RÒMƐŊ 1:1 - Bafia Nouveau Testament

¹ Pol, ǹkìì-kìsay a Yeesus Kiris, ànɛ Bɛ̀ll à reŋìghà lɛ a ɓa ǹkɛ̀nì-fìtom a Yeesus, à ki ɓa ti nɗɛsiyɛn dɛgà ɓi rìghagsì ɗi Syeesyee à Ɓɔlɛ à Bɛ̀ll.

RÒMƐŊ 1:1 Iomraidhean Croise

MARIKUS 1:14

Yɛ̀ɛ ɓɛ ɓaghà di ɓɛ mɛ ɓan Zyaŋ, Yeesus à kɛ̀ngà a Galile, à kakàlì Syeesyee à Ɓɔlɛ à Bɛ̀ll.

ZYAŊ 12:26

I mum à kɔ̀ni lɛ a ki mɛ̀ kìsay, a nɔɔ̀ti mɛ̀, fɔɔnnɛ ǹkìì-kìsay wɛm̀ à ɓiì ɓaà jàŋ inɛ mɛ̀ ǹɗì. Seŋi wɛ̀m à ɓiì ki kemzii ŋwaànɛ a kìki mɛ kìsay.

ZYAŊ 15:15

Màa reŋdi ɓi mini lɛ ɓɛ̀kìì-ɓìsay, ɓisuulɛ, ǹkìì-kìsay a ti kɛ̀ɛ yi com ki masà wìì a kìkì. Wɔ̀lɛ ǹɗeŋii mìni lɛ mɛ̀ghan mɛm̀ ɓisuulɛ m̀mɛ rèsag mìni ɓìɓan ɓìcèm ɓi ǹwokà rì Seŋi wɛ̀m.

ZYAŊ 15:20

Yitiina jɛ̀ɛ̀ ìnɛ ǹkpaaghà mìni lɛ: Ǹkìì-kìsay a cee ɓi masà wìì. I ɓɛ yeesìghà mɛ̀, ɓɛ ri yeesi girig mìni. I ɓɛ ɓegà ɓìɓan ɓyɛm̀, ɓɛ ɓiì ɓèŋi girig ɓiŋkìn.

MƐ̀KÌKÌÌ MƐ ƁƐKƐ̀NÌ-FÌTOM 13:9

Fɔɔnnɛ Sol ànɛ à ɓatìghà ɗii lɛ, Pol à ɓaghà ǹɗonɛn ri Kìtɛntɛ̀ɛ̀n ki Nghay; à fiɓìghà ŋwaànɛ̀n lɛ fyɛɛɛyi

MƐ̀KÌKÌÌ MƐ ƁƐKƐ̀NÌ-FÌTOM 20:24

Mɛ̀ m̀ɓiisɛɛ gì ɓi ki foŋì ǹto ɓi cɛɓ kɛ̀m ki mɛ̀ɛmìɗ, com ki nfɔmfɔ̀m ki ri lɛ, nkɛnkɛn asu rì rìkɛ̀ɛ̀ ɗyɛm̀ yɛ̀ɛ ki ghɛɛ̀sɛɛ, ǹki kì kisay ki Kan Yeesus à faghà mɛ̀, kɛɛ ri lɛ, ǹghagsi Syeesyee à Ɓɔlɛ à geesɛ̀n ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 21:40

Yɛ̀ɛ ǹkɔ̀mɛ̀n ɓɛ̀sujàà àgwey anɛ̀n à gherɛ̀ngà, Pol à rɛlìì ɓi ɓɛ̀sìtɛɓ aɗyoo, à maasì ɓum rì càg. Nni ɓum ɓɛ maarɛ̀ngà, à tòòghrɛ̀n min ɗi ɓɔ ɓi rì èbìreegh, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 22:21

Nni Kan à kpaaghà min mɛ lɛ: Kɛ̀na ɓisuulɛ, ǹɗì wɔ̀ ɓiì romi fìràɓ, ɓi ɓìlɔ̀ŋ ɓi ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 22:7

Fɔɔnnɛ ǹkpìghà ɓi zi, ǹwog di jɛ̀ɛ̀ yɛ̀ɛ kpaakpaa mɛ lɛ: Sol! Sol wɔ̀, u yeeyeèsì mɛ̀ lɛ cɛ yɔ?

