ÀPÒKÀLIƁSƐ̀ 7:15 - Bafia Nouveau Testament

¹⁵ Kìɓan kiǹ kɛɛ̀ki ɓɛ rɛrɛlii miì asu wu ikɔ̀ɔ̀ wu rilàmì wu Bɛ̀ll, ɓɛ ki ɓɔɔɓɔgsì nyi yɛ̀ɛ ìru yɛ̀ɛ ŋwos ɓi naa yìì. Yɛ̀ɛ roànɛ à rì ǹkɔ̀kɔriyɛn ɓi-kɔ̀ɔ̀ wu rilàmì, à rì toŋ kìnuugh kii à foŋ ɓɔ miì.

ÀPÒKÀLIƁSƐ̀ 7:15 Iomraidhean Croise

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

1 KƆ̀RƐ̀ŊTYƐŊ 3:16

Ɓì yii ɓi lɛ mìni yɛɛ ri naa ìnɛ Bɛ̀ll à kɔ̀kɔrii miì, rì tì lɛ Ǹghay à Bɛ̀ll à rì ɓi mìni.

2 KƆ̀RƐ̀ŊTYƐŊ 6:16

Naà-Bɛ̀ll ì wuɓsɛɛ ɓi cɛ ri ɓìnùn ɓi zɛy? Lɛ ɓìsii ri naà-Bɛ̀ll ì Bɛ̀ll ànɛ à rì cem lɔŋ yɛ̀ɛ Bɛ̀ll à kpaaghà lɛ: Ǹkìi gɛ lɛ, ǹkɔ̀rì ǹki kɛ̀ɛ̀kɛɛ ɓi nyìinyìm wàà, m̀ɓaa gɛ Bɛ̀ll wàà, ɓɔɔ ɓa ɓum ɓɛm.

EBIREEGH 12:2

Tì seesèè lɔŋ Yeesus ànɛ rìgherɛ̀n ɗis ɗi sasaghii nto ɓi nyi, à tumɛ̀n a rìtumɛ̀n à kpaŋ a rìsugtɛ̀n. Yeesus ànɛ̀n yɛɛ cenɛ̀ngà rìwu ɗi ɓi Kɔrɔs, kɛ̀ɛ tɔg com rì ntoòrìɗ wu à wokà, lɛ à seesèèghà kìrɔɔ ki ki ɓoŋɓòŋgà nyi; ɓi gomìnɛ, à kɔ̀kɔrii ɓi weèlem à ìkɔ̀ɔ̀ wu rilàmì wu Bɛ̀ll.

EBIREEGH 8:1

Ɓi ɓìɓan ɓi ti kpaakpàà, ki ki cee kɛɛ ri lɛ, tì rì rì ǹlàmì-ɓɛ̀pìrɛɛtìrɛ̀ àgwey ànɛ, à kɛ̀ngà kì kɔ̀rii ɓi weèlem à rìlàmì ɗi Bɛ̀ll, ɓi ɗyoo ɓi ɗùm,

ÀPÒKÀLIƁSƐ̀ 11:19

Nni naà-Bɛ̀ll ìnɛ ì rì ɓi ɗyoo ɓi ɗùm ì ŋwàrɛ̀ngà, fìkɔrɔŋ fii fi riràrɛ̀n fi seèsèèrɛ̀n yì ɓi naa yìì ɓi ɗùm. Fɔɔnnɛ ŋwàaŋwàɗ à tumɛ̀ngà rìŋwàŋwàɗ, ɓyoo gom ɓi jɛ̀ɛ̀ ɓi ghaghààgh, baàbàn ì ɓoɓòg, zi i nyɛ̀ɛ̀nyɛ̀ŋɗɛ̀n, bol ì gɔ̀g ì sùùsùùrɛ̀n.

ÀPÒKÀLIƁSƐ̀ 13:6

Nni ì pinìghà ŋwɔm lɛ yɛ̀ɛ fengi Bɛ̀ll, rì ɗii ɗi Bɛ̀ll, rì kìnuugh ki Bɛ̀ll, rì ɓum ɓɛ̀cèm ɓɛ ɓɛ ri ɓi ɗyoo ɓiɗùm.

ÀPÒKÀLIƁSƐ̀ 20:10

Fɔɔnnɛ ɓɛ pikà Satàn anɛ à yègsìghà ɓɔ ɓi kìràà ki ɗuu rì ǹdùsi, jàŋ inɛ ɓɛ ri lɛ, rì nyàm rì ǹkpaŋzì-ɓìɓan ɓi ɓɛpwàà. Ɓɛ ri wowoogh gɛ mɛ̀tɔɓ yɛ̀ɛ ìru yɛ̀ɛ ŋwos fiɗyàɓ fikɔ̀ɔ̀.

