ÀPÒKÀLIƁSƐ̀ 9:21 - Bafia Nouveau Testament

²¹ Ɓɛ ɓengà kì lɔ̀ɔ̀ghrɛɛ mɛrem lɛ ɓɛɛ caɗ rìwowèy ɗi ɓum, rì ɓìɓan ɓi kifuu rì tìsɔ̀mɔ̀g, rì wii.

ÀPÒKÀLIƁSƐ̀ 9:21 Iomraidhean Croise

MATYOO 15:19

Ɓisuulɛ, ɓìɓeɓtàg ɓi mɛyitì, ri fèg à rìwey ɗi mum, rì tìsɔ̀mɔ̀g, rì cɛɓ ki sààsaa, ri wii, rì rìsasààgh ɗi ɓum ɓìɓan ɓi nyoo, rì tìfena ti Bɛ̀ll, ɓi ti ɓi pɛsàg yì ɓi nɗem wu mum.

2 KƆ̀RƐ̀ŊTYƐŊ 12:21

Ǹɗì rì mɛ̀riighrikì lɛ yɛ̀ɛ n-yùyuy foo, Bɛ̀ll wɛ̀m kɛ̀ɛ ɓa lɛ à rììsì mɛ̀ nto ɓi kìɓan kin, ǹki ghay lɛ ǹɗèn ɓisuu kigwey ki ɓum ki ki nka kìi kìɓe, ki rɔɓ kɛ̀ kɛɛ̀ lɔ̀ɔ̀ghrɛn mɛrem lɛ kɛɛ rini ɓìɓan ɓi tifin, rì tìsɔ̀mɔ̀g, rì cɛɓ ki sààsaa, ɓi ɓɛ nkìkii.

GÀLAT 5:20

rìɓɔgsì ɗi ɓinùn, majìg, bènà, momɓɛ̀n, m̀mììghrɛ̀n, rìbiìbìmɓɛ̀n, tìkaŋ ti mɛkɔ̀ɔ̀, ǹlànag rì ǹɗèè wu nɗem.

ÀPÒKÀLIƁSƐ̀ 13:13

Ì kìkì ɓɛ̀koŋnyoo ɓɛ ɓiɓan, à kpaŋ lɛ yɛ̀ɛ kɔsag yì ɗuu ɓi ɗyoo, ɗyɛɛ sɛǹ yì ɓi ziinɛ, ɓum ɓɛ̀cèm ɓɛ seesèè.

ÀPÒKÀLIƁSƐ̀ 13:15

Ɓɛ faghà nyàm ìmbog ìnɛ̀n ìtèɗ wulɛ yɛ̀ɛ ki lɛ kìfèèghrɛnà ki nyàm ì ǹtonto kɛɛ nyɛɛ̀nyɛ̀ŋɗɛ̀n lɛ di kɛɛ toòghrɛn ki ki lɛ, ɓɛɛ cuusi ɓum ɓɛ̀cèm ɓɛ ɓɛ ɓeni kìɓɔgsii kifèèghrɛnà ki ncèm kiǹ.

ÀPÒKÀLIƁSƐ̀ 13:7

Ɓɛ ki fa nyàm ìnɛn ìtèɗ wulɛ yɛ̀ɛ ɗuùzi ɓɔ wɛ̀y, ì yag ɓɔ. Ɓɛ fa yɔ̀ ìtèɗ wu yɛ̀ɛ lami ɓumɓɛ ɓi mɛ̀pwìɗ mɛ̀cèm, rì mɛ̀kuu mɛ̀cèm, rì ɓìtòkì ɓìcèm rì ɓìlɔ̀ŋ ɓìcèm.

ÀPÒKÀLIƁSƐ̀ 14:8

Nni ŋwaà-fìtom adɛŋ, ànɛ à ɓɔ̀ɓkày roà ǹtonto, à yùghà di a kpaakpaa lɛ: Baɓilon àgwey a kpìi, Baɓilon àgwey a kpìi; nnyɛɛ nɔsìghà ɓìlɔ̀ŋ ɓìcèm mɛ̀rɔ̀g mɛ ɓi cɛɓ kii ki tifin ki ki ri koŋnyòò.