MƐ̀KÌKÌÌ MƐ ƁƐKƐ̀NÌ-FÌTOM 26:1

Nni Agiripa à kpaaghà Pol lɛ: Tì faa wɔ̀ ìtèɗ wulɛ, u kpaàsɛn. Fɔɔnnɛ Pol à nàmgà càg, à tumɛ̀n mɛ̀kpaà lɛ:

MƐ̀KÌKÌÌ MƐ ƁƐKƐ̀NÌ-FÌTOM 26:14

Fɔɔnnɛ ɓìsi ɓɛ̀sɛ̀ɛ̀ ɓɛ̀cèm tì kpìlàkà ɓi zi, ǹwog min di jɛ̀ɛ̀ ìdɛŋ yɛ̀ɛ kakali mɛ ɓi rì èbìreegh lɛ: Sol wɔ̀ sol wɔ̀, ù yeeyeèsì mɛ̀ lɛ cɛ? Ki rì wɔ̀ ɓiì ɓaà ǹtɔɓ lɛ u kɛnkɛn asu, ù yaàghyààghrɛ̀n yɛ̀ɛ Sanìnya ànɛ à risii ɓi nkpas wu m̀ɓèŋì wìì.

MƐ̀KÌKÌÌ MƐ ƁƐKƐ̀NÌ-FÌTOM 27:23

Ɓi-ru wu gɛɛ̀nɛ, ŋwaà-fìtom a Bɛ̀ll ànɛ à làmii mɛ̀, Bɛ̀ll ànɛ nki ɓɔɔɓɔgsì, àa yùu mɛ̀ jaŋ̀bog,

MƐ̀KÌKÌÌ MƐ ƁƐKƐ̀NÌ-FÌTOM 9:15

Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl.

RÒMƐŊ 1:16

Ɓisuulɛ, ǹ-yin lɛ ǹwog ǹtoòrìɗ ɓi rìghagsì ɗi Syeesyee à Ɓɔlɛ, lɛ à rì ìtèɗ wu Bɛ̀ll wu wɛɛ̀ ghɛɛghɛɓsì ɓum ɓɛ̀cèm ɓɛ ɓɛ gherɛɛ, à tumɛ̀n lɛ Ɓɛ̀yudɛ̀n à kpaŋ lɛ ɓumɓɛ ɓɛ yin Ɓɛ̀yudɛ̀n.

RÒMƐŊ 1:5

Ɓi Yeesus Kiris à Kan wìs nnɛ Bɛ̀ll à kìghà mɛ̀ geesɛ̀n ìnɛ lɛ mɓa ǹkɛ̀nì-fìtom ɓi rìkem ɗi Kiris lɛ nsyoŋ̀ yì ɓumɓɛ ɓi ɓìlɔ̀ŋ ɓìcèm lɛ ɓɛɛ gherɛn nyi, ɓɛ ki nyi mɛ̀wog.

RÒMƐŊ 1:9

Bɛ̀ll ànɛ nkìki kisay ɓi nghay wɛ̀m ɓi rìghaàghàgsì ɗi Syeesyee à Ɓɔlɛ à Man wiì, à rì mɛ̀ wusìnɛ̀ɗ lɛ ǹti mɓùgì mìni ɓyààmɛ̀n ɓìcèm,

RÒMƐŊ 11:13

Mɛ̀ ǹkalii mìni ɓɛ ɓi yin Ɓɛ̀yudɛ̀n lɛ, ǹɗì ǹkɛ̀nì-fìtom a Yeesus ànɛ à rì ɓisuu ɓumɓɛ ɓɛ yin Ɓɛ̀yudɛ̀n, nni ɓi rìɓa ɗyɛ̀m ɗiǹ, mɛ̀ɛ nnyàanyaàrɛ̀n rì kìsay ki ki falɛ̀ngà kiǹ a lɔ̀ŋkɛm̀.

