ÀPÒKÀLIƁSƐ̀ 7:9 - Bafia Nouveau Testament

⁹ Ajɛ̀m ìnɛn nnɛ ǹghɛngà coo kituu ki ɓum ki mum à ɓaghà ɓi lɛ à ɓày, ɓumɓɛ̀n ɓɛ pɛsàkày ɓi ɓìlɔ̀ŋ ɓìcèm, rì ɓi mɛ̀pwìɗ mɛ̀cèm, rì mɛ̀kuu mɛ̀cèm, rì ɓìtòkì ɓìcèm; ɓɛ rɛrɛ̀lìghà asu wu ikɔ̀ɔ̀ wu rilàmì, rì ɓi mis mɛ Man à jɔ̀ɔ̀, ɓɛ waatàg ɓɛ̀kàɓà ɓɛ puɓ, ɓɛ ki ɓa ri maŋ ɓi ɓyàg.

ÀPÒKÀLIƁSƐ̀ 7:9 Iomraidhean Croise

LUKAS 12:1

Ɓi cààmɛ̀n kɔm̀ kiǹ, bàlì ì ɓɛ̀tɔɔsìm ɓɛ ɓum ì taŋzɛ̀ngà ɓi lèg ànɛ lɛ, ɓɛ̀ro ɓɛdɛŋ ɓɛ ɓɔɓɔ̀kà ɓɛ̀ro ɓɛm̀bog ɓi mɛ̀kòò. Nni Yeesus à lokà ki kpaa ɓɛ̀yilàg ɓii lɛ: Konaaghna rì nwìɗ à Ɓɛ̀fàrìzyɛŋ nnyɛ̀ɛ ri lɛ fyɛɛ̀-fyɛɛ̀ ɓi ŋwɔm, ìghèy ɓi ɗùm.

LUKAS 21:36

Fɔɔnnɛ kɔ̀riina cem, ɓì ki ɓɔ̀ɔɓɔŋzàg ɓyààmɛ̀n ɓìcèm, lɛ ɓi ɓa rì ìtèɗ wulɛ ɓi ceè ɓìɓan ɓi ɓi ri ɓiì kìlɛɛ, ɓì ki kpaŋ ɓi mis mɛ Man à mum mɛ̀rɛy.

ZYAŊ 12:13

Fɔɔnnɛ ɓɛ tekà maŋ mɛ mɛtɛn ɓɛ kpaŋ lɛ ɓɛɛ kɛǹ nyi kìɓoŋì. Ɓɛ kpaakpàà jɛ̀ɛ̀ aɗyoo lɛ: Ozana! Bɛ̀ll a maŋ rìfòm ɗi Isirayɛl, roànɛ a yùu yì ɓi ɗii ɗi Kan.

RÒMƐŊ 11:25

Ɓɔɔsoŋ̀, kìɓan kidɛŋ ki a rìnyam ki ri wɔɔ, kɛɛ̀ki ǹkɔ̀ni ɓi lɛ ɓi comɛn lɛ ɓì ɓiì ki ghɛnɛɛ miniì ɓɔmiɗ yɛ̀ɛ ɓum ɓɛ ɗyom̀zɛ̀n; kìɓan kiǹ kɛɛ ri lɛ, gàɓ ì ɓum ìnɛ a Isirayɛl ì yiìdi ri ìtèɗ wulɛ ì wog, wɔ̀lɛ kìɓan kiǹ ki ri ɓiì finɛɛ à kpaŋ yɛ̀ɛ ɓìlɔ̀ŋ ɓimbog ɓi ɓi yin Ɓɛ̀yudɛ̀n ɓìcèm ɓi ɓiì ɗiŋii ɓi gòri ì Bɛ̀ll.

EFÈZYƐŊ 6:13

Kìɓan kiǹ kɛɛ̀ki ɓì ghɛ̀ɛ̀sɛɛ kì wotii ɓyom ɓi ribaŋì ɓi Bɛ̀ll ɓìcèm, fɔɔnnɛ ɓi ɓa rì ìtèɗ wu cenɛn wɛ̀y, yɛ̀ɛ ŋwos a m̀ɓeɓɛn a ri kpaŋ fɔlɔɔ yɛɛ ri ɓa lɛ, i ɓyàa cee ɓɛ̀koŋnyoo ɓɛ̀cèm, ɓì rɔ̀ɓ mɛ̀rɛy.

EBIREEGH 11:12

Kìɓan kiǹ kɛɛ̀ki kìbog ki mum ki ki ɓaghà di kaa tɔ̀gti kiǹ, ki kighà boo ìnɛ ì tèghɛɛ fɛlɛ yɛ̀ɛ tyɔɛy ti aɗyoo, nsoò lɛ yɛ̀ɛ sɛɛ̀sɛɛ anɛ ɓi bèn ì rìɓày à kìkòn ànɛ ɓɛ yin lɛ ɓɛ ɓay.

