ÀPÒKÀLIƁSƐ̀ 6:17 - Bafia Nouveau Testament

¹⁷ ɓisuulɛ coo ŋwos a rìbaŋì ɗyaa a mɛ kpaŋ, nni ghɛn yɛɛ ri ɓiì cenɛɛ?

ÀPÒKÀLIƁSƐ̀ 6:17 Iomraidhean Croise

LUKAS 21:36

Fɔɔnnɛ kɔ̀riina cem, ɓì ki ɓɔ̀ɔɓɔŋzàg ɓyààmɛ̀n ɓìcèm, lɛ ɓi ɓa rì ìtèɗ wulɛ ɓi ceè ɓìɓan ɓi ɓi ri ɓiì kìlɛɛ, ɓì ki kpaŋ ɓi mis mɛ Man à mum mɛ̀rɛy.

RÒMƐŊ 2:5

Kìɓan kifog, rìɓa ɗi ǹɗem wɔɔ wu ri wù tèrɛn, rì yɛ̀ɛ ù kɔ̀ni ɓi lɛ u lɔɔ̀ghrɛn ǹɗem, u taataŋzàg wɛ̀ɛmiɗ coo bim i Bɛ̀ll ɓi nyòò; bim inɛ̀n ì ri rèsɛn ŋwos anɛ Bɛ̀ll à ri sàɗ bim yiì; ŋwos anɛ̀n rìren ɗii ɗi ɓiɓan ɗi ɗi ri lɛ saaɗ ɗi ri yilɛ̀n,

ZYUUDƐ 1:6

Ɓum ɓɛ titom ɓɛ ɓɛ ɓegà ɓi rigwey ɗi Bɛ̀ll à rɛsìghà ɓɔ miì, kìɓan kifog ɓɛ pɛsɛ̀n ɓi-kɔ̀ɔ̀ wu wu ɓaghà wuŋkaa, Bɛ̀ll a maà ɓèŋɓèŋ ɓɔ ɓɛ̀kàgakɛn ɓi mɛ̀sɛ̀ŋi cààmɛ̀n kìcèm ɓi birìm ɓiɗùm ɓɛ ɓoŋɓòŋ coo gòn i ɓɛ̀yɔ̀m.

ÀPÒKÀLIƁSƐ̀ 11:18

Ɓìlɔ̀ŋ ɓi wokà bim, kìɓan kifog, cààmɛ̀n ki lɛ bim yɔɔ̀ yɛ̀ɛ ghɛnɛn ki yuù, rì ki lɛ u yɔm̀ ɓìloŋ; rì cààmɛ̀n ki lɛ u leɓ ɓɛ̀kìì-ɓìsay ɓɔɔ ɓɛ lɛ ɓɛ̀kpaŋzì-ɓìɓan, rì ɓɛ̀gherɛ̀n rì ɓumɓɛ ɓɛ ti ɓɛ nigì ɗii ɗyɔɔ, lɛ rì ɓɔɓti rì ɓɛ̀sɛ̀ɛ̀mɛn; cààmɛ̀n ki lɛ u cuùsi ɓumɓɛ ɓɛɛ̀ yooyogsì ziinɛ ki kpaŋi.

ÀPÒKÀLIƁSƐ̀ 16:14

Ɓi ri ɓìɓeɓtàg ɓi mɛghay ɓi ɓyɛɛ̀ kìki dàm, ɓi ki kɛ̀ngi a mɛ̀fòm mɛ ɓi ziinɛ bimiɗ, lɛ ɓyɛɛ taŋzɛn mɔ ɓisuu wɛ̀y wu wu ri ɓiì ɓaà ɓi coo gòn i Bɛ̀ll ànɛ à rì rì ìtèɗ wucèm.