RÒMƐŊ 15:16

lɛ mɓa ǹkìì-kìsay a Yeesus Kiris ɓisuu ɓumɓɛ ɓɛ yin Ɓɛ̀yudɛ̀n, fɔɔnnɛ nɗooroòzì kìsay ki righagsì ɗi Syeesyee à Ɓɔlɛ à Bɛ̀ll, kɛɛ ri kìsay ki ki ri kìtɛnɛn, lɛ di ɓumɓɛ ɓɛ yin Ɓɛ̀yudɛ̀n ɓɛɛ ɓa fɛlɛ yɛ̀ɛ rìfa ɗi ɗyɛɛ̀ rɔɔghi Bɛ̀ll; ɗyɛɛ̀ɗi Kìtɛntɛ̀ɛ̀n ki Ǹghay ki mɛ tɛɛ̀zì.

RÒMƐŊ 15:29

Ǹ-yii lɛ, yɛ̀ɛ ǹɗi yù a lɔ̀ŋkin, ǹɗi yuiy rì ɓɛ̀mààgh ɓɛ̀cèm ɓɛ yɛ̀ɛ Kiris.

RÒMƐŊ 16:18

Ɓisuulɛ àa kìsay ki Kiris ànɛ à rì Kan wìs kɛɛ̀ki ɓɛɛ̀ kìkì, ɓɛɛ̀ sasay lɔŋ ɓisuu mùm maa, fɔɔnnɛ ɓɛ ti ɓɛ yegsàg ɓumɓɛ mɛ̀rem maa mɛ ka yin ɗi ɗyomzɛ̀n ɓi kìɓan ki kiɓe, rì ɓìsyeesyee ɓi jɛ̀ɛ̀, rì fìɗyɛɓi.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

1 KƆ̀RƐ̀ŊTYƐŊ 1:1

Mɛ̀ Pol ànɛ ǹɗì ǹɗeŋiyɛn lɛ mɓa ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, rì Sostɛn à geni wìs.

1 KƆ̀RƐ̀ŊTYƐŊ 9:1

Mɛ̀ɛ nfèki nya lɛ ǹɗì rì ìtèɗ wulɛ ǹkì com ki ǹkɔ̀ni? Nfèki nya lɛ ǹɗì ǹkɛ̀nì-fìtom a Yeesus? Mɛ̀ɛ nti nya lɛ ǹghɛngà Yeesus Kan wìs? Àa mìni yɛɛ ri kìsay kɛm̀ ɓi Kan ɓi ɗùm?

2 KƆ̀RƐ̀ŊTYƐŊ 1:1

Mɛ̀ Pol, ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, rì geni wìs Timote tì kàni lɛ rì Kìseŋi ki Bɛ̀ll ki ki ri a Kɔrɛŋt, rì ɓɛ̀gherɛ̀n ɓɛ̀cèm ɓɛ ɓɛ ri ɓi kìlànà ki zi ki lɛ Akayi kìcèm.

2 KƆ̀RƐ̀ŊTYƐŊ 11:5

Mɛ̀ɛ nfèfeg lɛ ɓum ɓin ɓɛ ɓi seesee lɛ ɓɔ yɛɛ ri ɓyoo ɓɛkɛ̀nì-fìtom ɓɛ cee ɓi mɛ ɓi com kidɛŋ nsoò lɛsàg.

2 KƆ̀RƐ̀ŊTYƐŊ 11:7

Gìn mɛ̀ yɛɛ sɛrìghà nya yɛ̀ɛ ǹsɛɛ̀dɛ̀ngà mɛ̀ɛmiɗ ɓi zi lɛ mɓɔgsi mìni, cààmɛ̀n ki ǹghagsìghà mìni Syeesyee à Ɓɔlɛ à Bɛ̀ll zɛy rì zɛy, kɛ̀ ɓi kòòsɛn?

2 KƆ̀RƐ̀ŊTYƐŊ 12:11

Mɛ̀ mmɛ ghay kiyèg, kìɓan kifog, mìni yɛɛ tinìghà mɛ̀ lɛ nghay kìyèg, lɛ mìni yɛɛ ghɛɛ̀sɛ̀ngà lɛ ɓì sɛg ɓum mɛ̀. Lɛ nsoò yɛ̀ɛ ǹ-yin bimiɗ à mum, ǹ-yii ɓi lɛ ɓumɓɛ ɓɛɛ̀ kpaakpaa lɛ ɓɔ yɛɛ ri ɓyoo ɓɛkɛ̀nì-fìtom ɓɛ Yeesus ɓɛ cee mɛ̀ ɓi com kidɛŋ.

