RÒMƐŊ 1:11 - Bafia Nouveau Testament

¹¹ Ɓisuulɛ ǹɗì rì coo zày ìnɛ lɛ di màa ghɛɛ mìni, lɛ n-yuy mìni rì rìfa ɗi Kitɛntɛ̀n ki Nghay ridɛŋ ɗi ɗyɛɛ fati mìni ìtèɗ.

RÒMƐŊ 1:11 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 16:5

Ɓìseŋi ɓi mɛ tetèkà ìtèɗ ɓi rìgherɛ̀n, bàlì ì ɓumɓɛ ɓɛ ɓaghà ɓɛ̀gherɛ̀n ì ɓɔɓɔ̀g m̀ɓɔɓɔghɛn ɓɛŋwos ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 19:21

Ajɛ̀m ì ɓìɓan ɓiǹ, Pol à ɓekà lɛ a kɛǹ a Yorisalɛm, à ghɛ̀ɛ̀sɛ̀ngà kì syàa zi ì Masedwan rì zi ì Akayi, fɔɔnnɛ à kpaaghà lɛ: Ki ghɛɛ̀sɛɛ lɛ i m̀ɓaa wɔɔ, ǹkɛ̀n girig kì ghɛɛ̀ Rom.

MƐ̀KÌKÌÌ MƐ ƁƐKƐ̀NÌ-FÌTOM 19:6

Fɔɔnnɛ Pol à saghìghà ɓɔ ɓyàg ɓi nyoo, Kìtɛntɛ̀ɛ̀n ki Nghay ki sɛn yì ɓi ɓɔ, ɓɛ tumɛ̀n ɗìtòg ɗi ɓìkènekènè ɓi ɓitòkì di ɓɛɛ̀ kpaakpaa ɓiɓan ɓi Bɛ̀ll à rèrèsìghà ɓɔ lɛ, ɓɛɛ kpaà.

RÒMƐŊ 1:12

Nsoò gì lɛ di ti faàfàlɛ̀n ìtèɗ nɗaŋ a lɔ̀ŋkin ɓi rìgherɛ̀n ɗi ɗi ri ɓìsi bas lɛ rì mɛ̀ rì mìni.

RÒMƐŊ 15:23

Nni ɓigomìnɛ, m̀mɛ lègsi kisay kɛm̀ ɓi ɓìlànà ɓi zi ɓi fɛ. Ki ti bèg lɛɛ̀gwey yɛ̀ɛ maà ɓeɓèg lɛ n-yu a lɔ̀ŋkin; yɛ̀ɛ ǹɗi ɓa ɓi rìkɛ̀n a Kpanya,

RÒMƐŊ 15:29

Ǹ-yii lɛ, yɛ̀ɛ ǹɗi yù a lɔ̀ŋkin, ǹɗi yuiy rì ɓɛ̀mààgh ɓɛ̀cèm ɓɛ yɛ̀ɛ Kiris.

RÒMƐŊ 15:32

Fɔlɔɔ nnɛ ǹɗì ɓiì kpaŋì a lɔ̀ŋkin ɗi kìnyàà di Bɛ̀ll à kɔ̀ni, ǹki fɔɔsɛn a lɔ̀ŋkin lèg àdɛŋ.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

2 KƆ̀RƐ̀ŊTYƐŊ 1:15

Ɗì rìyi ɗìn ɓi nɗem innɛ mɛ̀ɛ nfèegh lɛ ǹka yùiy a lɔ̀ŋkin, lɛ di ɓi ɓiìti kìghɛɛ̀ mààgh àdɛŋ.

2 KƆ̀RƐ̀ŊTYƐŊ 1:21

Roànɛ à ti à kìlàg lɛ ti siìrɛn ɓi Kiris ǹɗaŋ ri mìni, roànɛ à siŋìghà ɓìsi mɔ̀ɔ mɛ lɛ tì rì ɓum ɓii yɛɛ ri Bɛ̀ll nyimiɗ.

2 KƆ̀RƐ̀ŊTYƐŊ 11:4

Ɓisuulɛ ki yeesii ɓi mini lɛ ŋwaàdɛŋ a yu mìni kì kalii kiɓan ki Yeesus àdɛŋ, ànɛ à yin anɛ ɓìsii kalìghà mìni, nsoò lɛ ɓi teɗ Ǹghay àdɛŋ ànɛ à yin Ǹghay ànɛ ɓì ɓaghà di ɓì mɛ teɗ, nsoò lɛ Syeesyee à Ɓɔlɛ àdɛŋ ànɛ à yin anɛ ɓì tekà.

2 KƆ̀RƐ̀ŊTYƐŊ 9:14

Ɓɛ ri ɓɔ̀ŋzag Bɛ̀ll ɓisu win ri coo nkɔ̀nɛ̀n lɛɛ̀gwey ɓisuu geesɛ̀n ìnɛ Bɛ̀ll à kìghà mìni kɛ̀ɛ̀ vèg.