ÀPÒKÀLIƁSƐ̀ 21:22

Ǹghɛngà ɓi naà-Bɛ̀ll wɔɔ ɓisuulɛ Kan Bɛ̀ll à ìtèɗ wucèm rì Man à jɔ̀ɔ̀ ɓɔ yɛɛ ri naà-Bɛ̀ll ìnɛ wɔɔ.

ÀPÒKÀLIƁSƐ̀ 22:3

Ǹcɛ̀m àa ɓa ti ɓi. Ikɔ̀ɔ̀ wu rilàmì wu Bɛ̀ll rì wu Man à jɔ̀ɔ̀ wu ri ɓa ɓi bàn ìnɛn, fɔɔnnɛ ɓɛ̀kìì-ɓìsay ɓɛ Bɛ̀ll ɓɛ ri ɓɔɔɓɔgsì nyi.

ÀPÒKÀLIƁSƐ̀ 22:5

Ìru waa ɓati ɓi, ɓumɓɛ̀n ɓɛ̀ kɛɛ̀ ɓati ri zày ì kìtɛɛtɛn ki lamɓà, nsoò ki ŋwos ɓisuulɛ Kan Bɛ̀ll à rì ɓɔ ɓiì kpeekpeŋzì rì kìtɛɛtɛn kii, fɔɔnnɛ ɓɛ ɓiì làmii fiɗyàɓ fikɔ̀ɔ̀.

ÀPÒKÀLIƁSƐ̀ 4:4

Mɛ̀kɔ̀ɔ̀ mɛ rilàmì mɛdɛŋ rìtin ɗì mɛnin mɛ ceŋzɛ̀ngà ìkɔ̀ɔ̀ wu rilàmì wu ǹtonto; ɓìtùg ɓi ɓum rìtin ɗì ɓinin ɓi ɓaghà ɓìkɔ̀kɔriyɛn ɓi mɛ̀kɔ̀ɔ̀ mɛn, ɓi waatɛ̀n ɓìlàà ɓi puɓ, ɓyɔ tì rì ɓɛ̀tàm ɓɛ gol ɓi mɛ̀to.

ÀPÒKÀLIƁSƐ̀ 4:8

Nyàm yi kinìn yiǹ yi ɓalàkà lɛ, nyàm bog mɛ̀keɓ taàfog, yɔ̀ mis nyoo bimiɗ lɛ rì ɓi ɗùm, rì ɓi ɓyàs. Fɔɔnnɛ yɛ̀ɛ ìru yɛ̀ɛ ŋwos, ɓɛ fɔli ɓi rikakàlì lɛ: Kan Bɛ̀ll à ìtèɗ wucèm à rì ǹtɛnɛn, à rì ǹtɛnɛn, à rì ǹtɛnɛn, Bɛ̀ll ànɛn yɛɛ, ɓaghà nnyɛɛ ri nnyɛɛ̀ ki yùyuiy.

ÀPÒKÀLIƁSƐ̀ 4:9

Nni cààmɛ̀n kìcèm ki nyàm yiǹ yi fafàghà roànɛ à kɔ̀kɔrii ɓi-kɔ̀ɔ̀ wu rilàmì, ànɛ à rì cem fiɗyàɓ fikɔ̀ɔ̀ lɛ, rì rìkem, rì bɔgsɛ̀n,

ÀPÒKÀLIƁSƐ̀ 7:9

Ajɛ̀m ìnɛn nnɛ ǹghɛngà coo kituu ki ɓum ki mum à ɓaghà ɓi lɛ à ɓày, ɓumɓɛ̀n ɓɛ pɛsàkày ɓi ɓìlɔ̀ŋ ɓìcèm, rì ɓi mɛ̀pwìɗ mɛ̀cèm, rì mɛ̀kuu mɛ̀cèm, rì ɓìtòkì ɓìcèm; ɓɛ rɛrɛ̀lìghà asu wu ikɔ̀ɔ̀ wu rilàmì, rì ɓi mis mɛ Man à jɔ̀ɔ̀, ɓɛ waatàg ɓɛ̀kàɓà ɓɛ puɓ, ɓɛ ki ɓa ri maŋ ɓi ɓyàg.