ÀPÒKÀLIƁSƐ̀ 7:16 - Bafia Nouveau Testament

¹⁶ Ɓaa wogtii gɛ ɓi zày, ɓɛ̀ kɛɛ̀ wogti kinɔli nsoò ŋwos kɛ̀ɛ ɓogti ɓɔ, ɓɛ̀ kɛɛ̀ ki wogti nsoò cɔ̀ɔ̀zɛ̀n.

ÀPÒKÀLIƁSƐ̀ 7:16 Iomraidhean Croise

MATYOO 13:21

kìɓan kìfog jɛ̀ɛ̀ yɛ̀ kɛɛ̀ ɓag gàŋ ɓi ǹɗem wìì; i à ɓèŋi yɔ̀ ɓi maa cààmɛ̀n, i mɛ̀tɔɓ rì ǹ-yeesɛ̀n ɓi ghɛnɛɛ a lɔ̀ŋkii ɓisuu jɛ̀ɛ̀ ìnɛn, lɔŋ lɛ à kɛ̀ɓtɛɛ fìɓàg.

MATYOO 13:6

Wɔ̀lɛ yɛ̀ɛ ŋwos à kpagày, à ɗigsì ɓyom ɓi ɓi roòghà ɓiǹ, mɛ̀ɗyèm mɛ womdàg lɛ ɓi ɓaghà ɓi ri gàŋ.

MATYOO 5:6

Mààgh rì ɓumɓɛ ɓɛ ri rì coo zày lɛ, di saaɗ áa ɓaa, lɛ ɓɛ ɓiì wurii.

MARIKUS 4:17

kìɓan kifog, ɓɔ kɛ̀ɛ gàŋ; ɓɛ ri làg lɛ ŋɛ̀ɛ̀ghŋɛ̀ɛ̀gh lɛ i ɓɛ tanɛɛ rì ntɔɓ, nsoò lɛ ǹyeèsɛ̀n àdɛŋ ɓisuu kiɓan ki Bɛ̀ll, lɔŋ lɛ ɓɛ naŋi rìgherɛ̀n.

MARIKUS 4:6

Wɔ̀lɛ yɛ̀ɛ ŋwos a kpagày ɓyom ɓi ɗig, mɛ̀ɗyèm mɛ wom̀dàg lɛ ɓi ɓaghà kɛ̀ɛ̀ gàŋ.

LUKAS 1:53

ɓumɓɛ ɓɛ wowòkà zày à faghà ɓɔ ìkum lɛɛ̀gwey; ɓɛ̀guŋgum, à nàɓ ɓɔ ɓyàg zɛy.

LUKAS 6:21

Mààgh rì mìni ɓɛ ɓi wowog zày ɓigomìnɛ, ɓisuulɛ ɓì ɓiì wurii! Mìni ɓɛ ɓi rènɗen ɓigomìnɛ, mààgh rì mìni lɛ ɓì rì ɓiì wɔ̀li.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAG 1:11

Ŋwos a pɛ̀sɛ̀n yì rì rìtɔ̀n ɗii ɗi syàn, à kì lɛ caaɓi kɛɛ womdag, kìsàmà ki caaɓi kiǹ ki kpi, kìrɔɔ ki kɔ ɓɛ̀ kɛɛ̀ ghɛɛ̀di. Fɔlɔɔ nnɛ guŋgum a rì ɓiì wom̀daagh ɓi ɓìɓan ɓìcèm ɓi a kìkì.

ÀPÒKÀLIƁSƐ̀ 21:4

À ɓiì tɔ̀saagh misì mɛ̀cèm mɛ ɓɔ ɓi mis; fɔɔnnɛ rìwu ɗyaa ɓa ti ɓi nsoò ɓìlɛ̀ɓì, ǹsoò ɓìkiŋ, nsoò rìkɛŋ, ɗyɛ̀ kɛɛ̀ ɓa ti, ɓisuulɛ ɓìɓan ɓi ǹtonto ɓìn ɓi mɛ ghaàgh.