EBIREEGH 12:22

Wɔ̀lɛ, ɓìi nkɛ̀ɛ jàŋbog rì dòn ì Siyon, jàŋbog rì bàn ì Bɛ̀ll ànɛ à rì cem, Yorisalɛm ànɛ aɗyoo, rì ɓum ɓɛ titom ɓìtuu ɓìtuu,

ÀPÒKÀLIƁSƐ̀ 11:15

Nni ŋwaà-fìtom a kìtaàɓɛ̀ɛ̀ a rɔgà ɗyam; fɔɔnnɛ ɓyoo jɛ̀ɛ̀ ɓi ɓaghày ɓi ɗyoo ɓi ɗùm, ɓi kpaakpàà lɛ: Kìlàmì ki zi ki cee ɓi ɓyàg ɓi Kan wìs, rì Mèsii wìì. À ɓiì làmii fiɗyàɓ fikɔ̀ɔ̀.

ÀPÒKÀLIƁSƐ̀ 22:3

Ǹcɛ̀m àa ɓa ti ɓi. Ikɔ̀ɔ̀ wu rilàmì wu Bɛ̀ll rì wu Man à jɔ̀ɔ̀ wu ri ɓa ɓi bàn ìnɛn, fɔɔnnɛ ɓɛ̀kìì-ɓìsay ɓɛ Bɛ̀ll ɓɛ ri ɓɔɔɓɔgsì nyi.

ÀPÒKÀLIƁSƐ̀ 3:18

nni ǹɗeɓi wɔ̀ lɛ u lag gol ìnɛ ɗuu ɗi ghaŋzii a lɔ̀ŋkɛm̀, di fɔɔnnɛ u ɓa rì ìkum, ù làg girig ɓìlàà ɓi puɓ lɛ u waàtɛn ɓyɔ, di ǹtoòrìɗ wɔɔ wulɛ ù rì kìtòn zɛy wɛ̀ kɛɛ̀ ghɛnɛn; ù ki làg boòboo ìnɛ lɛ u foŋɗɛn ɓi mis di fɔɔnnɛ u ghɛnɛn.

ÀPÒKÀLIƁSƐ̀ 4:4

Mɛ̀kɔ̀ɔ̀ mɛ rilàmì mɛdɛŋ rìtin ɗì mɛnin mɛ ceŋzɛ̀ngà ìkɔ̀ɔ̀ wu rilàmì wu ǹtonto; ɓìtùg ɓi ɓum rìtin ɗì ɓinin ɓi ɓaghà ɓìkɔ̀kɔriyɛn ɓi mɛ̀kɔ̀ɔ̀ mɛn, ɓi waatɛ̀n ɓìlàà ɓi puɓ, ɓyɔ tì rì ɓɛ̀tàm ɓɛ gol ɓi mɛ̀to.

ÀPÒKÀLIƁSƐ̀ 5:11

Nni ǹseesèèghà, ǹwog jɛ̀ɛ̀ ì kìtuu ki ɓum ɓɛ titom ki ki ceŋzɛ̀ngà ìkɔ̀ɔ̀ wu rilàmì, rì nyàm rì ɓìtùg ɓi ɓum; ɓum ɓɛ titom ɓɛ ɓaghà ɓɛ̀tɔɔsìm lɛ ɓɛ̀tɔɔsìm mɛ̀tin kɛ̀ɛ̀ bàlì.

ÀPÒKÀLIƁSƐ̀ 5:9

Fɔɔnnɛ ɓɛ kɛkɛ̀ghìghà fyem fi nyɔn di ɓɛɛ̀ kpaakpaa lɛ: Wɔ̀ yɛɛ ghɛɛ̀sɛɛ lɛ ù teɗ kaàtà ànɛ̀n, ù ɓɛkì ɓɛ̀sìtam̀ ɓɛ miì, ɓisuulɛ ɓɛ wolà wɔ̀, ù ki kwèɗ ɓumɓɛ ɓi mɛ̀pwìɗ mɛ̀cèm, ɓìtòkì ɓìcèm, mɛ̀kuu mɛ̀cèm, ɓìlɔ̀ŋ ɓìcèm ɓisuu Bɛ̀ll rì bwaɓ yɔɔ.

ÀPÒKÀLIƁSƐ̀ 6:11

Fɔɔnnɛ ɓɛ falàkà ɓɔ ɓɛ̀kàɓà ɓɛ puɓ ɓɛ tɔg ɓɔ lɛ ɓɛɛ ka ɓoŋdi ti lɛ tɛ̀tɛ̀rɛ̀ɛ̀ maa cààmɛ̀n lɛsàg à kpaŋ yɛ̀ɛ bàlì ì ɓɛ̀reŋkàŋ ɓaa ɓɛ kisay rì ɓɛ̀geni ɓaa ɓɛ ɓum ɓɛ ghɛɛ̀sɛɛ girig kì cuusii fɛlɛ yɛ̀ɛ ɓɛ cuusìghà ɓɔ, yɛ̀ɛ raɗ.

ÀPÒKÀLIƁSƐ̀ 7:8

rìpwìɗ ɗi Zaɓulon, ɓɛ̀tɔɔsìm ǹtɛ̀ɗ rì ɓɛɓɛɛ̀; rìpwìɗ ɗi Yoosɛɓ ɓɛ̀tɔɔsìm ǹtɛ̀ɗ rì ɓɛɓɛɛ̀; rìpwìɗ ɗi Bɛŋzyamɛŋ ɓum ɓɛ rèmziyɛn ri sìtam̀ ɓɛ̀tɔɔsìm ǹtɛ̀ɗ rì ɓɛɓɛɛ̀.