ÀPÒKÀLIƁSƐ̀ 8:3 - Bafia Nouveau Testament

³ Nni ŋwaà-fìtom adɛŋ à yùghà kì rɛlii ɓi jàŋ inɛ ɓɛɛ̀ tɔ̀ngi ɓituwe lɛ ɓɛɛ ɓɔgsi Bɛ̀ll rì ɓyɔ, à ɓanɓàngà maa cɔɔgh anɛ ɓɛɛ̀ tɔ̀ngi firu miì, maa cɔɔgh àǹcèm à ɓaghà ǹkìyɛn ɗi gol. Ɓɛ faghà ŋwaà-fìtom anɛ̀n tìrààre lɛɛ̀gwey lɛ a ɓɔgsi Bɛ̀ll rì tyɔ, bas rì bɔ̀ŋzɛ̀n yi ɓɛgherɛ̀n, ɓi com ki ɓɛɛ̀ tɔ̀ngi ɓituwe miì, ki ki ɓaghà Bɛ̀ll asu, ki ɓa kìkiyɛn ɗi gol.

ÀPÒKÀLIƁSƐ̀ 8:3 Iomraidhean Croise

LUKAS 1:10

Gwìy ì ɓɛ̀gherɛ̀n bimiɗ ì ɓaghà ɓiì kìkii bɔ̀ŋzɛ̀n ɓi dan, ɓi caàmàn ki ɓɛ m̀ɓɔsaagh Bɛ̀ll miì rì fìru fi tɔ̀nɛn.

RÒMƐŊ 8:34

Ghɛn yɛ̀ɛ rì min ɓɔ ɓiì faà bɛ̀lɛn? Yeesus Kiris à rì roànɛ à wughà, kɛ̀ɛ ki sugtɛn lɔŋ lɛ foo, à ghèmɓɛ̀n yì a ɓìloŋ, à rì ɓi weèlem à Bɛ̀ll, a ɓɔ̀ɔɓɔ̀ŋzì ɓisu wìs.

EBIREEGH 7:25

Fɔlɔɔ nnɛ à rì rì ìtèɗ wulɛ à ghɛɓsì lɛ kɔɔ̀kɔɔ̀ ɓumɓɛ ɓɛ tyoŋdɛɛ Bɛ̀ll jàŋbog, di ɓɛ fyee a lɔ̀ŋkii ɓisuulɛ, à rì lɔŋ cem cààmɛ̀n kìcèm, à ki ɓɔ̀ɔɓɔŋ̀zàg Bɛ̀ll ɓisu wàà.

EBIREEGH 9:4

Wɔɔ nnɛ jàŋ inɛ ɓɛ ntɔ̀ngì ɓyom ɓi nùnnumɛn i ɓaghà; jàŋ inɛ̀n ì ɓaghà gol rì gol; fìkɔrɔŋ fi riràrɛ̀n fi ɓaghà girig wɔɔ, fincèm fì pàmɛn ri gol; kìbɔkɔ̀ ki gol ki ɓaghà ɓi fìkɔrɔŋ fiǹ; ɓyom ɓi ɓaghà ɓi kìbɔkɔ̀, kiǹ lɛ: rì manà, rì kìgeŋ ki Arɔn ki ki sam̀gà, rì ɓìɓoŋ ɓi ɓi ɓaghà rì ɓìdɔ̀gsɛna ɓi ɓi bee inɛ lɛ, rì Bɛ̀ll rì ɓum.

ÀPÒKÀLIƁSƐ̀ 10:1

Nni ǹghɛngà kìtèetèɗ ki ŋwaà-fìtom kidɛŋ di kɛɛ̀ sɛnsɛn yi aɗyoo, kì waatɛn kikwìɗ, ǹsyèɗ wu ɓaghà nyi wu gheniyɛn ɓi nto, ìsu wu lonlòm yɛ̀ɛ ŋwos, mɛ̀kòò mii mɛ ɓa yɛ̀ɛ mɛ̀kwìy mɛ ɗùù.