2 KƆ̀RƐ̀ŊTYƐŊ 2:12

Yɛ̀ɛ ǹkpagà a Tirowas lɛ nghagsi Syeesyee à Ɓɔlɛ à Kiris wɔɔ, ki soo ɓaghà lɛ Kan à nɛmgà mɛ̀ bee lɛ syeesyee lɛ nki kìsay kiǹ wɔɔ.

2 KƆ̀RƐ̀ŊTYƐŊ 4:5

Àa ɓìsiìɓɔmiɗ nnɛ ti làalamɓɛ̀n ɓi ɓìɓan ɓi Bɛ̀ll ɓi ti kpaakpàà, lɔŋ Kan Yeesus Kiris nnɛ ti làalamɓɛ̀n, tì ki kpaaghi lɛ tì rì ɓɛ̀kìì-ɓìsay ɓin ɓisuu Yeesus.

GÀLAT 1:1

Mɛ̀ Pol ànɛ ǹɗì ǹkɛ̀nì-fìtom a Yeesus Kiris, àa lɛ rìkɔ̀n ɗi ɓum, nsoò lɛ rìkì ɗi bimiɗ à mum, ǹɗì lɔŋ fɔlɔɔ lɛ Yeesus Kiris, rì Bɛ̀ll Seŋi ànɛ à ghèmzìghà nyi a ɓìloŋ, mɛ̀ yɛɛ kaniì kaàtà ànɛ,

EFÈZYƐŊ 1:1

Mɛ̀ Pol, ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, mɛ̀ yɛɛ kani ɓumɓɛ Bɛ̀ll rì ɓɛ̀gherɛ̀n ɓɛ ɓɛ ri ɓɛ̀falɛn ɓi Kiris Yeesus a Efɛɛzɛ.

EFÈZYƐŊ 1:13

Ɓi Kiris, mìni girig ɓì kìghà lɛ, yɛ̀ɛ ɓì wokà jɛ̀ɛ̀ ìnɛ ì rì saaɗ, yɛ̀ɛ ri Syeesyee à Ɓɔlɛ ànɛ à ɓaghày rì gòri yìn, nni ɓì gherɛ̀ngà Kiris, Bɛ̀ll à foŋ min kirèmzɛnà kii ɓi mìni, yɛ̀ɛ à faghà mìni Kìtɛntɛ̀ɛ̀n ki Nghay ki à kàkà.

EFÈZYƐŊ 4:11

Nnyɛɛ faghà ɓɛ̀ro ɓɛdɛŋ lɛ ɓɛɛ ɓa ɓɛ̀kɛ̀nì-fìtom, ɓɛ̀ro ɓɛmbog ɓɛ̀kpaŋzì-ɓìɓan, ɓɛmbog ɓɛ̀kalì-Syeesyee à Ɓɔlɛ, ɓɛmbog ɓɛ̀pàstɛɛ̀rì nsoò lɛ ɓɛ̀rèsàg.

FÌLÌPYƐŊ 1:1

Ɓìsi ɓɛ̀kìì-ɓìsay ɓɛ Yeesus Kiris lɛ rì Pol, rì Timote, tì kàni ɓum ɓɛ Bɛ̀ll ɓɛ̀ ɓi Yeesus Kiris ɓɛ̀cèm ɓɛ ɓi bàn ì Filiɓ, rì ɓɛ̀kɛ̀ɛ̀sì ɓaa rì ɓɛ̀dyaakìrɛ̀.

FÌLÌPYƐŊ 2:11

ɓɛ̀sɛ̀ɛ̀ ɓɛ̀cèm ɓɛ ki làmɓɛ̀n ɓi myɔm maa lɛ Yeesus Kiris à rì Kan ɓi rìkem ɗi Bɛ̀ll Seŋì.

