ÀPÒKÀLIƁSƐ̀ 7:3 - Bafia Nouveau Testament

³ Kɛ̀ ɓi kòm zi lɛ ɓi ki yɔ̀ kiɓe; nsoò rìɓày à kìkòn, nsoò ɓìte, di tì ka legsi ɓi kirèmzaagh mɛsu mɛ ɓɛ̀kìì-ɓìsay ɓɛ Bɛ̀ll wìs ri sìtam̀.

ÀPÒKÀLIƁSƐ̀ 7:3 Iomraidhean Croise

MATYOO 24:22

I mɛ̀ru mɛ̀n mɛ̀ kɛɛ̀ ɓa kìden, di nsoò mum bog à yin lɛ à ghɛɓ; wɔ̀lɛ ɓisuu ɓumɓɛ ɓɛ ri ɓɛ̀rɔ̀tɛn nnɛ mɛ̀ru mɛ̀n maa finɛn ɓi.

MATYOO 24:31

À romi gɛ ɓum ɓii ɓɛ titom rì ɗyam ɗigwey, ɓi mɛ̀fon mɛ zi mɛnin, lɛ ɓɛɛ taŋzɛn ɓum ɓii ɓɛ ɓɛ ri ɓɛ̀ ɓɔ̀nɛn ɓi zi bimiɗ rì ɓi ɓɛ̀tum ɓɛ zi ɓɛ̀cèm.

ZYAŊ 12:26

I mum à kɔ̀ni lɛ a ki mɛ̀ kìsay, a nɔɔ̀ti mɛ̀, fɔɔnnɛ ǹkìì-kìsay wɛm̀ à ɓiì ɓaà jàŋ inɛ mɛ̀ ǹɗì. Seŋi wɛ̀m à ɓiì ki kemzii ŋwaànɛ a kìki mɛ kìsay.

ZYAŊ 3:33

I mum à ki teri rìrèsì ɗii, di à gherɛɛ yɛɛ lɔɔ lɛ Bɛ̀ll à ti à kpaaghì saaɗ.

RÒMƐŊ 6:22

Nni ɓigomìnɛ ɓì ti ɓɛ̀ kòrɛn ɓi kìɓe, ɓì mɛ ki ghay ɓɛkpàn ɓɛ Bɛ̀ll, rìfɔ̀n ɗi ɓì rì rì ɗyɔ ɓi rìɓa ɗìn, ɗi ri cɛɓ ki ki ri kìtɛnɛn, rìsyɔn ɗi miì ɗi ɓa cɛɓ ki fiɗyàɓ fikɔ̀ɔ̀.

ÀPÒKÀLIƁSƐ̀ 13:16

Nyàm ì kìɓɛ̀ɛ̀ inɛ̀n ì kàŋkàŋgà lɛ rì ɓɔɓti rì ɓɛ̀sɛ̀ɛ̀mɛn rì ɓɛ̀guŋgum rì ɓɛ̀soghàsogha, rì ɓumɓɛ ɓɛ yin ɓɛkpàn rì ɓɛ̀roɓɛ ɓɛ ri ɓɛ̀kpàn, lɛ ɓɛ̀sɛ̀ɛ̀ ɓɛ̀cèm ɓɛɛ ɓalag rì kìrèmzɛnà ɓi càg ki weèlem, rì ɓisù,

ÀPÒKÀLIƁSƐ̀ 13:17

rì tì lɛ mum kɛ̀ɛ ɓa ri bee inɛ lɛ a lag com nsoò lɛ a kaɓ, di à yin ɗi kìrèmzɛnà kiǹ, kɛɛ ri ɗii ɗi nyàm ìnɛn, nsoò lɛ bàlì ì ɗii ɗi nyàm ìnɛn.

ÀPÒKÀLIƁSƐ̀ 14:1

Nni ǹseesèèghà, ǹghɛn Man à jɔ̀ɔ̀ ǹɗɛrɛliyɛn ɓi dòn ì Siyon, ǹɗaŋ ri ɓum ɓɛ̀tɔɔsìm mɛ̀tin taàɓɛ̀ɛ̀ rì ɓum ɓɛ̀tɔɔsìm ɓɛnin; ɓi mɛ̀su mɛ ɓumɓɛ̀n ɗii ɗii, rì ɗii ɗi Seŋi mɛ ɓaghà mɛ̀ kànɛn.

