsi jɛ̀ɛ̀ ì Bɛ̀ll lɛ kɔɔ̀kɔɔ̀, yɛ̀ɛ woòghrɛn ɓi mɛ̀ree mɛ ɓum ɓɛ̀cèm ɓɛ ɓɛ yin Ɓɛ̀yudɛ̀n fɔɔnnɛ ɓɛ nɗùnɛɛ mɛ̀ ɓi ŋwɔm wu kimonɗo.