ÀPÒKÀLIƁSƐ̀ 6:16 - Bafia Nouveau Testament

¹⁶ Di ɓɛɛ̀ kpaakpaa dòn rì mɛ̀ɓan lɛ: Kpìlaaghna ɓìsi ɓi nyoo, ɓi lɔg ɓìsi di tyɛ̀ ki wuɓsɛn ti ìsu wu roànɛ à kɔ̀kɔrii ɓi-kɔ̀ɔ̀ wu rilàmì, tyɛ̀ ki ki wuɓsɛn ribaŋì ɗi Man à jɔ̀ɔ̀;

ÀPÒKÀLIƁSƐ̀ 6:16 Iomraidhean Croise

MATYOO 26:64

Yeesus à ɓàg nyi lɛ: Wàa kpaà. Nni ǹki kpaatii mìni lɛ, à tumɛ̀n ɓigomìnɛ, ɓì ri ghɛn Man à mum di à kɔ̀kɔrii ɓi weèlem à Bɛ̀ll à ìtèɗ wucèm, ɓì ki ghɛɛ̀di nyi di a yùyuiy aɗyoo ɓi ɓìkwìɗ.

MARIKUS 3:5

Fɔɔnnɛ Yeesus à kɛɛ̀sìghà mis ɓi ɓumɓɛ̀n di a wowog bim, rì ǹɗemi-kɛŋɛn ɓi kìtèri kaa ki ǹɗem, à kpaa min ŋwaànɛ à ɓaghà càg kiɓɔmɛn lɛ: Nàma càg kɔɔ, ŋwaànɛ̀n a nàm càg kii kiǹ, ki sugtì lɛ syeesyee.

LUKAS 23:30

Ɓi cààmɛ̀n kiǹ innɛ ɓum ɓɛ tumɛɛ gɛ rìkpaakpàà ɗi dòn lɛ, dòn yi kpìina ɓìsi ɓi nyòò! Ɓɛ ki kpaakpaa ɓikèekèy lɛ sigtɛɛna ɓìsi.

ÀPÒKÀLIƁSƐ̀ 10:6

fɔɔnnɛ à kànɛ̀ngà bɛ̀ɗ ɓi ɗii ɗi roànɛ a ghɛghɛɓ fiɗyàɓ fikɔ̀ɔ̀, ànɛ à kìghà ɗyoo rì ɓyom ɓìcèm ɓi ɓi ri miì, à kì lɛ rì zi rì ɓyom ɓi ɓi ri miì, à kì lɛ rì rìɓày à kìkòn, rì ɓyom ɓi ɓi ri miì; à kànɛ̀ngà bɛ̀ɗ lɛ cààmɛ̀n ki lɛ ɓum ɓɛɛ ɓuŋɛn kaa ɓa ti ɓi,

ÀPÒKÀLIƁSƐ̀ 19:15

Gàfàg ì mpooyɛn i kpaŋ yì nyi ɓi ŋwɔm lɛ a ɓog ɓìlɔ̀ŋ ri yɔ̀; à rì ɓyɔ ɓiì kɛ̀ɛ̀sii ri ǹkpas wu bɔŋ, à ki saɓ ɓiɗùn ɓi viìnyɛ̀ ɓi wayɗ wu mɛrɔ̀g mɛ coo bim i Bɛ̀ll à ìtèɗ wucèm.

ÀPÒKÀLIƁSƐ̀ 20:11

Nni ǹghɛngà ìkɔ̀ɔ̀ wu rilàmì wu puɓ, ɗì roànɛ à kɔ̀kɔ̀rìghà miì. Zi rì ɗyoo ɓi ghɛŋìghà ɓi mis mii ɓyɛ̀ kɛɛ̀ ɓa ti ri ìkɔ̀ɔ̀.

ÀPÒKÀLIƁSƐ̀ 4:2

Fɔɔnnɛ Ǹghay à ghàskà kìsɛnì ɓi mɛ̀, ǹghɛn ìkɔ̀ɔ̀ wu rilàmì wɔɔ ɓi ɗyoo, mum miì ǹkɔ̀kɔriyɛn.

ÀPÒKÀLIƁSƐ̀ 4:5

Ɓi-kɔ̀ɔ̀ wu rilàmì wiǹ, ŋwàaŋwàɗ à ŋwàŋwàɗkà, gom, rì baàbàn ɓi fafàŋìghày miì. Ɓɛ̀lamɓà taàɓɛ̀ɛ̀ ɓɛ roòròò lɛ pàŋ pàŋ asu wu ikɔ̀ɔ̀ wu rilàmì, ɓɛ̀lamɓà ɓɛǹ ɓɛ ri mɛ̀ghay mɛ Bɛ̀ll mɛ kitaàɓɛ̀ɛ̀.

ÀPÒKÀLIƁSƐ̀ 4:9

Nni cààmɛ̀n kìcèm ki nyàm yiǹ yi fafàghà roànɛ à kɔ̀kɔrii ɓi-kɔ̀ɔ̀ wu rilàmì, ànɛ à rì cem fiɗyàɓ fikɔ̀ɔ̀ lɛ, rì rìkem, rì bɔgsɛ̀n,

ÀPÒKÀLIƁSƐ̀ 5:1

Nni ǹghɛngà ɓi weèlem à roànɛ à kɔ̀kɔ̀rìghà ɓi-kɔ̀ɔ̀ wu rilàmì, kaàtà àdɛŋ ànɛ à ɓaghà ǹkànɛn lɛ rì ɓi ɗùm rì ɓi ɓyàs, ɓɛ̀sìtam̀ miì ɓɛ̀ ɓaatiyɛn taàɓɛ̀ɛ̀.

ÀPÒKÀLIƁSƐ̀ 6:10

Ɓɛ nyàmgà jɛ̀ɛ̀ aɗyoo lɛ: Wɔ̀ Kan ànɛ ù rì ǹtɛnɛn, ù ki ɓa kɔɔ̀kɔɔ̀ à Bɛ̀ll, ù rì ɓiì ɓooɓoŋ̀zì ɓɛ̀yɔ̀m, ɗì rìrɔ̀ŋ ɗi bwaɓ yis yi ɓumɓɛ ɓi ziinɛ ɓɛ yogsìghà à kpaŋ fin?

ÀPÒKÀLIƁSƐ̀ 9:6

Ɓi mɛ̀ru mɛ̀n, ɓum ɓɛ ri kaakaa gɛ bee inɛ lɛ ɓɛɛ wu, ɓɛ̀ kɛɛ̀ ghɛn ki kɔnkɔ̀n ɓɔ lɛ ɓɛɛ cuu, wɔ̀lɛ rìwu ɗi ghɛŋì ɓɔ fìràɓ.