ÀPÒKÀLIƁSƐ̀ 14:18

fɔɔnnɛ ŋwaà-fìtom adɛŋ ànɛ à làmìghà ɗuu, à kpagày ɓi com ki ɓɛɛ̀ tɔ̀ngi ɓyom miì ɓi rìɓɔgsì ɗi Bɛ̀ll, à kpaa roànɛ à ɓaghà rì zɛ̀m i mpooyɛn ɓi càg jɛ̀ɛ̀ aɗyoo lɛ: Pìgha zɛ̀m yɔɔ̀, u syaŋ ɓìjug ɓi viìnyɛ̀, ɓisuulɛ ɓìɗùn ɓi mɛ ɓàŋ.

ÀPÒKÀLIƁSƐ̀ 5:8

Lɔŋ yɛ̀ɛ à ghàɓkà kaàtà, nyàm yi kinìn, rì ɓìtùg ɓi ɓum ɓi ritin ɗì ɓinin, ɓi kuŋìghà Man à jɔ̀ɔ̀ asu, mum ǹcèm ànɛ ɓi ɓɔ, à ɓaghà ɓi càg lɛ rì fìloŋ rì ɓeŋ ànɛ à ɓaghà ǹkìyɛn ri gol, ǹɗonɛn rì tìrààre ti ti ri bɔ̀ŋzɛ̀n yi ɓɛgherɛ̀n.

ÀPÒKÀLIƁSƐ̀ 6:9

Yɛ̀ɛ Man à jɔ̀ɔ̀ à ŋwàɗkà sìtam̀ à kìtaǹ, nni ǹghɛngà mɛ̀ghay mɛ ɓumɓɛ ɓɛ cuusìghà ɓisuu jɛ̀ɛ̀ ì Bɛ̀ll, rì ɓisuu riɓa ɗyaa ɗi ɓɛ resìghà lɛ ɓɛ ri ɓɛ̀wusìnɛ̀ɗ ɓɛ Kiris. Mɛ̀ghay mɛ̀n mɛ ɓaghà ɓi jàŋ inɛ ɓɛ ntɔ̀ngì ɓìtuwe ɓi riɓɔgsì ɗi Bɛ̀ll fɛlɛ yì azi.

ÀPÒKÀLIƁSƐ̀ 7:2

Fɔɔnnɛ ǹghɛngà ŋwaà-fìtom adɛŋ di a ɓɔɓɔg yi ɓɛg ànɛ ŋwos a ti à kpagìì, à ɓanɓàn yì sìtam̀ à Bɛ̀ll ànɛ à rì cem ɓi càg. Nni à nyàmgà jɛ̀ɛ̀ aɗyoo, a kpaa kìnìn ki ɓum ɓɛ titom ɓɛ ɓɛ tekà ìtèɗ wulɛ, ɓɛɛ ki ziinɛ, ɗì rìɓày à kìkòn ǹtɔɓ lɛ:

ÀPÒKÀLIƁSƐ̀ 8:4

Fɔɔnnɛ fìsilì fi ɓyom ɓi lɛ rì tìrààre rì bɔ̀ŋzɛ̀n yi ɓɛgherɛ̀n ɓi syooghà ɓi càg ki ŋwaà-fìtom, fi ɓɔg Bɛ̀ll asu.

ÀPÒKÀLIƁSƐ̀ 8:5

Nni ŋwaà-fìtom a tekà maa cɔɔgh anɛ ɓɛɛ̀ tɔ̀ngi firu miì ànɛ̀n, à roòzì nyi rì ɗuu ɗi ɗi ɓaghà ɓi com ki ɓɛɛ̀ tɔ̀ngi ɓyom miì lɛ ɓɛɛ ɓɔgsi Bɛ̀ll, à pìg nyi ɓi zi; fɔɔnnɛ baàbàn ì tumɛ̀ngà rìɓoɓòg, ɓyoo gom ɓi ghaghààgh, ŋwàaŋwàɗ à kìkì, zi i nyɛ̀ɛ̀nyɛ̀ŋɗɛ̀n.

ÀPÒKÀLIƁSƐ̀ 9:13

Fɔɔnnɛ ŋwaà-fìtom a kìtaàfog à rɔgà ɗyam, ǹwog di jɛ̀ɛ̀ ì pɛ̀sɛɛ yì ɓi mɛ̀tɔŋ mɛ kinìn mɛ ɓi com ki gol rì gol ki ɓɛ ntɔ̀ngì ɓyom miì ɓi rìɓɔgsì ɗi Bɛ̀ll, com kìn kɛɛ rɛrɛ̀lìghà Bɛ̀ll asu.