KÒLÒSYƐŊ 1:1

Mɛ̀ Pol ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, rì Timote à geni wìs,

KÒLÒSYƐŊ 1:25

Mɛ̀ ǹtighà ǹkìì-kìsay anɛ ɓi kìseŋi ki Kiris, lɛ ǹtɛ̀g wu Bɛ̀ll à tɛ̀gsìghà mɛ̀ lɛ nghagsi mìni jɛ̀ɛ̀ ì Bɛ̀ll lɛ kɔɔ̀kɔɔ̀,

TÈSÀLÒNÌSYƐŊ 2:2

Di tì ka kpaŋ ɓi a lɔ̀ŋkin, tì ghɛngà mɛ̀tɔɓ, ɓum ɓɛ ki yeesi ɓisi a Filiɓ lɔŋ yɛ̀ɛ ɓì yii, wɔ̀lɛ Bɛ̀ll à faghà ɓìsi ìtèɗ wulɛ ti ghagsi mìni Syeesyee à Ɓɔlɛ wìì nsoò yɛ̀ɛ ki ɓaghà bimiɗ à wɛ̀y.

TÈSÀLÒNÌSYƐŊ 2:8

Ɓi rìkeesì ɗi tì keesìghà mìni, àa Syeesyee à Ɓɔlɛ à Bɛ̀ll nyi rì nyi innɛ tì ɓaghà lɛ tì kɔ̀n lɛ ti fa mìni, ti ɓaghà lɛ ti fa mìni lɔŋ lɛ rì ɓyɛɓ ɓis miì, lɛ ɓì ɓaghà di ɓì ti ɓum ɓis ɓɛ nɗem lɛ kɔɔ̀kɔɔ̀.

TÈSÀLÒNÌSYƐŊ 2:9

Ɓɔɔsoŋ̀ ɓì rì lɛ ɓì yitì kìsay ki tì kìghà, rì ǹtɔɓ wu tì wokà; tì ghagsìghà mìni Syeesyee à Ɓɔlɛ à Bɛ̀ll tì ki sasay lɛ rì ìru rì ŋwos lɛ ǹtɛ̀g wis wɛ̀ kɛɛ̀ siŋ wààdɛŋ ɓi nyòò.

TIMOTE 1:1

Mɛ̀ Pol, ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll ànɛ à rì ǹghɛɓsì wìs, rì Yeesus Kiris ànɛ à rì dyàɓɛn yis.

TIMOTE 2:7

Kìɓan kiǹ kɛɛ̀ki ɓɛ rɛsìghà mɛ̀ miì lɛ mɓa ǹghagsì-ɓɔlɛ rì ǹkɛ̀nì-fìtom anɛ miì. Nkpaakpaa saaɗ, m̀pwàa ɓi, ǹɗì ǹɗèsàg à ɓumɓɛ ɓɛ yin Ɓɛ̀yudɛ̀n, ànɛ a rèresi ɓɔ rìgherɛ̀n, rì saaɗ.

2 TIMOTE 1:11

Syeesyee à Ɓɔlɛ ànɛ̀n innɛ ɓɛ rɛsìghà mɛ̀ lɛ nlaàlamɓɛ̀n m̀ɓa ǹkɛ̀nì-fìtom rì ǹɗèsàg ànɛ miì.

Kaàtà ànɛ Pol à kàngà TIT 1:1

Mɛ̀ Pol ànɛ ǹɗì ǹkìì-kìsay a Bɛ̀ll, ǹki ɓa ti ǹkɛ̀nì-fìtom a Yeesus Kiris lɛ nsyoŋ̀ yì ɓumɓɛ ɓɛ ri ɓɛ̀ɓɔ̀nɛn lɛ ɓɛɛ gherɛn Bɛ̀ll, ɓɛ ki yi saaɗ ànɛ à rì yɛ̀ɛ rìgherɛ̀n ɗis ɗyɛɛ̀ kpaakpàà,

EBIREEGH 5:4

Mum à yin lɛ à falɛ̀n m̀ɓɔg wìn nyimiɗ, di Bɛ̀ll à reŋii ɓi nyi fɛlɛ yɛ̀ɛ à reŋìghà Arɔn.

EBIREEGH 7:26

Rìkuu ɗi nlàmì-ɓɛ̀pìrɛɛtìrɛ̀ àgwey ɗi ɗi ghɛɛ̀sɛɛ rì ɓìsi ɗyɛɛ ri Yeesus, lɛ à rì ǹtɛnɛn, kɛ̀ɛ̀ tìfin, kɛ̀ɛ̀ rìnàn, ɓɛ ghasìghà nyi rì ɓɛ̀kìì-kìɓe, à ki teŋmɛɛ à cee ɗyoo.