ÀPÒKÀLIƁSƐ̀ 14:9

Fɔɔnnɛ ŋwaà-fìtom a kìraa à nɔ̀ɔ̀tìghày di a kpaakpaa jɛ̀ɛ̀ aɗyoo lɛ: I mum à ɓɔgsii nyàm rì kìfèèghrɛnà ki yɔ̀ nsoò lɛ ɓɛ teɗ nyi kìrèmzɛnà ki nyàm ìnɛn ɓisu nsoò lɛ ɓi càg,

ÀPÒKÀLIƁSƐ̀ 19:2

Ɓisuulɛ rìren ɗii ɗi ɓiɓan ɗi ri miì, ɗi ki ɓa lɛ saaɗ. Àa m̀pɔnɔsii coo giɓ a rìɓàmɓà ànɛ àa n-yooyògsì zi ri rìɓàmɓà ɗii, à ki rɔ̀ŋ bwaɓ yi ɓɛ̀kìì-ɓìsay ɓii ɓɛ à wowòlà.

ÀPÒKÀLIƁSƐ̀ 20:4

Nni ǹghɛngà mɛ̀kɔ̀ɔ̀ mɛ rilàmì, ɓɛ faghà ɓumɓɛ ɓɛ kɔràkà ɓi mɛ̀kɔ̀ɔ̀ mɛǹ ìtèɗ wu yɔ̀myɔmɛn ɓiɓan; fɔɔnnɛ ǹghɛɛ̀dìghà mɛ̀ghay mɛ ɓum ɓɛ ɓɛ wowòlà ɓisuulɛ ɓɛ ɓaghà ɓɛ̀wusìnɛ̀ɗ ɓɛ Yeesus rì ɓɛ jɛ̀ɛ̀ ì Bɛ̀ll, rì ɓɛ̀roɓɛ ɓɛ ɓɔgsìghà ɓi nyàm ì mɛ̀to taàɓɛ̀ɛ̀, nsoò lɛ kìfèèghrɛnà ki yɔ̀, ɓɛ̀ kɛɛ̀ ki ɓa ri kìrèmzɛnà ki nyàm ìnɛn ɓisu nsoò lɛ ɓi càg. Fɔɔnnɛ ɓɛ ghemɓɛ̀ngà, ɓɛ ki làmi nɗaŋ ɗi Kiris bèg tɔɔsìm.

ÀPÒKÀLIƁSƐ̀ 22:4

Ɓɛ ki ghɛn ìsu wii, ɗii ɗìì ɗi ɓa ɗìkànɛn ɓi mɛ̀su maa.

ÀPÒKÀLIƁSƐ̀ 6:6

Ǹwokà gom ìdɛŋ yɛ̀ɛ ɓɛɛ̀ kali lɛ jɛ̀ɛ̀ yɛ̀ɛ tòtog ɓi nyìinyìm à nyàm yi kinìn di yɛɛ̀ kpaakpaa lɛ: Mità à gèŋ bog, ɓi mɛ̀lèɓ mɛ mɛ ghɛɛ̀sɛɛ rì kìsay ki ɓi bimiɗ à ŋwos, ɓɛ̀mità ɓɛ rikuu ɗi gèŋ ɗidɛŋ ɓɛraa ɓisuu mɛlèɓ mɛ kisay ki bimiɗ à ŋwos; ɓi ɓɛg ànɛ a mɔ̀ɔ rì mɛ̀rɔ̀g kɔ̀ɔ kòm ɓyɔ.

ÀPÒKÀLIƁSƐ̀ 7:1

Ajɛ̀m ìnɛn nni ǹghɛngà ɓum ɓɛ titom ɓɛnin ɗi ɓɛ rɛrɛlii ɓi mɛ̀fon mɛ zi mɛ kinìn mɛ ɓi ziinɛ, lɛ di bɛ̀ɓ yɛ̀ kɛɛ̀ kì ɓi ziinɛ nsoò ɓi rìɓày à kìkòn, nsoò ɓi kìte kifog.

ÀPÒKÀLIƁSƐ̀ 7:2

Fɔɔnnɛ ǹghɛngà ŋwaà-fìtom adɛŋ di a ɓɔɓɔg yi ɓɛg ànɛ ŋwos a ti à kpagìì, à ɓanɓàn yì sìtam̀ à Bɛ̀ll ànɛ à rì cem ɓi càg. Nni à nyàmgà jɛ̀ɛ̀ aɗyoo, a kpaa kìnìn ki ɓum ɓɛ titom ɓɛ ɓɛ tekà ìtèɗ wulɛ, ɓɛɛ ki ziinɛ, ɗì rìɓày à kìkòn ǹtɔɓ lɛ:

ÀPÒKÀLIƁSƐ̀ 9:4

Ɓɛ kpaa ɓìtàtàɗ ɓiǹ lɛ, ɓyɛ̀ kɛɛ̀ kòm caaɓi ki ɓi ziinɛ nsoò kìfog, nsoò kìtìbag, nsoò kìte kidɛŋ, lɔŋ ɓumɓɛ ɓɛ yin ɗi sìtam̀ à Bɛ̀ll ɓisu ɓɛɛ̀ɓɛ ɓi ghɛɛ̀sɛɛ kì kìi kiɓe ɓɔ rì ɓɔ.