FÌLÌPYƐŊ 1:8

Lɛ Bɛ̀ll à rì mɛ̀ wusìnɛ̀ɗ lɛ, ǹkeesii mìni ɓɛ̀sɛ̀ɛ̀ ɓɛ̀cèm rì syeesyee à ǹkɔ̀nɛ̀n à Yeesus Kiris.

FÌLÌPYƐŊ 2:26

Àa ǹɗì rì coo zày ìnɛ lɛ di àa ghɛɛ̀daagh mìni ɓɛ̀sɛ̀ɛ̀ ɓɛ̀cèm, wɔ̀lɛ kìɓan ki ki ǹ-yeesii nyi lɛɛ̀gweey, ki ǹɗì kiɓan ki ɓɔlɛ à fìroɓ fii anɛ ɓìi nteri foo.

FÌLÌPYƐŊ 4:1

Fɔlɔɔ nnɛ, mìni ɓɛ̀geni ɓɛ̀m ɓɛ nɗem ɓɛ ǹɗì rì coo zày ìnɛ lɛ di màa ghɛɛdii, ɓì rì lɛ, mìni kìnyàà kɛm̀, mìni rìkem ɗyɛ̀m, kɛ̀ɛna lɔŋ asu, ɓi siìrɛn fɔlɔɔ ɓi Kan, mìni ɓum ɓɛm ɓɛ nɗem.

TÈSÀLÒNÌSYƐŊ 3:13

A ki lɛ mɛ̀rem min mɛɛ siìrɛn, mɛ ɓa mɛ̀ tɛnɛn, kɛ̀ɛ̀ kìɓan ki ɓɛ rì lɛ ɓɛ fen miì ɓi mis mɛ Bɛ̀ll à Seŋi wìs, ŋwosi risugtìì ɗi Kan wìs Yeesus ǹɗaŋ rì ɓum ɓii ɓɛ̀cèm, ɓɛ ɓɛ ri ɓɛ̀tɛnɛn.

TÈSÀLÒNÌSYƐŊ 3:2

Fɔɔnnɛ tìi nɗomiì mìni geni wìs Timote, ànɛ à rì ǹkìì-kìsay a Bɛ̀ll ɓi rìghagsì ɗi Syeesyee à Ɓɔlɛ à Kiris lɛ a fa mìni ìtèɗ, à ki fegsi mìni ɓi rìgherɛ̀n ɗin;

2 TÈSÀLÒNÌSYƐŊ 2:17

ɓɛɛ fɔɔ̀si mìni mɛ̀rem, ɓɛ fa mìni ìtèɗ wu kìyɛn ɓiɓan ɓi syeesyee, ɓi mɛ̀kìkì min mɛcèm, rì ɓi ɓìtòkì ɓin ɓìcèm.

2 TÈSÀLÒNÌSYƐŊ 3:3

Wɔ̀lɛ Kan à ti à roòzàg mɛ̀kàg mii; à rì mìni ɓiì faà ìtèɗ, à lɛgsì mìni kìɓeɓtàg ki mum.

EBIREEGH 13:9

Kɛ̀ ɓi càrɛn lɛ mɛ̀rèsàg mɛ̀kuu mɛ̀kuu mɛ mɛ riì tìràɓ, mɛɛ ɗimzi mìni bee, lɛ ki rɔɔtɛɛ lɛ ǹɗem wɛɛ teɗ ìtèɗ lɛ geesɛ̀n ì Bɛ̀ll, à cee ɓìsyɔ̀ɔ̀ ɓi ɓi komi ɓìɗilàg ɓi ɓi ghɛɓsìghà ɓi ɓumɓɛ ɓɛ falɛ̀ngà miì nsoò ɓi bee idɛŋ.

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.

1 PYƐƐRI 5:12

Ǹkàniì mìni ɓɔɔ jɛ̀ɛ̀ ɓɛ rì Silvɛŋ ànɛ à rì geni wìs a ǹtyweeyi lɛ nfa mìni deɓ, ǹki tɛɛ̀zi mini kì rèsii lɛ fɔlɔɔ nnɛ kɔɔ̀kɔɔ̀ à geesɛ̀n ì Bɛ̀ll, ànɛ ɓì rì miì ɓɛ̀sììrɛn lɛ tiŋtiŋ, à rì.

2 PYƐƐRI 1:12

Kìɓan kiǹ kɛɛ̀ki ǹɗì lɔŋ mini ɓiì yiiyitàg ɓìɓan ɓiǹ cààmɛ̀n kìcèm kaa soo rì lɛ ɓì mɛ yi ɓyɔ, ɓì ki ɓa ɓɛsììrɛn lɛ syeesyee ɓi saaɗ ànɛ ɓì tekà.