ZYAG 1:1

Mɛ̀ Zyag, ànɛ ǹɗì Ǹkìì-kìsay a Bɛ̀ll rì à Kan Yeesus Kiris, ǹkàni mɛ̀pwìɗ mɛ Isirayɛl, ǹtɛ̀ɗ ɗì mɛɓɛɛ̀ mɛ mɛ saàtɛ̀ngà zi bimiɗ. Ǹtògsii yàà!

1 PYƐƐRI 4:17

Ɓisuulɛ cààmɛ̀n ki ɓɛyɔ̀m ki kpaŋi, nni ɓɛ̀yɔ̀m ɓɛǹ ɓɛ tumɛɛ ɓi naa ì ɓum ɓɛ Bɛ̀ll. I ɓi ɓìsi nnɛ ɓɛ̀yɔ̀m ɓɛ tumɛɛ, rìsyɔn ɗi ɓumɓɛ ɓɛ ti ɓɛ ɓengì kì gherɛɛ Syeesyee à Ɓɔlɛ ɗi ri ɓa là?

2 PYƐƐRI 1:1

Mɛ̀ Simɔn Pyɛɛri ànɛ ǹɗì ǹkìì-kìsay, ǹki ɓa ti nkɛ̀nì-fìtom a Yeesus Kiris, ǹkàni ɓumɓɛ Bɛ̀ll à faghà rìkuu ɗi ntyweeyi ɗifog rì ɗinkis, ɓisu saaɗ à Yeesus Kiris à Bɛ̀ll wìs rì ǹghɛɓsì wìs.

ZYUUDƐ 1:1

Mɛ̀ Zyuudɛ ànɛ ǹɗì ǹkìì-kìsay a Yeesus Kiris, ǹki ɓa geni Zyag, mɛ̀ yɛɛ kaniì ɓumɓɛ Bɛ̀ll à reŋìghà kaàtà ànɛ. Ɓumɓɛ̀n Bɛ̀ll Seŋi a keesag ɓɔ, Yeesus Kiris, à ki ɓègi ɓɔ.

ÀPÒKÀLIƁSƐ̀ 1:1

Àpòkàliɓsɛ̀ à Yeesus Kiris, ànɛ Bɛ̀ll à faghà nyi lɛ a resi ɓɛ̀kìì-ɓìsay ɓii ɓiɓan ɓi ɓi ghɛɛ̀sɛɛ kì kìlɛɛ di maa cààmɛ̀n à ghaghii, ɓyɛɛ̀ɓi à kìghà lɛ ɓum ɓɛɛ yi, yɛ̀ɛ à romgày mum wiì à fìtom yɛ̀ɛ nkìì-kìsay wiì ànɛ lɛ Zyaŋ,

ÀPÒKÀLIƁSƐ̀ 22:6

Nni à kpaaghà mɛ̀ lɛ: Jɛ̀ɛ̀ yi yi ri miì, yi ki ɓa saaɗ. Kan Bɛ̀ll ànɛ ǹghay wìì a kɛ̀ɛ̀sag ɓɛkpaŋzì-ɓìɓan, nnyɛɛ nɗomiì mum wiì à fìtom lɛ a resi ɓɛ̀kìì-ɓìsay ɓii ɓiɓan ɓi ɓi ri ɓiì kìlɛɛ di maa cààmɛ̀n à ghaghii.

ÀPÒKÀLIƁSƐ̀ 22:9

Kìɓan kifog à kpaaghà mɛ̀ lɛ, kɔ̀ɔ fèghrɛn ki kìi com kidɛŋ fɔlɔɔ! Ǹɗì lɛ, mɛ̀ reŋkàŋ wɔ̀ɔ̀ a kìsay, ǹki ɓati reŋkàŋ à ɓɛ̀goni ɓɛ lɛ ɓɛ̀kpaŋzì-ɓìɓan, rì ɓɛ̀roɓɛ ɓɛɛ̀ ɓèŋɓeŋ jɛ̀ɛ̀ yi ɓi kaàtà ànɛ, Bɛ̀ll innɛ ɓɔgsi.