ÀPÒKÀLIƁSƐ̀ 7:10 - Bafia Nouveau Testament

¹⁰ Ɓɛ kpaàkpàgsɛ̀n jɛ̀ɛ̀ aɗyoo lɛ: Ǹghɛɓsɛn wu ti wu ɓalàg yì yɛ̀ɛ Bɛ̀ll wìs anɛ à kɔ̀kɔrii ɓi-kɔ̀ɔ̀ wu rilàmì, rì yɛ̀ɛ Man à jɔ̀ɔ̀.

ÀPÒKÀLIƁSƐ̀ 7:10 Iomraidhean Croise

LUKAS 3:6

Fɔlɔɔ nnɛ mum bimiɗ à ɓiì ghɛɛ gòri ì Bɛ̀ll.

ZYAŊ 1:29

Ɓi duri tana, Zyaŋ à ghɛngà di Yeesus à tiì a lɔ̀ŋkii, à kpaa lɛ man à jɔ̀ɔ̀ à Bɛ̀ll ànɛ a pipisi kiɓe ki ɓum ɓi ziinɛ yɛɛ ri lɛ.

ZYAŊ 1:36

Yɛ̀ɛ à ghɛngà di Yeesus a ghaghààgh, nni à kpaaghà lɛ: Man à jɔ̀ɔ̀ à Bɛ̀ll innɛ.

ZYAŊ 4:22

Lɛ mìniì ɓɔɔɓɔgsì com ki ɓì yii ɓi, ɓìsiì ɓɔɔɓɔgsì com ki tì yii, lɛ gòri ì ɓum ì pɛ̀sɛɛ yì a Ɓɛ̀yudɛ̀n.

EFÈZYƐŊ 2:8

Ɓisuulɛ ɓì rì ɓɛ̀kòrɛn lɛ geesɛ̀n ì Bɛ̀ll, ɓi bee ì rìgherɛ̀n ɗi ɓì gherɛɛ nyi; ki kilɛɛ ɓi fɔlɔɔ lɛ rìkì ɗin, ki ri lɔŋ rifa ɗi Bɛ̀ll.

ÀPÒKÀLIƁSƐ̀ 12:10

Fɔɔnnɛ ǹwokà di coo jɛ̀ɛ̀ kɛɛ̀ kpaakpaa yi ɓi ɗyoo lɛ: Cààmɛ̀n ki gòri rì ìtèɗ, rì kìlàmì ki Bɛ̀ll, kɛɛ ti lɛ ɓigomìnɛ, rì ìtèɗ wu rilàmì ɗi Kiris wìì, ɓisuulɛ ɓɛ mɛ tyɔg roànɛ à ti à sɔmàg ɓɛ̀geni ɓis, lɛ nnyɛɛ nti à sɔmàg ɓɔ yɛ̀ɛ ìru yɛ̀ɛ ŋwos, ɓi mis mɛ Bɛ̀ll.

ÀPÒKÀLIƁSƐ̀ 19:1

Ajɛ̀m ìnɛn ǹwokà coo jɛ̀ɛ̀, ì pisɛ̀n yɛ̀ɛ jɛ̀ɛ̀ ì coo kituu ki ɓum kɛɛ ri ɓi ɗyoo ɓi ɗùm ki kpaakpàà lɛ: Alèluyà! Gòri, rìkem, rì ìtèɗ, ɓi ri ɓyom ɓi Bɛ̀ll wìs.

ÀPÒKÀLIƁSƐ̀ 21:5

Fɔɔnnɛ roànɛ à ɓaghà ǹkɔ̀kɔriyɛn ɓi-kɔ̀ɔ̀ wu rilàmì à kpaaghà lɛ: Ɓyom ɓìcèm ɓyɛɛ̀ ɓi m̀pɛ̀ɛ̀zii lɛ nyɔn; à ki kpaa lɛ: Kàna! ɓisuulɛ jɛ̀ɛ̀ yi yi ri miì, yi ki ɓa saaɗ.

ÀPÒKÀLIƁSƐ̀ 22:3

Ǹcɛ̀m àa ɓa ti ɓi. Ikɔ̀ɔ̀ wu rilàmì wu Bɛ̀ll rì wu Man à jɔ̀ɔ̀ wu ri ɓa ɓi bàn ìnɛn, fɔɔnnɛ ɓɛ̀kìì-ɓìsay ɓɛ Bɛ̀ll ɓɛ ri ɓɔɔɓɔgsì nyi.

ÀPÒKÀLIƁSƐ̀ 4:6

Tì tì fɛlɛ asu wu ikɔ̀ɔ̀ wu rilàmì, jàŋ i ghay lɔŋ yɛ̀ɛ rìɓày ànɛ à rì ɓɛ̀ŋwii rì ɓɛ̀ŋwii, ì lònlòm yɛ̀ɛ maa kìpɛsà à ŋwii. Ɓi nyìinyìm à ìkɔ̀ɔ̀ wu rilàmì rì ɓi mɛ̀wɔŋì, nyàm yi ɓaghà yinin, yɔ yì ronɛn ri mis jàŋ bimiɗ lɛ, rì asu rì ajɛ̀m.

ÀPÒKÀLIƁSƐ̀ 5:7

Nni à yùghà, à teɗ kaàtà ànɛ à ɓaghà ànɛ̀n ɓi weèlem à roànɛ à kɔ̀kɔrii ɓi-kɔ̀ɔ̀ wu rilàmì.