ÀPÒKÀLIƁSƐ̀ 16:6

Ɓisuulɛ ɓɛ yogsìghà bwaɓ yi ɓɛgherɛ̀n rì yi ɓɛkpaŋzì-ɓìɓan, nni wɔ̀ɔ nfaa ɓɔ bwaɓ lɛ ɓɛɛ nɔ, ki ghɛɛ̀sɛɛ lɛ ɓɛɛ ki ɓɔ fɔlɔɔ.

ÀPÒKÀLIƁSƐ̀ 17:2

Rì nyi nnɛ mɛ̀fòm mɛ ɓi ziinɛ mɛ ɓaghà ɓi fìsɔ̀mɔ̀g, ɓumɓɛ ɓi ziinɛ ɓɛ ŋwaŋ rìnɔ ɗi mɛrɔ̀g mɛ ɓi cɛɓ kii ki tifin kìn.

ÀPÒKÀLIƁSƐ̀ 17:4

Giɓ anɛ̀n à waatɛ̀ngà ɓìlàà lɛ, rì ɓi ɓàŋ lɛ pɔŋŋ, rì ɓi ɓàŋ lɛ ɓùlùg-ɓùlùg, à ki waatɛn lɛ rì mɛ̀rɛ̀ŋ mɛ gol, rì mɛ ɓɛ kiì rì gɔ̀g yi ŋwèrim ŋwèrim, rì tìcaka. À ɓaghà rì ɓeŋ à gol ɓi càg, ànɛ à ɓaghà lɛ rì ɓìɓeɓtàg ɓi ɓiɓan, rì tìfin ti kiɓeɓtàg kii ki cɛɓ.

ÀPÒKÀLIƁSƐ̀ 17:5

Ɗii ɗidɛŋ ɗi ɓaghà nyi ɗìkànɛn ɓisu; azi anɛ ɓi ɗii ɗìn à ɓaghà kìɓan ki a rìnyam; ɗii ɗìn ɗi ɓaghà lɛ Baɓilon àgwey, à jɛɛ ɓɛ̀yiɓ ɓɛ riɓàmɓà rì ɓìɓan ɓi ɓeɓtɛn ɓi ɓi ziinɛ.

ÀPÒKÀLIƁSƐ̀ 18:3

ɓisuulɛ ɓìlɔ̀ŋ ɓìcèm ɓi nnɔɔ mɛ̀rɔ̀g mɛ cɛɓ kii ki tifin ki ki ri koŋnyoo; rì tì lɛ mɛ̀fòm mɛ ɓi ziinɛ mɛ nkìkii tìsɔ̀mɔ̀g ri nyi, ɓɛ̀kìì-dùne ɓɛ ɓi ziinɛ ɓɛ kum, lɛ coo gɛn à ìkum wiì.

ÀPÒKÀLIƁSƐ̀ 19:2

Ɓisuulɛ rìren ɗii ɗi ɓiɓan ɗi ri miì, ɗi ki ɓa lɛ saaɗ. Àa m̀pɔnɔsii coo giɓ a rìɓàmɓà ànɛ àa n-yooyògsì zi ri rìɓàmɓà ɗii, à ki rɔ̀ŋ bwaɓ yi ɓɛ̀kìì-ɓìsay ɓii ɓɛ à wowòlà.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.

ÀPÒKÀLIƁSƐ̀ 9:20

Ɓum ɓɛmɓog ɓɛ ɓìɓeɓtàg ɓi ɓyom ɓìn ɓi cuusìghà ɓi, ɓɛ ɓengà kìlɔ̀ɔ̀ghrɛɛ mɛrem lɛ ɓɛɛ caɗ ɓìnùn ɓi ɓɔmiɗ ɓɔ yɛɛ syaagh rì ɓyàg ɓyaa; fɔɔnnɛ ɓɛ kɛngà lɔŋ beèbɛ̀y ɗì rìɓɔɔ̀ɓɔ̀gsì ɗi ɓiɓeɓtàg ɓi mɛghay, rì ɓìnùn ɓi ɓi ri ɓì syaghɛn ri gol nsoò lɛ rì swiɗ à mɔ̀ɔ̀ni, nsoò lɛ rì bɔŋ idɛŋ, nsoò lɛ rì gɔ̀g, nsoò lɛ rì kìte; ɓìnùn ɓiǹ ɓyɛɛ yin lɛ ɓi ghɛnɛ̀n, ɓyɛ̀ kɛɛ̀ wooghrɛn, ɓyɛ̀ kɛɛ̀ ki kɛ̀ɛ̀ghi.